| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10-11. саман̣асуд̇д̇аад̣̇иван̣н̣анаа
10-11. Samaṇasuttādivaṇṇanā
241-2. д̣̇асамз сзсабад̣̇зсубийд̇и ‘‘ид̇ха д̣̇уд̇ияо саман̣о’’д̇иаад̣̇ийсу сзсабад̣̇зсуби. яат̇аа хи ‘‘вивижжзва гаамзхий’’д̇и (д̣̇ий. ни. 1.226; ма. ни. 1.271, 287, 297; сам̣. ни. 2.152; а. ни. 4.123) зд̇т̇а гад̇о нияамо ‘‘вивижжа агусалзхий’’д̇и зд̇т̇ааби гад̇оязва ход̇и саавад̇хааран̣аад̇т̇асса ижчид̇аб̣б̣ад̇д̇аа, звамид̇хаабийд̇и. д̇знааха ‘‘д̣̇уд̇ияаад̣̇аяоби хий’’д̇иаад̣̇и. сааман̃н̃апалаад̇хиг̇амавасзна ниббарияааяад̇о саман̣абхаавод̇и д̇зсам̣ васзнзд̇т̇а жад̇д̇ааро саман̣аа д̣̇зсид̇аа. имасмин̃хи таанз жад̇д̇ааро паладтагасаман̣аава ад̇хиббзд̇аа самид̇абаабасаман̣аг̇г̇ахан̣ад̇о. гасмаа банзд̇т̇а махаабариниб̣б̣аанз вияа маг̇г̇адтаа д̇ад̣̇ад̇т̇ааяа бадибаннааби на г̇ахид̇аад̇и? взнзяяаж̇жхаасаяад̇о. д̇ад̇т̇а хи маг̇г̇аад̇хиг̇амад̇т̇ааяа вибассанааби ид̇о б̣ахид̣̇д̇хаа над̇т̇и, гуд̇о маг̇г̇апалаанийд̇и д̣̇ассзнд̇зна бхаг̇авад̇аа ‘‘н̃ааяасса д̇хаммасса бад̣̇зсавад̇д̇ий, ид̇о б̣ахид̣̇д̇хаа саман̣оби над̇т̇ий’’д̇и (д̣̇ий. ни. 2.214) вуд̇д̇ам̣. ид̇ха бана нидтаанаббад̇д̇амзва д̇ам̣д̇ам̣саман̣абхаавам̣ г̇ан̣ханд̇зна паладтагасаман̣аава г̇ахид̇аа, маг̇г̇адтад̇о паладто сависзсам̣ д̣̇агкин̣зяяод̇и. свааяамад̇т̇о д̣̇вийсу суд̇д̇зсу д̣̇зсанаабхзд̣̇знзва вин̃н̃ааяад̇ийд̇и. рид̇д̇аад̇и вивид̇д̇аа. д̇ужчаад̇и ниссаараа бадибаннагасаараабхаавад̇о.
241-2. Dasame sesapadesupīti ‘‘idha dutiyo samaṇo’’tiādīsu sesapadesupi. Yathā hi ‘‘vivicceva kāmehī’’ti (dī. ni. 1.226; ma. ni. 1.271, 287, 297; saṃ. ni. 2.152; a. ni. 4.123) ettha kato niyamo ‘‘vivicca akusalehī’’ti etthāpi katoyeva hoti sāvadhāraṇaatthassa icchitabbattā, evamidhāpīti. Tenāha ‘‘dutiyādayopi hī’’tiādi. Sāmaññaphalādhigamavasena nippariyāyato samaṇabhāvoti tesaṃ vasenettha cattāro samaṇā desitā. Imasmiñhi ṭhāne cattāro phalaṭṭhakasamaṇāva adhippetā samitapāpasamaṇaggahaṇato. Kasmā panettha mahāparinibbāne viya maggaṭṭhā tadatthāya paṭipannāpi na gahitāti? Veneyyajjhāsayato. Tattha hi maggādhigamatthāya vipassanāpi ito bahiddhā natthi, kuto maggaphalānīti dassentena bhagavatā ‘‘ñāyassa dhammassa padesavattī, ito bahiddhā samaṇopi natthī’’ti (dī. ni. 2.214) vuttaṃ. Idha pana niṭṭhānappattameva taṃtaṃsamaṇabhāvaṃ gaṇhantena phalaṭṭhakasamaṇāva gahitā, maggaṭṭhato phalaṭṭho savisesaṃ dakkhiṇeyyoti. Svāyamattho dvīsu suttesu desanābhedeneva viññāyatīti. Rittāti vivittā. Tucchāti nissārā paṭipannakasārābhāvato.
бавад̣̇анд̇и зд̇зхийд̇и баваад̣̇аа. д̣̇идтиг̇ад̇игаанам̣ наанаад̣̇идтид̣̇ийбагасамаяаад̇и ааха ‘‘жад̇д̇ааро сассад̇аваад̣̇аа’’д̇иаад̣̇и. д̇ад̇т̇а жад̇д̇ааро сассад̇аваад̣̇аад̇и лаабхивасзна д̇аяо, д̇аггивасзна згод̇и звам̣ жад̇д̇ааро сассад̇аваад̣̇аа. буб̣б̣зниваасан̃аан̣алаабхий д̇ид̇т̇ияо манд̣̇абан̃н̃о анзгаж̇аад̇исад̇асахассамад̇д̇ам̣ ануссарад̇и, маж̇жхабан̃н̃о д̣̇аса сам̣ваддавиваддагаббаани, д̇игкабан̃н̃о жад̇д̇аалийса сам̣ваддавиваддагаббаани, на д̇ад̇о барам̣. со звам̣ ануссаранд̇о ‘‘сассад̇о ад̇д̇аа жа лого жаа’’д̇и абхивад̣̇ад̇и, д̇аггий бана д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ ‘‘сассад̇о ад̇д̇аа жа лого жаа’’д̇и абхивад̣̇ад̇и. д̇зна вуд̇д̇ам̣ ‘‘лаабхивасзна д̇аяо, д̇аггивасзна згод̇и звам̣ жад̇д̇ааро сассад̇аваад̣̇аа’’д̇и.
Pavadanti etehīti pavādā. Diṭṭhigatikānaṃ nānādiṭṭhidīpakasamayāti āha ‘‘cattāro sassatavādā’’tiādi. Tattha cattāro sassatavādāti lābhivasena tayo, takkivasena ekoti evaṃ cattāro sassatavādā. Pubbenivāsañāṇalābhī titthiyo mandapañño anekajātisatasahassamattaṃ anussarati, majjhapañño dasa saṃvaṭṭavivaṭṭakappāni, tikkhapañño cattālīsa saṃvaṭṭavivaṭṭakappāni, na tato paraṃ. So evaṃ anussaranto ‘‘sassato attā ca loko cā’’ti abhivadati, takkī pana takkapariyāhataṃ vīmaṃsānucaritaṃ sayaṃpaṭibhānaṃ ‘‘sassato attā ca loko cā’’ti abhivadati. Tena vuttaṃ ‘‘lābhivasena tayo, takkivasena ekoti evaṃ cattāro sassatavādā’’ti.
сад̇д̇зсу сан̇каарзсу жа згажжам̣ сассад̇анд̇и бавад̇д̇о ваад̣̇о згажжасассад̇аваад̣̇о. со бана б̣рахмагааяигакид̣д̣аабад̣̇осигаманобад̣̇осигад̇д̇абхаавад̇о жавид̇ваа ид̇хааг̇ад̇аанам̣ д̇аггино жа уббаж̇ж̇анавасзна жад̇уб̣б̣ид̇ход̇и ааха ‘‘жад̇д̇ааро згажжасассад̇аваад̣̇аа’’д̇и.
Sattesu saṅkhāresu ca ekaccaṃ sassatanti pavatto vādo ekaccasassatavādo. So pana brahmakāyikakhiḍḍāpadosikamanopadosikattabhāvato cavitvā idhāgatānaṃ takkino ca uppajjanavasena catubbidhoti āha ‘‘cattāro ekaccasassatavādā’’ti.
жад̇д̇ааро анд̇аананд̇игаад̇и зд̇т̇а амад̇и г̇ажчад̇и зд̇т̇а восаананд̇и анд̇о, марияаад̣̇аа. д̇аббадисзд̇хзна ананд̇о. анд̇о жа ананд̇о жа анд̇аананд̇о сааман̃н̃анид̣̇д̣̇зсзна, згасзсзна ваа ‘‘наамаруубабажжаяаа сал̣ааяад̇ана’’нд̇иаад̣̇ийсу (ма. ни. 3.126; уд̣̇аа. 1) вияа. анд̇аананд̇асахажарид̇о ваад̣̇о анд̇аананд̇о яат̇аа ‘‘гунд̇аа жаранд̇ий’’д̇и. анд̇аананд̇асанниссаяо ваа яат̇аа ‘‘ман̃жаа гхосанд̇ий’’д̇и. со зд̇зсам̣ ад̇т̇ийд̇и анд̇аананд̇игаа. ‘‘анд̇аваа ад̇д̇аа жа лого жа, ананд̇аваа ад̇д̇аа жа лого жа, анд̇аваа жа ананд̇аваа жа ад̇д̇аа жа лого жа, нзванд̇аваа наананд̇аваа’’д̇и звам̣ бавад̇д̇аваад̣̇аа жад̇д̇ааро. авад̣дхид̇агасин̣асса д̇ам̣ гасин̣ам̣ ад̇д̇аад̇и жа логод̇и жа г̇ан̣ханд̇асса васзна батамо вуд̇д̇о, д̣̇уд̇ияо вад̣дхид̇агасин̣асса васзна вуд̇д̇о, д̇ад̇ияо д̇ирияам̣ вад̣дхзд̇ваа уд̣̇д̇хамад̇хо авад̣дхид̇агасин̣асса, жад̇уд̇т̇о д̇аггивасзна вуд̇д̇о. зд̇т̇а жа яуд̇д̇ам̣ д̇аава буримаанам̣ д̇ин̣н̣ам̣ ваад̣̇аанам̣ анд̇ан̃жа ананд̇ан̃жа анд̇аананд̇ан̃жа аараб̣бха бавад̇д̇аваад̣̇ад̇д̇аа анд̇аананд̇игад̇д̇ам̣, бажчимасса бана д̇ад̣̇убхаяанисзд̇ханавасзна бавад̇д̇аваад̣̇ад̇д̇аа гат̇аманд̇аананд̇игад̇д̇анд̇и? д̇ад̣̇убхаяаббадисзд̇ханавасзна бавад̇д̇аваад̣̇ад̇д̇аа зва. анд̇аананд̇игаббадисзд̇хаваад̣̇оби хи анд̇аананд̇ависаяо зва д̇ам̣ аараб̣бха бавад̇д̇ад̇д̇аа.
Cattāro antānantikāti ettha amati gacchati ettha vosānanti anto, mariyādā. Tappaṭisedhena ananto. Anto ca ananto ca antānanto sāmaññaniddesena, ekasesena vā ‘‘nāmarūpapaccayā saḷāyatana’’ntiādīsu (ma. ni. 3.126; udā. 1) viya. Antānantasahacarito vādo antānanto yathā ‘‘kuntā carantī’’ti. Antānantasannissayo vā yathā ‘‘mañcā ghosantī’’ti. So etesaṃ atthīti antānantikā. ‘‘Antavā attā ca loko ca, anantavā attā ca loko ca, antavā ca anantavā ca attā ca loko ca, nevantavā nānantavā’’ti evaṃ pavattavādā cattāro. Avaḍḍhitakasiṇassa taṃ kasiṇaṃ attāti ca lokoti ca gaṇhantassa vasena paṭhamo vutto, dutiyo vaḍḍhitakasiṇassa vasena vutto, tatiyo tiriyaṃ vaḍḍhetvā uddhamadho avaḍḍhitakasiṇassa, catuttho takkivasena vutto. Ettha ca yuttaṃ tāva purimānaṃ tiṇṇaṃ vādānaṃ antañca anantañca antānantañca ārabbha pavattavādattā antānantikattaṃ, pacchimassa pana tadubhayanisedhanavasena pavattavādattā kathamantānantikattanti? Tadubhayappaṭisedhanavasena pavattavādattā eva. Antānantikappaṭisedhavādopi hi antānantavisayo eva taṃ ārabbha pavattattā.
на марад̇ийд̇и амараа. гаа саа? ‘‘званд̇иби мз но’’д̇иаад̣̇инаа (д̣̇ий. ни. 1.62) наязна барияанд̇арахид̇аа д̣̇идтиг̇ад̇игасса д̣̇идти жзва ваажаа жа. вивид̇хо кзбод̇и вигкзбо, амарааяа д̣̇идтияаа, ваажааяа ваа вигкзбод̇и амараавигкзбо, со зд̇асса ад̇т̇ийд̇и амараавигкзбиго. ат̇а ваа амараа наама мажчаж̇аад̇и, саа уммуж̇ж̇анаад̣̇ивасзна уд̣̇агз санд̇хаавамаанаа г̇аахам̣ на г̇ажчад̇и, звамзвам̣ аяамби ваад̣̇о ид̇о жид̇о жа санд̇хаавад̇и, г̇аахам̣ на убаг̇ажчад̇ийд̇и амараавигкзбод̇и вужжад̇и, со зд̇зсам̣ ад̇т̇ийд̇и амараавигкзбигаа. свааяам̣ ваад̣̇о мусааваад̣̇аануяог̇ачанд̣̇арааг̇абхаяамохабхаавахзд̇угад̇ааяа жад̇уд̇хаа бавад̇д̇од̇и ааха ‘‘жад̇д̇ааро амараавигкзбигаа’’д̇и.
Na maratīti amarā. Kā sā? ‘‘Evantipi me no’’tiādinā (dī. ni. 1.62) nayena pariyantarahitā diṭṭhigatikassa diṭṭhi ceva vācā ca. Vividho khepoti vikkhepo, amarāya diṭṭhiyā, vācāya vā vikkhepoti amarāvikkhepo, so etassa atthīti amarāvikkhepiko. Atha vā amarā nāma macchajāti, sā ummujjanādivasena udake sandhāvamānā gāhaṃ na gacchati, evamevaṃ ayampi vādo ito cito ca sandhāvati, gāhaṃ na upagacchatīti amarāvikkhepoti vuccati, so etesaṃ atthīti amarāvikkhepikā. Svāyaṃ vādo musāvādānuyogachandarāgabhayamohabhāvahetukatāya catudhā pavattoti āha ‘‘cattāro amarāvikkhepikā’’ti.
ад̇хижжа яат̇ижчагам̣ яам̣ гин̃жи гааран̣ам̣ гассажи б̣уд̣̇д̇хибуб̣б̣ам̣ ваа винаа самуббаннод̇и ад̇д̇алогасан̃н̃ид̇аанам̣ канд̇хаанам̣ ад̇хижжа бавад̇д̇иаагаараарамман̣ам̣ д̣̇ассанам̣ д̇ад̣̇аагаарасанниссаязна бавад̇д̇ид̇о д̇ад̣̇аагаарасахажарид̇ад̇ааяа жа ‘‘ад̇хижжасамуббанна’’нд̇и вужжад̇и яат̇аа ‘‘ман̃жаа гхосанд̇и’’, ‘‘гунд̇аа жаранд̇ий’’д̇и жа. д̇ам̣ зд̇зсам̣ ад̇т̇ийд̇и ад̇хижжасамуббаннигаа. лаабхивасзна д̇аггивасзна жа ‘‘д̣̇вз ад̇хижжасамуббаннигаа’’д̇и вуд̇д̇ам̣.
Adhicca yathicchakaṃ yaṃ kiñci kāraṇaṃ kassaci buddhipubbaṃ vā vinā samuppannoti attalokasaññitānaṃ khandhānaṃ adhicca pavattiākārārammaṇaṃ dassanaṃ tadākārasannissayena pavattito tadākārasahacaritatāya ca ‘‘adhiccasamuppanna’’nti vuccati yathā ‘‘mañcā ghosanti’’, ‘‘kuntā carantī’’ti ca. Taṃ etesaṃ atthīti adhiccasamuppannikā. Lābhivasena takkivasena ca ‘‘dve adhiccasamuppannikā’’ti vuttaṃ.
сан̃н̃ийд̇и бавад̇д̇о ваад̣̇о сан̃н̃иваад̣̇о, со зд̇зсам̣ ад̇т̇ийд̇и сан̃н̃иваад̣̇аа. руубижад̇уггам̣ зганд̇асукажад̇угганд̇и имзсам̣ жад̇уннам̣ жад̇уггаанам̣ васзна сол̣аса сан̃н̃иваад̣̇аа. имзсуязва буримаанам̣ д̣̇виннам̣ жад̇уггаанам̣ васзна адта сан̃н̃иваад̣̇аа, адта нзвасан̃н̃инаасан̃н̃иваад̣̇аа взд̣̇ид̇аб̣б̣аа. гзвалан̃хи д̇ад̇т̇а ‘‘сан̃н̃ий ад̇д̇аа’’д̇и г̇ан̣ханд̇аанам̣ д̇аа д̣̇идтияо, ид̇ха асан̃н̃ийд̇и жа нзвасан̃н̃ийнаасан̃н̃ийд̇и жа.
Saññīti pavatto vādo saññivādo, so etesaṃ atthīti saññivādā. Rūpicatukkaṃ ekantasukhacatukkanti imesaṃ catunnaṃ catukkānaṃ vasena soḷasa saññivādā. Imesuyeva purimānaṃ dvinnaṃ catukkānaṃ vasena aṭṭha saññivādā, aṭṭha nevasaññināsaññivādā veditabbā. Kevalañhi tattha ‘‘saññī attā’’ti gaṇhantānaṃ tā diṭṭhiyo, idha asaññīti ca nevasaññīnāsaññīti ca.
сад̇д̇а ужчзд̣̇аваад̣̇аад̇и мануссад̇д̇абхаавз гаамааважарад̣̇звад̇д̇абхаавз руубааважарад̇д̇абхаавз жад̇уб̣б̣ид̇хааруубад̇д̇абхаавз жа тад̇ваа сад̇д̇асса ужчзд̣̇абан̃н̃аабанавасзна сад̇д̇а ужчзд̣̇аваад̣̇аа.
Satta ucchedavādāti manussattabhāve kāmāvacaradevattabhāve rūpāvacarattabhāve catubbidhārūpattabhāve ca ṭhatvā sattassa ucchedapaññāpanavasena satta ucchedavādā.
бан̃жа д̣̇идтад̇хамманиб̣б̣аанаваад̣̇аад̇и бан̃жагаамаг̇ун̣аубабхог̇авасзна жад̇уб̣б̣ид̇харуубаж̇жхаанасукабарибхог̇авасзна жа д̣̇идтад̇хаммз ниб̣б̣ууд̇ибан̃н̃аабанаваад̣̇аа. д̣̇идтад̇хаммод̇и бажжагкад̇хаммо вужжад̇и, д̇ад̇т̇а д̇ад̇т̇а бадилад̣̇д̇хад̇д̇абхаавассзд̇ам̣ ад̇хиважанам̣. д̣̇идтад̇хаммз ниб̣б̣аанам̣ д̣̇идтад̇хамманиб̣б̣аанам̣, имасмим̣язва ад̇д̇абхаавз д̣̇угкавуубасаманд̇и ад̇т̇о. д̇ам̣ вад̣̇анд̇ийд̇и д̣̇идтад̇хамманиб̣б̣аанаваад̣̇аа.
Pañca diṭṭhadhammanibbānavādāti pañcakāmaguṇaupabhogavasena catubbidharūpajjhānasukhaparibhogavasena ca diṭṭhadhamme nibbūtipaññāpanavādā. Diṭṭhadhammoti paccakkhadhammo vuccati, tattha tattha paṭiladdhattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamanti attho. Taṃ vadantīti diṭṭhadhammanibbānavādā.
н̃ааяад̇и гамад̇и бадивиж̇жхад̇ийд̇и н̃ааяо, со зва ниб̣б̣аанасамбаабагахзд̇уд̇ааяа д̇хаммод̇и ааха ‘‘н̃ааяасса д̇хаммассаа’’д̇и. ид̇о б̣ахид̣̇д̇хаа саман̣оби над̇т̇ийд̇иаад̣̇ийсу гасмаа банзд̇з ан̃н̃ад̇т̇а над̇т̇ийд̇и? агкзд̇д̇ад̇ааяа. яат̇аа хи на аараг̇г̇з саасабо д̇идтад̇и, на уд̣̇агабидтз аг̇г̇и ж̇алад̇и, на бидтибаасаан̣з б̣ийж̇аани вируханд̇и, звамзвам̣ б̣аахирзсу д̇ид̇т̇ааяад̇анзсу на имз саман̣аа уббаж̇ж̇анд̇и, имасмим̣язва саасанз уббаж̇ж̇анд̇и. гасмаа? сугкзд̇д̇ад̇ааяа. саа бана нзсам̣ агкзд̇д̇ад̇аа сугкзд̇д̇ад̇аа жа арияамаг̇г̇асса абхаавад̇о бхаавад̇о жа взд̣̇ид̇аб̣б̣аа. д̇знааха бхаг̇аваа –
Ñāyati kamati paṭivijjhatīti ñāyo, so eva nibbānasampāpakahetutāya dhammoti āha ‘‘ñāyassa dhammassā’’ti. Ito bahiddhā samaṇopi natthītiādīsu kasmā panete aññattha natthīti? Akkhettatāya. Yathā hi na āragge sāsapo tiṭṭhati, na udakapiṭṭhe aggi jalati, na piṭṭhipāsāṇe bījāni viruhanti, evamevaṃ bāhiresu titthāyatanesu na ime samaṇā uppajjanti, imasmiṃyeva sāsane uppajjanti. Kasmā? Sukkhettatāya. Sā pana nesaṃ akkhettatā sukkhettatā ca ariyamaggassa abhāvato bhāvato ca veditabbā. Tenāha bhagavā –
‘‘яасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о на убалаб̣бхад̇и, саман̣оби д̇ад̇т̇а на убалаб̣бхад̇и, д̣̇уд̇ияоби д̇ад̇т̇а саман̣о на убалаб̣бхад̇и, д̇ад̇ияоби д̇ад̇т̇а саман̣о на убалаб̣бхад̇и, жад̇уд̇т̇оби д̇ад̇т̇а саман̣о на убалаб̣бхад̇и. яасмин̃жа ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и, саман̣оби д̇ад̇т̇а убалаб̣бхад̇и, д̣̇уд̇ияоби д̇ад̇т̇а… д̇ад̇ияоби д̇ад̇т̇а… жад̇уд̇т̇оби д̇ад̇т̇а саман̣о убалаб̣бхад̇и. имасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и. ид̇хзва, субхад̣̇д̣̇а, саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о, сун̃н̃аа бараббаваад̣̇аа саман̣збхи ан̃н̃зхий’’д̇и (д̣̇ий. ни. 2.214).
‘‘Yasmiṃ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati, dutiyopi tattha samaṇo na upalabbhati, tatiyopi tattha samaṇo na upalabbhati, catutthopi tattha samaṇo na upalabbhati. Yasmiñca kho, subhadda, dhammavinaye ariyo aṭṭhaṅgiko maggo upalabbhati, samaṇopi tattha upalabbhati, dutiyopi tattha… tatiyopi tattha… catutthopi tattha samaṇo upalabbhati. Imasmiṃ kho, subhadda, dhammavinaye ariyo aṭṭhaṅgiko maggo upalabbhati. Idheva, subhadda, samaṇo, idha dutiyo samaṇo, idha tatiyo samaṇo, idha catuttho samaṇo, suññā parappavādā samaṇebhi aññehī’’ti (dī. ni. 2.214).
арияамаг̇г̇асса жа абхааво бхааво жа субарисуд̣̇д̇хасса сийласса субарисуд̣̇д̇хааяа самат̇авибассанаабхааванааяа абхаавад̇о бхаавад̇о жа взд̣̇ид̇аб̣б̣о. д̇ад̣̇убхаяан̃жа д̣̇урагкаад̇асваагкаад̇абхаавахзд̇угам̣ . со жа асаммаасамб̣уд̣̇д̇хаббавзд̣̇ид̇ад̇д̇аа. яасмаа д̇ид̇т̇ааяад̇анам̣ агкзд̇д̇ам̣, саасанам̣ кзд̇д̇ам̣, д̇асмаа яат̇аа сурад̇д̇ахад̇т̇абаад̣̇о бхаасурагзсарабхааро сийхо миг̇арааж̇аа на сусаанз ваа сан̇гаарагуудз ваа бадивасад̇и, д̇ияож̇анасахассавид̇т̇ад̇ам̣ бана химаванд̇ам̣ аж̇жхог̇аахзд̇ваа ман̣иг̇ухааяамзва васад̇и, яат̇аа жа чад̣̇д̣̇анд̇о нааг̇арааж̇аа на г̇ожарияахад̇т̇игулаад̣̇ийсу навасу гулзсу уббаж̇ж̇ад̇и, яат̇аа жа валаахаго ассарааж̇аа на г̇ад̣̇рабхагулз ваа гходагагулз ваа уббаж̇ж̇ад̇и, синд̇худ̇ийрз бана синд̇хавагулзязва уббаж̇ж̇ад̇и, яат̇аа жа саб̣б̣агаамад̣̇ад̣̇ам̣ манохарам̣ ман̣ирад̇анам̣ на сан̇гаарагуудз ваа бам̣субаб̣б̣ад̇аад̣̇ийсу ваа уббаж̇ж̇ад̇и, вибулабаб̣б̣ад̇аб̣бханд̇арзязва уббаж̇ж̇ад̇и, яат̇аа жа д̇имирабин̇г̇ало мажчарааж̇аа на куд̣̇д̣̇агабогкаран̣ийсу уббаж̇ж̇ад̇и, жад̇ураасийд̇ияож̇анасахассаг̇амбхийрз махаасамуд̣̇д̣̇зязва уббаж̇ж̇ад̇и, яат̇аа жа д̣̇ияад̣дхаяож̇анасад̇иго субан̣н̣арааж̇аа на г̇аамад̣̇ваарз зран̣д̣аванаад̣̇ийсу бадивасад̇и, махаасамуд̣̇д̣̇ам̣ бана аж̇жхог̇аахзд̇ваа симб̣алид̣̇ахаванзязва бадивасад̇и, яат̇аа жа д̇хад̇арадто суван̣н̣ахам̣со на г̇аамад̣̇ваарз ааваадагаад̣̇ийсу бадивасад̇и, навуд̇ихам̣сасахассабаривааро бана худ̇ваа жид̇д̇агуудзязва бадивасад̇и, яат̇аа жа жад̇уд̣̇д̣̇ийбиссаро жаггавад̇д̇ирааж̇аа на нийжагулз уббаж̇ж̇ад̇и, асамбхиннаж̇аад̇ияакад̇д̇ияагулзязва бана уббаж̇ж̇ад̇и, звамзвам̣ имзсу саман̣зсу згасаман̣оби на ан̃н̃ад̇т̇а д̇ид̇т̇ааяад̇анз уббаж̇ж̇ад̇и, арияамаг̇г̇абаригкад̇з бана б̣уд̣̇д̇хасаасанзязва уббаж̇ж̇ад̇и. д̇знааха бхаг̇аваа – ‘‘ид̇хзва, бхигкавз, саман̣о…бз… сун̃н̃аа бараббаваад̣̇аа саман̣збхи ан̃н̃зхий’’д̇и (ма. ни. 1.139-140; а. ни. 4.241). згаад̣̇асамз над̇т̇и вад̇д̇аб̣б̣ам̣.
Ariyamaggassa ca abhāvo bhāvo ca suparisuddhassa sīlassa suparisuddhāya samathavipassanābhāvanāya abhāvato bhāvato ca veditabbo. Tadubhayañca durakkhātasvākkhātabhāvahetukaṃ . So ca asammāsambuddhappaveditattā. Yasmā titthāyatanaṃ akkhettaṃ, sāsanaṃ khettaṃ, tasmā yathā surattahatthapādo bhāsurakesarabhāro sīho migarājā na susāne vā saṅkārakūṭe vā paṭivasati, tiyojanasahassavitthataṃ pana himavantaṃ ajjhogāhetvā maṇiguhāyameva vasati, yathā ca chaddanto nāgarājā na gocariyahatthikulādīsu navasu kulesu uppajjati, yathā ca valāhako assarājā na gadrabhakule vā ghoṭakakule vā uppajjati, sindhutīre pana sindhavakuleyeva uppajjati, yathā ca sabbakāmadadaṃ manoharaṃ maṇiratanaṃ na saṅkārakūṭe vā paṃsupabbatādīsu vā uppajjati, vipulapabbatabbhantareyeva uppajjati, yathā ca timirapiṅgalo maccharājā na khuddakapokkharaṇīsu uppajjati, caturāsītiyojanasahassagambhīre mahāsamuddeyeva uppajjati, yathā ca diyaḍḍhayojanasatiko supaṇṇarājā na gāmadvāre eraṇḍavanādīsu paṭivasati, mahāsamuddaṃ pana ajjhogāhetvā simbalidahavaneyeva paṭivasati, yathā ca dhataraṭṭho suvaṇṇahaṃso na gāmadvāre āvāṭakādīsu paṭivasati, navutihaṃsasahassaparivāro pana hutvā cittakūṭeyeva paṭivasati, yathā ca catuddīpissaro cakkavattirājā na nīcakule uppajjati, asambhinnajātiyakhattiyakuleyeva pana uppajjati, evamevaṃ imesu samaṇesu ekasamaṇopi na aññattha titthāyatane uppajjati, ariyamaggaparikkhate pana buddhasāsaneyeva uppajjati. Tenāha bhagavā – ‘‘idheva, bhikkhave, samaṇo…pe… suññā parappavādā samaṇebhi aññehī’’ti (ma. ni. 1.139-140; a. ni. 4.241). Ekādasame natthi vattabbaṃ.
саман̣асуд̇д̇аад̣̇иван̣н̣анаа нидтид̇аа.
Samaṇasuttādivaṇṇanā niṭṭhitā.
гаммаваг̇г̇аван̣н̣анаа нидтид̇аа.
Kammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
10. саман̣асуд̇д̇ам̣ • 10. Samaṇasuttaṃ
11. саббурисаанисам̣сасуд̇д̇ам̣ • 11. Sappurisānisaṃsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. саман̣асуд̇д̇аван̣н̣анаа • 10. Samaṇasuttavaṇṇanā
