| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
(೯) ೪. ಸಮಣವಗ್ಗೋ
(9) 4. Samaṇavaggo
೧-೫. ಸಮಣಸುತ್ತಾದಿವಣ್ಣನಾ
1-5. Samaṇasuttādivaṇṇanā
೮೨-೮೬. ಚತುತ್ಥಸ್ಸ ಪಠಮೇ ಸಮ್ಮಾ ಆದಾನಂ ಗಹಣಂ ಸಮಾದಾನನ್ತಿ ಆಹ ‘‘ಸಮಾದಾನಂ ವುಚ್ಚತಿ ಗಹಣ’’ನ್ತಿ। ಅಧಿಕಂ ವಿಸಿಟ್ಠಂ ಸೀಲನ್ತಿ ಅಧಿಸೀಲಂ। ಲೋಕಿಯಸೀಲಸ್ಸ ಅಧಿಸೀಲಭಾವೋ ಪರಿಯಾಯೇನಾತಿ ನಿಪ್ಪರಿಯಾಯಮೇವ ತಂ ದಸ್ಸೇತುಂ ‘‘ಅಪಿಚ ಸಬ್ಬಮ್ಪಿ ಲೋಕಿಯಸೀಲ’’ನ್ತಿಆದಿ ವುತ್ತಂ। ಸಿಕ್ಖಿತಬ್ಬತೋತಿ ಆಸೇವಿತಬ್ಬತೋ। ಪಞ್ಚಪಿ ದಸಪಿ ವಾ ಸೀಲಾನಿ ಸೀಲಂ ನಾಮ, ಪಾತಿಮೋಕ್ಖಸಂವರೋ ಅಧಿಸೀಲಂ ನಾಮ ಅನವಸೇಸಕಾಯಿಕಚೇತಸಿಕಸಂವರಭಾವತೋ ಮಗ್ಗಸೀಲಸ್ಸ ಪದಟ್ಠಾನಭಾವತೋ ಚ। ಅಟ್ಠ ಸಮಾಪತ್ತಿಯೋ ಚಿತ್ತಂ, ವಿಪಸ್ಸನಾಪಾದಕಜ್ಝಾನಂ ಅಧಿಚಿತ್ತಂ ಮಗ್ಗಸಮಾಧಿಸ್ಸ ಅಧಿಟ್ಠಾನಭಾವತೋ। ಕಮ್ಮಸ್ಸಕತಞಾಣಂ ಪಞ್ಞಾ, ವಿಪಸ್ಸನಾ ಅಧಿಪಞ್ಞಾ ಮಗ್ಗಪಞ್ಞಾಯ ಅಧಿಟ್ಠಾನಭಾವತೋ। ಅಪಿಚ ನಿಬ್ಬಾನಂ ಪತ್ಥಯನ್ತೇನ ಸಮಾದಿನ್ನಂ ಪಞ್ಚಸೀಲಂ ದಸಸೀಲಮ್ಪಿ ಅಧಿಸೀಲಮೇವ ನಿಬ್ಬಾನಾಧಿಗಮಸ್ಸ ಪಚ್ಚಯಭಾವತೋ। ನಿಬ್ಬಾನಂ ಪತ್ಥಯನ್ತೇನ ಸಮಾಪನ್ನಾ ಅಟ್ಠ ಸಮಾಪತ್ತಿಯೋಪಿ ಅಧಿಚಿತ್ತಮೇವ।
82-86. Catutthassa paṭhame sammā ādānaṃ gahaṇaṃ samādānanti āha ‘‘samādānaṃ vuccati gahaṇa’’nti. Adhikaṃ visiṭṭhaṃ sīlanti adhisīlaṃ. Lokiyasīlassa adhisīlabhāvo pariyāyenāti nippariyāyameva taṃ dassetuṃ ‘‘apica sabbampi lokiyasīla’’ntiādi vuttaṃ. Sikkhitabbatoti āsevitabbato. Pañcapi dasapi vā sīlāni sīlaṃ nāma, pātimokkhasaṃvaro adhisīlaṃ nāma anavasesakāyikacetasikasaṃvarabhāvato maggasīlassa padaṭṭhānabhāvato ca. Aṭṭha samāpattiyo cittaṃ, vipassanāpādakajjhānaṃ adhicittaṃ maggasamādhissa adhiṭṭhānabhāvato. Kammassakatañāṇaṃ paññā, vipassanā adhipaññā maggapaññāya adhiṭṭhānabhāvato. Apica nibbānaṃ patthayantena samādinnaṃ pañcasīlaṃ dasasīlampi adhisīlameva nibbānādhigamassa paccayabhāvato. Nibbānaṃ patthayantena samāpannā aṭṭha samāpattiyopi adhicittameva.
‘‘ಕಲ್ಯಾಣಕಾರೀ ಕಲ್ಯಾಣಂ, ಪಾಪಕಾರೀ ಚ ಪಾಪಕಂ।
‘‘Kalyāṇakārī kalyāṇaṃ, pāpakārī ca pāpakaṃ;
ಅನುಭೋತಿ ದ್ವಯಮೇತಂ, ಅನುಬನ್ಧಞ್ಹಿ ಕಾರಣ’’ನ್ತಿ॥ –
Anubhoti dvayametaṃ, anubandhañhi kāraṇa’’nti. –
ಏವಂ ಅತೀತೇ ಅನಾಗತೇ ಚ ವಟ್ಟಮೂಲಕದುಕ್ಖಸಲ್ಲಕ್ಖಣವಸೇನ ಸಂವೇಗವತ್ಥುತಾಯ ವಿಮುತ್ತಿಆಕಙ್ಖಾಯ ಪಚ್ಚಯಭೂತಾ ಕಮ್ಮಸ್ಸಕತಪಞ್ಞಾಪಿ ಅಧಿಪಞ್ಞಾತಿ ವದನ್ತಿ। ದುತಿಯತತಿಯಚತುತ್ಥಪಞ್ಚಮಾನಿ ಉತ್ತಾನತ್ಥಾನೇವ।
Evaṃ atīte anāgate ca vaṭṭamūlakadukkhasallakkhaṇavasena saṃvegavatthutāya vimuttiākaṅkhāya paccayabhūtā kammassakatapaññāpi adhipaññāti vadanti. Dutiyatatiyacatutthapañcamāni uttānatthāneva.
ಸಮಣಸುತ್ತಾದಿವಣ್ಣನಾ ನಿಟ್ಠಿತಾ।
Samaṇasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ಸಮಣಸುತ್ತಂ • 1. Samaṇasuttaṃ
೨. ಗದ್ರಭಸುತ್ತಂ • 2. Gadrabhasuttaṃ
೩. ಖೇತ್ತಸುತ್ತಂ • 3. Khettasuttaṃ
೪. ವಜ್ಜಿಪುತ್ತಸುತ್ತಂ • 4. Vajjiputtasuttaṃ
೫. ಸೇಕ್ಖಸುತ್ತಂ • 5. Sekkhasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೧. ಸಮಣಸುತ್ತವಣ್ಣನಾ • 1. Samaṇasuttavaṇṇanā
೨. ಗದ್ರಭಸುತ್ತವಣ್ಣನಾ • 2. Gadrabhasuttavaṇṇanā
೩. ಖೇತ್ತಸುತ್ತವಣ್ಣನಾ • 3. Khettasuttavaṇṇanā
೪. ವಜ್ಜಿಪುತ್ತಸುತ್ತವಣ್ಣನಾ • 4. Vajjiputtasuttavaṇṇanā
೫. ಸೇಕ್ಖಸುತ್ತವಣ್ಣನಾ • 5. Sekkhasuttavaṇṇanā
