Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. саман̣асуд̇д̇ам̣

    10. Samaṇasuttaṃ

    241. ‘‘‘ид̇хзва, бхигкавз, (батамо) саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о; сун̃н̃аа бараббаваад̣̇аа саман̣зхи ан̃н̃зхий’д̇и 1 – звамзд̇ам̣, бхигкавз, саммаа сийханаад̣̇ам̣ над̣̇ат̇а.

    241. ‘‘‘Idheva, bhikkhave, (paṭhamo) samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇehi aññehī’ti 2 – evametaṃ, bhikkhave, sammā sīhanādaṃ nadatha.

    ‘‘гад̇амо жа, бхигкавз, батамо саман̣о? ид̇ха, бхигкавз, бхигку д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. аяам̣, бхигкавз, батамо саман̣о.

    ‘‘Katamo ca, bhikkhave, paṭhamo samaṇo? Idha, bhikkhave, bhikkhu tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo. Ayaṃ, bhikkhave, paṭhamo samaṇo.

    ‘‘гад̇амо жа, бхигкавз, д̣̇уд̇ияо саман̣о? ид̇ха, бхигкавз, бхигку д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. аяам̣, бхигкавз, д̣̇уд̇ияо саман̣о.

    ‘‘Katamo ca, bhikkhave, dutiyo samaṇo? Idha, bhikkhave, bhikkhu tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti. Ayaṃ, bhikkhave, dutiyo samaṇo.

    ‘‘гад̇амо жа, бхигкавз, д̇ад̇ияо саман̣о? ид̇ха, бхигкавз, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. аяам̣, бхигкавз, д̇ад̇ияо саман̣о.

    ‘‘Katamo ca, bhikkhave, tatiyo samaṇo? Idha, bhikkhave, bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. Ayaṃ, bhikkhave, tatiyo samaṇo.

    ‘‘гад̇амо жа, бхигкавз, жад̇уд̇т̇о саман̣о? ид̇ха , бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяам̣, бхигкавз, жад̇уд̇т̇о саман̣о.

    ‘‘Katamo ca, bhikkhave, catuttho samaṇo? Idha , bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ, bhikkhave, catuttho samaṇo.

    ‘‘‘ид̇хзва, бхигкавз, батамо саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о; сун̃н̃аа бараббаваад̣̇аа саман̣збхи ан̃н̃зхий’д̇и – звамзд̇ам̣, бхигкавз, саммаа сийханаад̣̇ам̣ над̣̇ат̇аа’’д̇и. д̣̇асамам̣.

    ‘‘‘Idheva, bhikkhave, paṭhamo samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti – evametaṃ, bhikkhave, sammā sīhanādaṃ nadathā’’ti. Dasamaṃ.




    Next: 11. саббурисаанисам̣сасуд̇д̇ам̣ • 11. Sappurisānisaṃsasuttaṃ




    Footnotes:
    1. саман̣зхи ан̃н̃зд̇и (сий. бий. га.) зд̇т̇а ан̃н̃зхийд̇и сагааяа бадин̃н̃ааяа сажжаабхин̃н̃зхийд̇и ад̇т̇о взд̣̇ид̇аб̣б̣о. д̣̇ий. ни. 2.214; ма. ни. 1.140
    2. samaṇehi aññeti (sī. pī. ka.) ettha aññehīti sakāya paṭiññāya saccābhiññehīti attho veditabbo. dī. ni. 2.214; ma. ni. 1.140



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. саман̣асуд̇д̇аван̣н̣анаа • 10. Samaṇasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10-11. саман̣асуд̇д̇аад̣̇иван̣н̣анаа • 10-11. Samaṇasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact