| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၉) ၄. သမဏဝဂ္ဂော
(9) 4. Samaṇavaggo
၁. သမဏသုတ္တံ
1. Samaṇasuttaṃ
၈၂. ‘‘တီဏိမာနိ , ဘိက္ခဝေ, သမဏသ္သ သမဏိယာနိ သမဏကရဏီယာနိ။ ကတမာနိ တီဏိ? အဓိသီလသိက္ခာသမာဒာနံ, အဓိစိတ္တသိက္ခာသမာဒာနံ, အဓိပညာသိက္ခာသမာဒာနံ – ဣမာနိ ခော, ဘိက္ခဝေ, တီဏိ သမဏသ္သ သမဏိယာနိ သမဏကရဏီယာနိ။
82. ‘‘Tīṇimāni , bhikkhave, samaṇassa samaṇiyāni samaṇakaraṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi samaṇassa samaṇiyāni samaṇakaraṇīyāni.
‘‘တသ္မာတိဟ, ဘိက္ခဝေ, ဧဝံ သိက္ခိတဗ္ဗံ – ‘တိဗ္ဗော နော ဆန္ဒော ဘဝိသ္သတိ အဓိသီလသိက္ခာသမာဒာနေ, တိဗ္ဗော နော ဆန္ဒော ဘဝိသ္သတိ အဓိစိတ္တသိက္ခာသမာဒာနေ, တိဗ္ဗော နော ဆန္ဒော ဘဝိသ္သတိ အဓိပညာသိက္ခာသမာဒာနေ’တိ။ ဧဝဉ္ဟိ ဝော, ဘိက္ခဝေ, သိက္ခိတဗ္ဗ’’န္တိ။ ပဌမံ။
‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. သမဏသုတ္တဝဏ္ဏနာ • 1. Samaṇasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅. သမဏသုတ္တာဒိဝဏ္ဏနာ • 1-5. Samaṇasuttādivaṇṇanā
