| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(9) 4. саман̣аваг̇г̇о
(9) 4. Samaṇavaggo
1. саман̣асуд̇д̇аван̣н̣анаа
1. Samaṇasuttavaṇṇanā
82. жад̇уд̇т̇асса батамз саман̣ияаанийд̇и саман̣асанд̇агаани. саман̣агаран̣ийяаанийд̇и саман̣зна гад̇д̇аб̣б̣агижжаани. ад̇хисийласигкаасамаад̣̇аананд̇иаад̣̇ийсу самаад̣̇аанам̣ вужжад̇и г̇ахан̣ам̣, ад̇хисийласигкааяа самаад̣̇аанам̣ г̇ахан̣ам̣ бууран̣ам̣ ад̇хисийласигкаасамаад̣̇аанам̣. сзсабад̣̇ад̣̇ваязби зсзва наяо. зд̇т̇а жа сийлам̣ ад̇хисийлам̣, жид̇д̇ам̣ ад̇хижид̇д̇ам̣, бан̃н̃аа ад̇хибан̃н̃аад̇и аяам̣ вибхааг̇о взд̣̇ид̇аб̣б̣о. д̇ад̇т̇а бан̃жасийлам̣ сийлам̣ наама, д̇ам̣ убаад̣̇ааяа д̣̇асасийлам̣ ад̇хисийлам̣ наама, д̇амби убаад̣̇ааяа жад̇убаарисуд̣̇д̇хисийлам̣ ад̇хисийлам̣ наама. абижа саб̣б̣амби логияасийлам̣ сийлам̣ наама, логуд̇д̇арасийлам̣ ад̇хисийлам̣, д̇ад̣̇зва сигкид̇аб̣б̣ад̇о сигкаад̇и вужжад̇и. гаамааважаражид̇д̇ам̣ бана жид̇д̇ам̣ наама, д̇ам̣ убаад̣̇ааяа руубааважарам̣ ад̇хижид̇д̇ам̣ наама, д̇амби убаад̣̇ааяа аруубааважарам̣ ад̇хижид̇д̇ам̣ наама. абижа саб̣б̣амби логияажид̇д̇ам̣ жид̇д̇амзва, логуд̇д̇арам̣ ад̇хижид̇д̇ам̣. бан̃н̃ааяаби зсзва наяо. д̇асмаад̇и яасмаа имаани д̇ийн̣и саман̣агаран̣ийяаани, д̇асмаа. д̇иб̣б̣од̇и б̣ахало. чанд̣̇од̇и гад̇д̇угамяад̇аагусалажчанд̣̇о. ид̇и имасмим̣ суд̇д̇анд̇з д̇иссо сигкаа логияалогуд̇д̇араа гат̇ид̇аад̇и.
82. Catutthassa paṭhame samaṇiyānīti samaṇasantakāni. Samaṇakaraṇīyānīti samaṇena kattabbakiccāni. Adhisīlasikkhāsamādānantiādīsu samādānaṃ vuccati gahaṇaṃ, adhisīlasikkhāya samādānaṃ gahaṇaṃ pūraṇaṃ adhisīlasikkhāsamādānaṃ. Sesapadadvayepi eseva nayo. Ettha ca sīlaṃ adhisīlaṃ, cittaṃ adhicittaṃ, paññā adhipaññāti ayaṃ vibhāgo veditabbo. Tattha pañcasīlaṃ sīlaṃ nāma, taṃ upādāya dasasīlaṃ adhisīlaṃ nāma, tampi upādāya catupārisuddhisīlaṃ adhisīlaṃ nāma. Apica sabbampi lokiyasīlaṃ sīlaṃ nāma, lokuttarasīlaṃ adhisīlaṃ, tadeva sikkhitabbato sikkhāti vuccati. Kāmāvacaracittaṃ pana cittaṃ nāma, taṃ upādāya rūpāvacaraṃ adhicittaṃ nāma, tampi upādāya arūpāvacaraṃ adhicittaṃ nāma. Apica sabbampi lokiyacittaṃ cittameva, lokuttaraṃ adhicittaṃ. Paññāyapi eseva nayo. Tasmāti yasmā imāni tīṇi samaṇakaraṇīyāni, tasmā. Tibboti bahalo. Chandoti kattukamyatākusalacchando. Iti imasmiṃ suttante tisso sikkhā lokiyalokuttarā kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. саман̣асуд̇д̇ам̣ • 1. Samaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. саман̣асуд̇д̇аад̣̇иван̣н̣анаа • 1-5. Samaṇasuttādivaṇṇanā
