| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. саман̣асуд̇д̇аван̣н̣анаа
10. Samaṇasuttavaṇṇanā
241. д̣̇асамз ид̇хзваад̇и имасмим̣язва саасанз. аяам̣ бана нияамо сзсабад̣̇зсуби взд̣̇ид̇аб̣б̣о. д̣̇уд̇ияаад̣̇аяоби хи саман̣аа ид̇хзва, на ан̃н̃ад̇т̇а. сун̃н̃аад̇и рид̇д̇аа д̇ужчаа. бараббаваад̣̇аад̇и жад̇д̇ааро сассад̇аваад̣̇аа, жад̇д̇ааро згажжасассад̇игаа, жад̇д̇ааро анд̇аананд̇игаа, жад̇д̇ааро амараавигкзбигаа, д̣̇вз ад̇хижжасамуббаннигаа, сол̣аса сан̃н̃иваад̣̇аа, адта асан̃н̃иваад̣̇аа, адта нзвасан̃н̃инаасан̃н̃иваад̣̇аа, сад̇д̇а ужчзд̣̇аваад̣̇аа, бан̃жа д̣̇идтад̇хамманиб̣б̣аанаваад̣̇аад̇и имз саб̣б̣зби б̣рахмаж̇аалз ааг̇ад̇ад̣̇ваасадтид̣̇идтияо ид̇о б̣аахираанам̣ барзсам̣ баваад̣̇аа бараббаваад̣̇аа наама. д̇з саб̣б̣зби имзхи жад̇уухи паладтагасаман̣зхи сун̃н̃аа. на хи д̇з зд̇т̇а санд̇и. на гзвалан̃жа зд̇зхзва сун̃н̃аа , жад̇уухи бана маг̇г̇адтагасаман̣зхиби, жад̇уннам̣ маг̇г̇аанам̣ ад̇т̇ааяа аарад̣̇д̇хавибассагзхибийд̇и д̣̇ваад̣̇асахиби саман̣зхи сун̃н̃аа зва. ид̣̇амзва ад̇т̇ам̣ санд̇хааяа бхаг̇авад̇аа махаабариниб̣б̣аанз (д̣̇ий. ни. 2.214) вуд̇д̇ам̣ –
241. Dasame idhevāti imasmiṃyeva sāsane. Ayaṃ pana niyamo sesapadesupi veditabbo. Dutiyādayopi hi samaṇā idheva, na aññattha. Suññāti rittā tucchā. Parappavādāti cattāro sassatavādā, cattāro ekaccasassatikā, cattāro antānantikā, cattāro amarāvikkhepikā, dve adhiccasamuppannikā, soḷasa saññivādā, aṭṭha asaññivādā, aṭṭha nevasaññināsaññivādā, satta ucchedavādā, pañca diṭṭhadhammanibbānavādāti ime sabbepi brahmajāle āgatadvāsaṭṭhidiṭṭhiyo ito bāhirānaṃ paresaṃ pavādā parappavādā nāma. Te sabbepi imehi catūhi phalaṭṭhakasamaṇehi suññā. Na hi te ettha santi. Na kevalañca eteheva suññā , catūhi pana maggaṭṭhakasamaṇehipi, catunnaṃ maggānaṃ atthāya āraddhavipassakehipīti dvādasahipi samaṇehi suññā eva. Idameva atthaṃ sandhāya bhagavatā mahāparinibbāne (dī. ni. 2.214) vuttaṃ –
‘‘згуунад̇им̣со ваяасаа субхад̣̇д̣̇а,
‘‘Ekūnatiṃso vayasā subhadda,
яам̣ баб̣б̣аж̇им̣ гим̣гусалаанузсий;
Yaṃ pabbajiṃ kiṃkusalānuesī;
вассаани бан̃н̃ааса самаад̇хигаани,
Vassāni paññāsa samādhikāni,
яад̇о ахам̣ баб̣б̣аж̇ид̇о субхад̣̇д̣̇а;
Yato ahaṃ pabbajito subhadda;
н̃ааяасса д̇хаммасса бад̣̇зсавад̇д̇ий,
Ñāyassa dhammassa padesavattī,
ид̇о б̣ахид̣̇д̇хаа саман̣оби над̇т̇и’’.
Ito bahiddhā samaṇopi natthi’’.
‘‘д̣̇уд̇ияоби саман̣о над̇т̇и, д̇ад̇ияоби саман̣о над̇т̇и, жад̇уд̇т̇оби саман̣о над̇т̇и, сун̃н̃аа бараббаваад̣̇аа саман̣зхи ан̃н̃зхий’’д̇и . зд̇т̇а хи бад̣̇зсавад̇д̇ийд̇и аарад̣̇д̇хавибассаго ад̇хиббзд̇о. д̇асмаа сод̇аабад̇д̇имаг̇г̇асса аарад̣̇д̇хавибассагам̣ маг̇г̇адтам̣ паладтанд̇и д̇аяоби згад̇о гад̇ваа ‘‘саман̣оби над̇т̇ий’’д̇и ааха, сагад̣̇ааг̇аамимаг̇г̇асса аарад̣̇д̇хавибассагам̣ маг̇г̇адтам̣ паладтанд̇и д̇аяоби згад̇о гад̇ваа ‘‘д̣̇уд̇ияоби саман̣о над̇т̇ий’’д̇и ааха. ид̇арзсуби д̣̇вийсу зсзва наяо. згаад̣̇асамам̣ уд̇д̇аанад̇т̇амзваад̇и.
‘‘Dutiyopi samaṇo natthi, tatiyopi samaṇo natthi, catutthopi samaṇo natthi, suññā parappavādā samaṇehi aññehī’’ti . Ettha hi padesavattīti āraddhavipassako adhippeto. Tasmā sotāpattimaggassa āraddhavipassakaṃ maggaṭṭhaṃ phalaṭṭhanti tayopi ekato katvā ‘‘samaṇopi natthī’’ti āha, sakadāgāmimaggassa āraddhavipassakaṃ maggaṭṭhaṃ phalaṭṭhanti tayopi ekato katvā ‘‘dutiyopi samaṇo natthī’’ti āha. Itaresupi dvīsu eseva nayo. Ekādasamaṃ uttānatthamevāti.
гаммаваг̇г̇о жад̇уд̇т̇о.
Kammavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. саман̣асуд̇д̇ам̣ • 10. Samaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10-11. саман̣асуд̇д̇аад̣̇иван̣н̣анаа • 10-11. Samaṇasuttādivaṇṇanā
