| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
(༩) ༤. སམཎཝགྒོ
(9) 4. Samaṇavaggo
༡. སམཎསུཏྟཝཎྞནཱ
1. Samaṇasuttavaṇṇanā
༨༢. ཙཏུཏྠསྶ པཋམེ སམཎིཡཱནཱིཏི སམཎསནྟཀཱནི། སམཎཀརཎཱིཡཱནཱིཏི སམཎེན ཀཏྟབྦཀིཙྩཱནི། ཨདྷིསཱིལསིཀྑཱསམཱདཱནནྟིཨཱདཱིསུ སམཱདཱནཾ ཝུཙྩཏི གཧཎཾ, ཨདྷིསཱིལསིཀྑཱཡ སམཱདཱནཾ གཧཎཾ པཱུརཎཾ ཨདྷིསཱིལསིཀྑཱསམཱདཱནཾ། སེསཔདདྭཡེཔི ཨེསེཝ ནཡོ། ཨེཏྠ ཙ སཱིལཾ ཨདྷིསཱིལཾ, ཙིཏྟཾ ཨདྷིཙིཏྟཾ, པཉྙཱ ཨདྷིཔཉྙཱཏི ཨཡཾ ཝིབྷཱགོ ཝེདིཏབྦོ། ཏཏྠ པཉྩསཱིལཾ སཱིལཾ ནཱམ, ཏཾ ཨུཔཱདཱཡ དསསཱིལཾ ཨདྷིསཱིལཾ ནཱམ, ཏམྤི ཨུཔཱདཱཡ ཙཏུཔཱརིསུདྡྷིསཱིལཾ ཨདྷིསཱིལཾ ནཱམ། ཨཔིཙ སབྦམྤི ལོཀིཡསཱིལཾ སཱིལཾ ནཱམ, ལོཀུཏྟརསཱིལཾ ཨདྷིསཱིལཾ, ཏདེཝ སིཀྑིཏབྦཏོ སིཀྑཱཏི ཝུཙྩཏི། ཀཱམཱཝཙརཙིཏྟཾ པན ཙིཏྟཾ ནཱམ, ཏཾ ཨུཔཱདཱཡ རཱུཔཱཝཙརཾ ཨདྷིཙིཏྟཾ ནཱམ, ཏམྤི ཨུཔཱདཱཡ ཨརཱུཔཱཝཙརཾ ཨདྷིཙིཏྟཾ ནཱམ། ཨཔིཙ སབྦམྤི ལོཀིཡཙིཏྟཾ ཙིཏྟམེཝ, ལོཀུཏྟརཾ ཨདྷིཙིཏྟཾ། པཉྙཱཡཔི ཨེསེཝ ནཡོ། ཏསྨཱཏི ཡསྨཱ ཨིམཱནི ཏཱིཎི སམཎཀརཎཱིཡཱནི, ཏསྨཱ། ཏིབྦོཏི བཧལོ། ཚནྡོཏི ཀཏྟུཀམྱཏཱཀུསལཙྪནྡོ། ཨིཏི ཨིམསྨིཾ སུཏྟནྟེ ཏིསྶོ སིཀྑཱ ལོཀིཡལོཀུཏྟརཱ ཀཐིཏཱཏི།
82. Catutthassa paṭhame samaṇiyānīti samaṇasantakāni. Samaṇakaraṇīyānīti samaṇena kattabbakiccāni. Adhisīlasikkhāsamādānantiādīsu samādānaṃ vuccati gahaṇaṃ, adhisīlasikkhāya samādānaṃ gahaṇaṃ pūraṇaṃ adhisīlasikkhāsamādānaṃ. Sesapadadvayepi eseva nayo. Ettha ca sīlaṃ adhisīlaṃ, cittaṃ adhicittaṃ, paññā adhipaññāti ayaṃ vibhāgo veditabbo. Tattha pañcasīlaṃ sīlaṃ nāma, taṃ upādāya dasasīlaṃ adhisīlaṃ nāma, tampi upādāya catupārisuddhisīlaṃ adhisīlaṃ nāma. Apica sabbampi lokiyasīlaṃ sīlaṃ nāma, lokuttarasīlaṃ adhisīlaṃ, tadeva sikkhitabbato sikkhāti vuccati. Kāmāvacaracittaṃ pana cittaṃ nāma, taṃ upādāya rūpāvacaraṃ adhicittaṃ nāma, tampi upādāya arūpāvacaraṃ adhicittaṃ nāma. Apica sabbampi lokiyacittaṃ cittameva, lokuttaraṃ adhicittaṃ. Paññāyapi eseva nayo. Tasmāti yasmā imāni tīṇi samaṇakaraṇīyāni, tasmā. Tibboti bahalo. Chandoti kattukamyatākusalacchando. Iti imasmiṃ suttante tisso sikkhā lokiyalokuttarā kathitāti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སམཎསུཏྟཾ • 1. Samaṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༥. སམཎསུཏྟཱདིཝཎྞནཱ • 1-5. Samaṇasuttādivaṇṇanā
