| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੯) ੪. ਸਮਣવਗ੍ਗੋ
(9) 4. Samaṇavaggo
੧. ਸਮਣਸੁਤ੍ਤવਣ੍ਣਨਾ
1. Samaṇasuttavaṇṇanā
੮੨. ਚਤੁਤ੍ਥਸ੍ਸ ਪਠਮੇ ਸਮਣਿਯਾਨੀਤਿ ਸਮਣਸਨ੍ਤਕਾਨਿ। ਸਮਣਕਰਣੀਯਾਨੀਤਿ ਸਮਣੇਨ ਕਤ੍ਤਬ੍ਬਕਿਚ੍ਚਾਨਿ। ਅਧਿਸੀਲਸਿਕ੍ਖਾਸਮਾਦਾਨਨ੍ਤਿਆਦੀਸੁ ਸਮਾਦਾਨਂ વੁਚ੍ਚਤਿ ਗਹਣਂ, ਅਧਿਸੀਲਸਿਕ੍ਖਾਯ ਸਮਾਦਾਨਂ ਗਹਣਂ ਪੂਰਣਂ ਅਧਿਸੀਲਸਿਕ੍ਖਾਸਮਾਦਾਨਂ। ਸੇਸਪਦਦ੍વਯੇਪਿ ਏਸੇવ ਨਯੋ। ਏਤ੍ਥ ਚ ਸੀਲਂ ਅਧਿਸੀਲਂ, ਚਿਤ੍ਤਂ ਅਧਿਚਿਤ੍ਤਂ, ਪਞ੍ਞਾ ਅਧਿਪਞ੍ਞਾਤਿ ਅਯਂ વਿਭਾਗੋ વੇਦਿਤਬ੍ਬੋ। ਤਤ੍ਥ ਪਞ੍ਚਸੀਲਂ ਸੀਲਂ ਨਾਮ, ਤਂ ਉਪਾਦਾਯ ਦਸਸੀਲਂ ਅਧਿਸੀਲਂ ਨਾਮ, ਤਮ੍ਪਿ ਉਪਾਦਾਯ ਚਤੁਪਾਰਿਸੁਦ੍ਧਿਸੀਲਂ ਅਧਿਸੀਲਂ ਨਾਮ। ਅਪਿਚ ਸਬ੍ਬਮ੍ਪਿ ਲੋਕਿਯਸੀਲਂ ਸੀਲਂ ਨਾਮ, ਲੋਕੁਤ੍ਤਰਸੀਲਂ ਅਧਿਸੀਲਂ, ਤਦੇવ ਸਿਕ੍ਖਿਤਬ੍ਬਤੋ ਸਿਕ੍ਖਾਤਿ વੁਚ੍ਚਤਿ। ਕਾਮਾવਚਰਚਿਤ੍ਤਂ ਪਨ ਚਿਤ੍ਤਂ ਨਾਮ, ਤਂ ਉਪਾਦਾਯ ਰੂਪਾવਚਰਂ ਅਧਿਚਿਤ੍ਤਂ ਨਾਮ, ਤਮ੍ਪਿ ਉਪਾਦਾਯ ਅਰੂਪਾવਚਰਂ ਅਧਿਚਿਤ੍ਤਂ ਨਾਮ। ਅਪਿਚ ਸਬ੍ਬਮ੍ਪਿ ਲੋਕਿਯਚਿਤ੍ਤਂ ਚਿਤ੍ਤਮੇવ, ਲੋਕੁਤ੍ਤਰਂ ਅਧਿਚਿਤ੍ਤਂ। ਪਞ੍ਞਾਯਪਿ ਏਸੇવ ਨਯੋ। ਤਸ੍ਮਾਤਿ ਯਸ੍ਮਾ ਇਮਾਨਿ ਤੀਣਿ ਸਮਣਕਰਣੀਯਾਨਿ, ਤਸ੍ਮਾ। ਤਿਬ੍ਬੋਤਿ ਬਹਲੋ। ਛਨ੍ਦੋਤਿ ਕਤ੍ਤੁਕਮ੍ਯਤਾਕੁਸਲਚ੍ਛਨ੍ਦੋ। ਇਤਿ ਇਮਸ੍ਮਿਂ ਸੁਤ੍ਤਨ੍ਤੇ ਤਿਸ੍ਸੋ ਸਿਕ੍ਖਾ ਲੋਕਿਯਲੋਕੁਤ੍ਤਰਾ ਕਥਿਤਾਤਿ।
82. Catutthassa paṭhame samaṇiyānīti samaṇasantakāni. Samaṇakaraṇīyānīti samaṇena kattabbakiccāni. Adhisīlasikkhāsamādānantiādīsu samādānaṃ vuccati gahaṇaṃ, adhisīlasikkhāya samādānaṃ gahaṇaṃ pūraṇaṃ adhisīlasikkhāsamādānaṃ. Sesapadadvayepi eseva nayo. Ettha ca sīlaṃ adhisīlaṃ, cittaṃ adhicittaṃ, paññā adhipaññāti ayaṃ vibhāgo veditabbo. Tattha pañcasīlaṃ sīlaṃ nāma, taṃ upādāya dasasīlaṃ adhisīlaṃ nāma, tampi upādāya catupārisuddhisīlaṃ adhisīlaṃ nāma. Apica sabbampi lokiyasīlaṃ sīlaṃ nāma, lokuttarasīlaṃ adhisīlaṃ, tadeva sikkhitabbato sikkhāti vuccati. Kāmāvacaracittaṃ pana cittaṃ nāma, taṃ upādāya rūpāvacaraṃ adhicittaṃ nāma, tampi upādāya arūpāvacaraṃ adhicittaṃ nāma. Apica sabbampi lokiyacittaṃ cittameva, lokuttaraṃ adhicittaṃ. Paññāyapi eseva nayo. Tasmāti yasmā imāni tīṇi samaṇakaraṇīyāni, tasmā. Tibboti bahalo. Chandoti kattukamyatākusalacchando. Iti imasmiṃ suttante tisso sikkhā lokiyalokuttarā kathitāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਮਣਸੁਤ੍ਤਂ • 1. Samaṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਸਮਣਸੁਤ੍ਤਾਦਿવਣ੍ਣਨਾ • 1-5. Samaṇasuttādivaṇṇanā
