| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. ஸமன்னாக³தகதா²வண்ணனா
4. Samannāgatakathāvaṇṇanā
393. இதா³னி ஸமன்னாக³தகதா² நாம ஹோதி. தத்த² த்³வே ஸமன்னாக³மா பச்சுப்பன்னக்க²ணே ஸமங்கீ³பா⁴வஸமன்னாக³மோ ச ரூபாவசராதீ³ஸு அஞ்ஞதரபூ⁴மிப்பத்திதோ படிலாப⁴ஸமன்னாக³மோ ச. ஸோ யாவ அதி⁴க³தவிஸேஸா ந பரிஹாயதி, தாவதே³வ லப்³ப⁴தி. யேஸங் பன ட²பெத்வா இமே த்³வே ஸமன்னாக³மே அஞ்ஞோ உபபத்தித⁴ம்மவஸேன ஏகோ ஸமன்னாக³மோ நாம ஹோதீதி லத்³தி⁴, ஸெய்யதா²பி ஏதரஹி உத்தராபத²கானங், தேஸங் பத்தித⁴ம்மோ நாம கோசி நத்தீ²தி அனுபோ³த⁴னத்த²ங் அரஹா சதூஹி ப²லேஹி ஸமன்னாக³தோதி புச்சா² ஸகவாதி³ஸ்ஸ, பத்திங் ஸந்தா⁴ய படிஞ்ஞா இதரஸ்ஸ. அத²ஸ்ஸ ‘‘யதி³ தே அரஹா சதூஹி க²ந்தே⁴ஹி விய சதூஹி ப²லேஹி ஸமன்னாக³தோ, ஏவங் ஸந்தே யே சதூஸு ப²லேஸு சத்தாரோ ப²ஸ்ஸாத³யோ, தேஹி தே அரஹதோ ஸமன்னாக³ததா பாபுணாதீ’’தி சோத³னத்த²ங் அரஹா சதூஹி ப²ஸ்ஸேஹீதிஆதி³ ஆரத்³த⁴ங். தங் ஸப்³ப³ங் பரவாதி³னா ஏகக்க²ணே சதுன்னங் ப²ஸ்ஸாதீ³னங் அபா⁴வா படிக்கி²த்தங். அனாகா³மிபஞ்ஹாதீ³ஸுபி ஏஸேவ நயோ.
393. Idāni samannāgatakathā nāma hoti. Tattha dve samannāgamā paccuppannakkhaṇe samaṅgībhāvasamannāgamo ca rūpāvacarādīsu aññatarabhūmippattito paṭilābhasamannāgamo ca. So yāva adhigatavisesā na parihāyati, tāvadeva labbhati. Yesaṃ pana ṭhapetvā ime dve samannāgame añño upapattidhammavasena eko samannāgamo nāma hotīti laddhi, seyyathāpi etarahi uttarāpathakānaṃ, tesaṃ pattidhammo nāma koci natthīti anubodhanatthaṃ arahā catūhi phalehi samannāgatoti pucchā sakavādissa, pattiṃ sandhāya paṭiññā itarassa. Athassa ‘‘yadi te arahā catūhi khandhehi viya catūhi phalehi samannāgato, evaṃ sante ye catūsu phalesu cattāro phassādayo, tehi te arahato samannāgatatā pāpuṇātī’’ti codanatthaṃ arahā catūhi phassehītiādi āraddhaṃ. Taṃ sabbaṃ paravādinā ekakkhaṇe catunnaṃ phassādīnaṃ abhāvā paṭikkhittaṃ. Anāgāmipañhādīsupi eseva nayo.
395. ஸோதாபத்திப²லங் வீதிவத்தோதி ந பட²மஜ்ஜா²னங் விய து³தியஜ்ஜா²னலாபீ⁴; புன அனுப்பத்தியா பன வீதிவத்தோதி புச்ச²தி. ஸோதாபத்திமக்³க³ந்திஆதி³ யங் வீதிவத்தோ, தேனஸ்ஸ புன அஸமன்னாக³மங் த³ஸ்ஸேதுங் ஆரத்³த⁴ங்.
395. Sotāpattiphalaṃ vītivattoti na paṭhamajjhānaṃ viya dutiyajjhānalābhī; puna anuppattiyā pana vītivattoti pucchati. Sotāpattimaggantiādi yaṃ vītivatto, tenassa puna asamannāgamaṃ dassetuṃ āraddhaṃ.
396. தேஹி ச அபரிஹீனோதி பஞ்ஹே யஸ்மா யதா² பச்சனீகஸமுதா³சாரேன லோகியஜ்ஜா²னத⁴ம்மா பரிஹாயந்தி, ந ஏவங் லோகுத்தரா. மக்³கே³ன ஹி யே கிலேஸா பஹீயந்தி, ப²லேன ச படிப்பஸ்ஸம்ப⁴ந்தி, தே ததா² பஹீனாவ ததா² படிப்பஸ்ஸத்³தா⁴யேவ ச ஹொந்தி, தஸ்மா ஸகவாதி³னா ஆமந்தாதி படிஞ்ஞாதங். ஸ்வாயமத்தோ² பரதோ ‘‘அரஹதா சத்தாரோ மக்³கா³ படிலத்³தா⁴’’திஆதீ³ஸு பகாஸிதோயேவ. ஸேஸங் உத்தானத்த²மேவாதி.
396. Tehi ca aparihīnoti pañhe yasmā yathā paccanīkasamudācārena lokiyajjhānadhammā parihāyanti, na evaṃ lokuttarā. Maggena hi ye kilesā pahīyanti, phalena ca paṭippassambhanti, te tathā pahīnāva tathā paṭippassaddhāyeva ca honti, tasmā sakavādinā āmantāti paṭiññātaṃ. Svāyamattho parato ‘‘arahatā cattāro maggā paṭiladdhā’’tiādīsu pakāsitoyeva. Sesaṃ uttānatthamevāti.
ஸமன்னாக³தகதா²வண்ணனா.
Samannāgatakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (36) 4. ஸமன்னாக³தகதா² • (36) 4. Samannāgatakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. ஸமன்னாக³தகதா²வண்ணனா • 4. Samannāgatakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. ஸமன்னாக³தகதா²வண்ணனா • 4. Samannāgatakathāvaṇṇanā
