| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. саманнааг̇ад̇агат̇ааван̣н̣анаа
4. Samannāgatakathāvaṇṇanā
393. ид̣̇аани саманнааг̇ад̇агат̇аа наама ход̇и. д̇ад̇т̇а д̣̇вз саманнааг̇амаа бажжуббаннагкан̣з саман̇г̇ийбхаавасаманнааг̇амо жа руубааважараад̣̇ийсу ан̃н̃ад̇арабхуумиббад̇д̇ид̇о бадилаабхасаманнааг̇амо жа. со яаава ад̇хиг̇ад̇ависзсаа на барихааяад̇и, д̇аавад̣̇зва лаб̣бхад̇и. язсам̣ бана табзд̇ваа имз д̣̇вз саманнааг̇амз ан̃н̃о убабад̇д̇ид̇хаммавасзна зго саманнааг̇амо наама ход̇ийд̇и лад̣̇д̇хи, сзяяат̇ааби зд̇арахи уд̇д̇араабат̇агаанам̣, д̇зсам̣ бад̇д̇ид̇хаммо наама гожи над̇т̇ийд̇и ануб̣од̇ханад̇т̇ам̣ арахаа жад̇уухи палзхи саманнааг̇ад̇од̇и бужчаа сагаваад̣̇исса, бад̇д̇им̣ санд̇хааяа бадин̃н̃аа ид̇арасса. ат̇асса ‘‘яад̣̇и д̇з арахаа жад̇уухи канд̇хзхи вияа жад̇уухи палзхи саманнааг̇ад̇о, звам̣ санд̇з яз жад̇уусу палзсу жад̇д̇ааро пассаад̣̇аяо, д̇зхи д̇з арахад̇о саманнааг̇ад̇ад̇аа баабун̣аад̇ий’’д̇и жод̣̇анад̇т̇ам̣ арахаа жад̇уухи пассзхийд̇иаад̣̇и аарад̣̇д̇хам̣. д̇ам̣ саб̣б̣ам̣ бараваад̣̇инаа згагкан̣з жад̇уннам̣ пассаад̣̇ийнам̣ абхааваа бадигкид̇д̇ам̣. анааг̇аамибан̃хаад̣̇ийсуби зсзва наяо.
393. Idāni samannāgatakathā nāma hoti. Tattha dve samannāgamā paccuppannakkhaṇe samaṅgībhāvasamannāgamo ca rūpāvacarādīsu aññatarabhūmippattito paṭilābhasamannāgamo ca. So yāva adhigatavisesā na parihāyati, tāvadeva labbhati. Yesaṃ pana ṭhapetvā ime dve samannāgame añño upapattidhammavasena eko samannāgamo nāma hotīti laddhi, seyyathāpi etarahi uttarāpathakānaṃ, tesaṃ pattidhammo nāma koci natthīti anubodhanatthaṃ arahā catūhi phalehi samannāgatoti pucchā sakavādissa, pattiṃ sandhāya paṭiññā itarassa. Athassa ‘‘yadi te arahā catūhi khandhehi viya catūhi phalehi samannāgato, evaṃ sante ye catūsu phalesu cattāro phassādayo, tehi te arahato samannāgatatā pāpuṇātī’’ti codanatthaṃ arahā catūhi phassehītiādi āraddhaṃ. Taṃ sabbaṃ paravādinā ekakkhaṇe catunnaṃ phassādīnaṃ abhāvā paṭikkhittaṃ. Anāgāmipañhādīsupi eseva nayo.
395. сод̇аабад̇д̇ипалам̣ вийд̇ивад̇д̇од̇и на батамаж̇жхаанам̣ вияа д̣̇уд̇ияаж̇жхааналаабхий; буна ануббад̇д̇ияаа бана вийд̇ивад̇д̇од̇и бужчад̇и. сод̇аабад̇д̇имаг̇г̇анд̇иаад̣̇и яам̣ вийд̇ивад̇д̇о, д̇знасса буна асаманнааг̇амам̣ д̣̇ассзд̇ум̣ аарад̣̇д̇хам̣.
395. Sotāpattiphalaṃ vītivattoti na paṭhamajjhānaṃ viya dutiyajjhānalābhī; puna anuppattiyā pana vītivattoti pucchati. Sotāpattimaggantiādi yaṃ vītivatto, tenassa puna asamannāgamaṃ dassetuṃ āraddhaṃ.
396. д̇зхи жа абарихийнод̇и бан̃хз яасмаа яат̇аа бажжанийгасамуд̣̇аажаарзна логияаж̇жхаанад̇хаммаа барихааяанд̇и, на звам̣ логуд̇д̇араа. маг̇г̇зна хи яз гилзсаа бахийяанд̇и, палзна жа бадиббассамбханд̇и, д̇з д̇ат̇аа бахийнаава д̇ат̇аа бадиббассад̣̇д̇хааязва жа хонд̇и, д̇асмаа сагаваад̣̇инаа ааманд̇аад̇и бадин̃н̃аад̇ам̣. свааяамад̇т̇о барад̇о ‘‘арахад̇аа жад̇д̇ааро маг̇г̇аа бадилад̣̇д̇хаа’’д̇иаад̣̇ийсу багаасид̇оязва. сзсам̣ уд̇д̇аанад̇т̇амзваад̇и.
396. Tehi ca aparihīnoti pañhe yasmā yathā paccanīkasamudācārena lokiyajjhānadhammā parihāyanti, na evaṃ lokuttarā. Maggena hi ye kilesā pahīyanti, phalena ca paṭippassambhanti, te tathā pahīnāva tathā paṭippassaddhāyeva ca honti, tasmā sakavādinā āmantāti paṭiññātaṃ. Svāyamattho parato ‘‘arahatā cattāro maggā paṭiladdhā’’tiādīsu pakāsitoyeva. Sesaṃ uttānatthamevāti.
саманнааг̇ад̇агат̇ааван̣н̣анаа.
Samannāgatakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (36) 4. саманнааг̇ад̇агат̇аа • (36) 4. Samannāgatakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. саманнааг̇ад̇агат̇ааван̣н̣анаа • 4. Samannāgatakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. саманнааг̇ад̇агат̇ааван̣н̣анаа • 4. Samannāgatakathāvaṇṇanā
