| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਸਮਨ੍ਨਾਗਤਕਥਾવਣ੍ਣਨਾ
4. Samannāgatakathāvaṇṇanā
੩੯੩. ਇਦਾਨਿ ਸਮਨ੍ਨਾਗਤਕਥਾ ਨਾਮ ਹੋਤਿ। ਤਤ੍ਥ ਦ੍વੇ ਸਮਨ੍ਨਾਗਮਾ ਪਚ੍ਚੁਪ੍ਪਨ੍ਨਕ੍ਖਣੇ ਸਮਙ੍ਗੀਭਾવਸਮਨ੍ਨਾਗਮੋ ਚ ਰੂਪਾવਚਰਾਦੀਸੁ ਅਞ੍ਞਤਰਭੂਮਿਪ੍ਪਤ੍ਤਿਤੋ ਪਟਿਲਾਭਸਮਨ੍ਨਾਗਮੋ ਚ। ਸੋ ਯਾવ ਅਧਿਗਤવਿਸੇਸਾ ਨ ਪਰਿਹਾਯਤਿ, ਤਾવਦੇવ ਲਬ੍ਭਤਿ। ਯੇਸਂ ਪਨ ਠਪੇਤ੍વਾ ਇਮੇ ਦ੍વੇ ਸਮਨ੍ਨਾਗਮੇ ਅਞ੍ਞੋ ਉਪਪਤ੍ਤਿਧਮ੍ਮવਸੇਨ ਏਕੋ ਸਮਨ੍ਨਾਗਮੋ ਨਾਮ ਹੋਤੀਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਉਤ੍ਤਰਾਪਥਕਾਨਂ, ਤੇਸਂ ਪਤ੍ਤਿਧਮ੍ਮੋ ਨਾਮ ਕੋਚਿ ਨਤ੍ਥੀਤਿ ਅਨੁਬੋਧਨਤ੍ਥਂ ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋਤਿ ਪੁਚ੍ਛਾ ਸਕવਾਦਿਸ੍ਸ, ਪਤ੍ਤਿਂ ਸਨ੍ਧਾਯ ਪਟਿਞ੍ਞਾ ਇਤਰਸ੍ਸ। ਅਥਸ੍ਸ ‘‘ਯਦਿ ਤੇ ਅਰਹਾ ਚਤੂਹਿ ਖਨ੍ਧੇਹਿ વਿਯ ਚਤੂਹਿ ਫਲੇਹਿ ਸਮਨ੍ਨਾਗਤੋ, ਏવਂ ਸਨ੍ਤੇ ਯੇ ਚਤੂਸੁ ਫਲੇਸੁ ਚਤ੍ਤਾਰੋ ਫਸ੍ਸਾਦਯੋ, ਤੇਹਿ ਤੇ ਅਰਹਤੋ ਸਮਨ੍ਨਾਗਤਤਾ ਪਾਪੁਣਾਤੀ’’ਤਿ ਚੋਦਨਤ੍ਥਂ ਅਰਹਾ ਚਤੂਹਿ ਫਸ੍ਸੇਹੀਤਿਆਦਿ ਆਰਦ੍ਧਂ। ਤਂ ਸਬ੍ਬਂ ਪਰવਾਦਿਨਾ ਏਕਕ੍ਖਣੇ ਚਤੁਨ੍ਨਂ ਫਸ੍ਸਾਦੀਨਂ ਅਭਾવਾ ਪਟਿਕ੍ਖਿਤ੍ਤਂ। ਅਨਾਗਾਮਿਪਞ੍ਹਾਦੀਸੁਪਿ ਏਸੇવ ਨਯੋ।
393. Idāni samannāgatakathā nāma hoti. Tattha dve samannāgamā paccuppannakkhaṇe samaṅgībhāvasamannāgamo ca rūpāvacarādīsu aññatarabhūmippattito paṭilābhasamannāgamo ca. So yāva adhigatavisesā na parihāyati, tāvadeva labbhati. Yesaṃ pana ṭhapetvā ime dve samannāgame añño upapattidhammavasena eko samannāgamo nāma hotīti laddhi, seyyathāpi etarahi uttarāpathakānaṃ, tesaṃ pattidhammo nāma koci natthīti anubodhanatthaṃ arahā catūhi phalehi samannāgatoti pucchā sakavādissa, pattiṃ sandhāya paṭiññā itarassa. Athassa ‘‘yadi te arahā catūhi khandhehi viya catūhi phalehi samannāgato, evaṃ sante ye catūsu phalesu cattāro phassādayo, tehi te arahato samannāgatatā pāpuṇātī’’ti codanatthaṃ arahā catūhi phassehītiādi āraddhaṃ. Taṃ sabbaṃ paravādinā ekakkhaṇe catunnaṃ phassādīnaṃ abhāvā paṭikkhittaṃ. Anāgāmipañhādīsupi eseva nayo.
੩੯੫. ਸੋਤਾਪਤ੍ਤਿਫਲਂ વੀਤਿવਤ੍ਤੋਤਿ ਨ ਪਠਮਜ੍ਝਾਨਂ વਿਯ ਦੁਤਿਯਜ੍ਝਾਨਲਾਭੀ; ਪੁਨ ਅਨੁਪ੍ਪਤ੍ਤਿਯਾ ਪਨ વੀਤਿવਤ੍ਤੋਤਿ ਪੁਚ੍ਛਤਿ। ਸੋਤਾਪਤ੍ਤਿਮਗ੍ਗਨ੍ਤਿਆਦਿ ਯਂ વੀਤਿવਤ੍ਤੋ, ਤੇਨਸ੍ਸ ਪੁਨ ਅਸਮਨ੍ਨਾਗਮਂ ਦਸ੍ਸੇਤੁਂ ਆਰਦ੍ਧਂ।
395. Sotāpattiphalaṃ vītivattoti na paṭhamajjhānaṃ viya dutiyajjhānalābhī; puna anuppattiyā pana vītivattoti pucchati. Sotāpattimaggantiādi yaṃ vītivatto, tenassa puna asamannāgamaṃ dassetuṃ āraddhaṃ.
੩੯੬. ਤੇਹਿ ਚ ਅਪਰਿਹੀਨੋਤਿ ਪਞ੍ਹੇ ਯਸ੍ਮਾ ਯਥਾ ਪਚ੍ਚਨੀਕਸਮੁਦਾਚਾਰੇਨ ਲੋਕਿਯਜ੍ਝਾਨਧਮ੍ਮਾ ਪਰਿਹਾਯਨ੍ਤਿ, ਨ ਏવਂ ਲੋਕੁਤ੍ਤਰਾ। ਮਗ੍ਗੇਨ ਹਿ ਯੇ ਕਿਲੇਸਾ ਪਹੀਯਨ੍ਤਿ, ਫਲੇਨ ਚ ਪਟਿਪ੍ਪਸ੍ਸਮ੍ਭਨ੍ਤਿ, ਤੇ ਤਥਾ ਪਹੀਨਾવ ਤਥਾ ਪਟਿਪ੍ਪਸ੍ਸਦ੍ਧਾਯੇવ ਚ ਹੋਨ੍ਤਿ, ਤਸ੍ਮਾ ਸਕવਾਦਿਨਾ ਆਮਨ੍ਤਾਤਿ ਪਟਿਞ੍ਞਾਤਂ। ਸ੍વਾਯਮਤ੍ਥੋ ਪਰਤੋ ‘‘ਅਰਹਤਾ ਚਤ੍ਤਾਰੋ ਮਗ੍ਗਾ ਪਟਿਲਦ੍ਧਾ’’ਤਿਆਦੀਸੁ ਪਕਾਸਿਤੋਯੇવ। ਸੇਸਂ ਉਤ੍ਤਾਨਤ੍ਥਮੇવਾਤਿ।
396. Tehi ca aparihīnoti pañhe yasmā yathā paccanīkasamudācārena lokiyajjhānadhammā parihāyanti, na evaṃ lokuttarā. Maggena hi ye kilesā pahīyanti, phalena ca paṭippassambhanti, te tathā pahīnāva tathā paṭippassaddhāyeva ca honti, tasmā sakavādinā āmantāti paṭiññātaṃ. Svāyamattho parato ‘‘arahatā cattāro maggā paṭiladdhā’’tiādīsu pakāsitoyeva. Sesaṃ uttānatthamevāti.
ਸਮਨ੍ਨਾਗਤਕਥਾવਣ੍ਣਨਾ।
Samannāgatakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੩੬) ੪. ਸਮਨ੍ਨਾਗਤਕਥਾ • (36) 4. Samannāgatakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਸਮਨ੍ਨਾਗਤਕਥਾવਣ੍ਣਨਾ • 4. Samannāgatakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਸਮਨ੍ਨਾਗਤਕਥਾવਣ੍ਣਨਾ • 4. Samannāgatakathāvaṇṇanā
