| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. сааман̃н̃агаанид̇т̇зраг̇аат̇ааван̣н̣анаа
5. Sāmaññakānittheragāthāvaṇṇanā
сукам̣ сукад̇т̇од̇и ааяасмад̇о сааман̃н̃агаанид̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро худ̇ваа д̇ад̇т̇а д̇ад̇т̇а бхавз гусалам̣ убажинанд̇о ид̇о зганавуд̇з габбз вибассисса бхаг̇авад̇о гаалз мануссаяонияам̣ ниб̣б̣ад̇д̇о вибассим̣ бхаг̇аванд̇ам̣ д̣̇исваа басаннамаанасо згам̣ ман̃жам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з ан̃н̃ад̇арасса бариб̣б̣ааж̇агасса буд̇д̇о худ̇ваа ниб̣б̣ад̇д̇и. сааман̃н̃агаанийд̇исса наамам̣ ахоси. со вин̃н̃уд̇ам̣ бад̇д̇о сад̇т̇у яамагабаадихаарияам̣ д̣̇исваа басаннамаанасо саасанз баб̣б̣аж̇ид̇ваа жарияаанугуулам̣ гаммадтаанам̣ г̇ахзд̇ваа жхаанам̣ ниб̣б̣ад̇д̇зд̇ваа жхаанам̣ баад̣̇агам̣ гад̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.36.30-33) –
Sukhaṃsukhatthoti āyasmato sāmaññakānittherassa gāthā. Kā uppatti? So kira purimabuddhesu katādhikāro hutvā tattha tattha bhave kusalaṃ upacinanto ito ekanavute kappe vipassissa bhagavato kāle manussayoniyaṃ nibbatto vipassiṃ bhagavantaṃ disvā pasannamānaso ekaṃ mañcaṃ adāsi. So tena puññakammena devamanussesu saṃsaranto imasmiṃ buddhuppāde aññatarassa paribbājakassa putto hutvā nibbatti. Sāmaññakānītissa nāmaṃ ahosi. So viññutaṃ patto satthu yamakapāṭihāriyaṃ disvā pasannamānaso sāsane pabbajitvā cariyānukūlaṃ kammaṭṭhānaṃ gahetvā jhānaṃ nibbattetvā jhānaṃ pādakaṃ katvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.36.30-33) –
‘‘вибассино бхаг̇авад̇о, логаж̇здтасса д̇аад̣̇ино;
‘‘Vipassino bhagavato, lokajeṭṭhassa tādino;
згам̣ ман̃жам̣ маяаа д̣̇иннам̣, басаннзна сабаан̣инаа.
Ekaṃ mañcaṃ mayā dinnaṃ, pasannena sapāṇinā.
‘‘хад̇т̇ияаанам̣ ассаяаанам̣, д̣̇иб̣б̣аяаанам̣ самаж̇жхаг̇ам̣;
‘‘Hatthiyānaṃ assayānaṃ, dibbayānaṃ samajjhagaṃ;
д̇зна ман̃жага д̣̇аанзна, бад̇д̇омхи аасавагкаяам̣.
Tena mañcaka dānena, pattomhi āsavakkhayaṃ.
‘‘зганавуд̇ид̇о габбз, яам̣ ман̃жамад̣̇ад̣̇им̣ д̇ад̣̇аа;
‘‘Ekanavutito kappe, yaṃ mañcamadadiṃ tadā;
д̣̇уг̇г̇ад̇им̣ наабхиж̇аанаами, ман̃жад̣̇аанассид̣̇ам̣ палам̣.
Duggatiṃ nābhijānāmi, mañcadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
т̇зрасса бана г̇ихисахааяаго гаад̇ияаано наама бариб̣б̣ааж̇аго б̣уд̣̇д̇хуббаад̣̇ад̇о бадтааяа д̇ид̇т̇ияаанам̣ хад̇алаабхасаггаарад̇ааяа гхаасажчаад̣̇анамад̇д̇амби алабханд̇о ааж̇ийвагаабагад̇о т̇зрам̣ убасан̇гамид̇ваа ‘‘д̇умхз саагияабуд̇д̇ияаа наама махаалаабхаг̇г̇аяасаг̇г̇аббад̇д̇аа сукзна ж̇ийват̇а, маяам̣ бана д̣̇угкид̇аа гижчаж̇ийвигаа, гат̇ам̣ ну ко бадибаж̇ж̇амаанасса д̣̇идтад̇хаммиган̃жзва самбарааяиган̃жа сукам̣ самбаж̇ж̇ад̇ий’’д̇и бужчи. ат̇асса т̇зро ‘‘ниббарияааяад̇о сукам̣ наама логуд̇д̇арасукамзва, д̇ан̃жа д̇ад̣̇ануруубам̣ бадибад̇д̇им̣ бадибаж̇ж̇анд̇ассзваа’’д̇и ад̇д̇анаа д̇асса ад̇хиг̇ад̇абхаавам̣ барияааязна вибхаавзнд̇о ‘‘сукам̣ сукад̇т̇о лабхад̇з д̇ад̣̇аажара’’нд̇и г̇аат̇ам̣ абхааси.
Therassa pana gihisahāyako kātiyāno nāma paribbājako buddhuppādato paṭṭhāya titthiyānaṃ hatalābhasakkāratāya ghāsacchādanamattampi alabhanto ājīvakāpakato theraṃ upasaṅkamitvā ‘‘tumhe sākiyaputtiyā nāma mahālābhaggayasaggappattā sukhena jīvatha, mayaṃ pana dukkhitā kicchajīvikā, kathaṃ nu kho paṭipajjamānassa diṭṭhadhammikañceva samparāyikañca sukhaṃ sampajjatī’’ti pucchi. Athassa thero ‘‘nippariyāyato sukhaṃ nāma lokuttarasukhameva, tañca tadanurūpaṃ paṭipattiṃ paṭipajjantassevā’’ti attanā tassa adhigatabhāvaṃ pariyāyena vibhāvento ‘‘sukhaṃ sukhattho labhate tadācara’’nti gāthaṃ abhāsi.
35. д̇ад̇т̇а суканд̇и нираамисам̣ сукам̣ ид̇хаад̇хиббзд̇ам̣. д̇ан̃жа паласамаабад̇д̇и жзва ниб̣б̣аанан̃жа. д̇ат̇аа хи ‘‘аяам̣ самаад̇хи бажжуббаннасуко жзва ааяад̇ин̃жа сукавибааго’’ (д̣̇ий. ни. 3.355; а. ни. 5.27; вибха. 804) ‘‘ниб̣б̣аанам̣ барамам̣ сука’’нд̇и (д̇ха. ба. 203-204) жа вуд̇д̇ам̣. сукад̇т̇од̇и сукаббаяож̇ано, яат̇аавуд̇д̇зна сукзна ад̇т̇иго. лабхад̇зд̇и баабун̣аад̇и, ад̇т̇игассзвзд̣̇ам̣ сукам̣, на ид̇арасса. го бана ад̇т̇игод̇и ааха ‘‘д̇ад̣̇аажара’’нд̇и д̇ад̣̇ад̇т̇ам̣ аажаранд̇о, яааяа бадибад̇д̇ияаа д̇ам̣ бадибад̇д̇им̣ бадибаж̇ж̇анд̇од̇и ад̇т̇о. на гзвалам̣ д̇ад̣̇аажарам̣ сукамзва лабхад̇з, ат̇а ко гид̇д̇ин̃жа баббод̇и ‘‘ид̇иби сийлаваа субарисуд̣̇д̇хагааяаважийгамманд̇о субарисуд̣̇д̇хааж̇ийво жхааяий жхаанаяуд̇д̇о’’д̇иаад̣̇инаа гид̇д̇им̣ бараммукаа бад̇т̇адаяасад̇ам̣ баабун̣аад̇и. яасасса вад̣дхад̇ийд̇и саммукз г̇ун̣аабхид̇т̇авасан̇каад̇о бариваарасамбад̣̇аасан̇каад̇о жа яасо асса бариб̣руухад̇и. ид̣̇аани ‘‘д̇ад̣̇аажара’’нд̇и сааман̃н̃ад̇о вуд̇д̇амад̇т̇ам̣ саруубад̇о д̣̇ассзнд̇о – ‘‘яо арияамадтан̇г̇игаман̃ж̇асам̣ уж̇ум̣, бхаавзд̇и маг̇г̇ам̣ амад̇асса бад̇д̇ияаа’’д̇и ааха. д̇ассад̇т̇о яо буг̇г̇ало гилзсзхи аарагад̇д̇аа барисуд̣̇д̇хадтзна бадибаж̇ж̇анд̇аанам̣ арияабхаавагаран̣адтзна арияам̣, саммаад̣̇идтиаад̣̇иадтан̇г̇асамуд̣̇ааяад̇ааяа адтан̇г̇игам̣, анд̇ад̣̇ваяарахид̇амаж̇жхимабадибад̇д̇ибхаавад̇о агудиладтзна ан̃ж̇асам̣, гааяаван̇гаад̣̇иббахаанад̇о уж̇ум̣, ниб̣б̣аанад̇т̇игзхи маг̇г̇анияадтзна гилзсз маарзнд̇о г̇аманадтзна жа ‘‘маг̇г̇а’’нд̇и лад̣̇д̇ханаамам̣ д̣̇угканирод̇хаг̇ааминибадибад̣̇ам̣ амад̇асса асан̇кад̇ааяа д̇хаад̇уяаа бад̇д̇ияаа ад̇хиг̇амааяа бхаавзд̇и ад̇д̇ано санд̇аанз уббаад̣̇зд̇и вад̣дхзд̇и жа, со ниббарияааязна ‘‘сукад̇т̇о д̇ад̣̇аажара’’нд̇и вужжад̇и, д̇асмаа яат̇аавуд̇д̇ам̣ сукам̣ лабхад̇и. д̇ам̣ суд̇ваа бариб̣б̣ааж̇аго басаннамаанасо баб̣б̣аж̇ид̇ваа саммаа бадибаж̇ж̇анд̇о нажирассзва вибассанам̣ вад̣дхзд̇ваа арахад̇д̇ам̣ баабун̣и. ид̣̇амзва т̇зрасса ан̃н̃ааб̣яаагаран̣ам̣ ахоси.
35. Tattha sukhanti nirāmisaṃ sukhaṃ idhādhippetaṃ. Tañca phalasamāpatti ceva nibbānañca. Tathā hi ‘‘ayaṃ samādhi paccuppannasukho ceva āyatiñca sukhavipāko’’ (dī. ni. 3.355; a. ni. 5.27; vibha. 804) ‘‘nibbānaṃ paramaṃ sukha’’nti (dha. pa. 203-204) ca vuttaṃ. Sukhatthoti sukhappayojano, yathāvuttena sukhena atthiko. Labhateti pāpuṇāti, atthikassevedaṃ sukhaṃ, na itarassa. Ko pana atthikoti āha ‘‘tadācara’’nti tadatthaṃ ācaranto, yāya paṭipattiyā taṃ paṭipattiṃ paṭipajjantoti attho. Na kevalaṃ tadācaraṃ sukhameva labhate, atha kho kittiñca pappoti ‘‘itipi sīlavā suparisuddhakāyavacīkammanto suparisuddhājīvo jhāyī jhānayutto’’tiādinā kittiṃ parammukhā patthaṭayasataṃ pāpuṇāti. Yasassa vaḍḍhatīti sammukhe guṇābhitthavasaṅkhāto parivārasampadāsaṅkhāto ca yaso assa paribrūhati. Idāni ‘‘tadācara’’nti sāmaññato vuttamatthaṃ sarūpato dassento – ‘‘yo ariyamaṭṭhaṅgikamañjasaṃ ujuṃ, bhāveti maggaṃ amatassa pattiyā’’ti āha. Tassattho yo puggalo kilesehi ārakattā parisuddhaṭṭhena paṭipajjantānaṃ ariyabhāvakaraṇaṭṭhena ariyaṃ, sammādiṭṭhiādiaṭṭhaṅgasamudāyatāya aṭṭhaṅgikaṃ, antadvayarahitamajjhimapaṭipattibhāvato akuṭilaṭṭhena añjasaṃ, kāyavaṅkādippahānato ujuṃ, nibbānatthikehi magganiyaṭṭhena kilese mārento gamanaṭṭhena ca ‘‘magga’’nti laddhanāmaṃ dukkhanirodhagāminipaṭipadaṃ amatassa asaṅkhatāya dhātuyā pattiyā adhigamāya bhāveti attano santāne uppādeti vaḍḍheti ca, so nippariyāyena ‘‘sukhattho tadācara’’nti vuccati, tasmā yathāvuttaṃ sukhaṃ labhati. Taṃ sutvā paribbājako pasannamānaso pabbajitvā sammā paṭipajjanto nacirasseva vipassanaṃ vaḍḍhetvā arahattaṃ pāpuṇi. Idameva therassa aññābyākaraṇaṃ ahosi.
сааман̃н̃агаанид̇т̇зраг̇аат̇ааван̣н̣анаа нидтид̇аа.
Sāmaññakānittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. сааман̃н̃агаанид̇т̇зраг̇аат̇аа • 5. Sāmaññakānittheragāthā
