| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౩. సామఞ్ఞఫలకథావణ్ణనా
3. Sāmaññaphalakathāvaṇṇanā
౮౩౫-౮౩౬. ఇదాని సామఞ్ఞఫలకథా నామ హోతి. తత్థ మగ్గవీథియమ్పి ఫలసమాపత్తివీథియమ్పి అరియమగ్గస్స విపాకచిత్తం సామఞ్ఞఫలం నామాతి సకసమయే సన్నిట్ఠానం. యేసం పన తథా అగ్గహేత్వా ‘‘కిలేసపహానఞ్చేవ ఫలుప్పత్తి చ సామఞ్ఞఫలం, తస్మా అసఙ్ఖత’’న్తి లద్ధి, సేయ్యథాపి పుబ్బసేలియానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. సేసమేత్థ హేట్ఠా వుత్తనయత్తా యథా పాళిమేవ నియ్యాతీతి.
835-836. Idāni sāmaññaphalakathā nāma hoti. Tattha maggavīthiyampi phalasamāpattivīthiyampi ariyamaggassa vipākacittaṃ sāmaññaphalaṃ nāmāti sakasamaye sanniṭṭhānaṃ. Yesaṃ pana tathā aggahetvā ‘‘kilesapahānañceva phaluppatti ca sāmaññaphalaṃ, tasmā asaṅkhata’’nti laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesamettha heṭṭhā vuttanayattā yathā pāḷimeva niyyātīti.
సామఞ్ఞఫలకథావణ్ణనా.
Sāmaññaphalakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౮౮) ౩ సామఞ్ఞఫలకథా • (188) 3 Sāmaññaphalakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౩. సామఞ్ఞఫలకథావణ్ణనా • 3. Sāmaññaphalakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౩. సామఞ్ఞఫలకథావణ్ణనా • 3. Sāmaññaphalakathāvaṇṇanā
