2. сааман̃н̃апаласуд̇д̇ам̣

рааж̇аамажжагат̇аа

150. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и ж̇ийвагасса гомаарабхажжасса амб̣аванз махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи. д̇зна ко бана самаязна рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ад̣̇ахубосат̇з баннарасз гомуд̣̇ияаа жаад̇умаасинияаа бун̣н̣ааяа бун̣н̣амааяа рад̇д̇ияаа рааж̇аамажжабаривуд̇о убарибаасаад̣̇авараг̇ад̇о нисинно ход̇и. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ад̣̇ахубосат̇з уд̣̇аанам̣ уд̣̇аанзси – ‘‘раман̣ийяаа вад̇а бхо д̣̇осинаа рад̇д̇и, абхируубаа вад̇а бхо д̣̇осинаа рад̇д̇и, д̣̇ассанийяаа вад̇а бхо д̣̇осинаа рад̇д̇и, баасаад̣̇игаа вад̇а бхо д̣̇осинаа рад̇д̇и, лагкан̃н̃аа вад̇а бхо д̣̇осинаа рад̇д̇и. гам̣ ну кваж̇ж̇а саман̣ам̣ ваа б̣раахман̣ам̣ ваа баяирубаасзяяаама, яам̣ но баяирубаасад̇о жид̇д̇ам̣ басийд̣̇зяяаа’’д̇и?

151. звам̣ вуд̇д̇з, ан̃н̃ад̇аро рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, бууран̣о гассабо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво бууран̣ам̣ гассабам̣ баяирубаасад̇у. аббзва наама д̣̇звасса бууран̣ам̣ гассабам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

152. ан̃н̃ад̇ароби ко рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, магкали г̇осаало сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво магкалим̣ г̇осаалам̣ баяирубаасад̇у. аббзва наама д̣̇звасса магкалим̣ г̇осаалам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

153. ан̃н̃ад̇ароби ко рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, аж̇ид̇о гзсагамб̣ало сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво аж̇ид̇ам̣ гзсагамб̣алам̣ баяирубаасад̇у. аббзва наама д̣̇звасса аж̇ид̇ам̣ гзсагамб̣алам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

154. ан̃н̃ад̇ароби ко рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, багуд̇хо ¹ гажжааяано сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво багуд̇хам̣ гажжааяанам̣ баяирубаасад̇у. аббзва наама д̣̇звасса багуд̇хам̣ гажжааяанам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

155. ан̃н̃ад̇ароби ко рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, сан̃жаяо ³ б̣зладтабуд̇д̇о ⁴ сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво сан̃жаяам̣ б̣зладтабуд̇д̇ам̣ баяирубаасад̇у. аббзва наама д̣̇звасса сан̃жаяам̣ б̣зладтабуд̇д̇ам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

156. ан̃н̃ад̇ароби ко рааж̇аамажжо рааж̇аанам̣ мааг̇ад̇хам̣ аж̇аад̇асад̇д̇ум̣ взд̣̇зхибуд̇д̇ам̣ зд̇ад̣̇авожа – ‘‘аяам̣, д̣̇зва, ниг̇ан̣то наадабуд̇д̇о ⁷ сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. д̇ам̣ д̣̇зво ниг̇ан̣там̣ наадабуд̇д̇ам̣ баяирубаасад̇у. аббзва наама д̣̇звасса ниг̇ан̣там̣ наадабуд̇д̇ам̣ баяирубаасад̇о жид̇д̇ам̣ басийд̣̇зяяаа’’д̇и. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хий ахоси.

гомаарабхажжаж̇ийвагагат̇аа

157. д̇зна ко бана самаязна ж̇ийваго гомаарабхажжо ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса авид̣̇уурз д̇ун̣хийбхууд̇о нисинно ход̇и. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о ж̇ийвагам̣ гомаарабхажжам̣ зд̇ад̣̇авожа – ‘‘д̇вам̣ бана, самма ж̇ийвага, гим̣ д̇ун̣хий’’д̇и? ‘‘аяам̣, д̣̇зва, бхаг̇аваа арахам̣ саммаасамб̣уд̣̇д̇хо амхаагам̣ амб̣аванз вихарад̇и махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи. д̇ам̣ ко бана бхаг̇аванд̇ам̣ ⁹ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇ам̣ д̣̇зво бхаг̇аванд̇ам̣ баяирубаасад̇у. аббзва наама д̣̇звасса бхаг̇аванд̇ам̣ баяирубаасад̇о жид̇д̇ам̣ басийд̣̇зяяаа’д̇и.

158. ‘‘д̇зна хи, самма ж̇ийвага, хад̇т̇ияаанаани габбаабзхий’’д̇и. ‘‘звам̣, д̣̇зваа’’д̇и ко ж̇ийваго гомаарабхажжо ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса бадиссун̣ид̇ваа бан̃жамад̇д̇аани хад̇т̇инигаасад̇аани габбаабзд̇ваа ран̃н̃о жа аарохан̣ийяам̣ нааг̇ам̣, ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса бадивзд̣̇зси – ‘‘габбид̇аани ко д̇з, д̣̇зва, хад̇т̇ияаанаани, яассад̣̇аани гаалам̣ ман̃н̃асий’’д̇и.

159. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бан̃жасу хад̇т̇инигаасад̇зсу бажжзгаа ид̇т̇ияо ааробзд̇ваа аарохан̣ийяам̣ нааг̇ам̣ абхирухид̇ваа уггаасу д̇хаарияамаанаасу рааж̇аг̇ахамхаа нияяааси махажжарааж̇аанубхаавзна, язна ж̇ийвагасса гомаарабхажжасса амб̣аванам̣ д̇зна бааяааси.

ат̇а ко ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса авид̣̇уурз амб̣аванасса ахуд̣̇зва бхаяам̣, аху чамбхид̇ад̇д̇ам̣, аху ломахам̣со. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхийд̇о сам̣виг̇г̇о ломахадтаж̇аад̇о ж̇ийвагам̣ гомаарабхажжам̣ зд̇ад̣̇авожа – ‘‘гажжи мам̣, самма ж̇ийвага, на ван̃жзси? гажжи мам̣, самма ж̇ийвага, на баламбхзси? гажжи мам̣, самма ж̇ийвага, на бажжад̇т̇игаанам̣ д̣̇зси ? гат̇ан̃хи наама д̇аава махад̇о бхигкусан̇гхасса ад̣дхад̇зл̣асаанам̣ бхигкусад̇аанам̣ нзва кибид̇асад̣̇д̣̇о бхависсад̇и, на уггаасид̇асад̣̇д̣̇о на ниг̇гхосо’’д̇и.

‘‘маа бхааяи, махаарааж̇а, маа бхааяи, махаарааж̇а. на д̇ам̣ д̣̇зва, ван̃жзми; на д̇ам̣, д̣̇зва, баламбхаами ; на д̇ам̣, д̣̇зва, бажжад̇т̇игаанам̣ д̣̇зми. абхиггама, махаарааж̇а, абхиггама, махаарааж̇а, зд̇з ман̣д̣аламаал̣з д̣̇ийбаа ¹¹ жхааяанд̇ий’’д̇и.

сааман̃н̃апалабужчаа

160. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о яаавад̇игаа нааг̇асса бхууми нааг̇зна г̇анд̇ваа, нааг̇аа бажжорохид̇ваа, бад̇д̇игова ¹³ язна ман̣д̣аламаал̣асса д̣̇ваарам̣ д̇знубасан̇гами; убасан̇гамид̇ваа ж̇ийвагам̣ гомаарабхажжам̣ зд̇ад̣̇авожа – ‘‘гахам̣ бана, самма ж̇ийвага, бхаг̇аваа’’д̇и? ‘‘зсо, махаарааж̇а, бхаг̇аваа; зсо, махаарааж̇а, бхаг̇аваа маж̇жхимам̣ т̇амбхам̣ ниссааяа бурад̇т̇аабхимуко нисинно бурагкад̇о бхигкусан̇гхассаа’’д̇и.

161. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о язна бхаг̇аваа д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа рахад̣̇амива виббасаннам̣ уд̣̇аанам̣ уд̣̇аанзси – ‘‘иминаа мз убасамзна уд̣̇аяабхад̣̇д̣̇о ¹⁵ гумааро саманнааг̇ад̇о ход̇у, язнзд̇арахи убасамзна бхигкусан̇гхо саманнааг̇ад̇о’’д̇и. ‘‘аг̇амаа ко д̇вам̣, махаарааж̇а, яат̇аабзма’’нд̇и. ‘‘бияо мз, бханд̇з, уд̣̇аяабхад̣̇д̣̇о гумааро. иминаа мз, бханд̇з, убасамзна уд̣̇аяабхад̣̇д̣̇о гумааро саманнааг̇ад̇о ход̇у язнзд̇арахи убасамзна бхигкусан̇гхо саманнааг̇ад̇о’’д̇и.

162. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇аванд̇ам̣ абхиваад̣̇зд̇ваа, бхигкусан̇гхасса ан̃ж̇алим̣ бан̣аамзд̇ваа , згаманд̇ам̣ нисийд̣̇и. згаманд̇ам̣ нисинно ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇аванд̇ам̣ зд̇ад̣̇авожа – ‘‘бужчзяяаамахам̣, бханд̇з, бхаг̇аванд̇ам̣ гин̃жид̣̇зва д̣̇зсам̣ ¹⁷; сажз мз бхаг̇аваа огаасам̣ гарод̇и бан̃хасса взяяаагаран̣ааяаа’’д̇и. ‘‘бужча, махаарааж̇а, яад̣̇ааган̇касий’’д̇и.

163. ‘‘яат̇аа ну ко имаани, бханд̇з, бут̇усиббааяад̇анаани, сзяяат̇ид̣̇ам̣ – хад̇т̇аарохаа ассаарохаа рат̇игаа д̇хануг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа жаммаяод̇хино д̣̇аасигабуд̇д̇аа аал̣ааригаа габбагаа нхаабагаа ¹⁹ сууд̣̇аа маалаагаараа раж̇агаа бзсагаараа нал̣агаараа гумбхагаараа г̇ан̣агаа муд̣̇д̣̇игаа, яаани ваа банан̃н̃ааниби звам̣г̇ад̇аани бут̇усиббааяад̇анаани, д̇з д̣̇идтзва д̇хаммз санд̣̇идтигам̣ сиббапалам̣ убаж̇ийванд̇и; д̇з д̇зна ад̇д̇аанам̣ сукзнд̇и бийн̣знд̇и ²⁰, маад̇аабид̇аро сукзнд̇и бийн̣знд̇и, буд̇д̇ад̣̇аарам̣ сукзнд̇и бийн̣знд̇и, мид̇д̇аамажжз сукзнд̇и бийн̣знд̇и, саман̣аб̣раахман̣зсу ²¹ уд̣̇д̇хаг̇г̇игам̣ д̣̇агкин̣ам̣ бад̇идтабзнд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. саггаа ну ко, бханд̇з, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’’нд̇и?

164. ‘‘абхиж̇аанааси но д̇вам̣, махаарааж̇а, имам̣ бан̃хам̣ ан̃н̃з саман̣аб̣раахман̣з бужчид̇аа’’д̇и ? ‘‘абхиж̇аанаамахам̣, бханд̇з, имам̣ бан̃хам̣ ан̃н̃з саман̣аб̣раахман̣з бужчид̇аа’’д̇и. ‘‘яат̇аа гат̇ам̣ бана д̇з, махаарааж̇а, б̣яаагарим̣су, сажз д̇з аг̇ару бхаасассуу’’д̇и. ‘‘на ко мз, бханд̇з, г̇ару, яад̇т̇асса бхаг̇аваа нисинно, бхаг̇аванд̇аруубо ваа’’д̇и ²⁵. ‘‘д̇зна хи, махаарааж̇а, бхаасассуу’’д̇и.

бууран̣агассабаваад̣̇о

165. ‘‘згамид̣̇аахам̣, бханд̇з, самаяам̣ язна бууран̣о гассабо д̇знубасан̇гами; убасан̇гамид̇ваа бууран̣зна гассабзна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣, бханд̇з, бууран̣ам̣ гассабам̣ зд̇ад̣̇авожам̣ – ‘яат̇аа ну ко имаани, бхо гассаба, бут̇усиббааяад̇анаани, сзяяат̇ид̣̇ам̣ – хад̇т̇аарохаа ассаарохаа рат̇игаа д̇хануг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа жаммаяод̇хино д̣̇аасигабуд̇д̇аа аал̣ааригаа габбагаа нхаабагаа сууд̣̇аа маалаагаараа раж̇агаа бзсагаараа нал̣агаараа гумбхагаараа г̇ан̣агаа муд̣̇д̣̇игаа, яаани ваа банан̃н̃ааниби звам̣г̇ад̇аани бут̇усиббааяад̇анаани- д̇з д̣̇идтзва д̇хаммз санд̣̇идтигам̣ сиббапалам̣ убаж̇ийванд̇и; д̇з д̇зна ад̇д̇аанам̣ сукзнд̇и бийн̣знд̇и, маад̇аабид̇аро сукзнд̇и бийн̣знд̇и, буд̇д̇ад̣̇аарам̣ сукзнд̇и бийн̣знд̇и, мид̇д̇аамажжз сукзнд̇и бийн̣знд̇и, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтабзнд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. саггаа ну ко, бхо гассаба, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

166. ‘‘звам̣ вуд̇д̇з, бханд̇з, бууран̣о гассабо мам̣ зд̇ад̣̇авожа – ‘гарод̇о ко, махаарааж̇а, гаараяад̇о, чинд̣̇ад̇о чзд̣̇аабаяад̇о, бажад̇о баажаабаяад̇о сожаяад̇о, сожаабаяад̇о, гиламад̇о гиламаабаяад̇о, панд̣̇ад̇о панд̣̇аабаяад̇о, баан̣амад̇ибаад̇аабаяад̇о, ад̣̇иннам̣ аад̣̇ияад̇о, санд̇хим̣ чинд̣̇ад̇о, ниллобам̣ харад̇о, згааг̇ааригам̣ гарод̇о, барибант̇з д̇идтад̇о, барад̣̇аарам̣ г̇ажчад̇о, мусаа бхан̣ад̇о, гарод̇о на гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. д̣̇агкин̣ам̣ жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о чинд̣̇анд̇о чзд̣̇аабзнд̇о бажанд̇о баажаабзнд̇о, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о яаж̇анд̇о яаж̇аабзнд̇о, над̇т̇и д̇ад̇онид̣̇аанам̣ бун̃н̃ам̣, над̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна над̇т̇и бун̃н̃ам̣, над̇т̇и бун̃н̃асса ааг̇амо’д̇и. ид̇т̇ам̣ ко мз, бханд̇з, бууран̣о гассабо санд̣̇идтигам̣ сааман̃н̃апалам̣ будто самаано агирияам̣ б̣яаагааси.

‘‘сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа , лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, бууран̣о гассабо санд̣̇идтигам̣ сааман̃н̃апалам̣ будто самаано агирияам̣ б̣яаагааси. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и. со ко ахам̣, бханд̇з, бууран̣асса гассабасса бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадигосид̇ваа анад̇д̇амано, анад̇д̇аманаваажам̣ анижчаарзд̇ваа, д̇амзва ваажам̣ ануг̇г̇ан̣ханд̇о аниггуж̇ж̇анд̇о ²⁷ удтааяаасанаа баггамим̣ ²⁸.

магкалиг̇осаалаваад̣̇о

167. ‘‘згамид̣̇аахам̣, бханд̇з, самаяам̣ язна магкали г̇осаало д̇знубасан̇гамим̣; убасан̇гамид̇ваа магкалинаа г̇осаалзна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣, бханд̇з, магкалим̣ г̇осаалам̣ зд̇ад̣̇авожам̣ – ‘яат̇аа ну ко имаани, бхо г̇осаала, бут̇усиббааяад̇анаани…бз… саггаа ну ко, бхо г̇осаала, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

168. ‘‘звам̣ вуд̇д̇з, бханд̇з, магкали г̇осаало мам̣ зд̇ад̣̇авожа – ‘над̇т̇и махаарааж̇а хзд̇у над̇т̇и бажжаяо сад̇д̇аанам̣ сам̣гилзсааяа, ахзд̇уу ³¹ абажжаяаа сад̇д̇аа сам̣гилиссанд̇и. над̇т̇и хзд̇у, над̇т̇и бажжаяо сад̇д̇аанам̣ висуд̣̇д̇хияаа, ахзд̇уу абажжаяаа сад̇д̇аа висуж̇жханд̇и. над̇т̇и ад̇д̇агаарз, над̇т̇и барагаарз, над̇т̇и бурисагаарз, над̇т̇и б̣алам̣, над̇т̇и вийрияам̣, над̇т̇и бурисат̇аамо, над̇т̇и бурисабараггамо . саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исан̇г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ ³² бадисам̣взд̣̇знд̇и. жуд̣̇д̣̇аса ко банимаани яонибамукасад̇асахассаани садти жа сад̇аани ча жа сад̇аани бан̃жа жа гаммуно сад̇аани бан̃жа жа гаммаани д̇ийн̣и жа гаммаани гаммз жа ад̣дхагаммз жа д̣̇вадтибадибад̣̇аа д̣̇вадтанд̇арагаббаа чал̣аабхиж̇аад̇ияо адта бурисабхуумияо згуунабан̃н̃ааса ааж̇ийвагасад̇з згуунабан̃н̃ааса бариб̣б̣ааж̇агасад̇з згуунабан̃н̃ааса нааг̇ааваасасад̇з вийсз инд̣̇рияасад̇з д̇им̣сз нираяасад̇з чад̇д̇им̣са раж̇од̇хаад̇уяо сад̇д̇а сан̃н̃ийг̇аб̣бхаа сад̇д̇а асан̃н̃ийг̇аб̣бхаа сад̇д̇а ниг̇ан̣тиг̇аб̣бхаа сад̇д̇а д̣̇зваа сад̇д̇а маанусаа сад̇д̇а бисаажаа сад̇д̇а сараа сад̇д̇а бавудаа ³³ сад̇д̇а бавудасад̇аани сад̇д̇а бабаад̇аа сад̇д̇а бабаад̇асад̇аани сад̇д̇а субинаа сад̇д̇а субинасад̇аани жуллаасийд̇и махаагаббино ³⁴ сад̇асахассаани, яаани б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и. д̇ад̇т̇а над̇т̇и ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа абарибаггам̣ ваа гаммам̣ барибаажзссаами, барибаггам̣ ваа гаммам̣ пусса пусса б̣яанд̇им̣ гариссаамий’д̇и хзвам̣ над̇т̇и. д̣̇он̣амид̇з сукад̣̇угкз барияанд̇агад̇з сам̣саарз , над̇т̇и хааяанавад̣дханз, над̇т̇и уггам̣саавагам̣сз. сзяяат̇ааби наама суд̇д̇аг̇ул̣з кид̇д̇з ниб̣б̣зтияамаанамзва балзд̇и, звамзва б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇ий’д̇и.

169. ‘‘ид̇т̇ам̣ ко мз, бханд̇з, магкали г̇осаало санд̣̇идтигам̣ сааман̃н̃апалам̣ будто самаано сам̣саарасуд̣̇д̇хим̣ б̣яаагааси. сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа, лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, магкали г̇осаало санд̣̇идтигам̣ сааман̃н̃апалам̣ будто самаано сам̣саарасуд̣̇д̇хим̣ б̣яаагааси. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и. со ко ахам̣, бханд̇з, магкалисса г̇осааласса бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадиггосид̇ваа анад̇д̇амано, анад̇д̇аманаваажам̣ анижчаарзд̇ваа, д̇амзва ваажам̣ ануг̇г̇ан̣ханд̇о аниггуж̇ж̇анд̇о удтааяаасанаа баггамим̣.

аж̇ид̇агзсагамб̣алаваад̣̇о

170. ‘‘згамид̣̇аахам̣, бханд̇з, самаяам̣ язна аж̇ид̇о гзсагамб̣ало д̇знубасан̇гамим̣; убасан̇гамид̇ваа аж̇ид̇зна гзсагамб̣алзна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣, бханд̇з, аж̇ид̇ам̣ гзсагамб̣алам̣ зд̇ад̣̇авожам̣ – ‘яат̇аа ну ко имаани, бхо аж̇ид̇а, бут̇усиббааяад̇анаани…бз… саггаа ну ко, бхо аж̇ид̇а, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

171. ‘‘звам̣ вуд̇д̇з, бханд̇з, аж̇ид̇о гзсагамб̣ало мам̣ зд̇ад̣̇авожа – ‘над̇т̇и, махаарааж̇а, д̣̇иннам̣ , над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого ³⁹, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа ⁴⁰ саммаабадибаннаа, яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇и. жаад̇умахаабхууд̇иго аяам̣ бурисо, яад̣̇аа гаалан̇гарод̇и, бат̇авий бат̇авигааяам̣ анубзд̇и анубаг̇ажчад̇и, аабо аабогааяам̣ анубзд̇и анубаг̇ажчад̇и, д̇зж̇о д̇зж̇огааяам̣ анубзд̇и анубаг̇ажчад̇и, вааяо вааяогааяам̣ анубзд̇и анубаг̇ажчад̇и, аагаасам̣ инд̣̇рияаани сан̇гаманд̇и. аасанд̣̇ибан̃жамаа бурисаа мад̇ам̣ аад̣̇ааяа г̇ажчанд̇и. яааваал̣ааханаа бад̣̇аани бан̃н̃ааяанд̇и. гаабод̇агаани адтийни бхаванд̇и, бхассанд̇аа аахуд̇ияо. д̣̇ад̇д̇убан̃н̃ад̇д̇ам̣ яад̣̇ид̣̇ам̣ д̣̇аанам̣. д̇зсам̣ д̇ужчам̣ мусаа вилаабо яз гзжи ад̇т̇игаваад̣̇ам̣ вад̣̇анд̇и. б̣аалз жа бан̣д̣ид̇з жа гааяасса бхзд̣̇аа ужчиж̇ж̇анд̇и винассанд̇и, на хонд̇и барам̣ маран̣аа’д̇и.

172. ‘‘ид̇т̇ам̣ ко мз, бханд̇з, аж̇ид̇о гзсагамб̣ало санд̣̇идтигам̣ сааман̃н̃апалам̣ будто самаано ужчзд̣̇ам̣ б̣яаагааси. сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа , лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, аж̇ид̇о гзсагамб̣ало санд̣̇идтигам̣ сааман̃н̃апалам̣ будто самаано ужчзд̣̇ам̣ б̣яаагааси. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и. со ко ахам̣, бханд̇з, аж̇ид̇асса гзсагамб̣аласса бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадиггосид̇ваа анад̇д̇амано анад̇д̇аманаваажам̣ анижчаарзд̇ваа д̇амзва ваажам̣ ануг̇г̇ан̣ханд̇о аниггуж̇ж̇анд̇о удтааяаасанаа баггамим̣.

багуд̇хагажжааяанаваад̣̇о

173. ‘‘згамид̣̇аахам̣, бханд̇з, самаяам̣ язна багуд̇хо гажжааяано д̇знубасан̇гамим̣; убасан̇гамид̇ваа багуд̇хзна гажжааяанзна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣, бханд̇з, багуд̇хам̣ гажжааяанам̣ зд̇ад̣̇авожам̣ – ‘яат̇аа ну ко имаани, бхо гажжааяана, бут̇усиббааяад̇анаани…бз… саггаа ну ко, бхо гажжааяана, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

174. ‘‘звам̣ вуд̇д̇з, бханд̇з, багуд̇хо гажжааяано мам̣ зд̇ад̣̇авожа – ‘сад̇д̇имз, махаарааж̇а, гааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа. д̇з на ин̃ж̇анд̇и , на вибарин̣аманд̇и, на ан̃н̃аман̃н̃ам̣ б̣яааб̣аад̇хзнд̇и, наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. гад̇амз сад̇д̇а? бат̇авигааяо, аабогааяо, д̇зж̇огааяо, вааяогааяо, сукз, д̣̇угкз, ж̇ийвз сад̇д̇амз – имз сад̇д̇а гааяаа агадаа агадавид̇хаа аниммид̇аа аниммаад̇аа ван̃жхаа гуудадтаа зсигадтааяидтид̇аа. д̇з на ин̃ж̇анд̇и, на вибарин̣аманд̇и, на ан̃н̃аман̃н̃ам̣ б̣яааб̣аад̇хзнд̇и, наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. д̇ад̇т̇а над̇т̇и ханд̇аа ваа гхаад̇зд̇аа ваа, сод̇аа ваа саавзд̇аа ваа, вин̃н̃аад̇аа ваа вин̃н̃аабзд̇аа ваа. яоби д̇ин̣хзна сад̇т̇зна сийсам̣ чинд̣̇ад̇и, на гожи гин̃жи ⁴³ ж̇ийвид̇аа воробзд̇и; сад̇д̇аннам̣ д̇взва ⁴⁴ гааяаанаманд̇арзна сад̇т̇ам̣ вивараманубад̇ад̇ий’д̇и.

175. ‘‘ид̇т̇ам̣ ко мз, бханд̇з, багуд̇хо гажжааяано санд̣̇идтигам̣ сааман̃н̃апалам̣ будто самаано ан̃н̃зна ан̃н̃ам̣ б̣яаагааси. сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа, лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, багуд̇хо гажжааяано санд̣̇идтигам̣ сааман̃н̃апалам̣ будто самаано ан̃н̃зна ан̃н̃ам̣ б̣яаагааси. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и. со ко ахам̣, бханд̇з, багуд̇хасса гажжааяанасса бхаасид̇ам̣ нзва абхинанд̣̇им̣ наббадиггосим̣, анабхинанд̣̇ид̇ваа аббадиггосид̇ваа анад̇д̇амано, анад̇д̇аманаваажам̣ анижчаарзд̇ваа д̇амзва ваажам̣ ануг̇г̇ан̣ханд̇о аниггуж̇ж̇анд̇о удтааяаасанаа баггамим̣.

ниг̇ан̣танаадабуд̇д̇аваад̣̇о

176. ‘‘згамид̣̇аахам̣, бханд̇з, самаяам̣ язна ниг̇ан̣то наадабуд̇д̇о д̇знубасан̇гамим̣ ; убасан̇гамид̇ваа ниг̇ан̣тзна наадабуд̇д̇зна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣, бханд̇з, ниг̇ан̣там̣ наадабуд̇д̇ам̣ зд̇ад̣̇авожам̣ – ‘яат̇аа ну ко имаани, бхо аг̇г̇ивзссана, бут̇усиббааяад̇анаани…бз… саггаа ну ко, бхо аг̇г̇ивзссана, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

177. ‘‘звам̣ вуд̇д̇з, бханд̇з, ниг̇ан̣то наадабуд̇д̇о мам̣ зд̇ад̣̇авожа – ‘ид̇ха, махаарааж̇а, ниг̇ан̣то жаад̇уяаамасам̣варасам̣вуд̇о ход̇и. гат̇ан̃жа, махаарааж̇а, ниг̇ан̣то жаад̇уяаамасам̣варасам̣вуд̇о ход̇и? ид̇ха, махаарааж̇а, ниг̇ан̣то саб̣б̣аваариваарид̇о жа ход̇и, саб̣б̣аваарияуд̇д̇о жа, саб̣б̣аваарид̇худ̇о жа, саб̣б̣аваарипудо жа. звам̣ ко, махаарааж̇а, ниг̇ан̣то жаад̇уяаамасам̣варасам̣вуд̇о ход̇и . яад̇о ко, махаарааж̇а, ниг̇ан̣то звам̣ жаад̇уяаамасам̣варасам̣вуд̇о ход̇и; аяам̣ вужжад̇и, махаарааж̇а, ниг̇ан̣то ⁴⁷ г̇ад̇ад̇д̇о жа яад̇ад̇д̇о жа тид̇ад̇д̇о жаа’д̇и.

178. ‘‘ид̇т̇ам̣ ко мз, бханд̇з, ниг̇ан̣то наадабуд̇д̇о санд̣̇идтигам̣ сааман̃н̃апалам̣ будто самаано жаад̇уяаамасам̣варам̣ б̣яаагааси. сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа, лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, ниг̇ан̣то наадабуд̇д̇о санд̣̇идтигам̣ сааман̃н̃апалам̣ будто самаано жаад̇уяаамасам̣варам̣ б̣яаагааси. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и . со ко ахам̣, бханд̇з, ниг̇ан̣тасса наадабуд̇д̇асса бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадиггосид̇ваа анад̇д̇амано анад̇д̇аманаваажам̣ анижчаарзд̇ваа д̇амзва ваажам̣ ануг̇г̇ан̣ханд̇о аниггуж̇ж̇анд̇о удтааяаасанаа баггамим̣.

сан̃жаяаб̣зладтабуд̇д̇аваад̣̇о

179. ‘‘згамид̣̇аахам̣, бханд̇з, самаяам̣ язна сан̃жаяо б̣зладтабуд̇д̇о д̇знубасан̇гамим̣; убасан̇гамид̇ваа сан̃жаязна б̣зладтабуд̇д̇зна сад̣̇д̇хим̣ саммод̣̇им̣. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣. згаманд̇ам̣ нисинно ко ахам̣ бханд̇з, сан̃жаяам̣ б̣зладтабуд̇д̇ам̣ зд̇ад̣̇авожам̣ – ‘яат̇аа ну ко имаани, бхо сан̃жаяа, бут̇усиббааяад̇анаани…бз… саггаа ну ко, бхо сан̃жаяа, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

180. ‘‘звам̣ вуд̇д̇з, бханд̇з, сан̃жаяо б̣зладтабуд̇д̇о мам̣ зд̇ад̣̇авожа – ‘ад̇т̇и баро логод̇и ид̇и жз мам̣ бужчаси, ад̇т̇и баро логод̇и ид̇и жз мз асса, ад̇т̇и баро логод̇и ид̇и д̇з нам̣ б̣яаагарзяяам̣. званд̇иби мз но, д̇ат̇аад̇иби мз но, ан̃н̃ат̇аад̇иби мз но, нод̇иби мз но, но нод̇иби мз но. над̇т̇и баро лого…бз… ад̇т̇и жа над̇т̇и жа баро лого…бз… нзвад̇т̇и на над̇т̇и баро лого…бз… ад̇т̇и сад̇д̇аа обабаад̇игаа…бз… над̇т̇и сад̇д̇аа обабаад̇игаа…бз… ад̇т̇и жа над̇т̇и жа сад̇д̇аа обабаад̇игаа…бз… нзвад̇т̇и на над̇т̇и сад̇д̇аа обабаад̇игаа…бз… ад̇т̇и сугад̇ад̣̇уггадаанам̣ гаммаанам̣ палам̣ вибааго…бз… над̇т̇и сугад̇ад̣̇уггадаанам̣ гаммаанам̣ палам̣ вибааго…бз…ад̇т̇и жа над̇т̇и жа сугад̇ад̣̇уггадаанам̣ гаммаанам̣ палам̣ вибааго…бз… нзвад̇т̇и на над̇т̇и сугад̇ад̣̇уггадаанам̣ гаммаанам̣ палам̣ вибааго…бз… ход̇и д̇ат̇ааг̇ад̇о барам̣ маран̣аа…бз… на ход̇и д̇ат̇ааг̇ад̇о барам̣ маран̣аа…бз… ход̇и жа на жа ход̇и д̇ат̇ааг̇ад̇о барам̣ маран̣аа…бз… нзва ход̇и на на ход̇и д̇ат̇ааг̇ад̇о барам̣ маран̣аад̇и ид̇и жз мам̣ бужчаси, нзва ход̇и на на ход̇и д̇ат̇ааг̇ад̇о барам̣ маран̣аад̇и ид̇и жз мз асса, нзва ход̇и на на ход̇и д̇ат̇ааг̇ад̇о барам̣ маран̣аад̇и ид̇и д̇з нам̣ б̣яаагарзяяам̣. званд̇иби мз но, д̇ат̇аад̇иби мз но, ан̃н̃ат̇аад̇иби мз но, нод̇иби мз но, но нод̇иби мз но’д̇и.

181. ‘‘ид̇т̇ам̣ ко мз, бханд̇з, сан̃жаяо б̣зладтабуд̇д̇о санд̣̇идтигам̣ сааман̃н̃апалам̣ будто самаано вигкзбам̣ б̣яаагааси. сзяяат̇ааби, бханд̇з, амб̣ам̣ ваа будто лаб̣уж̇ам̣ б̣яаагарзяяа, лаб̣уж̇ам̣ ваа будто амб̣ам̣ б̣яаагарзяяа; звамзва ко мз, бханд̇з, сан̃жаяо б̣зладтабуд̇д̇о санд̣̇идтигам̣ сааман̃н̃апалам̣ будто самаано вигкзбам̣ б̣яаагааси. д̇асса маяхам̣, бханд̇з, зд̇ад̣̇ахоси – ‘аяан̃жа имзсам̣ саман̣аб̣раахман̣аанам̣ саб̣б̣аб̣аало саб̣б̣амуул̣хо. гат̇ан̃хи наама санд̣̇идтигам̣ сааман̃н̃апалам̣ будто самаано вигкзбам̣ б̣яаагариссад̇ий’д̇и. д̇асса маяхам̣, бханд̇з, зд̇ад̣̇ахоси – ‘гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ абасаад̣̇зд̇аб̣б̣ам̣ ман̃н̃зяяаа’д̇и. со ко ахам̣, бханд̇з, сан̃жаяасса б̣зладтабуд̇д̇асса бхаасид̇ам̣ нзва абхинанд̣̇им̣ наббадиггосим̣. анабхинанд̣̇ид̇ваа аббадиггосид̇ваа анад̇д̇амано анад̇д̇аманаваажам̣ анижчаарзд̇ваа д̇амзва ваажам̣ ануг̇г̇ан̣ханд̇о аниггуж̇ж̇анд̇о удтааяаасанаа баггамим̣.

батамасанд̣̇идтигасааман̃н̃апалам̣

182. ‘‘сохам̣, бханд̇з, бхаг̇аванд̇амби бужчаами – ‘яат̇аа ну ко имаани, бханд̇з, бут̇усиббааяад̇анаани сзяяат̇ид̣̇ам̣ – хад̇т̇аарохаа ассаарохаа рат̇игаа д̇хануг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа жаммаяод̇хино д̣̇аасигабуд̇д̇аа аал̣ааригаа габбагаа нхаабагаа сууд̣̇аа маалаагаараа раж̇агаа бзсагаараа нал̣агаараа гумбхагаараа г̇ан̣агаа муд̣̇д̣̇игаа, яаани ваа банан̃н̃ааниби звам̣г̇ад̇аани бут̇усиббааяад̇анаани, д̇з д̣̇идтзва д̇хаммз санд̣̇идтигам̣ сиббапалам̣ убаж̇ийванд̇и, д̇з д̇зна ад̇д̇аанам̣ сукзнд̇и бийн̣знд̇и, маад̇аабид̇аро сукзнд̇и бийн̣знд̇и, буд̇д̇ад̣̇аарам̣ сукзнд̇и бийн̣знд̇и, мид̇д̇аамажжз сукзнд̇и бийн̣знд̇и, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтабзнд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. саггаа ну ко мз , бханд̇з, звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’нд̇и?

183. ‘‘саггаа, махаарааж̇а. д̇зна хи, махаарааж̇а, д̇ан̃н̃звзд̇т̇а бадибужчиссаами. яат̇аа д̇з камзяяа, д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, махаарааж̇а, ид̇ха д̇з асса бурисо д̣̇аасо гаммагааро ⁴⁹ буб̣б̣удтааяий бажчаанибаад̇ий гин̇гаарабадиссаавий манаабажаарий бияаваад̣̇ий мукуллогаго ⁵⁰. д̇асса звамасса – ‘ажчарияам̣, вад̇а бхо, аб̣бхуд̇ам̣, вад̇а бхо, бун̃н̃аанам̣ г̇ад̇и, бун̃н̃аанам̣ вибааго. аяан̃хи рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о мануссо ; ахамби мануссо. аяан̃хи рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и, д̣̇зво ман̃н̃з. ахам̣ банамхисса д̣̇аасо гаммагааро буб̣б̣удтааяий бажчаанибаад̇ий гин̇гаарабадиссаавий манаабажаарий бияаваад̣̇ий мукуллогаго. со вад̇ассаахам̣ бун̃н̃аани гарзяяам̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа. со звам̣ баб̣б̣аж̇ид̇о самаано гааязна сам̣вуд̇о вихарзяяа, ваажааяа сам̣вуд̇о вихарзяяа, манасаа сам̣вуд̇о вихарзяяа, гхаасажчаад̣̇анабарамад̇ааяа санд̇удто, абхирад̇о бавивзгз. д̇ам̣ жз д̇з бурисаа звамаарожзяяум̣ – ‘яаг̇гхз д̣̇зва ж̇аанзяяааси, яо д̇з со бурисо ⁵¹ д̣̇аасо гаммагааро буб̣б̣удтааяий бажчаанибаад̇ий гин̇гаарабадиссаавий манаабажаарий бияаваад̣̇ий мукуллогаго; со, д̣̇зва, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о. со звам̣ баб̣б̣аж̇ид̇о самаано гааязна сам̣вуд̇о вихарад̇и, ваажааяа сам̣вуд̇о вихарад̇и, манасаа сам̣вуд̇о вихарад̇и, гхаасажчаад̣̇анабарамад̇ааяа санд̇удто, абхирад̇о бавивзгз’д̇и. аби ну д̇вам̣ звам̣ вад̣̇зяяааси – ‘зд̇у мз, бхо, со бурисо, бунад̣̇зва ход̇у д̣̇аасо гаммагааро буб̣б̣удтааяий бажчаанибаад̇ий гин̇гаарабадиссаавий манаабажаарий бияаваад̣̇ий мукуллогаго’д̇и?

184. ‘‘но хзд̇ам̣, бханд̇з. ат̇а ко нам̣ маяамзва абхиваад̣̇зяяаамаби , бажжудтзяяаамаби, аасанзнаби ниманд̇зяяаама, абхиниманд̇зяяаамаби нам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи, д̇хаммигамбисса рагкааваран̣аг̇уд̇д̇им̣ сам̣вид̣̇ахзяяаамаа’’д̇и.

185. ‘‘д̇ам̣ гим̣ ман̃н̃аси, махаарааж̇а, яад̣̇и звам̣ санд̇з ход̇и ваа санд̣̇идтигам̣ сааман̃н̃апалам̣ но ваа’’д̇и? ‘‘ад̣̇д̇хаа ко, бханд̇з, звам̣ санд̇з ход̇и санд̣̇идтигам̣ сааман̃н̃апала’’нд̇и. ‘‘ид̣̇ам̣ ко д̇з, махаарааж̇а, маяаа батамам̣ д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃ад̇д̇а’’нд̇и.

д̣̇уд̇ияасанд̣̇идтигасааман̃н̃апалам̣

186. ‘‘саггаа бана, бханд̇з, ан̃н̃амби звамзва д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇у’’нд̇и? ‘‘саггаа, махаарааж̇а. д̇зна хи, махаарааж̇а, д̇ан̃н̃звзд̇т̇а бадибужчиссаами. яат̇аа д̇з камзяяа, д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, махаарааж̇а, ид̇ха д̇з асса бурисо гассаго г̇ахабад̇иго гарагаараго раасивад̣дхаго. д̇асса звамасса – ‘ажчарияам̣ вад̇а бхо, аб̣бхуд̇ам̣ вад̇а бхо, бун̃н̃аанам̣ г̇ад̇и, бун̃н̃аанам̣ вибааго. аяан̃хи рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о мануссо, ахамби мануссо. аяан̃хи рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и, д̣̇зво ман̃н̃з. ахам̣ банамхисса гассаго г̇ахабад̇иго гарагаараго раасивад̣дхаго. со вад̇ассаахам̣ бун̃н̃аани гарзяяам̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и.

‘‘со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа, аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа. со звам̣ баб̣б̣аж̇ид̇о самаано гааязна сам̣вуд̇о вихарзяяа, ваажааяа сам̣вуд̇о вихарзяяа, манасаа сам̣вуд̇о вихарзяяа, гхаасажчаад̣̇анабарамад̇ааяа санд̇удто, абхирад̇о бавивзгз. д̇ам̣ жз д̇з бурисаа звамаарожзяяум̣ – ‘яаг̇гхз, д̣̇зва ж̇аанзяяааси, яо д̇з со бурисо ⁵⁵ гассаго г̇ахабад̇иго гарагаараго раасивад̣дхаго; со д̣̇зва гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о. со звам̣ баб̣б̣аж̇ид̇о самаано гааязна сам̣вуд̇о вихарад̇и, ваажааяа сам̣вуд̇о вихарад̇и, манасаа сам̣вуд̇о вихарад̇и, гхаасажчаад̣̇анабарамад̇ааяа санд̇удто, абхирад̇о бавивзгз’’д̇и. аби ну д̇вам̣ звам̣ вад̣̇зяяааси – ‘зд̇у мз, бхо, со бурисо, бунад̣̇зва ход̇у гассаго г̇ахабад̇иго гарагаараго раасивад̣дхаго’д̇и?

187. ‘‘но хзд̇ам̣, бханд̇з. ат̇а ко нам̣ маяамзва абхиваад̣̇зяяаамаби, бажжудтзяяаамаби, аасанзнаби ниманд̇зяяаама, абхиниманд̇зяяаамаби нам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи, д̇хаммигамбисса рагкааваран̣аг̇уд̇д̇им̣ сам̣вид̣̇ахзяяаамаа’’д̇и.

188. ‘‘д̇ам̣ гим̣ ман̃н̃аси, махаарааж̇а? яад̣̇и звам̣ санд̇з ход̇и ваа санд̣̇идтигам̣ сааман̃н̃апалам̣ но ваа’’д̇и? ‘‘ад̣̇д̇хаа ко, бханд̇з, звам̣ санд̇з ход̇и санд̣̇идтигам̣ сааман̃н̃апала’’нд̇и . ‘‘ид̣̇ам̣ ко д̇з, махаарааж̇а, маяаа д̣̇уд̇ияам̣ д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃ад̇д̇а’’нд̇и.

бан̣ийд̇ад̇арасааман̃н̃апалам̣

189. ‘‘саггаа бана, бханд̇з, ан̃н̃амби д̣̇идтзва д̇хаммз санд̣̇идтигам̣ сааман̃н̃апалам̣ бан̃н̃абзд̇ум̣ имзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жаа’’д̇и? ‘‘саггаа, махаарааж̇а. д̇зна хи, махаарааж̇а, сун̣охи, саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇авад̇о бажжассоси.

190. бхаг̇аваа зд̇ад̣̇авожа – ‘‘ид̇ха, махаарааж̇а, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и.

191. ‘‘д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇обат̇о, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и.

192. ‘‘со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и.

193. ‘‘со звам̣ баб̣б̣аж̇ид̇о самаано баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу, гааяагаммаважийгаммзна саманнааг̇ад̇о гусалзна, барисуд̣̇д̇хааж̇ийво сийласамбанно, инд̣̇риязсу г̇уд̇д̇ад̣̇вааро ⁵⁷, сад̇исамбаж̇ан̃н̃зна саманнааг̇ад̇о, санд̇удто.

жуул̣асийлам̣

194. ‘‘гат̇ан̃жа, махаарааж̇а, бхигку сийласамбанно ход̇и? ид̇ха, махаарааж̇а, бхигку баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и. нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и. ид̣̇амбисса ход̇и сийласмим̣.

‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихарад̇и. ид̣̇амбисса ход̇и сийласмим̣.

‘‘аб̣рахмажарияам̣ бахааяа б̣рахмажаарий ход̇и аараажаарий вирад̇о мзт̇унаа г̇аамад̇хаммаа. ид̣̇амбисса ход̇и сийласмим̣.

‘‘мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса. ид̣̇амбисса ход̇и сийласмим̣.

‘‘бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и; ид̇о суд̇ваа на амуд̇ра агкаад̇аа имзсам̣ бхзд̣̇ааяа; амуд̇ра ваа суд̇ваа на имзсам̣ агкаад̇аа, амуусам̣ бхзд̣̇ааяа. ид̇и бхиннаанам̣ ваа санд̇хаад̇аа, сахид̇аанам̣ ваа ануббад̣̇аад̇аа, самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и. ид̣̇амбисса ход̇и сийласмим̣.

‘‘парусам̣ ваажам̣ бахааяа парусааяа ваажааяа бадивирад̇о ход̇и; яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и. ид̣̇амбисса ход̇и сийласмим̣.

‘‘сампаббалаабам̣ бахааяа сампаббалаабаа бадивирад̇о ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа ход̇и гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣. ид̣̇амбисса ход̇и сийласмим̣.

‘‘б̣ийж̇аг̇аамабхууд̇аг̇аамасамаарамбхаа бадивирад̇о ход̇и…бз… згабхад̇д̇иго ход̇и рад̇д̇уубарад̇о вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и. маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и. ужжаасаяанамахаасаяанаа бадивирад̇о ход̇и. ж̇аад̇аруубараж̇ад̇абадиг̇г̇ахан̣аа бадивирад̇о ход̇и. аамагад̇хан̃н̃абадиг̇г̇ахан̣аа бадивирад̇о ход̇и. аамагамам̣сабадиг̇г̇ахан̣аа бадивирад̇о ход̇и. ид̇т̇игумааригабадиг̇г̇ахан̣аа бадивирад̇о ход̇и. д̣̇аасид̣̇аасабадиг̇г̇ахан̣аа бадивирад̇о ход̇и. аж̇зл̣агабадиг̇г̇ахан̣аа бадивирад̇о ход̇и. гуггудасуугарабадиг̇г̇ахан̣аа бадивирад̇о ход̇и. хад̇т̇иг̇авассавал̣авабадиг̇г̇ахан̣аа бадивирад̇о ход̇и. кзд̇д̇авад̇т̇убадиг̇г̇ахан̣аа бадивирад̇о ход̇и . д̣̇ууд̇зяяабахин̣аг̇аманаануяог̇аа бадивирад̇о ход̇и. гаяавиггаяаа бадивирад̇о ход̇и. д̇улаагуудагам̣сагуудамаанагуудаа бадивирад̇о ход̇и. уггоданаван̃жананигад̇исаажияог̇аа бадивирад̇о ход̇и. чзд̣̇анавад̇хаб̣анд̇ханавибараамосааалобасахасаагаараа бадивирад̇о ход̇и. ид̣̇амбисса ход̇и сийласмим̣.

жуул̣асийлам̣ нидтид̇ам̣.

маж̇жхимасийлам̣

195. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ б̣ийж̇аг̇аамабхууд̇аг̇аамасамаарамбхам̣ ануяуд̇д̇аа вихаранд̇и. сзяяат̇ид̣̇ам̣ – муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇амзва бан̃жамам̣, ид̇и зваруубаа б̣ийж̇аг̇аамабхууд̇аг̇аамасамаарамбхаа бадивирад̇о ход̇и. ид̣̇амбисса ход̇и сийласмим̣.

196. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ саннид̇хигаарабарибхог̇ам̣ ануяуд̇д̇аа вихаранд̇и. сзяяат̇ид̣̇ам̣ – аннасаннид̇хим̣ баанасаннид̇хим̣ вад̇т̇асаннид̇хим̣ яаанасаннид̇хим̣ саяанасаннид̇хим̣ г̇анд̇хасаннид̇хим̣ аамисасаннид̇хим̣, ид̇и ваа ид̇и зваруубаа саннид̇хигаарабарибхог̇аа бадивирад̇о ход̇и. ид̣̇амбисса ход̇и сийласмим̣.

197. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ висуугад̣̇ассанам̣ ануяуд̇д̇аа вихаранд̇и. сзяяат̇ид̣̇ам̣ – нажжам̣ г̇ийд̇ам̣ ваад̣̇ид̇ам̣ бзгкам̣ агкаанам̣ баан̣иссарам̣ взд̇аал̣ам̣ гумбхат̇уун̣ам̣ собханагам̣ жан̣д̣аалам̣ вам̣сам̣ д̇хованам̣ хад̇т̇ияуд̣̇д̇хам̣ ассаяуд̣̇д̇хам̣ махим̣саяуд̣̇д̇хам̣ усабхаяуд̣̇д̇хам̣ аж̇аяуд̣̇д̇хам̣ мзн̣д̣аяуд̣̇д̇хам̣ гуггудаяуд̣̇д̇хам̣ ваддагаяуд̣̇д̇хам̣ д̣̇ан̣д̣аяуд̣̇д̇хам̣ мудтияуд̣̇д̇хам̣ ниб̣б̣уд̣̇д̇хам̣ уяяод̇хигам̣ б̣алаг̇г̇ам̣ сзнааб̣яуухам̣ анийгад̣̇ассанам̣ ид̇и ваа ид̇и зваруубаа висуугад̣̇ассанаа бадивирад̇о ход̇и. ид̣̇амбисса ход̇и сийласмим̣.

198. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ ж̇ууд̇аббамаад̣̇адтаанаануяог̇ам̣ ануяуд̇д̇аа вихаранд̇и. сзяяат̇ид̣̇ам̣ – адтабад̣̇ам̣ д̣̇асабад̣̇ам̣ аагаасам̣ барихаарабат̇ам̣ санд̇игам̣ калигам̣ гхадигам̣ салаагахад̇т̇ам̣ агкам̣ бан̇г̇ажийрам̣ ван̇гагам̣ могкажигам̣ жин̇г̇улигам̣ бад̇д̇аал̣хагам̣ рат̇агам̣ д̇ханугам̣ агкаригам̣ манзсигам̣ яат̇ааваж̇ж̇ам̣ ид̇и ваа ид̇и зваруубаа ж̇ууд̇аббамаад̣̇адтаанаануяог̇аа бадивирад̇о ход̇и. ид̣̇амбисса ход̇и сийласмим̣.

199. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ ужжаасаяанамахаасаяанам̣ ануяуд̇д̇аа вихаранд̇и. сзяяат̇ид̣̇ам̣ – аасанд̣̇им̣ баллан̇гам̣ г̇онагам̣ жид̇д̇агам̣ бадигам̣ бадалигам̣ д̇уулигам̣ вигад̇игам̣ уд̣̇д̣̇аломим̣ зганд̇аломим̣ гаддиссам̣ госзяяам̣ гуд̇д̇агам̣ хад̇т̇ад̇т̇арам̣ ассад̇т̇арам̣ рат̇ад̇т̇арам̣ аж̇инаббавзн̣им̣ гад̣̇алимиг̇абаварабажжад̇т̇аран̣ам̣ сауд̇д̇аражчад̣̇ам̣ убхад̇олохид̇агуубад̇хаанам̣ ид̇и ваа ид̇и зваруубаа ужжаасаяанамахаасаяанаа бадивирад̇о ход̇и. ид̣̇амбисса ход̇и сийласмим̣.

200. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ ман̣д̣анавибхуусанадтаанаануяог̇ам̣ ануяуд̇д̇аа вихаранд̇и. сзяяат̇ид̣̇ам̣ – ужчаад̣̇анам̣ баримад̣̇д̣̇анам̣ нхаабанам̣ самб̣ааханам̣ аад̣̇аасам̣ ан̃ж̇анам̣ маалааг̇анд̇хавилзбанам̣ мукажун̣н̣ам̣ мукалзбанам̣ хад̇т̇аб̣анд̇хам̣ сикааб̣анд̇хам̣ д̣̇ан̣д̣ам̣ наал̣игам̣ асим̣ ⁵⁹ чад̇д̇ам̣ жид̇рубааханам̣ ун̣хийсам̣ ман̣им̣ ваалаб̣ийж̇аним̣ од̣̇аад̇аани вад̇т̇аани д̣̇ийгхад̣̇асаани ид̇и ваа ид̇и зваруубаа ман̣д̣анавибхуусанадтаанаануяог̇аа бадивирад̇о ход̇и. ид̣̇амбисса ход̇и сийласмим̣.

201. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ д̇иражчаанагат̇ам̣ ануяуд̇д̇аа вихаранд̇и. сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ ⁶¹ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа ид̇и зваруубааяа д̇иражчаанагат̇ааяа бадивирад̇о ход̇и. ид̣̇амбисса ход̇и сийласмим̣.

202. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ виг̇г̇аахигагат̇ам̣ ануяуд̇д̇аа вихаранд̇и. сзяяат̇ид̣̇ам̣ – на д̇вам̣ имам̣ д̇хаммавинаяам̣ ааж̇аанааси, ахам̣ имам̣ д̇хаммавинаяам̣ ааж̇аанаами, гим̣ д̇вам̣ имам̣ д̇хаммавинаяам̣ ааж̇ааниссаси, мижчаа бадибанно д̇вамаси, ахамасми саммаа бадибанно, сахид̇ам̣ мз, асахид̇ам̣ д̇з, бурз важанийяам̣ бажчаа аважа, бажчаа важанийяам̣ бурз аважа, ад̇хижин̣н̣ам̣ д̇з вибараавад̇д̇ам̣, ааробид̇о д̇з ваад̣̇о, ниг̇г̇ахид̇о д̇вамаси, жара ваад̣̇аббамогкааяа, ниб̣б̣зтзхи ваа сажз бахосийд̇и ид̇и ваа ид̇и зваруубааяа виг̇г̇аахигагат̇ааяа бадивирад̇о ход̇и. ид̣̇амбисса ход̇и сийласмим̣.

203. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ д̣̇ууд̇зяяабахин̣аг̇аманаануяог̇ам̣ ануяуд̇д̇аа вихаранд̇и. сзяяат̇ид̣̇ам̣ – ран̃н̃ам̣, рааж̇амахаамад̇д̇аанам̣, кад̇д̇ияаанам̣, б̣раахман̣аанам̣, г̇ахабад̇игаанам̣, гумаараанам̣ – ‘ид̇ха г̇ажча, амуд̇рааг̇ажча, ид̣̇ам̣ хара, амуд̇ра ид̣̇ам̣ аахараа’д̇и ид̇и ваа ид̇и зваруубаа д̣̇ууд̇зяяабахин̣аг̇аманаануяог̇аа бадивирад̇о ход̇и. ид̣̇амбисса ход̇и сийласмим̣.

204. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з гухагаа жа хонд̇и лабагаа жа нзмид̇д̇игаа жа ниббзсигаа жа лаабхзна лаабхам̣ ниж̇иг̇ийм̣сид̇ааро жа. ид̇и зваруубаа гуханалабанаа бадивирад̇о ход̇и. ид̣̇амбисса ход̇и сийласмим̣’’.

маж̇жхимасийлам̣ нидтид̇ам̣.

махаасийлам̣

205. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – ан̇г̇ам̣ нимид̇д̇ам̣ уббаад̇ам̣ субинам̣ лагкан̣ам̣ муусигажчиннам̣ аг̇г̇ихомам̣ д̣̇аб̣б̣ихомам̣ т̇усахомам̣ ган̣ахомам̣ д̇ан̣д̣улахомам̣ саббихомам̣ д̇злахомам̣ мукахомам̣ лохид̇ахомам̣ ан̇г̇авиж̇ж̇аа вад̇т̇увиж̇ж̇аа кад̇д̇авиж̇ж̇аа сивавиж̇ж̇аа бхууд̇авиж̇ж̇аа бхууривиж̇ж̇аа ахивиж̇ж̇аа висавиж̇ж̇аа вижчигавиж̇ж̇аа муусигавиж̇ж̇аа сагун̣авиж̇ж̇аа вааяасавиж̇ж̇аа баггаж̇жхаанам̣ сарабарид̇д̇аан̣ам̣ миг̇ажаггам̣ ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

206. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – ман̣илагкан̣ам̣ вад̇т̇алагкан̣ам̣ д̣̇ан̣д̣алагкан̣ам̣ сад̇т̇алагкан̣ам̣ асилагкан̣ам̣ усулагкан̣ам̣ д̇ханулагкан̣ам̣ аавуд̇халагкан̣ам̣ ид̇т̇илагкан̣ам̣ бурисалагкан̣ам̣ гумааралагкан̣ам̣ гумаарилагкан̣ам̣ д̣̇аасалагкан̣ам̣ д̣̇аасилагкан̣ам̣ хад̇т̇илагкан̣ам̣ ассалагкан̣ам̣ махим̣салагкан̣ам̣ усабхалагкан̣ам̣ г̇олагкан̣ам̣ аж̇алагкан̣ам̣ мзн̣д̣алагкан̣ам̣ гуггудалагкан̣ам̣ ваддагалагкан̣ам̣ г̇од̇хаалагкан̣ам̣ ган̣н̣игалагкан̣ам̣ гажчабалагкан̣ам̣ миг̇алагкан̣ам̣ ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

207. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – ран̃н̃ам̣ нияяаанам̣ бхависсад̇и, ран̃н̃ам̣ анияяаанам̣ бхависсад̇и, аб̣бханд̇араанам̣ ран̃н̃ам̣ убаяаанам̣ бхависсад̇и, б̣аахираанам̣ ран̃н̃ам̣ абаяаанам̣ бхависсад̇и, б̣аахираанам̣ ран̃н̃ам̣ убаяаанам̣ бхависсад̇и, аб̣бханд̇араанам̣ ран̃н̃ам̣ абаяаанам̣ бхависсад̇и, аб̣бханд̇араанам̣ ран̃н̃ам̣ ж̇аяо бхависсад̇и, б̣аахираанам̣ ран̃н̃ам̣ барааж̇аяо бхависсад̇и, б̣аахираанам̣ ран̃н̃ам̣ ж̇аяо бхависсад̇и, аб̣бханд̇араанам̣ ран̃н̃ам̣ барааж̇аяо бхависсад̇и, ид̇и имасса ж̇аяо бхависсад̇и, имасса барааж̇аяо бхависсад̇и ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

208. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – жанд̣̇аг̇г̇аахо бхависсад̇и, суурияаг̇г̇аахо бхависсад̇и, нагкад̇д̇аг̇г̇аахо бхависсад̇и, жанд̣̇имасуурияаанам̣ бат̇аг̇аманам̣ бхависсад̇и, жанд̣̇имасуурияаанам̣ уббат̇аг̇аманам̣ бхависсад̇и, нагкад̇д̇аанам̣ бат̇аг̇аманам̣ бхависсад̇и, нагкад̇д̇аанам̣ уббат̇аг̇аманам̣ бхависсад̇и , уггаабаад̇о бхависсад̇и, д̣̇исаад̣аахо бхависсад̇и, бхуумижаало бхависсад̇и, д̣̇звад̣̇уд̣̇рабхи бхависсад̇и, жанд̣̇имасуурияанагкад̇д̇аанам̣ уг̇г̇аманам̣ ог̇аманам̣ сам̣гилзсам̣ вод̣̇аанам̣ бхависсад̇и, звам̣вибааго жанд̣̇аг̇г̇аахо бхависсад̇и, звам̣вибааго суурияаг̇г̇аахо бхависсад̇и, звам̣вибааго нагкад̇д̇аг̇г̇аахо бхависсад̇и, звам̣вибаагам̣ жанд̣̇имасуурияаанам̣ бат̇аг̇аманам̣ бхависсад̇и, звам̣вибаагам̣ жанд̣̇имасуурияаанам̣ уббат̇аг̇аманам̣ бхависсад̇и, звам̣вибаагам̣ нагкад̇д̇аанам̣ бат̇аг̇аманам̣ бхависсад̇и, звам̣вибаагам̣ нагкад̇д̇аанам̣ уббат̇аг̇аманам̣ бхависсад̇и, звам̣вибааго уггаабаад̇о бхависсад̇и, звам̣вибааго д̣̇исаад̣аахо бхависсад̇и, звам̣вибааго бхуумижаало бхависсад̇и, звам̣вибааго д̣̇звад̣̇уд̣̇рабхи бхависсад̇и, звам̣вибаагам̣ жанд̣̇имасуурияанагкад̇д̇аанам̣ уг̇г̇аманам̣ ог̇аманам̣ сам̣гилзсам̣ вод̣̇аанам̣ бхависсад̇и ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

209. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – сувудтигаа бхависсад̇и, д̣̇уб̣б̣удтигаа бхависсад̇и, субхигкам̣ бхависсад̇и, д̣̇уб̣бхигкам̣ бхависсад̇и, кзмам̣ бхависсад̇и, бхаяам̣ бхависсад̇и, рог̇о бхависсад̇и, аарог̇яам̣ бхависсад̇и, муд̣̇д̣̇аа, г̇ан̣анаа, сан̇каанам̣, гаавзяяам̣, логааяад̇ам̣ ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

210. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и. сзяяат̇ид̣̇ам̣ – аавааханам̣ вивааханам̣ сам̣варан̣ам̣ виваран̣ам̣ сан̇гиран̣ам̣ вигиран̣ам̣ субхаг̇агаран̣ам̣ д̣̇уб̣бхаг̇агаран̣ам̣ вируд̣̇д̇хаг̇аб̣бхагаран̣ам̣ ж̇ивхааниб̣анд̇ханам̣ ханусам̣хананам̣ хад̇т̇аабхиж̇аббанам̣ хануж̇аббанам̣ ган̣н̣аж̇аббанам̣ аад̣̇аасабан̃хам̣ гумааригабан̃хам̣ д̣̇звабан̃хам̣ аад̣̇ижжубадтаанам̣ махад̇убадтаанам̣ аб̣бхуж̇ж̇аланам̣ сиривхааяанам̣ ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

211. ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и . сзяяат̇ид̣̇ам̣ – санд̇игаммам̣ бан̣ид̇хигаммам̣ бхууд̇агаммам̣ бхууригаммам̣ вассагаммам̣ воссагаммам̣ вад̇т̇угаммам̣ вад̇т̇убаригаммам̣ аажаманам̣ нхаабанам̣ ж̇уханам̣ ваманам̣ вирзжанам̣ уд̣̇д̇хам̣вирзжанам̣ ад̇ховирзжанам̣ сийсавирзжанам̣ ган̣н̣ад̇злам̣ нзд̇д̇ад̇аббанам̣ над̇т̇угаммам̣ ан̃ж̇анам̣ бажжан̃ж̇анам̣ саалаагияам̣ саллагад̇д̇ияам̣ д̣̇аарагад̇игижчаа, муулабхзсаж̇ж̇аанам̣ ануббад̣̇аанам̣, осад̇хийнам̣ бадимогко ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.

212. ‘‘са ко со, махаарааж̇а, бхигку звам̣ сийласамбанно на гуд̇ожи бхаяам̣ саманубассад̇и, яад̣̇ид̣̇ам̣ сийласам̣варад̇о. сзяяат̇ааби – махаарааж̇а, рааж̇аа кад̇д̇ияо муд̣̇д̇хаабхисид̇д̇о нихад̇абажжаамид̇д̇о на гуд̇ожи бхаяам̣ саманубассад̇и, яад̣̇ид̣̇ам̣ бажжад̇т̇игад̇о; звамзва ко, махаарааж̇а, бхигку звам̣ сийласамбанно на гуд̇ожи бхаяам̣ саманубассад̇и, яад̣̇ид̣̇ам̣ сийласам̣варад̇о. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и. звам̣ ко, махаарааж̇а, бхигку сийласамбанно ход̇и.

махаасийлам̣ нидтид̇ам̣.

инд̣̇рияасам̣варо

213. ‘‘гат̇ан̃жа, махаарааж̇а, бхигку инд̣̇риязсу г̇уд̇д̇ад̣̇вааро ход̇и? ид̇ха, махаарааж̇а, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаа д̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаа д̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и. звам̣ ко, махаарааж̇а, бхигку инд̣̇риязсу г̇уд̇д̇ад̣̇вааро ход̇и.

сад̇исамбаж̇ан̃н̃ам̣

214. ‘‘гат̇ан̃жа , махаарааж̇а, бхигку сад̇исамбаж̇ан̃н̃зна саманнааг̇ад̇о ход̇и? ид̇ха, махаарааж̇а, бхигку абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и. звам̣ ко, махаарааж̇а , бхигку сад̇исамбаж̇ан̃н̃зна саманнааг̇ад̇о ход̇и.

санд̇осо

215. ‘‘гат̇ан̃жа, махаарааж̇а, бхигку санд̇удто ход̇и? ид̇ха, махаарааж̇а, бхигку санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна . со язна язнзва баггамад̇и, самаад̣̇ааязва баггамад̇и. сзяяат̇ааби, махаарааж̇а, багкий сагун̣о язна язнзва д̣зд̇и, сабад̇д̇абхаарова д̣зд̇и. звамзва ко, махаарааж̇а, бхигку санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и, самаад̣̇ааязва баггамад̇и. звам̣ ко, махаарааж̇а, бхигку санд̇удто ход̇и.

нийваран̣аббахаанам̣

216. ‘‘со иминаа жа ариязна сийлагканд̇хзна саманнааг̇ад̇о, иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о, имааяа жа арияааяа санд̇удтияаа саманнааг̇ад̇о, вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇аббадигганд̇о нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа.

217. ‘‘со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий, сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и, аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и, агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.

218. ‘‘сзяяат̇ааби , махаарааж̇а, бурисо ин̣ам̣ аад̣̇ааяа гамманд̇з баяож̇зяяа. д̇асса д̇з гамманд̇аа самиж̇жхзяяум̣. со яаани жа бораан̣аани ин̣амуулаани, д̇аани жа б̣яанд̇им̣ гарзяяа ⁶³, сияаа жасса уд̇д̇арим̣ авасидтам̣ д̣̇аарабхаран̣ааяа. д̇асса звамасса – ‘ахам̣ ко буб̣б̣з ин̣ам̣ аад̣̇ааяа гамманд̇з баяож̇зсим̣. д̇асса мз д̇з гамманд̇аа самиж̇жхим̣су. сохам̣ яаани жа бораан̣аани ин̣амуулаани, д̇аани жа б̣яанд̇им̣ агаасим̣, ад̇т̇и жа мз уд̇д̇арим̣ авасидтам̣ д̣̇аарабхаран̣ааяаа’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.

219. ‘‘сзяяат̇ааби, махаарааж̇а, бурисо ааб̣аад̇хиго асса д̣̇угкид̇о б̣аал̣хаг̇илаано; бхад̇д̇ан̃жасса нажчаад̣̇зяяа, на жасса гааяз б̣аламад̇д̇аа. со абарзна самаязна д̇амхаа ааб̣аад̇хаа мужжзяяа; бхад̇д̇ам̣ жасса чаад̣̇зяяа, сияаа жасса гааяз б̣аламад̇д̇аа. д̇асса звамасса – ‘ахам̣ ко буб̣б̣з ааб̣аад̇хиго ахосим̣ д̣̇угкид̇о б̣аал̣хаг̇илаано; бхад̇д̇ан̃жа мз нажчаад̣̇зси, на жа мз ааси ⁶⁵ гааяз б̣аламад̇д̇аа. сомхи зд̇арахи д̇амхаа ааб̣аад̇хаа муд̇д̇о; бхад̇д̇ан̃жа мз чаад̣̇зд̇и, ад̇т̇и жа мз гааяз б̣аламад̇д̇аа’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.

220. ‘‘сзяяат̇ааби, махаарааж̇а, бурисо б̣анд̇ханааг̇аарз б̣ад̣̇д̇хо асса. со абарзна самаязна д̇амхаа б̣анд̇ханааг̇аараа мужжзяяа сод̇т̇инаа аб̣бхаязна ⁶⁷, на жасса гин̃жи бхог̇аанам̣ ваяо. д̇асса звамасса – ‘ахам̣ ко буб̣б̣з б̣анд̇ханааг̇аарз б̣ад̣̇д̇хо ахосим̣, сомхи зд̇арахи д̇амхаа б̣анд̇ханааг̇аараа муд̇д̇о сод̇т̇инаа аб̣бхаязна. над̇т̇и жа мз гин̃жи бхог̇аанам̣ ваяо’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.

221. ‘‘сзяяат̇ааби, махаарааж̇а, бурисо д̣̇аасо асса анад̇д̇аад̇хийно бараад̇хийно на язнагаамам̣г̇амо. со абарзна самаязна д̇амхаа д̣̇аасаб̣яаа мужжзяяа ад̇д̇аад̇хийно абараад̇хийно бхуж̇иссо язнагаамам̣г̇амо. д̇асса звамасса – ‘ахам̣ ко буб̣б̣з д̣̇аасо ахосим̣ анад̇д̇аад̇хийно бараад̇хийно на язнагаамам̣г̇амо. сомхи зд̇арахи д̇амхаа д̣̇аасаб̣яаа муд̇д̇о ад̇д̇аад̇хийно абараад̇хийно бхуж̇иссо язнагаамам̣г̇амо’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.

222. ‘‘сзяяат̇ааби, махаарааж̇а, бурисо сад̇хано сабхог̇о ганд̇аарад̣̇д̇хаанамаг̇г̇ам̣ бадибаж̇ж̇зяяа д̣̇уб̣бхигкам̣ саббадибхаяам̣. со абарзна самаязна д̇ам̣ ганд̇аарам̣ нид̇т̇арзяяа сод̇т̇инаа, г̇ааманд̇ам̣ анубаабун̣зяяа кзмам̣ аббадибхаяам̣. д̇асса звамасса – ‘ахам̣ ко буб̣б̣з сад̇хано сабхог̇о ганд̇аарад̣̇д̇хаанамаг̇г̇ам̣ бадибаж̇ж̇им̣ д̣̇уб̣бхигкам̣ саббадибхаяам̣. сомхи зд̇арахи д̇ам̣ ганд̇аарам̣ нид̇т̇ин̣н̣о сод̇т̇инаа, г̇ааманд̇ам̣ ануббад̇д̇о кзмам̣ аббадибхаяа’нд̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.

223. ‘‘звамзва ко, махаарааж̇а, бхигку яат̇аа ин̣ам̣ яат̇аа рог̇ам̣ яат̇аа б̣анд̇ханааг̇аарам̣ яат̇аа д̣̇аасаб̣яам̣ яат̇аа ганд̇аарад̣̇д̇хаанамаг̇г̇ам̣, звам̣ имз бан̃жа нийваран̣з аббахийнз ад̇д̇ани саманубассад̇и.

224. ‘‘сзяяат̇ааби, махаарааж̇а, яат̇аа аан̣ан̣яам̣ яат̇аа аарог̇яам̣ яат̇аа б̣анд̇ханаамогкам̣ яат̇аа бхуж̇иссам̣ яат̇аа кзманд̇абхуумим̣; звамзва ко, махаарааж̇а, бхигку имз бан̃жа нийваран̣з бахийнз ад̇д̇ани саманубассад̇и.

225. ‘‘д̇ассимз бан̃жа нийваран̣з бахийнз ад̇д̇ани саманубассад̇о баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и.

батамаж̇жхаанам̣

226. ‘‘со вивижжзва гаамзхи, вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и.

227. ‘‘сзяяат̇ааби , махаарааж̇а, д̣̇агко нхаабаго ваа нхаабаганд̇зваасий ваа гам̣сат̇аалз нхаанийяажун̣н̣аани аагирид̇ваа уд̣̇агзна барибпосагам̣ барибпосагам̣ саннзяяа, сааяам̣ нхаанийяабин̣д̣и снзхаануг̇ад̇аа снзхабарзд̇аа санд̇араб̣аахираа пудаа снзхзна, на жа баг̇гхаран̣ий; звамзва ко, махаарааж̇а, бхигку имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

д̣̇уд̇ияаж̇жхаанам̣

228. ‘‘буна жабарам̣, махаарааж̇а, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. со имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и.

229. ‘‘сзяяат̇ааби, махаарааж̇а, уд̣̇агарахад̣̇о г̇амбхийро уб̣бхид̣̇од̣̇аго ⁶⁹ д̇асса нзвасса бурад̇т̇имааяа д̣̇исааяа уд̣̇агасса ааяамукам̣, на д̣̇агкин̣ааяа д̣̇исааяа уд̣̇агасса ааяамукам̣, на бажчимааяа д̣̇исааяа уд̣̇агасса ааяамукам̣, на уд̇д̇арааяа д̣̇исааяа уд̣̇агасса ааяамукам̣, д̣̇зво жа на гаалзнагаалам̣ саммаад̇хаарам̣ ануббавзжчзяяа. ат̇а ко д̇амхаава уд̣̇агарахад̣̇аа сийд̇аа ваарид̇хаараа уб̣бхиж̇ж̇ид̇ваа д̇амзва уд̣̇агарахад̣̇ам̣ сийд̇зна вааринаа абхисанд̣̇зяяа барисанд̣̇зяяа барибуурзяяа барибпарзяяа, наасса гин̃жи саб̣б̣аавад̇о уд̣̇агарахад̣̇асса сийд̇зна вааринаа абпудам̣ асса. звамзва ко, махаарааж̇а, бхигку имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

д̇ад̇ияаж̇жхаанам̣

230. ‘‘буна жабарам̣, махаарааж̇а, бхигку бийд̇ияаа жа вирааг̇аа убзгкаго жа вихарад̇и сад̇о самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и, д̇ад̇ияам̣ жхаанам̣ убасамбаж̇ж̇а вихарад̇и. со имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и.

231. ‘‘сзяяат̇ааби, махаарааж̇а, уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇онимуг̇г̇абосийни, д̇аани яаава жаг̇г̇аа яаава жа муулаа сийд̇зна вааринаа абхисаннаани барисаннаани ⁷¹ барибуураани барибпудаани ⁷², наасса гин̃жи саб̣б̣аавад̇ам̣ уббалаанам̣ ваа бад̣̇умаанам̣ ваа бун̣д̣арийгаанам̣ ваа сийд̇зна вааринаа абпудам̣ асса; звамзва ко, махаарааж̇а, бхигку имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

жад̇уд̇т̇аж̇жхаанам̣

232. ‘‘буна жабарам̣, махаарааж̇а, бхигку сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и, со имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и, наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и.

233. ‘‘сзяяат̇ааби , махаарааж̇а, бурисо од̣̇аад̇зна вад̇т̇зна сасийсам̣ баарубид̇ваа нисинно асса, наасса гин̃жи саб̣б̣аавад̇о гааяасса од̣̇аад̇зна вад̇т̇зна абпудам̣ асса; звамзва ко, махаарааж̇а, бхигку имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и, наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

вибассанаан̃аан̣ам̣

234. ‘‘со ⁷⁵ звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и. со звам̣ баж̇аанаад̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇ана-баримад̣̇д̣̇ана-бхзд̣̇ана-вид̣̇д̇хам̣сана-д̇хаммо; ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇ха’нд̇и.

235. ‘‘сзяяат̇ааби, махаарааж̇а, ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно анаавило саб̣б̣аагаарасамбанно. д̇ад̇раасса суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа ⁷⁷ од̣̇аад̇ам̣ ваа бан̣д̣усуд̇д̇ам̣ ваа. д̇амзнам̣ жагкумаа бурисо хад̇т̇з гарид̇ваа бажжавзгкзяяа – ‘аяам̣ ко ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно анаавило саб̣б̣аагаарасамбанно; д̇ад̇рид̣̇ам̣ суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа од̣̇аад̇ам̣ ваа бан̣д̣усуд̇д̇ам̣ ваа’д̇и. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и. со звам̣ баж̇аанаад̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо; ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇ха’нд̇и. ид̣̇амби ко, махаарааж̇а , санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

маномаяид̣̇д̇хин̃аан̣ам̣

236. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з маномаяам̣ гааяам̣ абхиниммаанааяа жид̇д̇ам̣ абхинийхарад̇и абхининнаамзд̇и. со имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣.

237. ‘‘сзяяат̇ааби, махаарааж̇а, бурисо мун̃ж̇амхаа ийсигам̣ баваахзяяа ⁷⁹. д̇асса звамасса – ‘аяам̣ мун̃ж̇о, аяам̣ ийсигаа, ан̃н̃о мун̃ж̇о, ан̃н̃аа ийсигаа, мун̃ж̇амхаа д̇взва ийсигаа баваал̣хаа’д̇и ⁸⁰. сзяяат̇аа ваа бана, махаарааж̇а, бурисо асим̣ госияаа баваахзяяа. д̇асса звамасса – ‘аяам̣ аси, аяам̣ госи, ан̃н̃о аси, ан̃н̃аа госи, госияаа д̇взва аси баваал̣хо’’д̇и. сзяяат̇аа ваа бана, махаарааж̇а, бурисо ахим̣ гаран̣д̣аа уд̣̇д̇харзяяа. д̇асса звамасса – ‘аяам̣ ахи, аяам̣ гаран̣д̣о. ан̃н̃о ахи, ан̃н̃о гаран̣д̣о, гаран̣д̣аа д̇взва ахи уб̣бхад̇о’д̇и ⁸¹. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з маномаяам̣ гааяам̣ абхиниммаанааяа жид̇д̇ам̣ абхинийхарад̇и абхининнаамзд̇и. со имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

ид̣̇д̇хивид̇хан̃аан̣ам̣

238. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з ид̣̇д̇хивид̇хааяа жид̇д̇ам̣ абхинийхарад̇и абхининнаамзд̇и . со анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣ д̇иробхаавам̣ д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и сзяяат̇ааби аагаасз. бат̇авияааби уммуж̇ж̇анимуж̇ж̇ам̣ гарод̇и сзяяат̇ааби уд̣̇агз. уд̣̇агзби абхиж̇ж̇амаанз г̇ажчад̇и ⁸⁵ сзяяат̇ааби бат̇авияаа . аагаасзби баллан̇гзна гамад̇и сзяяат̇ааби багкий сагун̣о. имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасад̇и баримаж̇ж̇ад̇и. яаава б̣рахмалогааби гааязна васам̣ вад̇д̇зд̇и.

239. ‘‘сзяяат̇ааби, махаарааж̇а, д̣̇агко гумбхагааро ваа гумбхагааранд̇зваасий ваа субаригаммагад̇ааяа мад̇д̇игааяа яам̣ яад̣̇зва бхааж̇анавигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. сзяяат̇аа ваа бана, махаарааж̇а, д̣̇агко д̣̇анд̇агааро ваа д̣̇анд̇агааранд̇зваасий ваа субаригаммагад̇асмим̣ д̣̇анд̇асмим̣ яам̣ яад̣̇зва д̣̇анд̇авигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. сзяяат̇аа ваа бана, махаарааж̇а, д̣̇агко суван̣н̣агааро ваа суван̣н̣агааранд̇зваасий ваа субаригаммагад̇асмим̣ суван̣н̣асмим̣ яам̣ яад̣̇зва суван̣н̣авигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з ид̣̇д̇хивид̇хааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣ д̇иробхаавам̣ д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и сзяяат̇ааби аагаасз. бат̇авияааби уммуж̇ж̇анимуж̇ж̇ам̣ гарод̇и сзяяат̇ааби уд̣̇агз. уд̣̇агзби абхиж̇ж̇амаанз г̇ажчад̇и сзяяат̇ааби бат̇авияаа. аагаасзби баллан̇гзна гамад̇и сзяяат̇ааби багкий сагун̣о. имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасад̇и баримаж̇ж̇ад̇и. яаава б̣рахмалогааби гааязна васам̣ вад̇д̇зд̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

д̣̇иб̣б̣асод̇ан̃аан̣ам̣

240. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з д̣̇иб̣б̣ааяа сод̇ад̇хаад̇уяаа жид̇д̇ам̣ абхинийхарад̇и абхининнаамзд̇и. со д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и д̣̇иб̣б̣з жа маанусз жа яз д̣̇уурз санд̇игз жа.

241. ‘‘сзяяат̇ааби , махаарааж̇а, бурисо ад̣̇д̇хаанамаг̇г̇аббадибанно. со сун̣зяяа бхзрисад̣̇д̣̇амби муд̣̇ин̇г̇асад̣̇д̣̇амби ⁸⁷ сан̇кабан̣авад̣̇инд̣̇имасад̣̇д̣̇амби ⁸⁸. д̇асса звамасса – ‘бхзрисад̣̇д̣̇о’ ид̇иби, ‘муд̣̇ин̇г̇асад̣̇д̣̇о’ ид̇иби, ‘сан̇кабан̣авад̣̇инд̣̇имасад̣̇д̣̇о’ ид̇иби ⁸⁹. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з д̣̇иб̣б̣ааяа сод̇ад̇хаад̇уяаа жид̇д̇ам̣ абхинийхарад̇и абхининнаамзд̇и. со д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и д̣̇иб̣б̣з жа маанусз жа яз д̣̇уурз санд̇игз жа. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

жзд̇обарияан̃аан̣ам̣

242. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з жзд̇обарияан̃аан̣ааяа жид̇д̇ам̣ абхинийхарад̇и абхининнаамзд̇и. со барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и – сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аанаад̇и, вийд̇арааг̇ам̣ ваа жид̇д̇ам̣ ‘вийд̇арааг̇ам̣ жид̇д̇а’нд̇и баж̇аанаад̇и, сад̣̇осам̣ ваа жид̇д̇ам̣ ‘сад̣̇осам̣ жид̇д̇а’нд̇и баж̇аанаад̇и, вийд̇ад̣̇осам̣ ваа жид̇д̇ам̣ ‘вийд̇ад̣̇осам̣ жид̇д̇а’нд̇и баж̇аанаад̇и, самохам̣ ваа жид̇д̇ам̣ ‘самохам̣ жид̇д̇а’нд̇и баж̇аанаад̇и, вийд̇амохам̣ ваа жид̇д̇ам̣ ‘вийд̇амохам̣ жид̇д̇а’нд̇и баж̇аанаад̇и, сан̇кид̇д̇ам̣ ваа жид̇д̇ам̣ ‘сан̇кид̇д̇ам̣ жид̇д̇а’нд̇и баж̇аанаад̇и, вигкид̇д̇ам̣ ваа жид̇д̇ам̣ ‘вигкид̇д̇ам̣ жид̇д̇а’нд̇и баж̇аанаад̇и, махаг̇г̇ад̇ам̣ ваа жид̇д̇ам̣ ‘махаг̇г̇ад̇ам̣ жид̇д̇а’нд̇и баж̇аанаад̇и, амахаг̇г̇ад̇ам̣ ваа жид̇д̇ам̣ ‘амахаг̇г̇ад̇ам̣ жид̇д̇а’нд̇и баж̇аанаад̇и, сауд̇д̇арам̣ ваа жид̇д̇ам̣ ‘сауд̇д̇арам̣ жид̇д̇а’нд̇и баж̇аанаад̇и, ануд̇д̇арам̣ ваа жид̇д̇ам̣ ‘ануд̇д̇арам̣ жид̇д̇а’нд̇и баж̇аанаад̇и, самаахид̇ам̣ ваа жид̇д̇ам̣ ‘самаахид̇ам̣ жид̇д̇а’нд̇и баж̇аанаад̇и, асамаахид̇ам̣ ваа жид̇д̇ам̣ ‘асамаахид̇ам̣ жид̇д̇а’нд̇и баж̇аанаад̇и , вимуд̇д̇ам̣ ваа жид̇д̇ам̣ ‘вимуд̇д̇ам̣ жид̇д̇а’нд̇и баж̇аанаад̇и, авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аанаад̇и.

243. ‘‘сзяяат̇ааби , махаарааж̇а, ид̇т̇ий ваа бурисо ваа д̣̇ахаро яуваа ман̣д̣анаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇агабад̇д̇з сагам̣ муканимид̇д̇ам̣ бажжавзгкамаано саган̣игам̣ ваа ‘саган̣ига’нд̇и ж̇аанзяяа, аган̣игам̣ ваа ‘аган̣ига’нд̇и ж̇аанзяяа; звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з жзд̇обарияан̃аан̣ааяа жид̇д̇ам̣ абхинийхарад̇и абхининнаамзд̇и. со барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и – сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аанаад̇и, вийд̇арааг̇ам̣ ваа жид̇д̇ам̣ ‘вийд̇арааг̇ам̣ жид̇д̇а’нд̇и баж̇аанаад̇и, сад̣̇осам̣ ваа жид̇д̇ам̣ ‘сад̣̇осам̣ жид̇д̇а’нд̇и баж̇аанаад̇и, вийд̇ад̣̇осам̣ ваа жид̇д̇ам̣ ‘вийд̇ад̣̇осам̣ жид̇д̇а’нд̇и баж̇аанаад̇и, самохам̣ ваа жид̇д̇ам̣ ‘самохам̣ жид̇д̇а’нд̇и баж̇аанаад̇и, вийд̇амохам̣ ваа жид̇д̇ам̣ ‘вийд̇амохам̣ жид̇д̇а’нд̇и баж̇аанаад̇и, сан̇кид̇д̇ам̣ ваа жид̇д̇ам̣ ‘сан̇кид̇д̇ам̣ жид̇д̇а’нд̇и баж̇аанаад̇и, вигкид̇д̇ам̣ ваа жид̇д̇ам̣ ‘вигкид̇д̇ам̣ жид̇д̇а’нд̇и баж̇аанаад̇и, махаг̇г̇ад̇ам̣ ваа жид̇д̇ам̣ ‘махаг̇г̇ад̇ам̣ жид̇д̇а’нд̇и баж̇аанаад̇и, амахаг̇г̇ад̇ам̣ ваа жид̇д̇ам̣ ‘амахаг̇г̇ад̇ам̣ жид̇д̇а’нд̇и баж̇аанаад̇и, сауд̇д̇арам̣ ваа жид̇д̇ам̣ ‘сауд̇д̇арам̣ жид̇д̇а’нд̇и баж̇аанаад̇и, ануд̇д̇арам̣ ваа жид̇д̇ам̣ ‘ануд̇д̇арам̣ жид̇д̇а’нд̇и баж̇аанаад̇и, самаахид̇ам̣ ваа жид̇д̇ам̣ ‘самаахид̇ам̣ жид̇д̇а’нд̇и баж̇аанаад̇и, асамаахид̇ам̣ ваа жид̇д̇ам̣ ‘асамаахид̇ам̣ жид̇д̇а’нд̇и баж̇аанаад̇и, вимуд̇д̇ам̣ ваа жид̇д̇ам̣ ‘вимуд̇д̇ам̣ жид̇д̇а’’нд̇и баж̇аанаад̇и, авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аанаад̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

буб̣б̣зниваасаануссад̇ин̃аан̣ам̣

244. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз, ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.

245. ‘‘сзяяат̇ааби, махаарааж̇а, бурисо сагамхаа г̇аамаа ан̃н̃ам̣ г̇аамам̣ г̇ажчзяяа, д̇амхааби г̇аамаа ан̃н̃ам̣ г̇аамам̣ г̇ажчзяяа. со д̇амхаа г̇аамаа сагам̣язва г̇аамам̣ бажжааг̇ажчзяяа. д̇асса звамасса – ‘ахам̣ ко сагамхаа г̇аамаа амум̣ г̇аамам̣ аг̇ажчим̣ ⁹³, д̇ад̇рааби звам̣ адтаасим̣, звам̣ нисийд̣̇им̣, звам̣ абхаасим̣, звам̣ д̇ун̣хий ахосим̣, д̇амхааби г̇аамаа амум̣ г̇аамам̣ аг̇ажчим̣, д̇ад̇рааби звам̣ адтаасим̣, звам̣ нисийд̣̇им̣, звам̣ абхаасим̣, звам̣ д̇ун̣хий ахосим̣, сомхи д̇амхаа г̇аамаа сагам̣язва г̇аамам̣ бажжааг̇ад̇о’д̇и. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз, ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и, ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

д̣̇иб̣б̣ажагкун̃аан̣ам̣

246. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхинийхарад̇и абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и.

247. ‘‘сзяяат̇ааби, махаарааж̇а, маж̇жхз син̇гхаадагз баасаад̣̇о. д̇ад̇т̇а жагкумаа бурисо тид̇о бассзяяа мануссз г̇зхам̣ бависанд̇зби нигкаманд̇зби рат̇игааяаби вийт̇им̣ сан̃жаранд̇з ⁹⁵ маж̇жхз син̇гхаадагз нисиннзби. д̇асса звамасса – ‘зд̇з мануссаа г̇зхам̣ бависанд̇и, зд̇з нигкаманд̇и, зд̇з рат̇игааяа вийт̇им̣ сан̃жаранд̇и, зд̇з маж̇жхз син̇гхаадагз нисиннаа’д̇и. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхинийхарад̇и абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з; яат̇аагаммуубаг̇з сад̇д̇з баж̇аанаад̇и. ‘ид̣̇амби ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа.

аасавагкаяан̃аан̣ам̣

248. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхинийхарад̇и абхининнаамзд̇и. со ид̣̇ам̣ д̣̇угканд̇и яат̇аабхууд̇ам̣ баж̇аанаад̇и , аяам̣ д̣̇угкасамуд̣̇аяод̇и яат̇аабхууд̇ам̣ баж̇аанаад̇и, аяам̣ д̣̇угканирод̇ход̇и яат̇аабхууд̇ам̣ баж̇аанаад̇и, аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. имз аасаваад̇и яат̇аабхууд̇ам̣ баж̇аанаад̇и, аяам̣ аасавасамуд̣̇аяод̇и яат̇аабхууд̇ам̣ баж̇аанаад̇и, аяам̣ аасаванирод̇ход̇и яат̇аабхууд̇ам̣ баж̇аанаад̇и, аяам̣ аасаванирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и, ‘вимуд̇д̇асмим̣ вимуд̇д̇ами’д̇и н̃аан̣ам̣ ход̇и, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.

249. ‘‘сзяяат̇ааби, махаарааж̇а, баб̣б̣ад̇асан̇кзбз уд̣̇агарахад̣̇о ажчо виббасанно анаавило. д̇ад̇т̇а жагкумаа бурисо д̇ийрз тид̇о бассзяяа сиббисамб̣угамби сагкарагат̇аламби мажчаг̇умб̣амби жаранд̇амби д̇идтанд̇амби. д̇асса звамасса – ‘аяам̣ ко уд̣̇агарахад̣̇о ажчо виббасанно анаавило. д̇ад̇римз сиббисамб̣угааби сагкарагат̇алааби мажчаг̇умб̣ааби жаранд̇иби д̇идтанд̇ибий’д̇и. звамзва ко, махаарааж̇а, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхинийхарад̇и абхининнаамзд̇и. ‘со ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и , ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ‘имз аасаваад̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и, ‘вимуд̇д̇асмим̣ вимуд̇д̇амид̇и н̃аан̣ам̣ ход̇и, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. ид̣̇ам̣ ко, махаарааж̇а, санд̣̇идтигам̣ сааман̃н̃апалам̣ буримзхи санд̣̇идтигзхи сааман̃н̃апалзхи абхигганд̇ад̇аран̃жа бан̣ийд̇ад̇аран̃жа. имасмаа жа бана, махаарааж̇а, санд̣̇идтигаа сааман̃н̃апалаа ан̃н̃ам̣ санд̣̇идтигам̣ сааман̃н̃апалам̣ уд̇д̇арид̇арам̣ ваа бан̣ийд̇ад̇арам̣ ваа над̇т̇ий’’д̇и.

аж̇аад̇асад̇д̇уубаасагад̇д̇абадивзд̣̇анаа

250. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з. сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и; звамзвам̣, бханд̇з, бхаг̇авад̇аа анзгабарияааязна д̇хаммо багаасид̇о . зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ бид̇арам̣ д̇хаммигам̣ д̇хаммарааж̇аанам̣ иссарияагааран̣аа ж̇ийвид̇аа воробзсим̣. д̇асса мз, бханд̇з бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и.

251. ‘‘д̇аг̇гха д̇вам̣, махаарааж̇а, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яам̣ д̇вам̣ бид̇арам̣ д̇хаммигам̣ д̇хаммарааж̇аанам̣ ж̇ийвид̇аа воробзси. яад̇о жа ко д̇вам̣, махаарааж̇а, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣̇д̇хихзсаа, махаарааж̇а, арияасса винаяз, яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ий’’д̇и.

252. звам̣ вуд̇д̇з, рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇аванд̇ам̣ зд̇ад̣̇авожа – ‘‘ханд̣̇а жа д̣̇аани маяам̣, бханд̇з, г̇ажчаама б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, махаарааж̇а, гаалам̣ ман̃н̃асий’’д̇и. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.

253. ат̇а ко бхаг̇аваа ажирабагганд̇асса ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса бхигкуу ааманд̇зси – ‘‘кад̇ааяам̣, бхигкавз, рааж̇аа. убахад̇ааяам̣, бхигкавз, рааж̇аа. сажааяам̣, бхигкавз, рааж̇аа бид̇арам̣ д̇хаммигам̣ д̇хаммарааж̇аанам̣ ж̇ийвид̇аа на воробзссат̇а, имасмин̃н̃зва аасанз вираж̇ам̣ вийд̇амалам̣ д̇хаммажагкум̣ уббаж̇ж̇иссат̇аа’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.

сааман̃н̃апаласуд̇д̇ам̣ нидтид̇ам̣ д̣̇уд̇ияам̣.