| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
ஸமனுபா⁴ஸனாஸமுட்டா²னவண்ணனா
Samanubhāsanāsamuṭṭhānavaṇṇanā
261. பே⁴தா³னுவத்தது³ப்³ப³சதூ³ஸது³ட்டு²ல்லதி³ட்டி² சாதி ஸங்க⁴பே⁴தா³னுவத்தகது³ப்³ப³சகுலதூ³ஸகது³ட்டு²ல்லப்படிச்சா²த³னதி³ட்டி²அப்படினிஸ்ஸஜ்ஜனஸிக்கா²பதா³னி. ச²ந்த³ங் உஜ்ஜக்³கி⁴கா த்³வே சாதி ச²ந்த³ங் அத³த்வா க³மனஸிக்கா²பத³ங் உஜ்ஜக்³கி⁴காய அந்தரக⁴ரே க³மனநிஸீத³னஸிக்கா²பத³த்³வயஞ்ச. த்³வே ச ஸத்³தா³தி ‘‘அப்பஸத்³தோ³ அந்தரக⁴ரே க³மிஸ்ஸாமி, நிஸீதி³ஸ்ஸாமீ’’தி ஸிக்கா²பத³த்³வயஞ்ச. ந ப்³யாஹரேதி ‘‘ந ஸகப³ளேன முகே²ன ப்³யாஹரிஸ்ஸாமீ’’தி ஸிக்கா²பத³ங்.
261.Bhedānuvattadubbacadūsaduṭṭhulladiṭṭhicāti saṅghabhedānuvattakadubbacakuladūsakaduṭṭhullappaṭicchādanadiṭṭhiappaṭinissajjanasikkhāpadāni. Chandaṃ ujjagghikā dve cāti chandaṃ adatvā gamanasikkhāpadaṃ ujjagghikāya antaraghare gamananisīdanasikkhāpadadvayañca. Dve ca saddāti ‘‘appasaddo antaraghare gamissāmi, nisīdissāmī’’ti sikkhāpadadvayañca. Na byāhareti ‘‘na sakabaḷena mukhena byāharissāmī’’ti sikkhāpadaṃ.
ச²மா நீசாஸனே டா²னங், பச்ச²தோ உப்பதே²ன சாதி ச²மாயங் நிஸீதி³த்வா, நீசே ஆஸனே நிஸீதி³த்வா; டி²தேன நிஸின்னஸ்ஸ, பச்ச²தோ க³ச்ச²ந்தேன புரதோ க³ச்ச²ந்தஸ்ஸ, உப்பதே²ன க³ச்ச²ந்தேன பதே²ன க³ச்ச²ந்தஸ்ஸ த⁴ம்மதே³ஸனாஸிக்கா²பதா³னி. வஜ்ஜானுவத்திக³ஹணாதி வஜ்ஜப்படிச்சா²த³னஉஅக²த்தானுவத்தகஹத்த²க்³க³ஹணாதி³ஸங்கா²தானி தீணி பாராஜிகானி. ஓஸாரே பச்சாசிக்க²னாதி ‘‘அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரெய்யா’’தி ச ‘‘பு³த்³த⁴ங் பச்சக்கா²மீ’’தி ச வுத்தஸிக்கா²பத³த்³வயங்.
Chamā nīcāsane ṭhānaṃ, pacchato uppathena cāti chamāyaṃ nisīditvā, nīce āsane nisīditvā; ṭhitena nisinnassa, pacchato gacchantena purato gacchantassa, uppathena gacchantena pathena gacchantassa dhammadesanāsikkhāpadāni. Vajjānuvattigahaṇāti vajjappaṭicchādanauakhattānuvattakahatthaggahaṇādisaṅkhātāni tīṇi pārājikāni. Osāre paccācikkhanāti ‘‘anapaloketvā kārakasaṅghaṃ anaññāya gaṇassa chandaṃ osāreyyā’’ti ca ‘‘buddhaṃ paccakkhāmī’’ti ca vuttasikkhāpadadvayaṃ.
கிஸ்மிங் ஸங்ஸட்டா² த்³வே வதீ⁴தி ‘‘கிஸ்மிஞ்சிதே³வ அதி⁴கரணே பச்சாகதா’’தி ச ‘‘பி⁴க்கு²னியோ பனேவ ஸங்ஸட்டா² விஹரந்தீ’’தி ச ‘‘யா பன பி⁴க்கு²னீ ஏவங் வதெ³ய்ய ஸங்ஸட்டா²வ அய்யே தும்ஹே விஹரதா²’’தி ச ‘‘அத்தானங் வதி⁴த்வா வதி⁴த்வா ரோதெ³ய்யா’’தி ச வுத்தஸிக்கா²பதா³னி. விஸிப்³பே³ து³க்கி²தாய சாதி ‘‘பி⁴க்கு²னியா சீவரங் விஸிப்³பெ³த்வா வா விஸிப்³பா³பெத்வா வா’’தி ச ‘‘து³க்கி²தங் ஸஹஜீவினி’’ந்தி ச வுத்தஸிக்கா²பத³த்³வயங். புன ஸங்ஸட்டா² ந வூபஸமேதி ‘‘ஸங்ஸட்டா² விஹரெய்ய க³ஹபதினா வா க³ஹபதிபுத்தேன வா’’தி ஏவங் புன வுத்தஸங்ஸட்ட²ஸிக்கா²பத³ஞ்ச ‘‘ஏஹய்யே, இமங் அதி⁴கரணங் வூபஸமேஹீ’’தி வுச்சமானா, ‘‘ஸாதூ⁴’’தி படிஸ்ஸுணித்வா ‘‘ஸா பச்சா² அனந்தராயிகினீ நேவ வூபஸம்மெய்யா’’தி வுத்தஸிக்கா²பத³ஞ்ச. ஆராமஞ்ச பவாரணாதி ‘‘ஜானங் ஸபி⁴க்கு²கங் ஆராமங் அனாபுச்சா² பவிஸெய்யா’’தி ச ‘‘உப⁴தோஸங்கே⁴ தீஹி டா²னேஹி ந பவாரெய்யா’’தி ச வுத்தஸிக்கா²பத³த்³வயங்.
Kismiṃ saṃsaṭṭhā dve vadhīti ‘‘kismiñcideva adhikaraṇe paccākatā’’ti ca ‘‘bhikkhuniyo paneva saṃsaṭṭhā viharantī’’ti ca ‘‘yā pana bhikkhunī evaṃ vadeyya saṃsaṭṭhāva ayye tumhe viharathā’’ti ca ‘‘attānaṃ vadhitvā vadhitvā rodeyyā’’ti ca vuttasikkhāpadāni. Visibbe dukkhitāya cāti ‘‘bhikkhuniyā cīvaraṃ visibbetvā vā visibbāpetvā vā’’ti ca ‘‘dukkhitaṃ sahajīvini’’nti ca vuttasikkhāpadadvayaṃ. Puna saṃsaṭṭhā na vūpasameti ‘‘saṃsaṭṭhā vihareyya gahapatinā vā gahapatiputtena vā’’ti evaṃ puna vuttasaṃsaṭṭhasikkhāpadañca ‘‘ehayye, imaṃ adhikaraṇaṃ vūpasamehī’’ti vuccamānā, ‘‘sādhū’’ti paṭissuṇitvā ‘‘sā pacchā anantarāyikinī neva vūpasammeyyā’’ti vuttasikkhāpadañca. Ārāmañca pavāraṇāti ‘‘jānaṃ sabhikkhukaṃ ārāmaṃ anāpucchā paviseyyā’’ti ca ‘‘ubhatosaṅghe tīhi ṭhānehi na pavāreyyā’’ti ca vuttasikkhāpadadvayaṃ.
அன்வத்³த⁴ங் ஸஹஜீவினிங் த்³வேதி ‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே த⁴ம்மா பச்சாஸீஸிதப்³பா³’’தி வுத்தஸிக்கா²பத³ஞ்ச, ‘‘ஸஹஜீவினிங் வுட்டா²பெத்வா த்³வே வஸ்ஸானி நேவ அனுக்³க³ண்ஹெய்ய, ஸஹஜீவினிங் வுட்டா²பெத்வா நேவ வூபகாஸெய்யா’’தி வுத்தஸிக்கா²பத³த்³வயஞ்ச. சீவரங் அனுப³ந்த⁴னாதி ‘‘ஸசே மே த்வங், அய்யே, சீவரங் த³ஸ்ஸஸி, ஏவாஹங் தங் வுட்டா²பெஸ்ஸாமீ’’தி ச ‘‘ஸசே மங் த்வங், அய்யே, த்³வே வஸ்ஸானி அனுப³ந்தி⁴ஸ்ஸஸி, ஏவாஹங் தங் வுட்டா²பெஸ்ஸாமீ’’தி ச வுத்தஸிக்கா²பத³த்³வயங்.
Anvaddhaṃ sahajīviniṃ dveti ‘‘anvaddhamāsaṃ bhikkhuniyā bhikkhusaṅghato dve dhammā paccāsīsitabbā’’ti vuttasikkhāpadañca, ‘‘sahajīviniṃ vuṭṭhāpetvā dve vassāni neva anuggaṇheyya, sahajīviniṃ vuṭṭhāpetvā neva vūpakāseyyā’’ti vuttasikkhāpadadvayañca. Cīvaraṃ anubandhanāti ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti ca ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti ca vuttasikkhāpadadvayaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 4. ஸமனுபா⁴ஸனாஸமுட்டா²னங் • 4. Samanubhāsanāsamuṭṭhānaṃ
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஸமனுபா⁴ஸனாஸமுட்டா²னவண்ணனா • Samanubhāsanāsamuṭṭhānavaṇṇanā
