| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
саманубхаасанаасамудтаанаван̣н̣анаа
Samanubhāsanāsamuṭṭhānavaṇṇanā
261. бхзд̣̇аанувад̇д̇ад̣̇уб̣б̣ажад̣̇уусад̣̇удтуллад̣̇идти жаад̇и сан̇гхабхзд̣̇аанувад̇д̇агад̣̇уб̣б̣ажагулад̣̇уусагад̣̇удтуллаббадижчаад̣̇анад̣̇идтиаббадиниссаж̇ж̇анасигкаабад̣̇аани. чанд̣̇ам̣ уж̇ж̇аг̇гхигаа д̣̇вз жаад̇и чанд̣̇ам̣ ад̣̇ад̇ваа г̇аманасигкаабад̣̇ам̣ уж̇ж̇аг̇гхигааяа анд̇арагхарз г̇амананисийд̣̇анасигкаабад̣̇ад̣̇ваяан̃жа. д̣̇вз жа сад̣̇д̣̇аад̇и ‘‘аббасад̣̇д̣̇о анд̇арагхарз г̇амиссаами, нисийд̣̇иссаамий’’д̇и сигкаабад̣̇ад̣̇ваяан̃жа. на б̣яаахарзд̇и ‘‘на сагаб̣ал̣зна мукзна б̣яаахариссаамий’’д̇и сигкаабад̣̇ам̣.
261.Bhedānuvattadubbacadūsaduṭṭhulladiṭṭhicāti saṅghabhedānuvattakadubbacakuladūsakaduṭṭhullappaṭicchādanadiṭṭhiappaṭinissajjanasikkhāpadāni. Chandaṃ ujjagghikā dve cāti chandaṃ adatvā gamanasikkhāpadaṃ ujjagghikāya antaraghare gamananisīdanasikkhāpadadvayañca. Dve ca saddāti ‘‘appasaddo antaraghare gamissāmi, nisīdissāmī’’ti sikkhāpadadvayañca. Na byāhareti ‘‘na sakabaḷena mukhena byāharissāmī’’ti sikkhāpadaṃ.
чамаа нийжаасанз таанам̣, бажчад̇о уббат̇зна жаад̇и чамааяам̣ нисийд̣̇ид̇ваа, нийжз аасанз нисийд̣̇ид̇ваа; тид̇зна нисиннасса, бажчад̇о г̇ажчанд̇зна бурад̇о г̇ажчанд̇асса, уббат̇зна г̇ажчанд̇зна бат̇зна г̇ажчанд̇асса д̇хаммад̣̇зсанаасигкаабад̣̇аани. важ̇ж̇аанувад̇д̇иг̇ахан̣аад̇и важ̇ж̇аббадижчаад̣̇анауакад̇д̇аанувад̇д̇агахад̇т̇аг̇г̇ахан̣аад̣̇исан̇каад̇аани д̇ийн̣и баарааж̇игаани. осаарз бажжаажигканаад̇и ‘‘анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осаарзяяаа’’д̇и жа ‘‘б̣уд̣̇д̇хам̣ бажжагкаамий’’д̇и жа вуд̇д̇асигкаабад̣̇ад̣̇ваяам̣.
Chamā nīcāsane ṭhānaṃ, pacchato uppathena cāti chamāyaṃ nisīditvā, nīce āsane nisīditvā; ṭhitena nisinnassa, pacchato gacchantena purato gacchantassa, uppathena gacchantena pathena gacchantassa dhammadesanāsikkhāpadāni. Vajjānuvattigahaṇāti vajjappaṭicchādanauakhattānuvattakahatthaggahaṇādisaṅkhātāni tīṇi pārājikāni. Osāre paccācikkhanāti ‘‘anapaloketvā kārakasaṅghaṃ anaññāya gaṇassa chandaṃ osāreyyā’’ti ca ‘‘buddhaṃ paccakkhāmī’’ti ca vuttasikkhāpadadvayaṃ.
гисмим̣ сам̣садтаа д̣̇вз вад̇хийд̇и ‘‘гисмин̃жид̣̇зва ад̇хигаран̣з бажжаагад̇аа’’д̇и жа ‘‘бхигкунияо банзва сам̣садтаа вихаранд̇ий’’д̇и жа ‘‘яаа бана бхигкуний звам̣ вад̣̇зяяа сам̣садтаава аяяз д̇умхз вихарат̇аа’’д̇и жа ‘‘ад̇д̇аанам̣ вад̇хид̇ваа вад̇хид̇ваа род̣̇зяяаа’’д̇и жа вуд̇д̇асигкаабад̣̇аани. висиб̣б̣з д̣̇угкид̇ааяа жаад̇и ‘‘бхигкунияаа жийварам̣ висиб̣б̣зд̇ваа ваа висиб̣б̣аабзд̇ваа ваа’’д̇и жа ‘‘д̣̇угкид̇ам̣ сахаж̇ийвини’’нд̇и жа вуд̇д̇асигкаабад̣̇ад̣̇ваяам̣. буна сам̣садтаа на вуубасамзд̇и ‘‘сам̣садтаа вихарзяяа г̇ахабад̇инаа ваа г̇ахабад̇ибуд̇д̇зна ваа’’д̇и звам̣ буна вуд̇д̇асам̣садтасигкаабад̣̇ан̃жа ‘‘зхаяяз, имам̣ ад̇хигаран̣ам̣ вуубасамзхий’’д̇и вужжамаанаа, ‘‘саад̇хуу’’д̇и бадиссун̣ид̇ваа ‘‘саа бажчаа ананд̇арааяигиний нзва вуубасаммзяяаа’’д̇и вуд̇д̇асигкаабад̣̇ан̃жа. аарааман̃жа бавааран̣аад̇и ‘‘ж̇аанам̣ сабхигкугам̣ аараамам̣ анаабужчаа бависзяяаа’’д̇и жа ‘‘убхад̇осан̇гхз д̇ийхи таанзхи на баваарзяяаа’’д̇и жа вуд̇д̇асигкаабад̣̇ад̣̇ваяам̣.
Kismiṃ saṃsaṭṭhā dve vadhīti ‘‘kismiñcideva adhikaraṇe paccākatā’’ti ca ‘‘bhikkhuniyo paneva saṃsaṭṭhā viharantī’’ti ca ‘‘yā pana bhikkhunī evaṃ vadeyya saṃsaṭṭhāva ayye tumhe viharathā’’ti ca ‘‘attānaṃ vadhitvā vadhitvā rodeyyā’’ti ca vuttasikkhāpadāni. Visibbe dukkhitāya cāti ‘‘bhikkhuniyā cīvaraṃ visibbetvā vā visibbāpetvā vā’’ti ca ‘‘dukkhitaṃ sahajīvini’’nti ca vuttasikkhāpadadvayaṃ. Puna saṃsaṭṭhā na vūpasameti ‘‘saṃsaṭṭhā vihareyya gahapatinā vā gahapatiputtena vā’’ti evaṃ puna vuttasaṃsaṭṭhasikkhāpadañca ‘‘ehayye, imaṃ adhikaraṇaṃ vūpasamehī’’ti vuccamānā, ‘‘sādhū’’ti paṭissuṇitvā ‘‘sā pacchā anantarāyikinī neva vūpasammeyyā’’ti vuttasikkhāpadañca. Ārāmañca pavāraṇāti ‘‘jānaṃ sabhikkhukaṃ ārāmaṃ anāpucchā paviseyyā’’ti ca ‘‘ubhatosaṅghe tīhi ṭhānehi na pavāreyyā’’ti ca vuttasikkhāpadadvayaṃ.
анвад̣̇д̇хам̣ сахаж̇ийвиним̣ д̣̇взд̇и ‘‘анвад̣̇д̇хамаасам̣ бхигкунияаа бхигкусан̇гхад̇о д̣̇вз д̇хаммаа бажжаасийсид̇аб̣б̣аа’’д̇и вуд̇д̇асигкаабад̣̇ан̃жа, ‘‘сахаж̇ийвиним̣ вудтаабзд̇ваа д̣̇вз вассаани нзва ануг̇г̇ан̣хзяяа, сахаж̇ийвиним̣ вудтаабзд̇ваа нзва вуубагаасзяяаа’’д̇и вуд̇д̇асигкаабад̣̇ад̣̇ваяан̃жа. жийварам̣ ануб̣анд̇ханаад̇и ‘‘сажз мз д̇вам̣, аяяз, жийварам̣ д̣̇ассаси, зваахам̣ д̇ам̣ вудтаабзссаамий’’д̇и жа ‘‘сажз мам̣ д̇вам̣, аяяз, д̣̇вз вассаани ануб̣анд̇хиссаси, зваахам̣ д̇ам̣ вудтаабзссаамий’’д̇и жа вуд̇д̇асигкаабад̣̇ад̣̇ваяам̣.
Anvaddhaṃ sahajīviniṃ dveti ‘‘anvaddhamāsaṃ bhikkhuniyā bhikkhusaṅghato dve dhammā paccāsīsitabbā’’ti vuttasikkhāpadañca, ‘‘sahajīviniṃ vuṭṭhāpetvā dve vassāni neva anuggaṇheyya, sahajīviniṃ vuṭṭhāpetvā neva vūpakāseyyā’’ti vuttasikkhāpadadvayañca. Cīvaraṃ anubandhanāti ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti ca ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti ca vuttasikkhāpadadvayaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 4. саманубхаасанаасамудтаанам̣ • 4. Samanubhāsanāsamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / саманубхаасанаасамудтаанаван̣н̣анаа • Samanubhāsanāsamuṭṭhānavaṇṇanā
