| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. саманубассанаасуд̇д̇ам̣
5. Samanupassanāsuttaṃ
47. саавад̇т̇инид̣̇аанам̣. ‘‘яз хи гзжи, бхигкавз, саман̣аа ваа б̣раахман̣аа ваа анзгавихид̇ам̣ ад̇д̇аанам̣ саманубассамаанаа саманубассанд̇и, саб̣б̣зд̇з бан̃жубаад̣̇аанагканд̇хз саманубассанд̇и, зд̇зсам̣ ваа ан̃н̃ад̇арам̣. гад̇амз бан̃жа? ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣’’.
47. Sāvatthinidānaṃ. ‘‘Ye hi keci, bhikkhave, samaṇā vā brāhmaṇā vā anekavihitaṃ attānaṃ samanupassamānā samanupassanti, sabbete pañcupādānakkhandhe samanupassanti, etesaṃ vā aññataraṃ. Katame pañca? Idha, bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Vedanaṃ… saññaṃ… saṅkhāre… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ’’.
‘‘ид̇и аяан̃жзва саманубассанаа ‘асмий’д̇и жасса авиг̇ад̇ам̣ 1 ход̇и. ‘асмий’д̇и ко бана, бхигкавз, авиг̇ад̇з бан̃жаннам̣ инд̣̇рияаанам̣ авагганд̇и ход̇и – жагкунд̣̇рияасса сод̇инд̣̇рияасса гхаанинд̣̇рияасса ж̇ивхинд̣̇рияасса гааяинд̣̇рияасса. ад̇т̇и, бхигкавз, мано, ад̇т̇и д̇хаммаа, ад̇т̇и авиж̇ж̇аад̇хаад̇у. авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса ‘асмий’д̇ибисса ход̇и; ‘аяамахамасмий’д̇ибисса ход̇и; ‘бхависса’нд̇ибисса ход̇и; ‘на бхависса’нд̇ибисса ход̇и; ‘руубий бхависса’нд̇ибисса ход̇и; ‘аруубий бхависса’нд̇ибисса ход̇и; ‘сан̃н̃ий бхависса’нд̇ибисса ход̇и; ‘асан̃н̃ий бхависса’нд̇ибисса ход̇и; ‘нзвасан̃н̃ийнаасан̃н̃ий бхависса’нд̇ибисса ход̇и’’.
‘‘Iti ayañceva samanupassanā ‘asmī’ti cassa avigataṃ 2 hoti. ‘Asmī’ti kho pana, bhikkhave, avigate pañcannaṃ indriyānaṃ avakkanti hoti – cakkhundriyassa sotindriyassa ghānindriyassa jivhindriyassa kāyindriyassa. Atthi, bhikkhave, mano, atthi dhammā, atthi avijjādhātu. Avijjāsamphassajena, bhikkhave, vedayitena phuṭṭhassa assutavato puthujjanassa ‘asmī’tipissa hoti; ‘ayamahamasmī’tipissa hoti; ‘bhavissa’ntipissa hoti; ‘na bhavissa’ntipissa hoti; ‘rūpī bhavissa’ntipissa hoti; ‘arūpī bhavissa’ntipissa hoti; ‘saññī bhavissa’ntipissa hoti; ‘asaññī bhavissa’ntipissa hoti; ‘nevasaññīnāsaññī bhavissa’ntipissa hoti’’.
‘‘д̇идтанд̇зва ко 3, бхигкавз, д̇ад̇т̇зва 4 бан̃жинд̣̇рияаани. ат̇зд̇т̇а суд̇авад̇о арияасаавагасса авиж̇ж̇аа бахийяад̇и, виж̇ж̇аа уббаж̇ж̇ад̇и. д̇асса авиж̇ж̇аавирааг̇аа виж̇ж̇уббаад̣̇аа ‘асмий’д̇ибисса на ход̇и; ‘аяамахамасмий’д̇ибисса на ход̇и; ‘бхависса’нд̇и… ‘на бхависса’нд̇и… руубий… аруубий … сан̃н̃ий… асан̃н̃ий… ‘нзвасан̃н̃ийнаасан̃н̃ий бхависса’нд̇ибисса на ход̇ий’’д̇и. бан̃жамам̣.
‘‘Tiṭṭhanteva kho 5, bhikkhave, tattheva 6 pañcindriyāni. Athettha sutavato ariyasāvakassa avijjā pahīyati, vijjā uppajjati. Tassa avijjāvirāgā vijjuppādā ‘asmī’tipissa na hoti; ‘ayamahamasmī’tipissa na hoti; ‘bhavissa’nti… ‘na bhavissa’nti… rūpī… arūpī … saññī… asaññī… ‘nevasaññīnāsaññī bhavissa’ntipissa na hotī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. саманубассанаасуд̇д̇аван̣н̣анаа • 5. Samanupassanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. саманубассанаасуд̇д̇аван̣н̣анаа • 5. Samanupassanāsuttavaṇṇanā
