| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. саманубассанаасуд̇д̇аван̣н̣анаа
5. Samanupassanāsuttavaṇṇanā
47. бан̃жамз бан̃жубаад̣̇аанагканд̇хз саманубассанд̇и зд̇зсам̣ ваа ан̃н̃ад̇аранд̇и барибун̣н̣аг̇аахавасзна бан̃жагканд̇хз саманубассанд̇и, абарибун̣н̣аг̇аахавасзна зд̇зсам̣ ан̃н̃ад̇арам̣. ид̇и аяан̃жзва саманубассанаад̇и ид̇и аяан̃жа д̣̇идтисаманубассанаа. асмийд̇и жасса авиг̇ад̇ам̣ ход̇ийд̇и яасса аяам̣ саманубассанаа ад̇т̇и, д̇асмим̣ асмийд̇и д̇ан̣хаамаанад̣̇идтисан̇каад̇ам̣ бабан̃жад̇д̇аяам̣ авиг̇ад̇амзва ход̇и. бан̃жаннам̣ инд̣̇рияаанам̣ авагганд̇и ход̇ийд̇и д̇асмим̣ гилзсаж̇аад̇з сад̇и гаммагилзсабажжаяаанам̣ бан̃жаннам̣ инд̣̇рияаанам̣ ниб̣б̣ад̇д̇и ход̇и.
47. Pañcame pañcupādānakkhandhe samanupassanti etesaṃ vā aññataranti paripuṇṇagāhavasena pañcakkhandhe samanupassanti, aparipuṇṇagāhavasena etesaṃ aññataraṃ. Iti ayañceva samanupassanāti iti ayañca diṭṭhisamanupassanā. Asmīti cassa avigataṃ hotīti yassa ayaṃ samanupassanā atthi, tasmiṃ asmīti taṇhāmānadiṭṭhisaṅkhātaṃ papañcattayaṃ avigatameva hoti. Pañcannaṃindriyānaṃ avakkanti hotīti tasmiṃ kilesajāte sati kammakilesapaccayānaṃ pañcannaṃ indriyānaṃ nibbatti hoti.
ад̇т̇и, бхигкавз, манод̇и ид̣̇ам̣ гаммаманам̣ санд̇хааяа вуд̇д̇ам̣. д̇хаммаад̇и аарамман̣ам̣. авиж̇ж̇аад̇хаад̇ууд̇и ж̇аванагкан̣з авиж̇ж̇аа. авиж̇ж̇аасампассаж̇знаад̇и авиж̇ж̇аасамбаяуд̇д̇апассад̇о ж̇аад̇зна. абижа манод̇и бхаван̇г̇агкан̣з вибаагаманод̇хаад̇у, ааваж̇ж̇анагкан̣з гирияаманод̇хаад̇у. д̇хаммаад̣̇аяо вуд̇д̇аббагаараава. асмийд̇ибисса ход̇ийд̇и д̇ан̣хаамаанад̣̇идтивасзна асмийд̇и звамбисса ход̇и. ид̇о барзсу аяамахамасмийд̇и руубаад̣̇ийсу гин̃жид̣̇зва д̇хаммам̣ г̇ахзд̇ваа ‘‘аяам̣ ахамасмий’’д̇и ад̇д̇ад̣̇идтивасзна вуд̇д̇ам̣. бхависсанд̇и сассад̇ад̣̇идтивасзна. на бхависсанд̇и ужчзд̣̇ад̣̇идтивасзна. руубий бхависсанд̇иаад̣̇ийни саб̣б̣аани сассад̇амзва бхаж̇анд̇и. ат̇зд̇т̇аад̇и ат̇а д̇знзваагаарзна тид̇зсу зд̇зсу инд̣̇риязсу. авиж̇ж̇аа бахийяад̇ийд̇и жад̇уусу сажжзсу ан̃н̃аан̣абхууд̇аа авиж̇ж̇аа бахийяад̇и. виж̇ж̇аа уббаж̇ж̇ад̇ийд̇и арахад̇д̇амаг̇г̇авиж̇ж̇аа уббаж̇ж̇ад̇и. звамзд̇т̇а асмийд̇и д̇ан̣хаамаанад̣̇идтияо. гаммасса бан̃жаннан̃жа инд̣̇рияаанам̣ анд̇арз зго санд̇хи, вибаагаманам̣ бан̃жинд̣̇рияабагкигам̣ гад̇ваа бан̃жаннан̃жа инд̣̇рияаанам̣ гаммасса жа анд̇арз зго санд̇хийд̇и. ид̇и д̇аяо бабан̃жаа ад̇ийд̇о ад̣̇д̇хаа, инд̣̇рияаад̣̇ийни бажжуббанно ад̣̇д̇хаа, д̇ад̇т̇а гаммаманам̣ аад̣̇им̣ гад̇ваа анааг̇ад̇асса бажжаяо д̣̇ассид̇од̇и. бан̃жамам̣.
Atthi, bhikkhave, manoti idaṃ kammamanaṃ sandhāya vuttaṃ. Dhammāti ārammaṇaṃ. Avijjādhātūti javanakkhaṇe avijjā. Avijjāsamphassajenāti avijjāsampayuttaphassato jātena. Apica manoti bhavaṅgakkhaṇe vipākamanodhātu, āvajjanakkhaṇe kiriyamanodhātu. Dhammādayo vuttappakārāva. Asmītipissa hotīti taṇhāmānadiṭṭhivasena asmīti evampissa hoti. Ito paresu ayamahamasmīti rūpādīsu kiñcideva dhammaṃ gahetvā ‘‘ayaṃ ahamasmī’’ti attadiṭṭhivasena vuttaṃ. Bhavissanti sassatadiṭṭhivasena. Na bhavissanti ucchedadiṭṭhivasena. Rūpī bhavissantiādīni sabbāni sassatameva bhajanti. Athetthāti atha tenevākārena ṭhitesu etesu indriyesu. Avijjā pahīyatīti catūsu saccesu aññāṇabhūtā avijjā pahīyati. Vijjā uppajjatīti arahattamaggavijjā uppajjati. Evamettha asmīti taṇhāmānadiṭṭhiyo. Kammassa pañcannañca indriyānaṃ antare eko sandhi, vipākamanaṃ pañcindriyapakkhikaṃ katvā pañcannañca indriyānaṃ kammassa ca antare eko sandhīti. Iti tayo papañcā atīto addhā, indriyādīni paccuppanno addhā, tattha kammamanaṃ ādiṃ katvā anāgatassa paccayo dassitoti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. саманубассанаасуд̇д̇ам̣ • 5. Samanupassanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. саманубассанаасуд̇д̇аван̣н̣анаа • 5. Samanupassanāsuttavaṇṇanā
