| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਸਮਨੁਪਸ੍ਸਨਾਸੁਤ੍ਤવਣ੍ਣਨਾ
5. Samanupassanāsuttavaṇṇanā
੪੭. ਪਞ੍ਚਮੇ ਪਞ੍ਚੁਪਾਦਾਨਕ੍ਖਨ੍ਧੇ ਸਮਨੁਪਸ੍ਸਨ੍ਤਿ ਏਤੇਸਂ વਾ ਅਞ੍ਞਤਰਨ੍ਤਿ ਪਰਿਪੁਣ੍ਣਗਾਹવਸੇਨ ਪਞ੍ਚਕ੍ਖਨ੍ਧੇ ਸਮਨੁਪਸ੍ਸਨ੍ਤਿ, ਅਪਰਿਪੁਣ੍ਣਗਾਹવਸੇਨ ਏਤੇਸਂ ਅਞ੍ਞਤਰਂ। ਇਤਿ ਅਯਞ੍ਚੇવ ਸਮਨੁਪਸ੍ਸਨਾਤਿ ਇਤਿ ਅਯਞ੍ਚ ਦਿਟ੍ਠਿਸਮਨੁਪਸ੍ਸਨਾ। ਅਸ੍ਮੀਤਿ ਚਸ੍ਸ ਅવਿਗਤਂ ਹੋਤੀਤਿ ਯਸ੍ਸ ਅਯਂ ਸਮਨੁਪਸ੍ਸਨਾ ਅਤ੍ਥਿ, ਤਸ੍ਮਿਂ ਅਸ੍ਮੀਤਿ ਤਣ੍ਹਾਮਾਨਦਿਟ੍ਠਿਸਙ੍ਖਾਤਂ ਪਪਞ੍ਚਤ੍ਤਯਂ ਅવਿਗਤਮੇવ ਹੋਤਿ। ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅવਕ੍ਕਨ੍ਤਿ ਹੋਤੀਤਿ ਤਸ੍ਮਿਂ ਕਿਲੇਸਜਾਤੇ ਸਤਿ ਕਮ੍ਮਕਿਲੇਸਪਚ੍ਚਯਾਨਂ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਬ੍ਬਤ੍ਤਿ ਹੋਤਿ।
47. Pañcame pañcupādānakkhandhe samanupassanti etesaṃ vā aññataranti paripuṇṇagāhavasena pañcakkhandhe samanupassanti, aparipuṇṇagāhavasena etesaṃ aññataraṃ. Iti ayañceva samanupassanāti iti ayañca diṭṭhisamanupassanā. Asmīti cassa avigataṃ hotīti yassa ayaṃ samanupassanā atthi, tasmiṃ asmīti taṇhāmānadiṭṭhisaṅkhātaṃ papañcattayaṃ avigatameva hoti. Pañcannaṃindriyānaṃ avakkanti hotīti tasmiṃ kilesajāte sati kammakilesapaccayānaṃ pañcannaṃ indriyānaṃ nibbatti hoti.
ਅਤ੍ਥਿ, ਭਿਕ੍ਖવੇ, ਮਨੋਤਿ ਇਦਂ ਕਮ੍ਮਮਨਂ ਸਨ੍ਧਾਯ વੁਤ੍ਤਂ। ਧਮ੍ਮਾਤਿ ਆਰਮ੍ਮਣਂ। ਅવਿਜ੍ਜਾਧਾਤੂਤਿ ਜવਨਕ੍ਖਣੇ ਅવਿਜ੍ਜਾ। ਅવਿਜ੍ਜਾਸਮ੍ਫਸ੍ਸਜੇਨਾਤਿ ਅવਿਜ੍ਜਾਸਮ੍ਪਯੁਤ੍ਤਫਸ੍ਸਤੋ ਜਾਤੇਨ। ਅਪਿਚ ਮਨੋਤਿ ਭવਙ੍ਗਕ੍ਖਣੇ વਿਪਾਕਮਨੋਧਾਤੁ, ਆવਜ੍ਜਨਕ੍ਖਣੇ ਕਿਰਿਯਮਨੋਧਾਤੁ। ਧਮ੍ਮਾਦਯੋ વੁਤ੍ਤਪ੍ਪਕਾਰਾવ। ਅਸ੍ਮੀਤਿਪਿਸ੍ਸ ਹੋਤੀਤਿ ਤਣ੍ਹਾਮਾਨਦਿਟ੍ਠਿવਸੇਨ ਅਸ੍ਮੀਤਿ ਏવਮ੍ਪਿਸ੍ਸ ਹੋਤਿ। ਇਤੋ ਪਰੇਸੁ ਅਯਮਹਮਸ੍ਮੀਤਿ ਰੂਪਾਦੀਸੁ ਕਿਞ੍ਚਿਦੇવ ਧਮ੍ਮਂ ਗਹੇਤ੍વਾ ‘‘ਅਯਂ ਅਹਮਸ੍ਮੀ’’ਤਿ ਅਤ੍ਤਦਿਟ੍ਠਿવਸੇਨ વੁਤ੍ਤਂ। ਭવਿਸ੍ਸਨ੍ਤਿ ਸਸ੍ਸਤਦਿਟ੍ਠਿવਸੇਨ। ਨ ਭવਿਸ੍ਸਨ੍ਤਿ ਉਚ੍ਛੇਦਦਿਟ੍ਠਿવਸੇਨ। ਰੂਪੀ ਭવਿਸ੍ਸਨ੍ਤਿਆਦੀਨਿ ਸਬ੍ਬਾਨਿ ਸਸ੍ਸਤਮੇવ ਭਜਨ੍ਤਿ। ਅਥੇਤ੍ਥਾਤਿ ਅਥ ਤੇਨੇવਾਕਾਰੇਨ ਠਿਤੇਸੁ ਏਤੇਸੁ ਇਨ੍ਦ੍ਰਿਯੇਸੁ। ਅવਿਜ੍ਜਾ ਪਹੀਯਤੀਤਿ ਚਤੂਸੁ ਸਚ੍ਚੇਸੁ ਅਞ੍ਞਾਣਭੂਤਾ ਅવਿਜ੍ਜਾ ਪਹੀਯਤਿ। વਿਜ੍ਜਾ ਉਪ੍ਪਜ੍ਜਤੀਤਿ ਅਰਹਤ੍ਤਮਗ੍ਗવਿਜ੍ਜਾ ਉਪ੍ਪਜ੍ਜਤਿ। ਏવਮੇਤ੍ਥ ਅਸ੍ਮੀਤਿ ਤਣ੍ਹਾਮਾਨਦਿਟ੍ਠਿਯੋ। ਕਮ੍ਮਸ੍ਸ ਪਞ੍ਚਨ੍ਨਞ੍ਚ ਇਨ੍ਦ੍ਰਿਯਾਨਂ ਅਨ੍ਤਰੇ ਏਕੋ ਸਨ੍ਧਿ, વਿਪਾਕਮਨਂ ਪਞ੍ਚਿਨ੍ਦ੍ਰਿਯਪਕ੍ਖਿਕਂ ਕਤ੍વਾ ਪਞ੍ਚਨ੍ਨਞ੍ਚ ਇਨ੍ਦ੍ਰਿਯਾਨਂ ਕਮ੍ਮਸ੍ਸ ਚ ਅਨ੍ਤਰੇ ਏਕੋ ਸਨ੍ਧੀਤਿ। ਇਤਿ ਤਯੋ ਪਪਞ੍ਚਾ ਅਤੀਤੋ ਅਦ੍ਧਾ, ਇਨ੍ਦ੍ਰਿਯਾਦੀਨਿ ਪਚ੍ਚੁਪ੍ਪਨ੍ਨੋ ਅਦ੍ਧਾ, ਤਤ੍ਥ ਕਮ੍ਮਮਨਂ ਆਦਿਂ ਕਤ੍વਾ ਅਨਾਗਤਸ੍ਸ ਪਚ੍ਚਯੋ ਦਸ੍ਸਿਤੋਤਿ। ਪਞ੍ਚਮਂ।
Atthi, bhikkhave, manoti idaṃ kammamanaṃ sandhāya vuttaṃ. Dhammāti ārammaṇaṃ. Avijjādhātūti javanakkhaṇe avijjā. Avijjāsamphassajenāti avijjāsampayuttaphassato jātena. Apica manoti bhavaṅgakkhaṇe vipākamanodhātu, āvajjanakkhaṇe kiriyamanodhātu. Dhammādayo vuttappakārāva. Asmītipissa hotīti taṇhāmānadiṭṭhivasena asmīti evampissa hoti. Ito paresu ayamahamasmīti rūpādīsu kiñcideva dhammaṃ gahetvā ‘‘ayaṃ ahamasmī’’ti attadiṭṭhivasena vuttaṃ. Bhavissanti sassatadiṭṭhivasena. Na bhavissanti ucchedadiṭṭhivasena. Rūpī bhavissantiādīni sabbāni sassatameva bhajanti. Athetthāti atha tenevākārena ṭhitesu etesu indriyesu. Avijjā pahīyatīti catūsu saccesu aññāṇabhūtā avijjā pahīyati. Vijjā uppajjatīti arahattamaggavijjā uppajjati. Evamettha asmīti taṇhāmānadiṭṭhiyo. Kammassa pañcannañca indriyānaṃ antare eko sandhi, vipākamanaṃ pañcindriyapakkhikaṃ katvā pañcannañca indriyānaṃ kammassa ca antare eko sandhīti. Iti tayo papañcā atīto addhā, indriyādīni paccuppanno addhā, tattha kammamanaṃ ādiṃ katvā anāgatassa paccayo dassitoti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਸਮਨੁਪਸ੍ਸਨਾਸੁਤ੍ਤਂ • 5. Samanupassanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਸਮਨੁਪਸ੍ਸਨਾਸੁਤ੍ਤવਣ੍ਣਨਾ • 5. Samanupassanāsuttavaṇṇanā
