| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੩੨) ੭. ਸਮਾਪਨ੍ਨੋ ਅਸ੍ਸਾਦੇਤਿਕਥਾ
(132) 7. Samāpanno assādetikathā
੬੭੧. ਸਮਾਪਨ੍ਨੋ ਅਸ੍ਸਾਦੇਤਿ, ਝਾਨਨਿਕਨ੍ਤਿ ਝਾਨਾਰਮ੍ਮਣਾਤਿ? ਆਮਨ੍ਤਾ। ਤਂ ਝਾਨਂ ਤਸ੍ਸ ਝਾਨਸ੍ਸ ਆਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤਂ ਝਾਨਂ ਤਸ੍ਸ ਝਾਨਸ੍ਸ ਆਰਮ੍ਮਣਨ੍ਤਿ? ਆਮਨ੍ਤਾ। ਤੇਨ ਫਸ੍ਸੇਨ ਤਂ ਫਸ੍ਸਂ ਫੁਸਤਿ, ਤਾਯ વੇਦਨਾਯ ਤਂ વੇਦਨਂ વੇਦੇਤਿ, ਤਾਯ ਸਞ੍ਞਾਯ ਤਂ ਸਞ੍ਞਂ ਸਞ੍ਜਾਨਾਤਿ, ਤਾਯ ਚੇਤਨਾਯ ਤਂ ਚੇਤਨਂ ਚੇਤੇਤਿ, ਤੇਨ ਚਿਤ੍ਤੇਨ ਤਂ ਚਿਤ੍ਤਂ ਚਿਨ੍ਤੇਤਿ, ਤੇਨ વਿਤਕ੍ਕੇਨ ਤਂ વਿਤਕ੍ਕਂ વਿਤਕ੍ਕੇਤਿ, ਤੇਨ વਿਚਾਰੇਨ ਤਂ વਿਚਾਰਂ વਿਚਾਰੇਤਿ , ਤਾਯ ਪੀਤਿਯਾ ਤਂ ਪੀਤਿ ਪਿਯਾਯਤਿ, ਤਾਯ ਸਤਿਯਾ ਤਂ ਸਤਿਂ ਸਰਤਿ, ਤਾਯ ਪਞ੍ਞਾਯ ਤਂ ਪਞ੍ਞਂ ਪਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
671. Samāpanno assādeti, jhānanikanti jhānārammaṇāti? Āmantā. Taṃ jhānaṃ tassa jhānassa ārammaṇanti? Na hevaṃ vattabbe…pe… taṃ jhānaṃ tassa jhānassa ārammaṇanti? Āmantā. Tena phassena taṃ phassaṃ phusati, tāya vedanāya taṃ vedanaṃ vedeti, tāya saññāya taṃ saññaṃ sañjānāti, tāya cetanāya taṃ cetanaṃ ceteti, tena cittena taṃ cittaṃ cinteti, tena vitakkena taṃ vitakkaṃ vitakketi, tena vicārena taṃ vicāraṃ vicāreti , tāya pītiyā taṃ pīti piyāyati, tāya satiyā taṃ satiṃ sarati, tāya paññāya taṃ paññaṃ pajānātīti? Na hevaṃ vattabbe…pe….
ਝਾਨਨਿਕਨ੍ਤਿ ਚਿਤ੍ਤਸਮ੍ਪਯੁਤ੍ਤਾ, ਝਾਨਂ ਚਿਤ੍ਤਸਮ੍ਪਯੁਤ੍ਤਨ੍ਤਿ? ਆਮਨ੍ਤਾ। ਦ੍વਿਨ੍ਨਂ ਫਸ੍ਸਾਨਂ…ਪੇ॰… ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jhānanikanti cittasampayuttā, jhānaṃ cittasampayuttanti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
ਝਾਨਨਿਕਨ੍ਤਿ ਅਕੁਸਲਂ, ਝਾਨਂ ਕੁਸਲਨ੍ਤਿ? ਆਮਨ੍ਤਾ। ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jhānanikanti akusalaṃ, jhānaṃ kusalanti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
੬੭੨. ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਸੁવਿਦੂਰવਿਦੂਰਾਨਿ! ਕਤਮਾਨਿ ਚਤ੍ਤਾਰਿ? ਨਭਞ੍ਚ, ਭਿਕ੍ਖવੇ, ਪਥવੀ ਚ – ਇਦਂ ਪਠਮਂ ਸੁવਿਦੂਰવਿਦੂਰਂ…ਪੇ॰… ਤਸ੍ਮਾ ਸਤਂ ਧਮ੍ਮੋ ਅਸਬ੍ਭਿ ਆਰਕਾ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀ’’ਤਿ।
672. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantī’’ti.
੬੭੩. ਨ વਤ੍ਤਬ੍ਬਂ – ‘‘ਸਮਾਪਨ੍ਨੋ ਅਸ੍ਸਾਦੇਤਿ, ਝਾਨਨਿਕਨ੍ਤਿ ਝਾਨਾਰਮ੍ਮਣਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਇਧ, ਭਿਕ੍ਖવੇ, ਭਿਕ੍ਖੁ વਿવਿਚ੍ਚੇવ ਕਾਮੇਹਿ વਿવਿਚ੍ਚ ਅਕੁਸਲੇਹਿ ਧਮ੍ਮੇਹਿ ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਤਿ, ਸੋ ਤਂ ਅਸ੍ਸਾਦੇਤਿ ਤਂ ਨਿਕਾਮੇਤਿ ਤੇਨ ਚ વਿਤ੍ਤਿਂ ਆਪਜ੍ਜਤਿ; વਿਤਕ੍ਕવਿਚਾਰਾਨਂ વੂਪਸਮਾ…ਪੇ॰… ਦੁਤਿਯਂ ਝਾਨਂ…ਪੇ॰… ਤਤਿਯਂ ਝਾਨਂ…ਪੇ॰… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ , ਸੋ ਤਂ ਅਸ੍ਸਾਦੇਤਿ ਤਂ ਨਿਕਾਮੇਤਿ ਤੇਨ ਚ વਿਤ੍ਤਿਂ ਆਪਜ੍ਜਤੀ’’ਤਿ 1! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਸਮਾਪਨ੍ਨੋ ਅਸ੍ਸਾਦੇਤਿ, ਝਾਨਨਿਕਨ੍ਤਿ ਝਾਨਾਰਮ੍ਮਣਾਤਿ।
673. Na vattabbaṃ – ‘‘samāpanno assādeti, jhānanikanti jhānārammaṇā’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu vivicceva kāmehi vivicca akusalehi dhammehi paṭhamaṃ jhānaṃ upasampajja viharati, so taṃ assādeti taṃ nikāmeti tena ca vittiṃ āpajjati; vitakkavicārānaṃ vūpasamā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati , so taṃ assādeti taṃ nikāmeti tena ca vittiṃ āpajjatī’’ti 2! Attheva suttantoti? Āmantā. Tena hi samāpanno assādeti, jhānanikanti jhānārammaṇāti.
ਸਮਾਪਨ੍ਨੋ ਅਸ੍ਸਾਦੇਤਿਕਥਾ ਨਿਟ੍ਠਿਤਾ।
Samāpanno assādetikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਸਮਾਪਨ੍ਨੋ ਅਸ੍ਸਾਦੇਤੀਤਿਕਥਾવਣ੍ਣਨਾ • 7. Samāpanno assādetītikathāvaṇṇanā
