| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ஸமாபன்னோ அஸ்ஸாதே³தீதிகதா²வண்ணனா
7. Samāpanno assādetītikathāvaṇṇanā
671-673. இதா³னி ஸமாபன்னோ அஸ்ஸாதே³தீதிகதா² நாம ஹோதி. தத்த² ‘‘பட²மங் ஜா²னங் உபஸம்பஜ்ஜ விஹரதி, ஸோ தத³ஸ்ஸாதே³தீ’’திஆதி³வசனங் (அ॰ நி॰ 4.123) நிஸ்ஸாய ‘‘ஸமாபன்னோ அஸ்ஸாதே³தி, ஸா சஸ்ஸ ஜா²னநிகந்தி ஜா²னாரம்மணா ஹோதீ’’தி யேஸங் லத்³தி⁴, ஸெய்யதா²பி அந்த⁴கானங், தே ஸந்தா⁴ய ஸமாபன்னோதி புச்சா² ஸகவாதி³ஸ்ஸ, படிஞ்ஞா இதரஸ்ஸ. தங் ஜா²னங் தஸ்ஸ ஜா²னஸ்ஸ ஆரம்மணந்தி பஞ்ஹேஸு தஸ்ஸேவ ததா³ரம்மணதங் அபஸ்ஸந்தோ ஸுத்தவிரோத⁴ப⁴யேன படிக்கி²பதி, ‘‘தத³ஸ்ஸாதே³தீ’’திவசனமத்தேன படிஜானாதி. ஸோ தத³ஸ்ஸாதே³தீதி ஸுத்தங் ஜா²னலாபி⁴னோ ஜா²னா வுட்டா²ய ஜா²னஸ்ஸாத³ங் ஸாதே⁴தி, ந அந்தோஸமாபத்தியங்யேவ ஜா²னநிகந்தியா ஜா²னாரம்மணதங், தஸ்மா அஸாத⁴கந்தி.
671-673. Idāni samāpanno assādetītikathā nāma hoti. Tattha ‘‘paṭhamaṃ jhānaṃ upasampajja viharati, so tadassādetī’’tiādivacanaṃ (a. ni. 4.123) nissāya ‘‘samāpanno assādeti, sā cassa jhānanikanti jhānārammaṇā hotī’’ti yesaṃ laddhi, seyyathāpi andhakānaṃ, te sandhāya samāpannoti pucchā sakavādissa, paṭiññā itarassa. Taṃ jhānaṃ tassa jhānassa ārammaṇanti pañhesu tasseva tadārammaṇataṃ apassanto suttavirodhabhayena paṭikkhipati, ‘‘tadassādetī’’tivacanamattena paṭijānāti. So tadassādetīti suttaṃ jhānalābhino jhānā vuṭṭhāya jhānassādaṃ sādheti, na antosamāpattiyaṃyeva jhānanikantiyā jhānārammaṇataṃ, tasmā asādhakanti.
ஸமாபன்னோ அஸ்ஸாதே³தீதிகதா²வண்ணனா.
Samāpanno assādetītikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (132) 7. ஸமாபன்னோ அஸ்ஸாதே³திகதா² • (132) 7. Samāpanno assādetikathā
