| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๗. สมาปโนฺน อสฺสาเทตีติกถาวณฺณนา
7. Samāpanno assādetītikathāvaṇṇanā
๖๗๑-๖๗๓. อิทานิ สมาปโนฺน อสฺสาเทตีติกถา นาม โหติฯ ตตฺถ ‘‘ปฐมํ ฌานํ อุปสมฺปชฺช วิหรติ, โส ตทสฺสาเทตี’’ติอาทิวจนํ (อ. นิ. ๔.๑๒๓) นิสฺสาย ‘‘สมาปโนฺน อสฺสาเทติ, สา จสฺส ฌานนิกนฺติ ฌานารมฺมณา โหตี’’ติ เยสํ ลทฺธิ, เสยฺยถาปิ อนฺธกานํ, เต สนฺธาย สมาปโนฺนติ ปุจฺฉา สกวาทิสฺส, ปฎิญฺญา อิตรสฺสฯ ตํ ฌานํ ตสฺส ฌานสฺส อารมฺมณนฺติ ปเญฺหสุ ตเสฺสว ตทารมฺมณตํ อปสฺสโนฺต สุตฺตวิโรธภเยน ปฎิกฺขิปติ, ‘‘ตทสฺสาเทตี’’ติวจนมเตฺตน ปฎิชานาติฯ โส ตทสฺสาเทตีติ สุตฺตํ ฌานลาภิโน ฌานา วุฎฺฐาย ฌานสฺสาทํ สาเธติ, น อโนฺตสมาปตฺติยํเยว ฌานนิกนฺติยา ฌานารมฺมณตํ, ตสฺมา อสาธกนฺติฯ
671-673. Idāni samāpanno assādetītikathā nāma hoti. Tattha ‘‘paṭhamaṃ jhānaṃ upasampajja viharati, so tadassādetī’’tiādivacanaṃ (a. ni. 4.123) nissāya ‘‘samāpanno assādeti, sā cassa jhānanikanti jhānārammaṇā hotī’’ti yesaṃ laddhi, seyyathāpi andhakānaṃ, te sandhāya samāpannoti pucchā sakavādissa, paṭiññā itarassa. Taṃ jhānaṃ tassa jhānassa ārammaṇanti pañhesu tasseva tadārammaṇataṃ apassanto suttavirodhabhayena paṭikkhipati, ‘‘tadassādetī’’tivacanamattena paṭijānāti. So tadassādetīti suttaṃ jhānalābhino jhānā vuṭṭhāya jhānassādaṃ sādheti, na antosamāpattiyaṃyeva jhānanikantiyā jhānārammaṇataṃ, tasmā asādhakanti.
สมาปโนฺน อสฺสาเทตีติกถาวณฺณนาฯ
Samāpanno assādetītikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๓๒) ๗. สมาปโนฺน อสฺสาเทติกถา • (132) 7. Samāpanno assādetikathā
