| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਸਮਾਪਨ੍ਨੋ ਅਸ੍ਸਾਦੇਤੀਤਿਕਥਾવਣ੍ਣਨਾ
7. Samāpanno assādetītikathāvaṇṇanā
੬੭੧-੬੭੩. ਇਦਾਨਿ ਸਮਾਪਨ੍ਨੋ ਅਸ੍ਸਾਦੇਤੀਤਿਕਥਾ ਨਾਮ ਹੋਤਿ। ਤਤ੍ਥ ‘‘ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਤਿ, ਸੋ ਤਦਸ੍ਸਾਦੇਤੀ’’ਤਿਆਦਿવਚਨਂ (ਅ॰ ਨਿ॰ ੪.੧੨੩) ਨਿਸ੍ਸਾਯ ‘‘ਸਮਾਪਨ੍ਨੋ ਅਸ੍ਸਾਦੇਤਿ, ਸਾ ਚਸ੍ਸ ਝਾਨਨਿਕਨ੍ਤਿ ਝਾਨਾਰਮ੍ਮਣਾ ਹੋਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ, ਤੇ ਸਨ੍ਧਾਯ ਸਮਾਪਨ੍ਨੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਤਂ ਝਾਨਂ ਤਸ੍ਸ ਝਾਨਸ੍ਸ ਆਰਮ੍ਮਣਨ੍ਤਿ ਪਞ੍ਹੇਸੁ ਤਸ੍ਸੇવ ਤਦਾਰਮ੍ਮਣਤਂ ਅਪਸ੍ਸਨ੍ਤੋ ਸੁਤ੍ਤવਿਰੋਧਭਯੇਨ ਪਟਿਕ੍ਖਿਪਤਿ, ‘‘ਤਦਸ੍ਸਾਦੇਤੀ’’ਤਿવਚਨਮਤ੍ਤੇਨ ਪਟਿਜਾਨਾਤਿ। ਸੋ ਤਦਸ੍ਸਾਦੇਤੀਤਿ ਸੁਤ੍ਤਂ ਝਾਨਲਾਭਿਨੋ ਝਾਨਾ વੁਟ੍ਠਾਯ ਝਾਨਸ੍ਸਾਦਂ ਸਾਧੇਤਿ, ਨ ਅਨ੍ਤੋਸਮਾਪਤ੍ਤਿਯਂਯੇવ ਝਾਨਨਿਕਨ੍ਤਿਯਾ ਝਾਨਾਰਮ੍ਮਣਤਂ, ਤਸ੍ਮਾ ਅਸਾਧਕਨ੍ਤਿ।
671-673. Idāni samāpanno assādetītikathā nāma hoti. Tattha ‘‘paṭhamaṃ jhānaṃ upasampajja viharati, so tadassādetī’’tiādivacanaṃ (a. ni. 4.123) nissāya ‘‘samāpanno assādeti, sā cassa jhānanikanti jhānārammaṇā hotī’’ti yesaṃ laddhi, seyyathāpi andhakānaṃ, te sandhāya samāpannoti pucchā sakavādissa, paṭiññā itarassa. Taṃ jhānaṃ tassa jhānassa ārammaṇanti pañhesu tasseva tadārammaṇataṃ apassanto suttavirodhabhayena paṭikkhipati, ‘‘tadassādetī’’tivacanamattena paṭijānāti. So tadassādetīti suttaṃ jhānalābhino jhānā vuṭṭhāya jhānassādaṃ sādheti, na antosamāpattiyaṃyeva jhānanikantiyā jhānārammaṇataṃ, tasmā asādhakanti.
ਸਮਾਪਨ੍ਨੋ ਅਸ੍ਸਾਦੇਤੀਤਿਕਥਾવਣ੍ਣਨਾ।
Samāpanno assādetītikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੩੨) ੭. ਸਮਾਪਨ੍ਨੋ ਅਸ੍ਸਾਦੇਤਿਕਥਾ • (132) 7. Samāpanno assādetikathā
