| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. самаабанно сад̣̇д̣̇ам̣ сун̣аад̇ийд̇игат̇ааван̣н̣анаа
8. Samāpanno saddaṃ suṇātītikathāvaṇṇanā
823-825. ид̣̇аани самаабанно сад̣̇д̣̇ам̣ сун̣аад̇ийд̇игат̇аа наама ход̇и. д̇ад̇т̇а ‘‘яасмаа батамасса жхаанасса сад̣̇д̣̇о ган̣д̣аго вуд̇д̇о бхаг̇авад̇аа, яад̣̇и жа самаабанно д̇ам̣ на сун̣зяяа, гат̇ам̣ ган̣д̣аго сияаа. д̇асмаа самаабанно сад̣̇д̣̇ам̣, сун̣аад̇ий’’д̇и язсам̣ лад̣̇д̇хи, сзяяат̇ааби буб̣б̣асзлияаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. жагкунаа руубам̣ бассад̇ийд̇иаад̣̇и ‘‘самаабаннасса д̇аава бан̃жад̣̇ваараббавад̇д̇ам̣ над̇т̇и, д̇асмим̣ асад̇и яад̣̇и со сад̣̇д̣̇ам̣ сун̣зяяа, руубамби бассзяяаа’’д̇и жод̣̇анад̇т̇ам̣ вуд̇д̇ам̣. сад̣̇д̣̇о ган̣д̣агод̇и вигкзбагарад̇д̇аа вуд̇д̇ам̣. ол̣ааригзна хи сад̣̇д̣̇зна сод̇з гхаддид̇з батамаж̇жхаанад̇о вудтаанам̣ ход̇и, д̇знзд̇ам̣ вуд̇д̇ам̣, д̇асмаа асаад̇хагам̣. д̣̇уд̇ияасса жхаанассаад̇иаад̣̇и ‘‘яат̇аа ан̃н̃оби ган̣д̣аго анд̇осамаабад̇д̇ияам̣ над̇т̇и, звам̣ сад̣̇д̣̇ассаванамбий’’д̇и б̣од̇ханад̇т̇ам̣ вуд̇д̇ам̣, д̇ам̣ саб̣б̣ам̣ уд̇д̇аанад̇т̇амзваад̇и.
823-825. Idāni samāpanno saddaṃ suṇātītikathā nāma hoti. Tattha ‘‘yasmā paṭhamassa jhānassa saddo kaṇḍako vutto bhagavatā, yadi ca samāpanno taṃ na suṇeyya, kathaṃ kaṇḍako siyā. Tasmā samāpanno saddaṃ, suṇātī’’ti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Cakkhunā rūpaṃ passatītiādi ‘‘samāpannassa tāva pañcadvārappavattaṃ natthi, tasmiṃ asati yadi so saddaṃ suṇeyya, rūpampi passeyyā’’ti codanatthaṃ vuttaṃ. Saddo kaṇḍakoti vikkhepakarattā vuttaṃ. Oḷārikena hi saddena sote ghaṭṭite paṭhamajjhānato vuṭṭhānaṃ hoti, tenetaṃ vuttaṃ, tasmā asādhakaṃ. Dutiyassa jhānassātiādi ‘‘yathā aññopi kaṇḍako antosamāpattiyaṃ natthi, evaṃ saddassavanampī’’ti bodhanatthaṃ vuttaṃ, taṃ sabbaṃ uttānatthamevāti.
самаабанно сад̣̇д̣̇ам̣ сун̣аад̇ийд̇игат̇ааван̣н̣анаа.
Samāpanno saddaṃ suṇātītikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (184) 8. сад̣̇д̣̇ам̣ сун̣аад̇ийд̇игат̇аа • (184) 8. Saddaṃ suṇātītikathā
