| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༨. སམཱཔནྣོ སདྡཾ སུཎཱཏཱིཏིཀཐཱཝཎྞནཱ
8. Samāpanno saddaṃ suṇātītikathāvaṇṇanā
༨༢༣-༨༢༥. ཨིདཱནི སམཱཔནྣོ སདྡཾ སུཎཱཏཱིཏིཀཐཱ ནཱམ ཧོཏི། ཏཏྠ ‘‘ཡསྨཱ པཋམསྶ ཛྷཱནསྶ སདྡོ ཀཎྜཀོ ཝུཏྟོ བྷགཝཏཱ, ཡདི ཙ སམཱཔནྣོ ཏཾ ན སུཎེཡྻ, ཀཐཾ ཀཎྜཀོ སིཡཱ། ཏསྨཱ སམཱཔནྣོ སདྡཾ, སུཎཱཏཱི’’ཏི ཡེསཾ ལདྡྷི, སེཡྻཐཱཔི པུབྦསེལིཡཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཙཀྑུནཱ རཱུཔཾ པསྶཏཱིཏིཨཱདི ‘‘སམཱཔནྣསྶ ཏཱཝ པཉྩདྭཱརཔྤཝཏྟཾ ནཏྠི, ཏསྨིཾ ཨསཏི ཡདི སོ སདྡཾ སུཎེཡྻ, རཱུཔམྤི པསྶེཡྻཱ’’ཏི ཙོདནཏྠཾ ཝུཏྟཾ། སདྡོ ཀཎྜཀོཏི ཝིཀྑེཔཀརཏྟཱ ཝུཏྟཾ། ཨོལཱ༹རིཀེན ཧི སདྡེན སོཏེ གྷཊྚིཏེ པཋམཛ྄ཛྷཱནཏོ ཝུཊྛཱནཾ ཧོཏི, ཏེནེཏཾ ཝུཏྟཾ, ཏསྨཱ ཨསཱདྷཀཾ། དུཏིཡསྶ ཛྷཱནསྶཱཏིཨཱདི ‘‘ཡཐཱ ཨཉྙོཔི ཀཎྜཀོ ཨནྟོསམཱཔཏྟིཡཾ ནཏྠི, ཨེཝཾ སདྡསྶཝནམྤཱི’’ཏི བོདྷནཏྠཾ ཝུཏྟཾ, ཏཾ སབྦཾ ཨུཏྟཱནཏྠམེཝཱཏི།
823-825. Idāni samāpanno saddaṃ suṇātītikathā nāma hoti. Tattha ‘‘yasmā paṭhamassa jhānassa saddo kaṇḍako vutto bhagavatā, yadi ca samāpanno taṃ na suṇeyya, kathaṃ kaṇḍako siyā. Tasmā samāpanno saddaṃ, suṇātī’’ti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Cakkhunā rūpaṃ passatītiādi ‘‘samāpannassa tāva pañcadvārappavattaṃ natthi, tasmiṃ asati yadi so saddaṃ suṇeyya, rūpampi passeyyā’’ti codanatthaṃ vuttaṃ. Saddo kaṇḍakoti vikkhepakarattā vuttaṃ. Oḷārikena hi saddena sote ghaṭṭite paṭhamajjhānato vuṭṭhānaṃ hoti, tenetaṃ vuttaṃ, tasmā asādhakaṃ. Dutiyassa jhānassātiādi ‘‘yathā aññopi kaṇḍako antosamāpattiyaṃ natthi, evaṃ saddassavanampī’’ti bodhanatthaṃ vuttaṃ, taṃ sabbaṃ uttānatthamevāti.
སམཱཔནྣོ སདྡཾ སུཎཱཏཱིཏིཀཐཱཝཎྞནཱ།
Samāpanno saddaṃ suṇātītikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༨༤) ༨. སདྡཾ སུཎཱཏཱིཏིཀཐཱ • (184) 8. Saddaṃ suṇātītikathā
