| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿਕਥਾવਣ੍ਣਨਾ
8. Samāpanno saddaṃ suṇātītikathāvaṇṇanā
੮੨੩-੮੨੫. ਇਦਾਨਿ ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿਕਥਾ ਨਾਮ ਹੋਤਿ। ਤਤ੍ਥ ‘‘ਯਸ੍ਮਾ ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਡਕੋ વੁਤ੍ਤੋ ਭਗવਤਾ, ਯਦਿ ਚ ਸਮਾਪਨ੍ਨੋ ਤਂ ਨ ਸੁਣੇਯ੍ਯ, ਕਥਂ ਕਣ੍ਡਕੋ ਸਿਯਾ। ਤਸ੍ਮਾ ਸਮਾਪਨ੍ਨੋ ਸਦ੍ਦਂ, ਸੁਣਾਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਚਕ੍ਖੁਨਾ ਰੂਪਂ ਪਸ੍ਸਤੀਤਿਆਦਿ ‘‘ਸਮਾਪਨ੍ਨਸ੍ਸ ਤਾવ ਪਞ੍ਚਦ੍વਾਰਪ੍ਪવਤ੍ਤਂ ਨਤ੍ਥਿ, ਤਸ੍ਮਿਂ ਅਸਤਿ ਯਦਿ ਸੋ ਸਦ੍ਦਂ ਸੁਣੇਯ੍ਯ, ਰੂਪਮ੍ਪਿ ਪਸ੍ਸੇਯ੍ਯਾ’’ਤਿ ਚੋਦਨਤ੍ਥਂ વੁਤ੍ਤਂ। ਸਦ੍ਦੋ ਕਣ੍ਡਕੋਤਿ વਿਕ੍ਖੇਪਕਰਤ੍ਤਾ વੁਤ੍ਤਂ। ਓਲ਼ਾਰਿਕੇਨ ਹਿ ਸਦ੍ਦੇਨ ਸੋਤੇ ਘਟ੍ਟਿਤੇ ਪਠਮਜ੍ਝਾਨਤੋ વੁਟ੍ਠਾਨਂ ਹੋਤਿ, ਤੇਨੇਤਂ વੁਤ੍ਤਂ, ਤਸ੍ਮਾ ਅਸਾਧਕਂ। ਦੁਤਿਯਸ੍ਸ ਝਾਨਸ੍ਸਾਤਿਆਦਿ ‘‘ਯਥਾ ਅਞ੍ਞੋਪਿ ਕਣ੍ਡਕੋ ਅਨ੍ਤੋਸਮਾਪਤ੍ਤਿਯਂ ਨਤ੍ਥਿ, ਏવਂ ਸਦ੍ਦਸ੍ਸવਨਮ੍ਪੀ’’ਤਿ ਬੋਧਨਤ੍ਥਂ વੁਤ੍ਤਂ, ਤਂ ਸਬ੍ਬਂ ਉਤ੍ਤਾਨਤ੍ਥਮੇવਾਤਿ।
823-825. Idāni samāpanno saddaṃ suṇātītikathā nāma hoti. Tattha ‘‘yasmā paṭhamassa jhānassa saddo kaṇḍako vutto bhagavatā, yadi ca samāpanno taṃ na suṇeyya, kathaṃ kaṇḍako siyā. Tasmā samāpanno saddaṃ, suṇātī’’ti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Cakkhunā rūpaṃ passatītiādi ‘‘samāpannassa tāva pañcadvārappavattaṃ natthi, tasmiṃ asati yadi so saddaṃ suṇeyya, rūpampi passeyyā’’ti codanatthaṃ vuttaṃ. Saddo kaṇḍakoti vikkhepakarattā vuttaṃ. Oḷārikena hi saddena sote ghaṭṭite paṭhamajjhānato vuṭṭhānaṃ hoti, tenetaṃ vuttaṃ, tasmā asādhakaṃ. Dutiyassa jhānassātiādi ‘‘yathā aññopi kaṇḍako antosamāpattiyaṃ natthi, evaṃ saddassavanampī’’ti bodhanatthaṃ vuttaṃ, taṃ sabbaṃ uttānatthamevāti.
ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿਕਥਾવਣ੍ਣਨਾ।
Samāpanno saddaṃ suṇātītikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੮੪) ੮. ਸਦ੍ਦਂ ਸੁਣਾਤੀਤਿਕਥਾ • (184) 8. Saddaṃ suṇātītikathā
