| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. സമാപന്നോ സദ്ദം സുണാതീതികഥാവണ്ണനാ
8. Samāpanno saddaṃ suṇātītikathāvaṇṇanā
൮൨൩-൮൨൫. ഇദാനി സമാപന്നോ സദ്ദം സുണാതീതികഥാ നാമ ഹോതി. തത്ഥ ‘‘യസ്മാ പഠമസ്സ ഝാനസ്സ സദ്ദോ കണ്ഡകോ വുത്തോ ഭഗവതാ, യദി ച സമാപന്നോ തം ന സുണേയ്യ, കഥം കണ്ഡകോ സിയാ. തസ്മാ സമാപന്നോ സദ്ദം, സുണാതീ’’തി യേസം ലദ്ധി, സേയ്യഥാപി പുബ്ബസേലിയാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. ചക്ഖുനാ രൂപം പസ്സതീതിആദി ‘‘സമാപന്നസ്സ താവ പഞ്ചദ്വാരപ്പവത്തം നത്ഥി, തസ്മിം അസതി യദി സോ സദ്ദം സുണേയ്യ, രൂപമ്പി പസ്സേയ്യാ’’തി ചോദനത്ഥം വുത്തം. സദ്ദോ കണ്ഡകോതി വിക്ഖേപകരത്താ വുത്തം. ഓളാരികേന ഹി സദ്ദേന സോതേ ഘട്ടിതേ പഠമജ്ഝാനതോ വുട്ഠാനം ഹോതി, തേനേതം വുത്തം, തസ്മാ അസാധകം. ദുതിയസ്സ ഝാനസ്സാതിആദി ‘‘യഥാ അഞ്ഞോപി കണ്ഡകോ അന്തോസമാപത്തിയം നത്ഥി, ഏവം സദ്ദസ്സവനമ്പീ’’തി ബോധനത്ഥം വുത്തം, തം സബ്ബം ഉത്താനത്ഥമേവാതി.
823-825. Idāni samāpanno saddaṃ suṇātītikathā nāma hoti. Tattha ‘‘yasmā paṭhamassa jhānassa saddo kaṇḍako vutto bhagavatā, yadi ca samāpanno taṃ na suṇeyya, kathaṃ kaṇḍako siyā. Tasmā samāpanno saddaṃ, suṇātī’’ti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Cakkhunā rūpaṃ passatītiādi ‘‘samāpannassa tāva pañcadvārappavattaṃ natthi, tasmiṃ asati yadi so saddaṃ suṇeyya, rūpampi passeyyā’’ti codanatthaṃ vuttaṃ. Saddo kaṇḍakoti vikkhepakarattā vuttaṃ. Oḷārikena hi saddena sote ghaṭṭite paṭhamajjhānato vuṭṭhānaṃ hoti, tenetaṃ vuttaṃ, tasmā asādhakaṃ. Dutiyassa jhānassātiādi ‘‘yathā aññopi kaṇḍako antosamāpattiyaṃ natthi, evaṃ saddassavanampī’’ti bodhanatthaṃ vuttaṃ, taṃ sabbaṃ uttānatthamevāti.
സമാപന്നോ സദ്ദം സുണാതീതികഥാവണ്ണനാ.
Samāpanno saddaṃ suṇātītikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൮൪) ൮. സദ്ദം സുണാതീതികഥാ • (184) 8. Saddaṃ suṇātītikathā
