| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༦. སམཱཔཏྟིམཱུལཀཨབྷིནཱིཧཱརསུཏྟཾ
16. Samāpattimūlakaabhinīhārasuttaṃ
༦༧༧. སཱཝཏྠིནིདཱནཾ། ‘‘ཙཏྟཱརོམེ, བྷིཀྑཝེ, ཛྷཱཡཱི། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱཔཏྟིཀུསལོ ཧོཏི, ན སམཱདྷིསྨིཾ ཨབྷིནཱིཧཱརཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ ཨབྷིནཱིཧཱརཀུསལོ ཧོཏི, ན སམཱདྷིསྨིཾ སམཱཔཏྟིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི ནེཝ སམཱདྷིསྨིཾ སམཱཔཏྟིཀུསལོ ཧོཏི, ན ཙ སམཱདྷིསྨིཾ ཨབྷིནཱིཧཱརཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱཔཏྟིཀུསལོ ཙ ཧོཏི, སམཱདྷིསྨིཾ ཨབྷིནཱིཧཱརཀུསལོ ཙ། ཏཏྲ…པེ॰… པཝརོ ཙཱ’’ཏི། སོལ༹སམཾ།
677. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ abhinīhārakusalo. Idha pana, bhikkhave, ekacco jhāyī samādhismiṃ abhinīhārakusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ abhinīhārakusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ abhinīhārakusalo ca. Tatra…pe… pavaro cā’’ti. Soḷasamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
