| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
14. සමාපත්‌තිමූලකආරම්‌මණසුත්‌තං
14. Samāpattimūlakaārammaṇasuttaṃ
675. සාවත්‌ථිනිදානං. ‘‘චත්‌තාරොමෙ, භික්‌ඛවෙ, ඣායී. කතමෙ චත්‌තාරො? ඉධ, භික්‌ඛවෙ, එකච්‌චො ඣායී සමාධිස්‌මිං සමාපත්‌තිකුසලො හොති, න සමාධිස්‌මිං ආරම්‌මණකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං ආරම්‌මණකුසලො හොති, න සමාධිස්‌මිං සමාපත්‌තිකුසලො. ඉධ පන, භික්‌ඛවෙ, එකච්‌චො ඣායී නෙව සමාධිස්‌මිං සමාපත්‌තිකුසලො හොති, න ච සමාධිස්‌මිං ආරම්‌මණකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං සමාපත්‌තිකුසලො ච හොති, සමාධිස්‌මිං ආරම්‌මණකුසලො ච. තත්‍ර…පෙ.… පවරො චා’’ති. චුද්‌දසමං.
675. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ ārammaṇakusalo. Idha pana, bhikkhave, ekacco jhāyī samādhismiṃ ārammaṇakusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ ārammaṇakusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ ārammaṇakusalo ca. Tatra…pe… pavaro cā’’ti. Cuddasamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
