| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੯. ਸਮਾਪਤ੍ਤਿਮੂਲਕਸਪ੍ਪਾਯਕਾਰੀਸੁਤ੍ਤਂ
19. Samāpattimūlakasappāyakārīsuttaṃ
੬੮੦. ਸਾવਤ੍ਥਿਨਿਦਾਨਂ । ‘‘ਚਤ੍ਤਾਰੋਮੇ, ਭਿਕ੍ਖવੇ, ਝਾਯੀ। ਕਤਮੇ ਚਤ੍ਤਾਰੋ? ਇਧ , ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ ਹੋਤਿ, ਨ ਸਮਾਧਿਸ੍ਮਿਂ ਸਪ੍ਪਾਯਕਾਰੀ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਪ੍ਪਾਯਕਾਰੀ ਹੋਤਿ, ਨ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਝਾਯੀ ਨੇવ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ ਹੋਤਿ, ਨ ਚ ਸਮਾਧਿਸ੍ਮਿਂ ਸਪ੍ਪਾਯਕਾਰੀ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ ਚ ਹੋਤਿ, ਸਮਾਧਿਸ੍ਮਿਂ ਸਪ੍ਪਾਯਕਾਰੀ ਚ। ਤਤ੍ਰ, ਭਿਕ੍ਖવੇ, ਯ੍વਾਯਂ ਝਾਯੀ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ ਚ ਹੋਤਿ ਸਮਾਧਿਸ੍ਮਿਂ ਸਪ੍ਪਾਯਕਾਰੀ ਚ ਅਯਂ ਇਮੇਸਂ ਚਤੁਨ੍ਨਂ ਝਾਯੀਨਂ ਅਗ੍ਗੋ ਚ ਸੇਟ੍ਠੋ ਚ ਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚ। ਸੇਯ੍ਯਥਾਪਿ, ਭਿਕ੍ਖવੇ, ਗવਾ ਖੀਰਂ, ਖੀਰਮ੍ਹਾ ਦਧਿ, ਦਧਿਮ੍ਹਾ ਨવਨੀਤਂ, ਨવਨੀਤਮ੍ਹਾ ਸਪ੍ਪਿ, ਸਪ੍ਪਿਮ੍ਹਾ ਸਪ੍ਪਿਮਣ੍ਡੋ ਤਤ੍ਰ ਅਗ੍ਗਮਕ੍ਖਾਯਤਿ; ਏવਮੇવ ਖੋ, ਭਿਕ੍ਖવੇ, ਯ੍વਾਯਂ ਝਾਯੀ ਸਮਾਧਿਸ੍ਮਿਂ ਸਮਾਪਤ੍ਤਿਕੁਸਲੋ ਚ ਹੋਤਿ ਸਮਾਧਿਸ੍ਮਿਂ ਸਪ੍ਪਾਯਕਾਰੀ ਚ ਅਯਂ ਇਮੇਸਂ ਚਤੁਨ੍ਨਂ ਝਾਯੀਨਂ ਅਗ੍ਗੋ ਚ ਸੇਟ੍ਠੋ ਚ ਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚਾ’’ਤਿ। ਏਕੂਨવੀਸਤਿਮਂ। (ਸਮਾਪਤ੍ਤਿਮੂਲਕਂ।)
680. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha , bhikkhave, ekacco jhāyī samādhismiṃ samāpattikusalo hoti, na samādhismiṃ sappāyakārī. Idha pana, bhikkhave, ekacco jhāyī samādhismiṃ sappāyakārī hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ sappāyakārī. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ sappāyakārī ca. Tatra, bhikkhave, yvāyaṃ jhāyī samādhismiṃ samāpattikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ samāpattikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā’’ti. Ekūnavīsatimaṃ. (Samāpattimūlakaṃ.)
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā
