| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১৮. সমাপত্তিমূলকসাতচ্চসুত্তং
18. Samāpattimūlakasātaccasuttaṃ
৬৭৯. সাৰত্থিনিদানং । ‘‘চত্তারোমে, ভিক্খৰে, ঝাযী। কতমে চত্তারো? ইধ, ভিক্খৰে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং সাতচ্চকারী। ইধ পন, ভিক্খৰে, একচ্চো ঝাযী সমাধিস্মিং সাতচ্চকারী হোতি, ন সমাধিস্মিং সমাপত্তিকুসলো। ইধ পন, ভিক্খৰে, একচ্চো ঝাযী নেৰ সমাধিস্মিং সমাপত্তিকুসলো হোতি, ন চ সমাধিস্মিং সাতচ্চকারী। ইধ পন, ভিক্খৰে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং সাতচ্চকারী চ। তত্র…পে॰… পৰরো চা’’তি। অট্ঠারসমং।
679. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ sātaccakārī. Idha pana, bhikkhave, ekacco jhāyī samādhismiṃ sātaccakārī hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ sātaccakārī. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ sātaccakārī ca. Tatra…pe… pavaro cā’’ti. Aṭṭhārasamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৫৫. সমাধিমূলকঠিতিসুত্তাদিৰণ্ণনা • 2-55. Samādhimūlakaṭhitisuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫৫. সমাধিমূলকঠিতিসুত্তাদিৰণ্ণনা • 2-55. Samādhimūlakaṭhitisuttādivaṇṇanā
