| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11. ஸமாபத்திமூலகடி²திஸுத்தங்
11. Samāpattimūlakaṭhitisuttaṃ
672. ஸாவத்தி²னிதா³னங். ‘‘சத்தாரோமே, பி⁴க்க²வே, ஜா²யீ. கதமே சத்தாரோ? இத⁴, பி⁴க்க²வே, ஏகச்சோ ஜா²யீ ஸமாதி⁴ஸ்மிங் ஸமாபத்திகுஸலோ ஹோதி, ந ஸமாதி⁴ஸ்மிங் டி²திகுஸலோ. இத⁴ பன, பி⁴க்க²வே, ஏகச்சோ ஜா²யீ ஸமாதி⁴ஸ்மிங் டி²திகுஸலோ ஹோதி, ந ஸமாதி⁴ஸ்மிங் ஸமாபத்திகுஸலோ. இத⁴ பன, பி⁴க்க²வே, ஏகச்சோ ஜா²யீ நேவ ஸமாதி⁴ஸ்மிங் ஸமாபத்திகுஸலோ ஹோதி, ந ச ஸமாதி⁴ஸ்மிங் டி²திகுஸலோ. இத⁴ பன, பி⁴க்க²வே, ஏகச்சோ ஜா²யீ ஸமாதி⁴ஸ்மிங் ஸமாபத்திகுஸலோ ச ஹோதி, ஸமாதி⁴ஸ்மிங் டி²திகுஸலோ ச. தத்ர, பி⁴க்க²வே, ய்வாயங் ஜா²யீ ஸமாதி⁴ஸ்மிங் ஸமாபத்திகுஸலோ ச ஹோதி, ஸமாதி⁴ஸ்மிங் டி²திகுஸலோ ச அயங் இமேஸங் சதுன்னங் ஜா²யீனங் அக்³கோ³ ச ஸெட்டோ² ச மொக்கோ² ச உத்தமோ ச பவரோ ச. ஸெய்யதா²பி, பி⁴க்க²வே, க³வா கீ²ரங்…பே॰… பவரோ சா’’தி. ஏகாத³ஸமங்.
672. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ ṭhitikusalo. Idha pana, bhikkhave, ekacco jhāyī samādhismiṃ ṭhitikusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ ṭhitikusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ ṭhitikusalo ca. Tatra, bhikkhave, yvāyaṃ jhāyī samādhismiṃ samāpattikusalo ca hoti, samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Ekādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-55. ஸமாதி⁴மூலகடி²திஸுத்தாதி³வண்ணனா • 2-55. Samādhimūlakaṭhitisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-55. ஸமாதி⁴மூலகடி²திஸுத்தாதி³வண்ணனா • 2-55. Samādhimūlakaṭhitisuttādivaṇṇanā
