| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. самаабад̇д̇имуулагатид̇исуд̇д̇ам̣
11. Samāpattimūlakaṭhitisuttaṃ
672. саавад̇т̇инид̣̇аанам̣. ‘‘жад̇д̇ааромз, бхигкавз, жхааяий. гад̇амз жад̇д̇ааро? ид̇ха, бхигкавз, згажжо жхааяий самаад̇хисмим̣ самаабад̇д̇игусало ход̇и, на самаад̇хисмим̣ тид̇игусало. ид̇ха бана, бхигкавз, згажжо жхааяий самаад̇хисмим̣ тид̇игусало ход̇и, на самаад̇хисмим̣ самаабад̇д̇игусало. ид̇ха бана, бхигкавз, згажжо жхааяий нзва самаад̇хисмим̣ самаабад̇д̇игусало ход̇и, на жа самаад̇хисмим̣ тид̇игусало. ид̇ха бана, бхигкавз, згажжо жхааяий самаад̇хисмим̣ самаабад̇д̇игусало жа ход̇и, самаад̇хисмим̣ тид̇игусало жа. д̇ад̇ра, бхигкавз, явааяам̣ жхааяий самаад̇хисмим̣ самаабад̇д̇игусало жа ход̇и, самаад̇хисмим̣ тид̇игусало жа аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко жа уд̇д̇амо жа баваро жа. сзяяат̇ааби, бхигкавз, г̇аваа кийрам̣…бз… баваро жаа’’д̇и. згаад̣̇асамам̣.
672. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ ṭhitikusalo. Idha pana, bhikkhave, ekacco jhāyī samādhismiṃ ṭhitikusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ ṭhitikusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ ṭhitikusalo ca. Tatra, bhikkhave, yvāyaṃ jhāyī samādhismiṃ samāpattikusalo ca hoti, samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Ekādasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
