| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(15) 5. самаабад̇д̇иваг̇г̇аван̣н̣анаа
(15) 5. Samāpattivaggavaṇṇanā
164. бан̃жамасса батамз самаабад̇д̇игусалад̇аад̇и аахаарасаббааяам̣ уд̇усаббааяам̣ бариг̇г̇ан̣хид̇ваа самаабад̇д̇исамаабаж̇ж̇анз чзгад̇аа. самаабад̇д̇ивудтаанагусалад̇аад̇и яат̇аабарижчзд̣̇зна г̇ад̇з гаалз вияад̇д̇о худ̇ваа удтаханд̇о вудтаанагусало наама ход̇и, звам̣ гусалад̇аа.
164. Pañcamassa paṭhame samāpattikusalatāti āhārasappāyaṃ utusappāyaṃ pariggaṇhitvā samāpattisamāpajjane chekatā. Samāpattivuṭṭhānakusalatāti yathāparicchedena gate kāle viyatto hutvā uṭṭhahanto vuṭṭhānakusalo nāma hoti, evaṃ kusalatā.
165. д̣̇уд̇ияз аж̇ж̇аванд̇и уж̇убхааво. мад̣̇д̣̇аванд̇и муд̣̇убхааво.
165. Dutiye ajjavanti ujubhāvo. Maddavanti mudubhāvo.
166. д̇ад̇ияз канд̇ийд̇и ад̇хиваасанаканд̇и. соражжанд̇и сусийляабхаавзна сурад̇абхааво.
166. Tatiye khantīti adhivāsanakhanti. Soraccanti susīlyabhāvena suratabhāvo.
167. жад̇уд̇т̇з саакаляанд̇и сан̣хаваажаавасзна саммод̣̇амаанабхааво. бадисант̇аарод̇и аамисзна ваа д̇хаммзна ваа бадисант̇аран̣ам̣.
167. Catutthe sākhalyanti saṇhavācāvasena sammodamānabhāvo. Paṭisanthāroti āmisena vā dhammena vā paṭisantharaṇaṃ.
168. бан̃жамз авихим̣саад̇и гарун̣аабуб̣б̣абхааг̇о. сожзяяанд̇и сийлавасзна сужибхааво. чадтасад̇д̇амаани уд̇д̇аанад̇т̇аанзва.
168. Pañcame avihiṃsāti karuṇāpubbabhāgo. Soceyyanti sīlavasena sucibhāvo. Chaṭṭhasattamāni uttānatthāneva.
171. адтамз бадисан̇каанаб̣аланд̇и бажжавзгкан̣аб̣алам̣.
171. Aṭṭhame paṭisaṅkhānabalanti paccavekkhaṇabalaṃ.
172. навамз мудтассажжз агамбанзна сад̇иязва сад̇иб̣алам̣. уд̣̇д̇хажжз агамбанзна самаад̇хиязва самаад̇хиб̣алам̣.
172. Navame muṭṭhassacce akampanena satiyeva satibalaṃ. Uddhacce akampanena samādhiyeva samādhibalaṃ.
173. д̣̇асамз самат̇од̇и жид̇д̇згаг̇г̇ад̇аа. вибассанаад̇и сан̇каарабариг̇г̇аахаган̃н̃аан̣ам̣.
173. Dasame samathoti cittekaggatā. Vipassanāti saṅkhārapariggāhakaññāṇaṃ.
174. згаад̣̇асамз сийлавибад̇д̇ийд̇и д̣̇уссийляам̣. д̣̇идтивибад̇д̇ийд̇и мижчаад̣̇идти.
174. Ekādasame sīlavipattīti dussīlyaṃ. Diṭṭhivipattīti micchādiṭṭhi.
175. д̣̇ваад̣̇асамз сийласамбад̣̇аад̇и барибун̣н̣асийлад̇аа. д̣̇идтисамбад̣̇аад̇и саммаад̣̇идтигабхааво. д̇зна гаммассагад̇асаммаад̣̇идти, жхаанасаммаад̣̇идти, вибассанаасаммаад̣̇идти, маг̇г̇асаммаад̣̇идти, паласаммаад̣̇идтийд̇и саб̣б̣ааби бан̃жавид̇хаа саммаад̣̇идти сан̇г̇ахид̇аа ход̇и.
175. Dvādasame sīlasampadāti paripuṇṇasīlatā. Diṭṭhisampadāti sammādiṭṭhikabhāvo. Tena kammassakatasammādiṭṭhi, jhānasammādiṭṭhi, vipassanāsammādiṭṭhi, maggasammādiṭṭhi, phalasammādiṭṭhīti sabbāpi pañcavidhā sammādiṭṭhi saṅgahitā hoti.
176. д̇зрасамз сийлависуд̣̇д̇хийд̇и висуд̣̇д̇хисамбаабагам̣ сийлам̣. д̣̇идтивисуд̣̇д̇хийд̇и висуд̣̇д̇хисамбаабигаа жад̇умаг̇г̇асаммаад̣̇идти, бан̃жавид̇хааби ваа саммаад̣̇идти.
176. Terasame sīlavisuddhīti visuddhisampāpakaṃ sīlaṃ. Diṭṭhivisuddhīti visuddhisampāpikā catumaggasammādiṭṭhi, pañcavidhāpi vā sammādiṭṭhi.
177. жуд̣̇д̣̇асамз д̣̇идтивисуд̣̇д̇хийд̇и висуд̣̇д̇хисамбаабигаа саммаад̣̇идтиязва. яат̇аад̣̇идтисса жа бад̇хаананд̇и хздтимамаг̇г̇асамбаяуд̇д̇ам̣ вийрияам̣. д̇ан̃хи д̇ассаа д̣̇идтияаа ануруубад̇д̇аа ‘‘яат̇аад̣̇идтисса жа бад̇хаана’’нд̇и вуд̇д̇ам̣.
177. Cuddasame diṭṭhivisuddhīti visuddhisampāpikā sammādiṭṭhiyeva. Yathādiṭṭhissa ca padhānanti heṭṭhimamaggasampayuttaṃ vīriyaṃ. Tañhi tassā diṭṭhiyā anurūpattā ‘‘yathādiṭṭhissa ca padhāna’’nti vuttaṃ.
178. баннарасамз асанд̇удтид̇аа жа гусалзсу д̇хаммзсууд̇и ан̃н̃ад̇ра арахад̇д̇амаг̇г̇аа гусалзсу д̇хаммзсу асанд̇удтибхааво.
178. Pannarasame asantuṭṭhitā ca kusalesu dhammesūti aññatra arahattamaggā kusalesu dhammesu asantuṭṭhibhāvo.
179. сол̣асамз мудтассажжанд̇и мудтассад̇ибхааво. асамбаж̇ан̃н̃анд̇и ан̃н̃аан̣абхааво.
179. Soḷasame muṭṭhassaccanti muṭṭhassatibhāvo. Asampajaññanti aññāṇabhāvo.
180. сад̇д̇арасамз абилаабаналагкан̣аа сад̇и. саммаа баж̇аананалагкан̣ам̣ самбаж̇ан̃н̃анд̇и.
180. Sattarasame apilāpanalakkhaṇā sati. Sammā pajānanalakkhaṇaṃ sampajaññanti.
самаабад̇д̇иваг̇г̇о бан̃жамо. д̇ад̇ияабан̣н̣аасагам̣ нидтид̇ам̣.
Samāpattivaggo pañcamo. Tatiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (15) 5. самаабад̇д̇иваг̇г̇о • (15) 5. Samāpattivaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (15) 5. самаабад̇д̇иваг̇г̇аван̣н̣анаа • (15) 5. Samāpattivaggavaṇṇanā
