| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(15) 5. самаабад̇д̇иваг̇г̇аван̣н̣анаа
(15) 5. Samāpattivaggavaṇṇanā
164. бан̃жамасса батамз ‘‘ид̇о буб̣б̣з баригаммам̣ бавад̇д̇ам̣, ид̇о барам̣ бхаван̇г̇ам̣ маж̇жхз самаабад̇д̇ий’’д̇и звам̣ саха баригаммзна аббанаабарижчзд̣̇аббаж̇аананаа бан̃н̃аа самаабад̇д̇игусалад̇аа. вудтаанз гусалабхааво вудтаанагусалад̇аа. баг̇зва вудтаанабарижчзд̣̇аган̃аан̣анд̇и звамзд̇т̇а ад̇т̇о д̣̇адтаб̣б̣о.
164. Pañcamassa paṭhame ‘‘ito pubbe parikammaṃ pavattaṃ, ito paraṃ bhavaṅgaṃ majjhe samāpattī’’ti evaṃ saha parikammena appanāparicchedappajānanā paññā samāpattikusalatā. Vuṭṭhāne kusalabhāvo vuṭṭhānakusalatā. Pageva vuṭṭhānaparicchedakañāṇanti evamettha attho daṭṭhabbo.
165. д̣̇уд̇ияз уж̇уно бхааво аж̇ж̇авам̣, аж̇имхад̇аа агудилад̇аа аван̇гад̇аад̇и ад̇т̇о. абхид̇хаммзби (д̇ха. са. 1346) вуд̇д̇ам̣ – ‘‘д̇ад̇т̇а гад̇амо аж̇ж̇аво? яаа аж̇ж̇авад̇аа аж̇имхад̇аа агудилад̇аа аван̇гад̇аа, аяам̣ вужжад̇и аж̇ж̇аво’’д̇и. анаж̇ж̇аван̃жа аж̇ж̇аваббадигкзбзна взд̣̇ид̇аб̣б̣ам̣. г̇омуд̇д̇аван̇гад̇аа, жанд̣̇алзкааван̇гад̇аа, нан̇г̇алагодиван̇гад̇аад̇и хи д̇аяо анаж̇ж̇аваа. згажжо хи бхигку батамаваяз маж̇жхима-бажчимаваяз жа згавийсад̇ияаа анзсанаасу часу жа аг̇ожарзсу жарад̇и, аяам̣ г̇омуд̇д̇аван̇гад̇аа наама, аад̣̇ид̇о бадтааяа яаава барияосаанаа бадибад̇д̇ияаа ван̇габхаавад̇о. зго батамаваяз бажчимаваяз жа жад̇убаарисуд̣̇д̇хисийлам̣ буурзд̇и, лаж̇ж̇ий гуггужжаго сигкаагаамо ход̇и, маж̇жхимаваяз буримасад̣̇исо, аяам̣ жанд̣̇алзкааван̇гад̇аа наама, бадибад̇д̇ияаа маж̇жхадтаанз ван̇габхааваабад̇д̇ид̇о. зго батамаваязби маж̇жхимаваязби жад̇убаарисуд̣̇д̇хисийлам̣ буурзд̇и, лаж̇ж̇ий гуггужжаго сигкаагаамо ход̇и, бажчимаваяз буримасад̣̇исо, аяам̣ нан̇г̇алагодиван̇гад̇аа наама, барияосаанз ван̇габхааваабад̇д̇ид̇о. зго саб̣б̣амбзд̇ам̣ ван̇гад̇ам̣ бахааяа д̇ийсу ваязсу бзсало лаж̇ж̇ий гуггужжаго сигкаагаамо ход̇и, д̇асса яо со уж̇убхааво, ид̣̇ам̣ аж̇ж̇авам̣ наама, саб̣б̣ад̇т̇а уж̇убхаавасид̣̇д̇хид̇о.
165. Dutiye ujuno bhāvo ajjavaṃ, ajimhatā akuṭilatā avaṅkatāti attho. Abhidhammepi (dha. sa. 1346) vuttaṃ – ‘‘tattha katamo ajjavo? Yā ajjavatā ajimhatā akuṭilatā avaṅkatā, ayaṃ vuccati ajjavo’’ti. Anajjavañca ajjavappaṭikkhepena veditabbaṃ. Gomuttavaṅkatā, candalekhāvaṅkatā, naṅgalakoṭivaṅkatāti hi tayo anajjavā. Ekacco hi bhikkhu paṭhamavaye majjhima-pacchimavaye ca ekavīsatiyā anesanāsu chasu ca agocaresu carati, ayaṃ gomuttavaṅkatā nāma, ādito paṭṭhāya yāva pariyosānā paṭipattiyā vaṅkabhāvato. Eko paṭhamavaye pacchimavaye ca catupārisuddhisīlaṃ pūreti, lajjī kukkuccako sikkhākāmo hoti, majjhimavaye purimasadiso, ayaṃ candalekhāvaṅkatā nāma, paṭipattiyā majjhaṭṭhāne vaṅkabhāvāpattito. Eko paṭhamavayepi majjhimavayepi catupārisuddhisīlaṃ pūreti, lajjī kukkuccako sikkhākāmo hoti, pacchimavaye purimasadiso, ayaṃ naṅgalakoṭivaṅkatā nāma, pariyosāne vaṅkabhāvāpattito. Eko sabbampetaṃ vaṅkataṃ pahāya tīsu vayesu pesalo lajjī kukkuccako sikkhākāmo hoti, tassa yo so ujubhāvo, idaṃ ajjavaṃ nāma, sabbattha ujubhāvasiddhito.
мад̣̇д̣̇аванд̇и зд̇т̇а ‘‘лаж̇ж̇ава’’нд̇иби батанд̇и. звам̣ банзд̇т̇а ад̇т̇о – ‘‘д̇ад̇т̇а гад̇амо лаж̇ж̇аво? яо хирийяад̇и хирийяид̇аб̣б̣зна хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа, аяам̣ вужжад̇и лаж̇ж̇аво’’д̇и звам̣ вуд̇д̇о лаж̇ж̇ибхааво лаж̇ж̇авам̣ наама. ид̣̇ам̣ банзд̇т̇а ниб̣б̣ажанам̣ – лаж̇ж̇ад̇ийд̇и лаж̇ж̇о, хиримаа, д̇асса бхааво лаж̇ж̇авам̣, хирийд̇и ад̇т̇о. лаж̇ж̇аа зд̇асса ад̇т̇ийд̇и лаж̇ж̇ий яат̇аа ‘‘маалий мааяий’’д̇и, д̇асса бхааво лаж̇ж̇ибхааво, саа зва лаж̇ж̇аа.
Maddavanti ettha ‘‘lajjava’’ntipi paṭhanti. Evaṃ panettha attho – ‘‘tattha katamo lajjavo? Yo hirīyati hirīyitabbena hirīyati pāpakānaṃ akusalānaṃ dhammānaṃ samāpattiyā, ayaṃ vuccati lajjavo’’ti evaṃ vutto lajjibhāvo lajjavaṃ nāma. Idaṃ panettha nibbacanaṃ – lajjatīti lajjo, hirimā, tassa bhāvo lajjavaṃ, hirīti attho. Lajjā etassa atthīti lajjī yathā ‘‘mālī māyī’’ti, tassa bhāvo lajjibhāvo, sā eva lajjā.
166. д̇ад̇ияз ад̇хиваасанаканд̇ийд̇и зд̇т̇а ад̇хиваасанам̣ вужжад̇и каманам̣. д̇ан̃хи барзсам̣ д̣̇уггадам̣ д̣̇уруд̇д̇ан̃жа бадивирод̇хаагаран̣зна ад̇д̇ано убари ааробзд̇ваа ваасанад̇о ‘‘ад̇хиваасана’’нд̇и вужжад̇и. ад̇хиваасаналагкан̣аа канд̇и ад̇хиваасанаканд̇и. сужисийлад̇аа соражжам̣. саа хи собханагаммарад̇ад̇аа. судту ваа баабад̇о орад̇абхааво вирад̇ад̇аад̇и ааха ‘‘сурад̇абхааво’’д̇и. д̇знзва абхид̇хаммзби (д̇ха. са. 1349) –
166. Tatiye adhivāsanakhantīti ettha adhivāsanaṃ vuccati khamanaṃ. Tañhi paresaṃ dukkaṭaṃ duruttañca paṭivirodhākaraṇena attano upari āropetvā vāsanato ‘‘adhivāsana’’nti vuccati. Adhivāsanalakkhaṇā khanti adhivāsanakhanti. Sucisīlatā soraccaṃ. Sā hi sobhanakammaratatā. Suṭṭhu vā pāpato oratabhāvo viratatāti āha ‘‘suratabhāvo’’ti. Teneva abhidhammepi (dha. sa. 1349) –
‘‘д̇ад̇т̇а гад̇амам̣ соражжам̣? яо гааяиго авийд̇иггамо ваажасиго авийд̇иггамо гааяигаваажасиго авийд̇иггамо, ид̣̇ам̣ вужжад̇и соражжам̣, саб̣б̣оби сийласам̣варо соражжа’’нд̇и – ааг̇ад̇о.
‘‘Tattha katamaṃ soraccaṃ? Yo kāyiko avītikkamo vācasiko avītikkamo kāyikavācasiko avītikkamo, idaṃ vuccati soraccaṃ, sabbopi sīlasaṃvaro soracca’’nti – āgato.
167. жад̇уд̇т̇з сакило вужжад̇и сан̣хаваажо, д̇асса бхааво саакаляам̣, сан̣хаваажад̇аа. д̇знааха ‘‘сан̣хаваажаавасзна саммод̣̇амаанабхааво’’д̇и. сан̣хаваажаавасзна хи саммод̣̇амаанасса буг̇г̇аласса бхааво наама сан̣хаваажад̇аа. д̇знзва абхид̇хаммз (д̇ха. са. 1350) –
167. Catutthe sakhilo vuccati saṇhavāco, tassa bhāvo sākhalyaṃ, saṇhavācatā. Tenāha ‘‘saṇhavācāvasena sammodamānabhāvo’’ti. Saṇhavācāvasena hi sammodamānassa puggalassa bhāvo nāma saṇhavācatā. Teneva abhidhamme (dha. sa. 1350) –
‘‘д̇ад̇т̇а гад̇амам̣ саакаляам̣? яаа саа ваажаа ан̣д̣агаа гаггасаа барагадугаа бараабхисаж̇ж̇аний год̇хасааманд̇аа асамаад̇хисам̣вад̇д̇анигаа, д̇ат̇ааруубим̣ ваажам̣ бахааяа яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и, яаа д̇ад̇т̇а сан̣хаваажад̇аа сакилаваажад̇аа апарусаваажад̇аа, ид̣̇ам̣ вужжад̇и саакаляа’’нд̇и вуд̇д̇ам̣.
‘‘Tattha katamaṃ sākhalyaṃ? Yā sā vācā aṇḍakā kakkasā parakaṭukā parābhisajjanī kodhasāmantā asamādhisaṃvattanikā, tathārūpiṃ vācaṃ pahāya yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti, yā tattha saṇhavācatā sakhilavācatā apharusavācatā, idaṃ vuccati sākhalya’’nti vuttaṃ.
д̇ад̇т̇а ан̣д̣агаад̇и сад̣̇осз саван̣з ругкз нияяаасабин̣д̣о, ахижчад̇д̇аад̣̇ийни ваа удтид̇аани ан̣д̣агаанийд̇и вад̣̇анд̇и, пзг̇г̇уругкасса бана гут̇ид̇асса ан̣д̣аани вияа удтид̇аа жун̣н̣абин̣д̣ияо ваа г̇ан̣тияо ваа ан̣д̣агаа. ид̇ха бана б̣яаабаж̇ж̇анагаггасаад̣̇исабхаавад̇о ган̣дагаббадибхааг̇зна ваажаа ан̣д̣агаад̇и вуд̇д̇аа. бад̣̇уманаал̣ам̣ вияа сод̇ам̣ гхам̣саяамаанаа бависанд̇ий гаггасаа д̣̇адтаб̣б̣аа. год̇хзна ниб̣б̣ад̇д̇аа д̇асса бариваарабхууд̇аа год̇хасааманд̇аа. бурз сам̣вад̣̇д̇ханаарий борий. саа вияа сугумаараа муд̣̇угаа ваажаа борий вияаад̇и борий. сан̣хаваажад̇аад̇иаад̣̇инаа д̇ам̣ ваажам̣ бавад̇д̇амаанам̣ д̣̇ассзд̇и.
Tattha aṇḍakāti sadose savaṇe rukkhe niyyāsapiṇḍo, ahicchattādīni vā uṭṭhitāni aṇḍakānīti vadanti, pheggurukkhassa pana kuthitassa aṇḍāni viya uṭṭhitā cuṇṇapiṇḍiyo vā gaṇṭhiyo vā aṇḍakā. Idha pana byāpajjanakakkasādisabhāvato kaṇṭakappaṭibhāgena vācā aṇḍakāti vuttā. Padumanāḷaṃ viya sotaṃ ghaṃsayamānā pavisantī kakkasā daṭṭhabbā. Kodhena nibbattā tassa parivārabhūtā kodhasāmantā. Pure saṃvaddhanārī porī. Sā viya sukumārā mudukā vācā porī viyāti porī. Saṇhavācatātiādinā taṃ vācaṃ pavattamānaṃ dasseti.
168. бан̃жамз ‘‘авихим̣саад̇и гарун̣аабуб̣б̣абхааг̇о’’д̇и зд̇д̇агамзва ид̇ха вуд̇д̇ам̣, д̣̇ийгханигааяадтагат̇ааяа сан̇г̇ийд̇исуд̇д̇аван̣н̣анааяам̣ (д̣̇ий. ни. адта. 3.304) бана ‘‘авихим̣саад̇и гарун̣ааби гарун̣аабуб̣б̣абхааг̇обий’’д̇и вуд̇д̇ам̣. абхид̇хаммзби (вибха. 182) ‘‘д̇ад̇т̇а гад̇амаа авихим̣саа? яаа сад̇д̇зсу гарун̣аа гарун̣ааяанаа гарун̣ааяид̇ад̇д̇ам̣ гарун̣аажзд̇овимуд̇д̇и, аяам̣ вужжад̇и авихим̣саа’’д̇и ааг̇ад̇ам̣. зд̇т̇ааби хи яаа гаажи гарун̣аа ‘‘гарун̣аа’’д̇и вуд̇д̇аа, гарун̣аажзд̇овимуд̇д̇и бана аббанааббад̇д̇аава.
168. Pañcame ‘‘avihiṃsāti karuṇāpubbabhāgo’’ti ettakameva idha vuttaṃ, dīghanikāyaṭṭhakathāya saṅgītisuttavaṇṇanāyaṃ (dī. ni. aṭṭha. 3.304) pana ‘‘avihiṃsāti karuṇāpi karuṇāpubbabhāgopī’’ti vuttaṃ. Abhidhammepi (vibha. 182) ‘‘tattha katamā avihiṃsā? Yā sattesu karuṇā karuṇāyanā karuṇāyitattaṃ karuṇācetovimutti, ayaṃ vuccati avihiṃsā’’ti āgataṃ. Etthāpi hi yā kāci karuṇā ‘‘karuṇā’’ti vuttā, karuṇācetovimutti pana appanāppattāva.
сужисад̣̇д̣̇ад̇о бхаавз яагаарам̣ игаарасса жа угаараад̣̇зсам̣ гад̇ваа аяам̣ нид̣̇д̣̇зсод̇и ааха ‘‘сожаб̣яам̣ сужибхааво’’д̇и. зд̇т̇а жа сожаб̣яанд̇и сийлавасзна сужибхаавод̇и вуд̇д̇ам̣. д̣̇ийгханигааяадтагат̇ааяа сан̇г̇ийд̇исуд̇д̇аван̣н̣анааяам̣ (д̣̇ий. ни. адта. 3.304) бана ‘‘сожзяяанд̇и мзд̇д̇ааяа жа мзд̇д̇аабуб̣б̣абхааг̇асса жа васзна сужибхааво’’д̇и вуд̇д̇ам̣. д̇знзва абхид̇хаммзби ‘‘д̇ад̇т̇а гад̇амам̣ сожаб̣яам̣? яаа сад̇д̇зсу мзд̇д̇и мзд̇д̇ааяанаа мзд̇д̇ааяид̇ад̇д̇ам̣ мзд̇д̇аажзд̇овимуд̇д̇и, ид̣̇ам̣ вужжад̇и сожаб̣яа’’нд̇и нид̣̇д̣̇зсо гад̇о. зд̇т̇ааби хи ‘‘мзд̇д̇ий’’д̇иаад̣̇инаа яаа гаажи мзд̇д̇аа вуд̇д̇аа, мзд̇д̇аажзд̇овимуд̇д̇и бана аббанааббад̇д̇аава.
Sucisaddato bhāve yakāraṃ ikārassa ca ukārādesaṃ katvā ayaṃ niddesoti āha ‘‘socabyaṃ sucibhāvo’’ti. Ettha ca socabyanti sīlavasena sucibhāvoti vuttaṃ. Dīghanikāyaṭṭhakathāya saṅgītisuttavaṇṇanāyaṃ (dī. ni. aṭṭha. 3.304) pana ‘‘soceyyanti mettāya ca mettāpubbabhāgassa ca vasena sucibhāvo’’ti vuttaṃ. Teneva abhidhammepi ‘‘tattha katamaṃ socabyaṃ? Yā sattesu metti mettāyanā mettāyitattaṃ mettācetovimutti, idaṃ vuccati socabya’’nti niddeso kato. Etthāpi hi ‘‘mettī’’tiādinā yā kāci mettā vuttā, mettācetovimutti pana appanāppattāva.
169-171. чадтасад̇д̇амаадтамаани хздтаа вуд̇д̇анаяаанзва.
169-171. Chaṭṭhasattamaaṭṭhamāni heṭṭhā vuttanayāneva.
172. навамз гаамам̣ самбаяуд̇д̇ад̇хаммзсу т̇ирабхаавоби б̣аладто зва, бадибагкзхи бана агамбанийяад̇ам̣ саад̇исаяам̣ б̣аладтод̇и вуд̇д̇ам̣ ‘‘мудтассажжз агамбанзнаа’’д̇иаад̣̇и.
172. Navame kāmaṃ sampayuttadhammesu thirabhāvopi balaṭṭho eva, paṭipakkhehi pana akampanīyataṃ sātisayaṃ balaṭṭhoti vuttaṃ ‘‘muṭṭhassacce akampanenā’’tiādi.
173. д̣̇асамз бажжанийгад̇хаммасаманад̇о самат̇о, самаад̇хийд̇и ааха ‘‘самат̇од̇и жид̇д̇згаг̇г̇ад̇аа’’д̇и. анижжаад̣̇инаа вивид̇хзнаагаарзна д̣̇ассанад̇о бассанад̇о вибассанаа, бан̃н̃аад̇и ааха ‘‘сан̇каарабариг̇г̇аахаган̃аан̣а’’нд̇и.
173. Dasame paccanīkadhammasamanato samatho, samādhīti āha ‘‘samathoti cittekaggatā’’ti. Aniccādinā vividhenākārena dassanato passanato vipassanā, paññāti āha ‘‘saṅkhārapariggāhakañāṇa’’nti.
174. згаад̣̇асамз д̣̇уссийляанд̇и самаад̣̇иннасса сийласса бхзд̣̇агаро вийд̇иггамо. д̣̇идтивибад̇д̇ийд̇и ‘‘ад̇т̇и д̣̇инна’’нд̇иаад̣̇инаяаббавад̇д̇ааяа саммаад̣̇идтияаа д̣̇уусигаа мижчаад̣̇идтийд̇и ааха ‘‘д̣̇идтивибад̇д̇ийд̇и мижчаад̣̇идтий’’д̇и.
174. Ekādasame dussīlyanti samādinnassa sīlassa bhedakaro vītikkamo. Diṭṭhivipattīti ‘‘atthi dinna’’ntiādinayappavattāya sammādiṭṭhiyā dūsikā micchādiṭṭhīti āha ‘‘diṭṭhivipattīti micchādiṭṭhī’’ti.
175. д̣̇ваад̣̇асамз сийласамбад̣̇аад̇и саб̣б̣абхааг̇ад̇о д̇асса ануунад̇аабад̇д̇и барибун̣н̣абхааво сийласамбад̣̇аа. барибууран̣ад̇т̇о хзд̇т̇а самбад̣̇аасад̣̇д̣̇о. д̇знзвааха ‘‘барибун̣н̣асийлад̇аа’’д̇и. д̣̇идтисамбад̣̇аад̇и ад̇т̇игад̣̇идтиаад̣̇исаммаад̣̇идтибаарибуурибхаавзна бавад̇д̇ам̣ н̃аан̣ам̣. д̇ан̃жа гаммассагад̇аасаммаад̣̇идтиаад̣̇ивасзна бан̃жавид̇хам̣ ход̇ийд̇и ааха ‘‘д̇зна гаммассагад̇аа’’д̇и.
175. Dvādasame sīlasampadāti sabbabhāgato tassa anūnatāpatti paripuṇṇabhāvo sīlasampadā. Paripūraṇattho hettha sampadāsaddo. Tenevāha ‘‘paripuṇṇasīlatā’’ti. Diṭṭhisampadāti atthikadiṭṭhiādisammādiṭṭhipāripūribhāvena pavattaṃ ñāṇaṃ. Tañca kammassakatāsammādiṭṭhiādivasena pañcavidhaṃ hotīti āha ‘‘tena kammassakatā’’ti.
176. д̇зрасамз сийлависуд̣̇д̇хийд̇и висуд̣̇д̇хим̣ баабзд̇ум̣ самад̇т̇ам̣ сийлам̣, жид̇д̇ависуд̣̇д̇хиаад̣̇иубаривисуд̣̇д̇хияаа бажжаяо бхавид̇ум̣ самад̇т̇ам̣ висуд̣̇д̇хасийланд̇и вуд̇д̇ам̣ ход̇и. сувисуд̣̇д̇хамзва хи сийлам̣ д̇ассаа бад̣̇адтаанам̣ ход̇и. д̇знааха ‘‘сийлависуд̣̇д̇хийхи висуд̣̇д̇хисамбаабагам̣ сийла’’нд̇и. зд̇т̇ааби висуд̣̇д̇хисамбаабаганд̇и жид̇д̇ависуд̣̇д̇хиаад̣̇иубаривисуд̣̇д̇хияаа самбаабаганд̇и ад̇т̇о д̣̇адтаб̣б̣о. абхид̇хаммз (д̇ха. са. 1372) банааяам̣ ‘‘д̇ад̇т̇а гад̇амаа сийлависуд̣̇д̇хи? гааяиго авийд̇иггамо ваажасиго авийд̇иггамо гааяигаваажасиго авийд̇иггамо, аяам̣ вужжад̇и сийлависуд̣̇д̇хий’’д̇и звам̣ вибхад̇д̇аа.
176. Terasame sīlavisuddhīti visuddhiṃ pāpetuṃ samatthaṃ sīlaṃ, cittavisuddhiādiuparivisuddhiyā paccayo bhavituṃ samatthaṃ visuddhasīlanti vuttaṃ hoti. Suvisuddhameva hi sīlaṃ tassā padaṭṭhānaṃ hoti. Tenāha ‘‘sīlavisuddhīhi visuddhisampāpakaṃ sīla’’nti. Etthāpi visuddhisampāpakanti cittavisuddhiādiuparivisuddhiyā sampāpakanti attho daṭṭhabbo. Abhidhamme (dha. sa. 1372) panāyaṃ ‘‘tattha katamā sīlavisuddhi? Kāyiko avītikkamo vācasiko avītikkamo kāyikavācasiko avītikkamo, ayaṃ vuccati sīlavisuddhī’’ti evaṃ vibhattā.
д̣̇идтивисуд̣̇д̇хийд̇и висуд̣̇д̇хим̣ баабзд̇ум̣ самад̇т̇ам̣ д̣̇ассанан̃аан̣ам̣ д̣̇ассанависуд̣̇д̇хи, барамад̇т̇ависуд̣̇д̇хим̣ ниб̣б̣аанан̃жа баабзд̇ум̣ убанзд̇ум̣ самад̇т̇ам̣ гаммассагад̇ан̃аан̣аад̣̇и саммаад̣̇ассананд̇и ад̇т̇о. д̇знааха ‘‘висуд̣̇д̇хисамбаабигаа…бз… бан̃жавид̇хааби ваа саммаад̣̇идтий’’д̇и. зд̇т̇ааби висуд̣̇д̇хисамбаабигаад̇и н̃аан̣ад̣̇ассанависуд̣̇д̇хияаа д̣̇ассананиб̣б̣аанасан̇каад̇ааяа барамад̇т̇ависуд̣̇д̇хияаа жа самбаабигаад̇и звамад̇т̇о д̣̇адтаб̣б̣о. абхид̇хаммз (д̇ха. са. 1373) банааяам̣ ‘‘д̇ад̇т̇а гад̇амаа д̣̇идтивисуд̣̇д̇хи? гаммассагад̇ан̃аан̣ам̣, сажжаануломигам̣ н̃аан̣ам̣, маг̇г̇асса маг̇г̇асаман̇г̇исса н̃аан̣ам̣, паласаман̇г̇исса н̃аан̣а’’нд̇и звам̣ вуд̇д̇ам̣.
Diṭṭhivisuddhīti visuddhiṃ pāpetuṃ samatthaṃ dassanañāṇaṃ dassanavisuddhi, paramatthavisuddhiṃ nibbānañca pāpetuṃ upanetuṃ samatthaṃ kammassakatañāṇādi sammādassananti attho. Tenāha ‘‘visuddhisampāpikā…pe… pañcavidhāpi vā sammādiṭṭhī’’ti. Etthāpi visuddhisampāpikāti ñāṇadassanavisuddhiyā dassananibbānasaṅkhātāya paramatthavisuddhiyā ca sampāpikāti evamattho daṭṭhabbo. Abhidhamme (dha. sa. 1373) panāyaṃ ‘‘tattha katamā diṭṭhivisuddhi? Kammassakatañāṇaṃ, saccānulomikaṃ ñāṇaṃ, maggassa maggasamaṅgissa ñāṇaṃ, phalasamaṅgissa ñāṇa’’nti evaṃ vuttaṃ.
зд̇т̇а жа ид̣̇ам̣ агусалагаммам̣ но сагам̣, ид̣̇ам̣ бана гаммам̣ саганд̇и звам̣ б̣яад̇ирзгад̇о анваяад̇о жа гаммассагад̇аж̇аананан̃аан̣ам̣ гаммассагад̇ан̃аан̣ам̣. д̇ивид̇хад̣̇ужжарид̇ан̃хи ад̇д̇анаа гад̇амби барзна гад̇амби но сагагаммам̣ наама ход̇и ад̇т̇абхан̃ж̇анад̇о, сужарид̇ам̣ сагагаммам̣ наама ад̇т̇аж̇ананад̇о. вибассанаан̃аан̣ам̣ бана важийсажжан̃жа ануломзд̇и, барамад̇т̇асажжан̃жа на виломзд̇ийд̇и сажжаануломиган̃аан̣анд̇и вуд̇д̇ам̣. вибассанаан̃аан̣ан̃хи лагкан̣аани бадивиж̇жханад̇т̇ам̣ аарамбхагаалз ‘‘анижжам̣ д̣̇угкам̣ анад̇д̇аа’’д̇и бавад̇д̇ам̣ важийсажжан̃жа ануломзд̇и, д̇ат̇зва бадивиж̇жханад̇о барамад̇т̇асажжам̣ ниб̣б̣аанан̃жа на виломзд̇и на вираад̇хзд̇и зганд̇знзва самбаабанад̇о.
Ettha ca idaṃ akusalakammaṃ no sakaṃ, idaṃ pana kammaṃ sakanti evaṃ byatirekato anvayato ca kammassakatajānanañāṇaṃ kammassakatañāṇaṃ. Tividhaduccaritañhi attanā katampi parena katampi no sakakammaṃ nāma hoti atthabhañjanato, sucaritaṃ sakakammaṃ nāma atthajananato. Vipassanāñāṇaṃ pana vacīsaccañca anulometi, paramatthasaccañca na vilometīti saccānulomikañāṇanti vuttaṃ. Vipassanāñāṇañhi lakkhaṇāni paṭivijjhanatthaṃ ārambhakāle ‘‘aniccaṃ dukkhaṃ anattā’’ti pavattaṃ vacīsaccañca anulometi, tatheva paṭivijjhanato paramatthasaccaṃ nibbānañca na vilometi na virādheti ekanteneva sampāpanato.
177. жуд̣̇д̣̇асамз д̣̇идтивисуд̣̇д̇хийд̇и батамамаг̇г̇асаммаад̣̇идти вуд̇д̇аа. яат̇аад̣̇идтисса жа бад̇хаананд̇и д̇ам̣самбаяуд̇д̇амзва вийрияам̣. д̇знзва д̣̇ийгханигааяадтагат̇ааяам̣ (д̣̇ий. ни. адта. 3.304) ‘‘д̣̇идтивисуд̣̇д̇хийд̇и н̃аан̣ад̣̇ассанам̣ гат̇ид̇ам̣. яат̇аад̣̇идтисса жа бад̇хаананд̇и д̇ам̣самбаяуд̇д̇амзва вийрияа’’нд̇и вуд̇д̇ам̣. зд̇т̇а хи н̃аан̣ад̣̇ассананд̇и н̃аан̣абхууд̇ам̣ д̣̇ассанам̣. д̇зна д̣̇ассанамаг̇г̇ам̣ вад̣̇ад̇и. д̇ам̣самбаяуд̇д̇амзва вийрияанд̇и батамамаг̇г̇асамбаяуд̇д̇авийрияамааха. абижа д̣̇идтивисуд̣̇д̇хийд̇и саб̣б̣ааби маг̇г̇асаммаад̣̇идти. яат̇аад̣̇идтисса жа бад̇хаананд̇и д̇ам̣самбаяуд̇д̇амзва вийрияам̣. д̇знзва д̣̇ийгханигааяадтагат̇ааяам̣ ‘‘абижа буримабад̣̇зна жад̇умаг̇г̇ан̃аан̣ам̣, бажчимабад̣̇зна д̇ам̣самбаяуд̇д̇ам̣ вийрияа’’нд̇и вуд̇д̇ам̣.
177. Cuddasame diṭṭhivisuddhīti paṭhamamaggasammādiṭṭhi vuttā. Yathādiṭṭhissa ca padhānanti taṃsampayuttameva vīriyaṃ. Teneva dīghanikāyaṭṭhakathāyaṃ (dī. ni. aṭṭha. 3.304) ‘‘diṭṭhivisuddhīti ñāṇadassanaṃ kathitaṃ. Yathādiṭṭhissa ca padhānanti taṃsampayuttameva vīriya’’nti vuttaṃ. Ettha hi ñāṇadassananti ñāṇabhūtaṃ dassanaṃ. Tena dassanamaggaṃ vadati. Taṃsampayuttameva vīriyanti paṭhamamaggasampayuttavīriyamāha. Apica diṭṭhivisuddhīti sabbāpi maggasammādiṭṭhi. Yathādiṭṭhissa ca padhānanti taṃsampayuttameva vīriyaṃ. Teneva dīghanikāyaṭṭhakathāyaṃ ‘‘apica purimapadena catumaggañāṇaṃ, pacchimapadena taṃsampayuttaṃ vīriya’’nti vuttaṃ.
ат̇а ваа д̣̇идтийвисуд̣̇д̇хийд̇и гаммассагад̇ан̃аан̣аад̣̇исан̇каад̇аа саб̣б̣ааби саммаад̣̇идти вуд̇д̇аа. яат̇аад̣̇идтисса жа бад̇хаананд̇и яо жзд̇асиго вийрияаарамбхо…бз… саммаавааяаамод̇и. аяамзва баал̣ияаа самзд̇и. абхид̇хаммз хи ‘‘д̣̇идтивисуд̣̇д̇хи ко банаад̇и яаа бан̃н̃аа баж̇аананаа…бз… амохо д̇хаммавижаяо саммаад̣̇идти. яат̇аад̣̇идтисса жа бад̇хаананд̇и яо жзд̇асиго вийрияаарамбхо…бз… саммаавааяаамо’’д̇и звамаяам̣ д̣̇уго вибхад̇д̇о. д̇знзва абхид̇хаммадтагат̇ааяам̣ (д̇ха. са. адта. 1374) ‘‘яаа бан̃н̃аа баж̇аананаад̇иаад̣̇ийхи хздтаа вуд̇д̇аани гаммассагад̇ан̃аан̣аад̣̇ийнзва жад̇д̇аари н̃аан̣аани вибхад̇д̇аани. ‘яо жзд̇асиго вийрияаарамбхо’д̇иаад̣̇ийхи бад̣̇зхи нид̣̇д̣̇идтам̣ вийрияам̣ г̇ахид̇ам̣ бан̃н̃ааяа логияадтаанз логияам̣, логуд̇д̇арадтаанз логуд̇д̇ара’’нд̇и вуд̇д̇ам̣.
Atha vā diṭṭhīvisuddhīti kammassakatañāṇādisaṅkhātā sabbāpi sammādiṭṭhi vuttā. Yathādiṭṭhissa ca padhānanti yo cetasiko vīriyārambho…pe… sammāvāyāmoti. Ayameva pāḷiyā sameti. Abhidhamme hi ‘‘diṭṭhivisuddhi kho panāti yā paññā pajānanā…pe… amoho dhammavicayo sammādiṭṭhi. Yathādiṭṭhissa ca padhānanti yo cetasiko vīriyārambho…pe… sammāvāyāmo’’ti evamayaṃ duko vibhatto. Teneva abhidhammaṭṭhakathāyaṃ (dha. sa. aṭṭha. 1374) ‘‘yā paññā pajānanātiādīhi heṭṭhā vuttāni kammassakatañāṇādīneva cattāri ñāṇāni vibhattāni. ‘Yo cetasiko vīriyārambho’tiādīhi padehi niddiṭṭhaṃ vīriyaṃ gahitaṃ paññāya lokiyaṭṭhāne lokiyaṃ, lokuttaraṭṭhāne lokuttara’’nti vuttaṃ.
ид̇хааби висуд̣̇д̇хисамбаабигаа жад̇умаг̇г̇асаммаад̣̇идти, бан̃жавид̇хааби ваа саммаад̣̇идти д̣̇идтивисуд̣̇д̇хийд̇и ад̇хиббааязна ‘‘д̣̇идтивисуд̣̇д̇хийд̇и висуд̣̇д̇хисамбаабигаа саммаад̣̇идтиязваа’’д̇и вуд̇д̇ам̣. хздтимамаг̇г̇асамбаяуд̇д̇ам̣ вийрияанд̇и ид̣̇ам̣ бана ‘‘яат̇аад̣̇идтисса жа бад̇хаананд̇и батамамаг̇г̇асамбаяуд̇д̇ам̣ вийрияанд̇и вуд̇д̇а’’нд̇и ад̇хиббааязна вад̣̇ад̇и. зд̇т̇а жа д̇ам̣д̇ам̣бхаан̣агаанам̣ мад̇абхзд̣̇знааяам̣ ван̣н̣анаабхзд̣̇од̇и на адтагат̇ааважанаанам̣ ан̃н̃аман̃н̃авирод̇хо сан̇гид̇аб̣б̣о. ат̇а яат̇аад̣̇идтисса жа бад̇хаананд̇и хздтимамаг̇г̇асамбаяуд̇д̇амзва вийрияам̣ гасмаа вуд̇д̇анд̇и ааха ‘‘д̇ан̃хи д̇ассаа д̣̇идтияаа ануруубад̇д̇аа’’д̇иаад̣̇и. д̇ад̇т̇а д̇ассаа д̣̇идтияаад̇и хздтимамаг̇г̇асамбаяуд̇д̇ааяа д̣̇идтияаа. яат̇аад̣̇идтиссаад̇и ануруубад̣̇идтисса галяаан̣ад̣̇идтисса ниб̣б̣ад̇д̇ид̇аббагаарад̣̇идтисса ваа ниб̣б̣ад̇д̇зд̇аб̣б̣абад̇хаанаануруубад̣̇идтисса яат̇аад̣̇идтиббавад̇д̇агирияасса ваад̇и звамбзд̇т̇а ад̇т̇ам̣ сам̣ван̣н̣аяанд̇и.
Idhāpi visuddhisampāpikā catumaggasammādiṭṭhi, pañcavidhāpi vā sammādiṭṭhi diṭṭhivisuddhīti adhippāyena ‘‘diṭṭhivisuddhīti visuddhisampāpikā sammādiṭṭhiyevā’’ti vuttaṃ. Heṭṭhimamaggasampayuttaṃ vīriyanti idaṃ pana ‘‘yathādiṭṭhissa ca padhānanti paṭhamamaggasampayuttaṃ vīriyanti vutta’’nti adhippāyena vadati. Ettha ca taṃtaṃbhāṇakānaṃ matabhedenāyaṃ vaṇṇanābhedoti na aṭṭhakathāvacanānaṃ aññamaññavirodho saṅkitabbo. Atha yathādiṭṭhissa ca padhānanti heṭṭhimamaggasampayuttameva vīriyaṃ kasmā vuttanti āha ‘‘tañhi tassā diṭṭhiyā anurūpattā’’tiādi. Tattha tassā diṭṭhiyāti heṭṭhimamaggasampayuttāya diṭṭhiyā. Yathādiṭṭhissāti anurūpadiṭṭhissa kalyāṇadiṭṭhissa nibbattitappakāradiṭṭhissa vā nibbattetabbapadhānānurūpadiṭṭhissa yathādiṭṭhippavattakiriyassa vāti evampettha atthaṃ saṃvaṇṇayanti.
178. баннарасамз самад̇д̇ам̣ д̇уссанам̣ д̇ид̇д̇и санд̇удти, над̇т̇и зд̇асса санд̇удтийд̇и асанд̇удти, асанд̇удтисса бхааво асанд̇удтид̇аа. яаа гусалаанам̣ д̇хаммаанам̣ бхааванааяа асанд̇удтасса бхияяогамяад̇аа, д̇ассаа зд̇ам̣ ад̇хиважанам̣. д̇ааяа хи саман̇г̇ибхууд̇о буг̇г̇ало сийлам̣ буурзд̇ваа жхаанам̣ уббаад̣̇зд̇и, жхаанам̣ лабхид̇ваа вибассанам̣ аарабхад̇и, аарад̣̇д̇хавибассаго арахад̇д̇ам̣ аг̇г̇ахзд̇ваа анд̇араа восаанам̣ наабаж̇ж̇ад̇и, ‘‘аламзд̇д̇аавад̇аа гад̇амзд̇д̇аавад̇аа’’д̇и сан̇гожам̣ на баабун̣аад̇и. д̇знааха ‘‘ан̃н̃ад̇ра арахад̇д̇амаг̇г̇аа гусалзсу д̇хаммзсу асанд̇удтибхааво’’д̇и. д̇ад̇ра ан̃н̃ад̇ра арахад̇д̇амаг̇г̇аад̇и арахад̇д̇амаг̇г̇асамбад̇д̇ам̣ винаад̇и ад̇т̇о. ‘‘аббадиваанид̇аа жа бад̇хаанасми’’нд̇и ид̣̇ам̣ хздтаа вуд̇д̇анаяад̇д̇аа уд̇д̇аанад̇т̇амзваад̇и на вибхад̇д̇ам̣.
178. Pannarasame samattaṃ tussanaṃ titti santuṭṭhi, natthi etassa santuṭṭhīti asantuṭṭhi, asantuṭṭhissa bhāvo asantuṭṭhitā. Yā kusalānaṃ dhammānaṃ bhāvanāya asantuṭṭhassa bhiyyokamyatā, tassā etaṃ adhivacanaṃ. Tāya hi samaṅgibhūto puggalo sīlaṃ pūretvā jhānaṃ uppādeti, jhānaṃ labhitvā vipassanaṃ ārabhati, āraddhavipassako arahattaṃ aggahetvā antarā vosānaṃ nāpajjati, ‘‘alamettāvatā katamettāvatā’’ti saṅkocaṃ na pāpuṇāti. Tenāha ‘‘aññatra arahattamaggā kusalesu dhammesu asantuṭṭhibhāvo’’ti. Tatra aññatra arahattamaggāti arahattamaggasampattaṃ vināti attho. ‘‘Appaṭivānitā ca padhānasmi’’nti idaṃ heṭṭhā vuttanayattā uttānatthamevāti na vibhattaṃ.
179. сол̣асамз мудтаа надтаа сад̇и зд̇ассаад̇и мудтассад̇и, д̇асса бхааво мудтассажжанд̇и ааха ‘‘мудтассажжанд̇и мудтассад̇ибхааво’’д̇и. мудтассад̇ибхаавод̇и жа сад̇иббадибагко д̇хаммо, на сад̇ияаа абхаавамад̇д̇ам̣. асамбаж̇ан̃н̃анд̇и ‘‘д̇ад̇т̇а гад̇амам̣ асамбаж̇ан̃н̃ам̣? яам̣ ан̃н̃аан̣ам̣ ад̣̇ассанам̣…бз… авиж̇ж̇аалан̇гхий мохо агусаламуула’’нд̇и (д̇ха. са. 1357) звам̣ вуд̇д̇аа авиж̇ж̇ааязва. д̇ат̇аа хи виж̇ж̇аабадибагко авиж̇ж̇аа виж̇ж̇ааяа бахаад̇аб̣б̣ад̇о, звам̣ самбаж̇ан̃н̃аббадибагко асамбаж̇ан̃н̃ам̣ . яасмаа бана самбаж̇ан̃н̃аббадибагкз сад̇и д̇асса васзна н̃аан̣асса абхааво ход̇и, д̇асмаа вуд̇д̇ам̣ ‘‘ан̃н̃аан̣абхааво’’д̇и.
179. Soḷasame muṭṭhā naṭṭhā sati etassāti muṭṭhassati, tassa bhāvo muṭṭhassaccanti āha ‘‘muṭṭhassaccanti muṭṭhassatibhāvo’’ti. Muṭṭhassatibhāvoti ca satippaṭipakkho dhammo, na satiyā abhāvamattaṃ. Asampajaññanti ‘‘tattha katamaṃ asampajaññaṃ? Yaṃ aññāṇaṃ adassanaṃ…pe… avijjālaṅghī moho akusalamūla’’nti (dha. sa. 1357) evaṃ vuttā avijjāyeva. Tathā hi vijjāpaṭipakkho avijjā vijjāya pahātabbato, evaṃ sampajaññappaṭipakkho asampajaññaṃ . Yasmā pana sampajaññappaṭipakkhe sati tassa vasena ñāṇassa abhāvo hoti, tasmā vuttaṃ ‘‘aññāṇabhāvo’’ti.
180. сад̇д̇арасамз абилаабаналагкан̣аа сад̇ийд̇и уд̣̇агз лааб̣у вияа язна жид̇д̇ам̣ аарамман̣з билавид̇ваа вияа д̇идтад̇и, на ог̇аахад̇и, д̇ам̣ билаабанам̣. на билаабанам̣ абилаабанам̣, д̇ам̣ лагкан̣ам̣ сабхааво зд̇иссаад̇и абилаабаналагкан̣аа.
180. Sattarasame apilāpanalakkhaṇā satīti udake lābu viya yena cittaṃ ārammaṇe pilavitvā viya tiṭṭhati, na ogāhati, taṃ pilāpanaṃ. Na pilāpanaṃ apilāpanaṃ, taṃ lakkhaṇaṃ sabhāvo etissāti apilāpanalakkhaṇā.
самаабад̇д̇иваг̇г̇аван̣н̣анаа нидтид̇аа.
Samāpattivaggavaṇṇanā niṭṭhitā.
д̇ад̇ияабан̣н̣аасагам̣ нидтид̇ам̣.
Tatiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (15) 5. самаабад̇д̇иваг̇г̇о • (15) 5. Samāpattivaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (15) 5. самаабад̇д̇иваг̇г̇аван̣н̣анаа • (15) 5. Samāpattivaggavaṇṇanā
