| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੧੫) ੫. ਸਮਾਪਤ੍ਤਿવਗ੍ਗવਣ੍ਣਨਾ
(15) 5. Samāpattivaggavaṇṇanā
੧੬੪. ਪਞ੍ਚਮਸ੍ਸ ਪਠਮੇ ਸਮਾਪਤ੍ਤਿਕੁਸਲਤਾਤਿ ਆਹਾਰਸਪ੍ਪਾਯਂ ਉਤੁਸਪ੍ਪਾਯਂ ਪਰਿਗ੍ਗਣ੍ਹਿਤ੍વਾ ਸਮਾਪਤ੍ਤਿਸਮਾਪਜ੍ਜਨੇ ਛੇਕਤਾ। ਸਮਾਪਤ੍ਤਿવੁਟ੍ਠਾਨਕੁਸਲਤਾਤਿ ਯਥਾਪਰਿਚ੍ਛੇਦੇਨ ਗਤੇ ਕਾਲੇ વਿਯਤ੍ਤੋ ਹੁਤ੍વਾ ਉਟ੍ਠਹਨ੍ਤੋ વੁਟ੍ਠਾਨਕੁਸਲੋ ਨਾਮ ਹੋਤਿ, ਏવਂ ਕੁਸਲਤਾ।
164. Pañcamassa paṭhame samāpattikusalatāti āhārasappāyaṃ utusappāyaṃ pariggaṇhitvā samāpattisamāpajjane chekatā. Samāpattivuṭṭhānakusalatāti yathāparicchedena gate kāle viyatto hutvā uṭṭhahanto vuṭṭhānakusalo nāma hoti, evaṃ kusalatā.
੧੬੫. ਦੁਤਿਯੇ ਅਜ੍ਜવਨ੍ਤਿ ਉਜੁਭਾવੋ। ਮਦ੍ਦવਨ੍ਤਿ ਮੁਦੁਭਾવੋ।
165. Dutiye ajjavanti ujubhāvo. Maddavanti mudubhāvo.
੧੬੬. ਤਤਿਯੇ ਖਨ੍ਤੀਤਿ ਅਧਿવਾਸਨਖਨ੍ਤਿ। ਸੋਰਚ੍ਚਨ੍ਤਿ ਸੁਸੀਲ੍ਯਭਾવੇਨ ਸੁਰਤਭਾવੋ।
166. Tatiye khantīti adhivāsanakhanti. Soraccanti susīlyabhāvena suratabhāvo.
੧੬੭. ਚਤੁਤ੍ਥੇ ਸਾਖਲ੍ਯਨ੍ਤਿ ਸਣ੍ਹવਾਚਾવਸੇਨ ਸਮ੍ਮੋਦਮਾਨਭਾવੋ। ਪਟਿਸਨ੍ਥਾਰੋਤਿ ਆਮਿਸੇਨ વਾ ਧਮ੍ਮੇਨ વਾ ਪਟਿਸਨ੍ਥਰਣਂ।
167. Catutthe sākhalyanti saṇhavācāvasena sammodamānabhāvo. Paṭisanthāroti āmisena vā dhammena vā paṭisantharaṇaṃ.
੧੬੮. ਪਞ੍ਚਮੇ ਅવਿਹਿਂਸਾਤਿ ਕਰੁਣਾਪੁਬ੍ਬਭਾਗੋ। ਸੋਚੇਯ੍ਯਨ੍ਤਿ ਸੀਲવਸੇਨ ਸੁਚਿਭਾવੋ। ਛਟ੍ਠਸਤ੍ਤਮਾਨਿ ਉਤ੍ਤਾਨਤ੍ਥਾਨੇવ।
168. Pañcame avihiṃsāti karuṇāpubbabhāgo. Soceyyanti sīlavasena sucibhāvo. Chaṭṭhasattamāni uttānatthāneva.
੧੭੧. ਅਟ੍ਠਮੇ ਪਟਿਸਙ੍ਖਾਨਬਲਨ੍ਤਿ ਪਚ੍ਚવੇਕ੍ਖਣਬਲਂ।
171. Aṭṭhame paṭisaṅkhānabalanti paccavekkhaṇabalaṃ.
੧੭੨. ਨવਮੇ ਮੁਟ੍ਠਸ੍ਸਚ੍ਚੇ ਅਕਮ੍ਪਨੇਨ ਸਤਿਯੇવ ਸਤਿਬਲਂ। ਉਦ੍ਧਚ੍ਚੇ ਅਕਮ੍ਪਨੇਨ ਸਮਾਧਿਯੇવ ਸਮਾਧਿਬਲਂ।
172. Navame muṭṭhassacce akampanena satiyeva satibalaṃ. Uddhacce akampanena samādhiyeva samādhibalaṃ.
੧੭੩. ਦਸਮੇ ਸਮਥੋਤਿ ਚਿਤ੍ਤੇਕਗ੍ਗਤਾ। વਿਪਸ੍ਸਨਾਤਿ ਸਙ੍ਖਾਰਪਰਿਗ੍ਗਾਹਕਞ੍ਞਾਣਂ।
173. Dasame samathoti cittekaggatā. Vipassanāti saṅkhārapariggāhakaññāṇaṃ.
੧੭੪. ਏਕਾਦਸਮੇ ਸੀਲવਿਪਤ੍ਤੀਤਿ ਦੁਸ੍ਸੀਲ੍ਯਂ। ਦਿਟ੍ਠਿવਿਪਤ੍ਤੀਤਿ ਮਿਚ੍ਛਾਦਿਟ੍ਠਿ।
174. Ekādasame sīlavipattīti dussīlyaṃ. Diṭṭhivipattīti micchādiṭṭhi.
੧੭੫. ਦ੍વਾਦਸਮੇ ਸੀਲਸਮ੍ਪਦਾਤਿ ਪਰਿਪੁਣ੍ਣਸੀਲਤਾ। ਦਿਟ੍ਠਿਸਮ੍ਪਦਾਤਿ ਸਮ੍ਮਾਦਿਟ੍ਠਿਕਭਾવੋ। ਤੇਨ ਕਮ੍ਮਸ੍ਸਕਤਸਮ੍ਮਾਦਿਟ੍ਠਿ, ਝਾਨਸਮ੍ਮਾਦਿਟ੍ਠਿ, વਿਪਸ੍ਸਨਾਸਮ੍ਮਾਦਿਟ੍ਠਿ, ਮਗ੍ਗਸਮ੍ਮਾਦਿਟ੍ਠਿ, ਫਲਸਮ੍ਮਾਦਿਟ੍ਠੀਤਿ ਸਬ੍ਬਾਪਿ ਪਞ੍ਚવਿਧਾ ਸਮ੍ਮਾਦਿਟ੍ਠਿ ਸਙ੍ਗਹਿਤਾ ਹੋਤਿ।
175. Dvādasame sīlasampadāti paripuṇṇasīlatā. Diṭṭhisampadāti sammādiṭṭhikabhāvo. Tena kammassakatasammādiṭṭhi, jhānasammādiṭṭhi, vipassanāsammādiṭṭhi, maggasammādiṭṭhi, phalasammādiṭṭhīti sabbāpi pañcavidhā sammādiṭṭhi saṅgahitā hoti.
੧੭੬. ਤੇਰਸਮੇ ਸੀਲવਿਸੁਦ੍ਧੀਤਿ વਿਸੁਦ੍ਧਿਸਮ੍ਪਾਪਕਂ ਸੀਲਂ। ਦਿਟ੍ਠਿવਿਸੁਦ੍ਧੀਤਿ વਿਸੁਦ੍ਧਿਸਮ੍ਪਾਪਿਕਾ ਚਤੁਮਗ੍ਗਸਮ੍ਮਾਦਿਟ੍ਠਿ, ਪਞ੍ਚવਿਧਾਪਿ વਾ ਸਮ੍ਮਾਦਿਟ੍ਠਿ।
176. Terasame sīlavisuddhīti visuddhisampāpakaṃ sīlaṃ. Diṭṭhivisuddhīti visuddhisampāpikā catumaggasammādiṭṭhi, pañcavidhāpi vā sammādiṭṭhi.
੧੭੭. ਚੁਦ੍ਦਸਮੇ ਦਿਟ੍ਠਿવਿਸੁਦ੍ਧੀਤਿ વਿਸੁਦ੍ਧਿਸਮ੍ਪਾਪਿਕਾ ਸਮ੍ਮਾਦਿਟ੍ਠਿਯੇવ। ਯਥਾਦਿਟ੍ਠਿਸ੍ਸ ਚ ਪਧਾਨਨ੍ਤਿ ਹੇਟ੍ਠਿਮਮਗ੍ਗਸਮ੍ਪਯੁਤ੍ਤਂ વੀਰਿਯਂ। ਤਞ੍ਹਿ ਤਸ੍ਸਾ ਦਿਟ੍ਠਿਯਾ ਅਨੁਰੂਪਤ੍ਤਾ ‘‘ਯਥਾਦਿਟ੍ਠਿਸ੍ਸ ਚ ਪਧਾਨ’’ਨ੍ਤਿ વੁਤ੍ਤਂ।
177. Cuddasame diṭṭhivisuddhīti visuddhisampāpikā sammādiṭṭhiyeva. Yathādiṭṭhissa ca padhānanti heṭṭhimamaggasampayuttaṃ vīriyaṃ. Tañhi tassā diṭṭhiyā anurūpattā ‘‘yathādiṭṭhissa ca padhāna’’nti vuttaṃ.
੧੭੮. ਪਨ੍ਨਰਸਮੇ ਅਸਨ੍ਤੁਟ੍ਠਿਤਾ ਚ ਕੁਸਲੇਸੁ ਧਮ੍ਮੇਸੂਤਿ ਅਞ੍ਞਤ੍ਰ ਅਰਹਤ੍ਤਮਗ੍ਗਾ ਕੁਸਲੇਸੁ ਧਮ੍ਮੇਸੁ ਅਸਨ੍ਤੁਟ੍ਠਿਭਾવੋ।
178. Pannarasame asantuṭṭhitā ca kusalesu dhammesūti aññatra arahattamaggā kusalesu dhammesu asantuṭṭhibhāvo.
੧੭੯. ਸੋਲ਼ਸਮੇ ਮੁਟ੍ਠਸ੍ਸਚ੍ਚਨ੍ਤਿ ਮੁਟ੍ਠਸ੍ਸਤਿਭਾવੋ। ਅਸਮ੍ਪਜਞ੍ਞਨ੍ਤਿ ਅਞ੍ਞਾਣਭਾવੋ।
179. Soḷasame muṭṭhassaccanti muṭṭhassatibhāvo. Asampajaññanti aññāṇabhāvo.
੧੮੦. ਸਤ੍ਤਰਸਮੇ ਅਪਿਲਾਪਨਲਕ੍ਖਣਾ ਸਤਿ। ਸਮ੍ਮਾ ਪਜਾਨਨਲਕ੍ਖਣਂ ਸਮ੍ਪਜਞ੍ਞਨ੍ਤਿ।
180. Sattarasame apilāpanalakkhaṇā sati. Sammā pajānanalakkhaṇaṃ sampajaññanti.
ਸਮਾਪਤ੍ਤਿવਗ੍ਗੋ ਪਞ੍ਚਮੋ। ਤਤਿਯਪਣ੍ਣਾਸਕਂ ਨਿਟ੍ਠਿਤਂ।
Samāpattivaggo pañcamo. Tatiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੧੫) ੫. ਸਮਾਪਤ੍ਤਿવਗ੍ਗੋ • (15) 5. Samāpattivaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੧੫) ੫. ਸਮਾਪਤ੍ਤਿવਗ੍ਗવਣ੍ਣਨਾ • (15) 5. Samāpattivaggavaṇṇanā
