| Library / Tipiṭaka / திபிடக • Tipiṭaka / நெத்திவிபா⁴வினீ • Nettivibhāvinī |
16. ஸமாரோபனஹாரஸம்பாதவிபா⁴வனா
16. Samāropanahārasampātavibhāvanā
78. ‘‘தஸ்மா ரக்கி²தசித்தஸ்ஸா’’தி பதே³ன யங் ரக்கி²தசித்தங் வுத்தங், தங் ரக்கி²தசித்தங் திண்ணங் ஸுசரிதானங் கம்மானங் பத³ட்டா²னங். ஸம்மாதி³ட்டி²யா பா⁴விதாய அரியோ அட்ட²ங்கி³கோ மக்³கோ³ பா⁴விதோ ப⁴வதி ஏகதோ பா⁴விதப்³ப³த்தா, பத³ட்டா²னகாரணத்தா ச. தேன வுத்தங் – ‘‘ஸம்மாதி³ட்டி²தோ ஹீ’’திஆதி³. யஸ்ஸ அரஹதோ ஸமாதி⁴விமுத்தி ப⁴வதி, அயங் அரஹா அனுபாதி³ஸேஸோ புக்³க³லோ, அயங் ஸமாதி⁴விமுத்தி அனுபாதி³ஸேஸா நிப்³பா³னதா⁴து.
78.‘‘Tasmārakkhitacittassā’’ti padena yaṃ rakkhitacittaṃ vuttaṃ, taṃ rakkhitacittaṃ tiṇṇaṃ sucaritānaṃ kammānaṃ padaṭṭhānaṃ. Sammādiṭṭhiyā bhāvitāya ariyo aṭṭhaṅgiko maggo bhāvito bhavati ekato bhāvitabbattā, padaṭṭhānakāraṇattā ca. Tena vuttaṃ – ‘‘sammādiṭṭhito hī’’tiādi. Yassa arahato samādhivimutti bhavati, ayaṃ arahā anupādiseso puggalo, ayaṃ samādhivimutti anupādisesā nibbānadhātu.
‘‘தே³ஸனாஹாரஸம்பாதாதி³கோ ஹாரஸம்பாதோ யேன ஸோளஸப்பபே⁴த³பா⁴வேன ஸுத்தப்பதே³ஸத்தே² நித்³தா⁴ரெத்வா யுஜ்ஜிதோ, ஸோளஸப்பபே⁴த³பா⁴வோ கேன அம்ஹேஹி ஸத்³த³ஹிதப்³போ³’’தி வத்தப்³ப³த்தா ‘‘தேனாஹா’’திஆதி³ வுத்தங். தேன ஸோளஸப்பபே⁴த³பா⁴வேன ஆயஸ்மா மஹாகச்சானோ ‘‘ஸோளஸ…பே॰… ஸுத்த’’ந்தி யங் வசனங் ஆஹ, தேன வசனேன ஸோளஸப்பபே⁴த³பா⁴வோ தும்ஹேஹி ஸத்³த³ஹிதப்³போ³.
‘‘Desanāhārasampātādiko hārasampāto yena soḷasappabhedabhāvena suttappadesatthe niddhāretvā yujjito, soḷasappabhedabhāvo kena amhehi saddahitabbo’’ti vattabbattā ‘‘tenāhā’’tiādi vuttaṃ. Tena soḷasappabhedabhāvena āyasmā mahākaccāno ‘‘soḷasa…pe… sutta’’nti yaṃ vacanaṃ āha, tena vacanena soḷasappabhedabhāvo tumhehi saddahitabbo.
‘‘எத்தகோவ ஹாரஸம்பாதோ பரிபுண்ணோ’’தி வத்தப்³ப³த்தா ‘‘நியுத்தோ ஹாரஸம்பாதோ’’தி வுத்தங். யேன யேன ஸங்வண்ணனாவிஸேஸபூ⁴தேன தே³ஸனாஹாரஸம்பாதேன ஸுத்தப்பதே³ஸத்தா² நித்³தா⁴ரிதா, ஸோ ஸோ ஸங்வண்ணனாவிஸேஸபூ⁴தோ தே³ஸனாஹாரஸம்பாதாதி³ஹாரஸம்பாதோ நியுத்தோ யதா²ரஹங் நித்³தா⁴ரெத்வா யுஜ்ஜிதப்³போ³தி அத்தோ² க³ஹேதப்³போ³, அட்ட²கதா²யஞ்ச (நெத்தி॰ அட்ட²॰ 73, 76) ததா² நித்³தா⁴ரெத்வா யுஜ்ஜிதோதி.
‘‘Ettakova hārasampāto paripuṇṇo’’ti vattabbattā ‘‘niyutto hārasampāto’’ti vuttaṃ. Yena yena saṃvaṇṇanāvisesabhūtena desanāhārasampātena suttappadesatthā niddhāritā, so so saṃvaṇṇanāvisesabhūto desanāhārasampātādihārasampāto niyutto yathārahaṃ niddhāretvā yujjitabboti attho gahetabbo, aṭṭhakathāyañca (netti. aṭṭha. 73, 76) tathā niddhāretvā yujjitoti.
இதி தே³ஸனாஹாரஸம்பாதாதி³ஹாரஸம்பாதே ஸத்திப³லானுரூபா
Iti desanāhārasampātādihārasampāte sattibalānurūpā
ரசிதா விபா⁴வனா நிட்டி²தா.
Racitā vibhāvanā niṭṭhitā.
பண்டி³தேஹி பன அட்ட²கதா²டீகானுஸாரேன க³ம்பீ⁴ரத்தோ² வித்தா²ரதோ விப⁴ஜித்வா க³ஹேதப்³போ³தி.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 16. ஸமாரோபனஹாரஸம்பாதோ • 16. Samāropanahārasampāto
