| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
16. самааробанахаарасамбаад̇авибхааванаа
16. Samāropanahārasampātavibhāvanā
78. ‘‘д̇асмаа рагкид̇ажид̇д̇ассаа’’д̇и бад̣̇зна яам̣ рагкид̇ажид̇д̇ам̣ вуд̇д̇ам̣, д̇ам̣ рагкид̇ажид̇д̇ам̣ д̇ин̣н̣ам̣ сужарид̇аанам̣ гаммаанам̣ бад̣̇адтаанам̣. саммаад̣̇идтияаа бхаавид̇ааяа арияо адтан̇г̇иго маг̇г̇о бхаавид̇о бхавад̇и згад̇о бхаавид̇аб̣б̣ад̇д̇аа, бад̣̇адтаанагааран̣ад̇д̇аа жа. д̇зна вуд̇д̇ам̣ – ‘‘саммаад̣̇идтид̇о хий’’д̇иаад̣̇и. яасса арахад̇о самаад̇хивимуд̇д̇и бхавад̇и, аяам̣ арахаа анубаад̣̇исзсо буг̇г̇ало, аяам̣ самаад̇хивимуд̇д̇и анубаад̣̇исзсаа ниб̣б̣аанад̇хаад̇у.
78.‘‘Tasmārakkhitacittassā’’ti padena yaṃ rakkhitacittaṃ vuttaṃ, taṃ rakkhitacittaṃ tiṇṇaṃ sucaritānaṃ kammānaṃ padaṭṭhānaṃ. Sammādiṭṭhiyā bhāvitāya ariyo aṭṭhaṅgiko maggo bhāvito bhavati ekato bhāvitabbattā, padaṭṭhānakāraṇattā ca. Tena vuttaṃ – ‘‘sammādiṭṭhito hī’’tiādi. Yassa arahato samādhivimutti bhavati, ayaṃ arahā anupādiseso puggalo, ayaṃ samādhivimutti anupādisesā nibbānadhātu.
‘‘д̣̇зсанаахаарасамбаад̇аад̣̇иго хаарасамбаад̇о язна сол̣асаббабхзд̣̇абхаавзна суд̇д̇аббад̣̇зсад̇т̇з нид̣̇д̇хаарзд̇ваа яуж̇ж̇ид̇о, сол̣асаббабхзд̣̇абхааво гзна амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇зна сол̣асаббабхзд̣̇абхаавзна ааяасмаа махаагажжаано ‘‘сол̣аса…бз… суд̇д̇а’’нд̇и яам̣ важанам̣ ааха, д̇зна важанзна сол̣асаббабхзд̣̇абхааво д̇умхзхи сад̣̇д̣̇ахид̇аб̣б̣о.
‘‘Desanāhārasampātādiko hārasampāto yena soḷasappabhedabhāvena suttappadesatthe niddhāretvā yujjito, soḷasappabhedabhāvo kena amhehi saddahitabbo’’ti vattabbattā ‘‘tenāhā’’tiādi vuttaṃ. Tena soḷasappabhedabhāvena āyasmā mahākaccāno ‘‘soḷasa…pe… sutta’’nti yaṃ vacanaṃ āha, tena vacanena soḷasappabhedabhāvo tumhehi saddahitabbo.
‘‘зд̇д̇агова хаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна д̣̇зсанаахаарасамбаад̇зна суд̇д̇аббад̣̇зсад̇т̇аа нид̣̇д̇хаарид̇аа, со со сам̣ван̣н̣анаависзсабхууд̇о д̣̇зсанаахаарасамбаад̇аад̣̇ихаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣о, адтагат̇ааяан̃жа (нзд̇д̇и. адта. 73, 76) д̇ат̇аа нид̣̇д̇хаарзд̇ваа яуж̇ж̇ид̇од̇и.
‘‘Ettakova hārasampāto paripuṇṇo’’ti vattabbattā ‘‘niyutto hārasampāto’’ti vuttaṃ. Yena yena saṃvaṇṇanāvisesabhūtena desanāhārasampātena suttappadesatthā niddhāritā, so so saṃvaṇṇanāvisesabhūto desanāhārasampātādihārasampāto niyutto yathārahaṃ niddhāretvā yujjitabboti attho gahetabbo, aṭṭhakathāyañca (netti. aṭṭha. 73, 76) tathā niddhāretvā yujjitoti.
ид̇и д̣̇зсанаахаарасамбаад̇аад̣̇ихаарасамбаад̇з сад̇д̇иб̣алаануруубаа
Iti desanāhārasampātādihārasampāte sattibalānurūpā
ражид̇аа вибхааванаа нидтид̇аа.
Racitā vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 16. самааробанахаарасамбаад̇о • 16. Samāropanahārasampāto
