| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā |
੧੬. ਸਮਾਰੋਪਨਹਾਰવਿਭਙ੍ਗવਣ੍ਣਨਾ
16. Samāropanahāravibhaṅgavaṇṇanā
੫੦. ਸੁਤ੍ਤੇਨ ਗਹਿਤੇਤਿ ਸੁਤ੍ਤੇ વੁਤ੍ਤੇ। ਪਦਟ੍ਠਾਨਗ੍ਗਹਣਂ ਅਧਿਟ੍ਠਾਨવਿਸਯਦਸ੍ਸਨਤ੍ਥਂ, વੇવਚਨਗ੍ਗਹਣਂ ਅਧਿવਚਨવਿਭਾਗਦਸ੍ਸਨਤ੍ਥਨ੍ਤਿ ਯੋਜਨਾ। વਿਸਯਾਧਿਟ੍ਠਾਨਭਾવਤੋਤਿ વਿਸਯਸਙ੍ਖਾਤਪવਤ੍ਤਿਟ੍ਠਾਨਭਾવਤੋ। વਨੀਯਤੀਤਿ ਭਜੀਯਤਿ। વਨਤੀਤਿ ਭਜਤਿ ਸੇવਤਿ। વਨੁਤੇਤਿ ਯਾਚਤਿ, ਪਤ੍ਥੇਤੀਤਿ ਅਤ੍ਥੋ । ਪਞ੍ਚ ਕਾਮਗੁਣਾ ਕਾਮਤਣ੍ਹਾਯ ਕਾਰਣਂ ਹੋਤਿ ਆਰਮ੍ਮਣਪਚ੍ਚਯਤਾਯ। ਨਿਮਿਤ੍ਤਗ੍ਗਾਹੋ ਅਨੁਬ੍ਯਞ੍ਜਨਗ੍ਗਾਹਸ੍ਸ ਕਾਰਣਂ ਹੋਤਿ ਉਪਨਿਸ੍ਸਯਤਾਯਾਤਿ ਏવਂ ਸੇਸੇਸੁਪਿ ਯਥਾਰਹਂ ਕਾਰਣਤਾ વਤ੍ਤਬ੍ਬਾ।
50.Suttena gahiteti sutte vutte. Padaṭṭhānaggahaṇaṃ adhiṭṭhānavisayadassanatthaṃ, vevacanaggahaṇaṃ adhivacanavibhāgadassanatthanti yojanā. Visayādhiṭṭhānabhāvatoti visayasaṅkhātapavattiṭṭhānabhāvato. Vanīyatīti bhajīyati. Vanatīti bhajati sevati. Vanuteti yācati, patthetīti attho . Pañca kāmaguṇā kāmataṇhāya kāraṇaṃ hoti ārammaṇapaccayatāya. Nimittaggāho anubyañjanaggāhassa kāraṇaṃ hoti upanissayatāyāti evaṃ sesesupi yathārahaṃ kāraṇatā vattabbā.
੫੧. ‘‘ਕਾਯੇ ਕਾਯਾਨੁਪਸ੍ਸੀ વਿਹਰਾਹੀ’’ਤਿਆਦੀਸੁ ਯਂ વਤ੍ਤਬ੍ਬਂ, ਤਂ ਹੇਟ੍ਠਾ ਲਕ੍ਖਣਹਾਰવਿਭਙ੍ਗવਣ੍ਣਨਾਯਂ (ਨੇਤ੍ਤਿ॰ ਅਟ੍ਠ॰ ੨੩) વੁਤ੍ਤਨਯੇਨੇવ વੇਦਿਤਬ੍ਬਂ। ਅਯਂ ਪਨ વਿਸੇਸੋ – ਰੂਪਧਮ੍ਮਪਰਿਞ੍ਞਾਯਾਤਿ ਰੂਪੂਪਿਕવਿਞ੍ਞਾਣਟ੍ਠਿਤਿਪਰਿਞ੍ਞਾਯ।
51.‘‘Kāye kāyānupassī viharāhī’’tiādīsu yaṃ vattabbaṃ, taṃ heṭṭhā lakkhaṇahāravibhaṅgavaṇṇanāyaṃ (netti. aṭṭha. 23) vuttanayeneva veditabbaṃ. Ayaṃ pana viseso – rūpadhammapariññāyāti rūpūpikaviññāṇaṭṭhitipariññāya.
‘‘ਦੁਕ੍ਖ’’ਨ੍ਤਿ ਪਸ੍ਸਨ੍ਤੀ ਸਾ વੇਦਨਾਨੁਪਸ੍ਸਨਾਤਿ ਯੋਜੇਤਬ੍ਬਂ। વੇਦਨਾਹੇਤੁਪਰਿਞ੍ਞਾਯਾਤਿ ਫਸ੍ਸਪਰਿਞ੍ਞਾਯ। ‘‘વੇਦਨਾવਸੇਨਾ’’ਤਿ ਪਦੇਨ ਅਤ੍ਤਨਾ ਉਪ੍ਪਾਦਿਤਦੁਕ੍ਖવਸੇਨ। વੇਦਨਾਪਰਿਞ੍ਞਾਯਾਤਿ વੇਦਨੂਪਿਕવਿਞ੍ਞਾਣਟ੍ਠਿਤਿਪਰਿਞ੍ਞਾਯ। ਨਿਚ੍ਚਾਭਿਨਿવੇਸਪਟਿਪਕ੍ਖਤੋ ਅਨਿਚ੍ਚਾਨੁਪਸ੍ਸਨਾਯਾਤਿ ਅਧਿਪ੍ਪਾਯੋ। ਨਿਚ੍ਚਸਞ੍ਞਾਨਿਮਿਤ੍ਤਸ੍ਸਾਤਿ ਨਿਚ੍ਚਸਞ੍ਞਾਹੇਤੁਕਸ੍ਸ। ਸਞ੍ਞਾਪਰਿਞ੍ਞਾਯਾਤਿ ਸਞ੍ਞੂਪਿਕવਿਞ੍ਞਾਣਟ੍ਠਿਤਿਪਰਿਞ੍ਞਾਯ। ਪਠਮਮਗ੍ਗવਜ੍ਝਤ੍ਤਾ ਅਗਤਿਗਮਨਸ੍ਸ વੁਤ੍ਤਂ ‘‘ਦਿਟ੍ਠਾਭਿਨਿવੇਸਸ੍ਸ…ਪੇ॰… ਅਗਤਿਗਮਨਸ੍ਸ ਚਾ’’ਤਿ।
‘‘Dukkha’’nti passantī sā vedanānupassanāti yojetabbaṃ. Vedanāhetupariññāyāti phassapariññāya. ‘‘Vedanāvasenā’’ti padena attanā uppāditadukkhavasena. Vedanāpariññāyāti vedanūpikaviññāṇaṭṭhitipariññāya. Niccābhinivesapaṭipakkhato aniccānupassanāyāti adhippāyo. Niccasaññānimittassāti niccasaññāhetukassa. Saññāpariññāyāti saññūpikaviññāṇaṭṭhitipariññāya. Paṭhamamaggavajjhattā agatigamanassa vuttaṃ ‘‘diṭṭhābhinivesassa…pe… agatigamanassa cā’’ti.
ਸਙ੍ਖਾਰਪਰਿਞ੍ਞਾਯਾਤਿ ਸਙ੍ਖਾਰੂਪਿਕવਿਞ੍ਞਾਣਟ੍ਠਿਤਿਪਰਿਞ੍ਞਾਯ।
Saṅkhārapariññāyāti saṅkhārūpikaviññāṇaṭṭhitipariññāya.
ਸਮਾਰੋਪਨਹਾਰવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Samāropanahāravibhaṅgavaṇṇanā niṭṭhitā.
ਨਿਟ੍ਠਿਤਾ ਚ ਹਾਰવਿਭਙ੍ਗવਣ੍ਣਨਾ।
Niṭṭhitā ca hāravibhaṅgavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੧੬. ਸਮਾਰੋਪਨਹਾਰવਿਭਙ੍ਗੋ • 16. Samāropanahāravibhaṅgo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ੧੬. ਸਮਾਰੋਪਨਹਾਰવਿਭਙ੍ਗવਣ੍ਣਨਾ • 16. Samāropanahāravibhaṅgavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੧੬. ਸਮਾਰੋਪਨਹਾਰવਿਭਙ੍ਗવਿਭਾવਨਾ • 16. Samāropanahāravibhaṅgavibhāvanā
