| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
16. самааробанахааравибхан̇г̇авибхааванаа
16. Samāropanahāravibhaṅgavibhāvanā
50. язна язна сам̣ван̣н̣анаависзсабхууд̇зна баригкаарахааравибхан̇г̇зна суд̇д̇ад̇т̇аанам̣ хзд̇убажжаяо вибхад̇д̇о, со…бз… вибхан̇г̇о барибун̣н̣о, ‘‘гад̇амо самааробанахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо самааробано хааро’’д̇иаад̣̇и вуд̇д̇ам̣. д̇ад̇т̇а д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо самааробано хааро самааробанахааравибхан̇г̇о наамаад̇и бужчад̇и. ‘‘яз д̇хаммаа яам̣муулаа’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘згасмим̣ бад̣̇адтаанз яад̇д̇агаани бад̣̇адтаанаани од̇аранд̇ий’’д̇иаад̣̇иго вид̇т̇аарасам̣ван̣н̣анаависзсо самааробанахааравибхан̇г̇о наама.
50. Yena yena saṃvaṇṇanāvisesabhūtena parikkhārahāravibhaṅgena suttatthānaṃ hetupaccayo vibhatto, so…pe… vibhaṅgo paripuṇṇo, ‘‘katamo samāropanahāravibhaṅgo’’ti pucchitabbattā ‘‘tattha katamo samāropano hāro’’tiādi vuttaṃ. Tattha tesu niddiṭṭhesu soḷasasu desanāhārādīsu katamo saṃvaṇṇanāviseso samāropano hāro samāropanahāravibhaṅgo nāmāti pucchati. ‘‘Ye dhammā yaṃmūlā’’tiādiniddesassa idāni mayā vuccamāno ‘‘ekasmiṃ padaṭṭhāne yattakāni padaṭṭhānāni otarantī’’tiādiko vitthārasaṃvaṇṇanāviseso samāropanahāravibhaṅgo nāma.
‘‘гид̇д̇агз бад̣̇адтаанз суд̇д̇з вуд̇д̇з гид̇д̇агаани бад̣̇адтаанаани самааробаяид̇аб̣б̣ааний’’д̇и бужчид̇аб̣б̣ад̇д̇аа ‘‘згасмим̣ бад̣̇адтаанз’’д̇иаад̣̇и вуд̇д̇ам̣. згасмим̣ бад̣̇адтаанз суд̇д̇з вуд̇д̇з сад̇и авуд̇д̇аани яад̇д̇агаани бад̣̇адтаанаани од̇аранд̇и самосаранд̇и, саб̣б̣аани д̇аани авуд̇д̇аани бад̣̇адтаанаани суд̇д̇з вуд̇д̇аани вияа нид̣̇д̇хааран̣авасзна аанзд̇ваа д̣̇зсанааяа ааробаяид̇аб̣б̣аани. ‘‘гаани вияа самааробаяид̇аб̣б̣ааний’’д̇и вад̇д̇аб̣б̣ад̇д̇аа ‘‘яат̇аа ааваддз’’д̇иаад̣̇и вуд̇д̇ам̣. ааваддз хаарз згасмим̣ бад̣̇адтаанз суд̇д̇з вуд̇д̇з сад̇и суд̇д̇з авуд̇д̇аани б̣ахугаани бад̣̇адтаанаани од̇аранд̇и, д̇аани б̣ахугаани бад̣̇адтаанаани бариязсид̇аб̣б̣аани яат̇аа, звам̣ самааробанз хаарзби б̣ахугаани бад̣̇адтаанаани д̣̇зсанааяа самааробаяид̇аб̣б̣аанийд̇и ад̇т̇о.
‘‘Kittake padaṭṭhāne sutte vutte kittakāni padaṭṭhānāni samāropayitabbānī’’ti pucchitabbattā ‘‘ekasmiṃ padaṭṭhāne’’tiādi vuttaṃ. Ekasmiṃ padaṭṭhāne sutte vutte sati avuttāni yattakāni padaṭṭhānāni otaranti samosaranti, sabbāni tāni avuttāni padaṭṭhānāni sutte vuttāni viya niddhāraṇavasena ānetvā desanāya āropayitabbāni. ‘‘Kāni viya samāropayitabbānī’’ti vattabbattā ‘‘yathā āvaṭṭe’’tiādi vuttaṃ. Āvaṭṭe hāre ekasmiṃ padaṭṭhāne sutte vutte sati sutte avuttāni bahukāni padaṭṭhānāni otaranti, tāni bahukāni padaṭṭhānāni pariyesitabbāni yathā, evaṃ samāropane hārepi bahukāni padaṭṭhānāni desanāya samāropayitabbānīti attho.
‘‘гзвалам̣ бана бад̣̇адтаанавасзнзва самааробанаа гаад̇аб̣б̣аа гим̣, уд̣̇ааху ан̃н̃авасзнааби самааробанаа гаад̇аб̣б̣аа ги’’нд̇и вад̇д̇аб̣б̣ад̇д̇аа ан̃н̃авасзнааби самааробанаа гаад̇аб̣б̣аа; д̇асмаа самааробанаа жад̇уб̣б̣ид̇хаа гаад̇аб̣б̣аад̇и д̣̇ассзнд̇о ‘‘д̇ад̇т̇а самааробанаа жад̇уб̣б̣ид̇хаа’’д̇иаад̣̇имааха. д̇ад̇т̇а д̇ад̇т̇аад̇и д̇аасу самааробаяид̇аб̣б̣асамааробанаасу бад̣̇адтаанам̣ бад̣̇адтаанасамааробанаа, взважанам̣ взважанасамааробанаа, бхааванаа бхааванаасамааробанаа, бахаанам̣ бахаанасамааробанаа, ид̇и иминаа бабхзд̣̇зна самааробанаа жад̇уб̣б̣ид̇хаа гаад̇аб̣б̣аа.
‘‘Kevalaṃ pana padaṭṭhānavaseneva samāropanā kātabbā kiṃ, udāhu aññavasenāpi samāropanā kātabbā ki’’nti vattabbattā aññavasenāpi samāropanā kātabbā; tasmā samāropanā catubbidhā kātabbāti dassento ‘‘tattha samāropanā catubbidhā’’tiādimāha. Tattha tatthāti tāsu samāropayitabbasamāropanāsu padaṭṭhānaṃ padaṭṭhānasamāropanā, vevacanaṃ vevacanasamāropanā, bhāvanā bhāvanāsamāropanā, pahānaṃ pahānasamāropanā, iti iminā pabhedena samāropanā catubbidhā kātabbā.
‘‘д̇аасу жад̇уб̣б̣ид̇хаасу самааробанаасу гад̇амаа бад̣̇адтаанасамааробанаа’’д̇и бужчид̇аб̣б̣ад̇д̇аа д̇ат̇аа бужчид̇ваа бад̣̇адтаанасамааробанам̣ д̣̇ассзд̇ум̣ ‘‘д̇ад̇т̇а гад̇амаа’’д̇иаад̣̇и вуд̇д̇ам̣. суд̇д̇з вуд̇д̇зна бад̣̇адтаанзна суд̇д̇з авуд̇д̇аанам̣ бад̣̇адтаанаанам̣ самааробанаа гад̇амаад̇и бужчад̇и.
‘‘Tāsu catubbidhāsu samāropanāsu katamā padaṭṭhānasamāropanā’’ti pucchitabbattā tathā pucchitvā padaṭṭhānasamāropanaṃ dassetuṃ ‘‘tatthakatamā’’tiādi vuttaṃ. Sutte vuttena padaṭṭhānena sutte avuttānaṃ padaṭṭhānānaṃ samāropanā katamāti pucchati.
саб̣б̣абаабасса агусаласса яам̣ агаран̣ам̣ агаран̣ахзд̇у саасанам̣ ад̇т̇и, зд̇ам̣ саасанам̣ б̣уд̣̇д̇хаанам̣ саасанам̣ оваад̣̇о ход̇и, ат̇а ваа агаран̣ам̣ агаран̣ад̇т̇ааяа яам̣ саасанам̣ ад̇т̇и, зд̇ам̣ б̣уд̣̇д̇хаанам̣ саасанам̣ оваад̣̇о ход̇и, на яасса гассажи саасананд̇и ад̇т̇о. агаран̣анд̇и хи самбад̣̇аанад̇т̇з бавад̇д̇ам̣ бажжад̇д̇аважанам̣ яат̇аа ‘‘гисса ад̇т̇ааяа гимад̇т̇а’’нд̇и. гусаласса самбад̣̇аа самбад̣̇ааяа яам̣ саасанам̣ ад̇т̇и, зд̇ам̣ б̣уд̣̇д̇хаанам̣ саасанам̣. сажид̇д̇абарияод̣̇аабанам̣ сажид̇д̇абарияод̣̇аабанад̇т̇ам̣ яам̣ саасанам̣ ад̇т̇и, зд̇ам̣ б̣уд̣̇д̇хаанам̣ саасанам̣ ход̇и.
Sabbapāpassa akusalassa yaṃ akaraṇaṃ akaraṇahetu sāsanaṃ atthi, etaṃ sāsanaṃ buddhānaṃ sāsanaṃ ovādo hoti, atha vā akaraṇaṃ akaraṇatthāya yaṃ sāsanaṃ atthi, etaṃ buddhānaṃ sāsanaṃ ovādo hoti, na yassa kassaci sāsananti attho. Akaraṇanti hi sampadānatthe pavattaṃ paccattavacanaṃ yathā ‘‘kissa atthāya kimattha’’nti. Kusalassa sampadā sampadāya yaṃ sāsanaṃ atthi, etaṃ buddhānaṃ sāsanaṃ. Sacittapariyodāpanaṃ sacittapariyodāpanatthaṃ yaṃ sāsanaṃ atthi, etaṃ buddhānaṃ sāsanaṃ hoti.
ид̇и звам̣багаарзна вуд̇д̇асса д̇асса саасанасса гим̣ бад̣̇адтаананд̇и висзсасса висзсабад̣̇адтаанам̣ буна бужчад̇и. ид̣̇ам̣ сужарид̇ад̇д̇аяам̣ саасанасса оваад̣̇асса бад̣̇адтаанам̣ сужарид̇ад̇д̇аязна хзд̇унаа саасанад̇д̇аад̇и д̣̇адтаб̣б̣ам̣ яат̇аа ‘‘аннзна васад̇ий’’д̇иаад̣̇и. ‘‘сужарид̇ад̇д̇аяз бад̣̇адтаанз вуд̇д̇з гад̇амам̣ бад̣̇адтаанам̣ самааробаяид̇аб̣б̣а’’нд̇и бужчид̇аб̣б̣ад̇д̇аа ‘‘д̇ад̇т̇а яам̣ гааяиган̃жаа’’д̇иаад̣̇и вуд̇д̇ам̣. ид̣̇ам̣ канд̇хад̇д̇аяам̣ саасанасса бад̣̇адтаанам̣ самааробаяид̇аб̣б̣ам̣, ‘‘канд̇хад̇д̇аяз бад̣̇адтаанз самааробаяид̇з гад̇амам̣ самааробаяид̇аб̣б̣а’’нд̇и бужчид̇аб̣б̣ад̇д̇аа ‘‘д̇ад̇т̇а сийлагканд̇хо жаа’’д̇иаад̣̇и вуд̇д̇ам̣. ид̣̇ам̣ самат̇авибассанаад̣̇ваяам̣ саасанасса бад̣̇адтаанам̣ самааробаяид̇аб̣б̣ам̣. ‘‘самат̇авибассанаад̣̇ваяз бад̣̇адтаанз самааробаяид̇з гад̇амам̣ бад̣̇адтаанам̣ самааробаяид̇аб̣б̣а’’нд̇и бужчид̇аб̣б̣ад̇д̇аа ‘‘д̇ад̇т̇а самат̇асса пала’’нд̇иаад̣̇и вуд̇д̇ам̣. ид̣̇ам̣ палад̣̇ваяам̣ саасанасса бад̣̇адтаанам̣ самааробаяид̇аб̣б̣ам̣.
Iti evaṃpakārena vuttassa tassa sāsanassa kiṃ padaṭṭhānanti visesassa visesapadaṭṭhānaṃ puna pucchati. Idaṃ sucaritattayaṃ sāsanassa ovādassa padaṭṭhānaṃ sucaritattayena hetunā sāsanattāti daṭṭhabbaṃ yathā ‘‘annena vasatī’’tiādi. ‘‘Sucaritattaye padaṭṭhāne vutte katamaṃ padaṭṭhānaṃ samāropayitabba’’nti pucchitabbattā ‘‘tattha yaṃ kāyikañcā’’tiādi vuttaṃ. Idaṃ khandhattayaṃ sāsanassa padaṭṭhānaṃ samāropayitabbaṃ, ‘‘khandhattaye padaṭṭhāne samāropayite katamaṃ samāropayitabba’’nti pucchitabbattā ‘‘tattha sīlakkhandho cā’’tiādi vuttaṃ. Idaṃ samathavipassanādvayaṃ sāsanassa padaṭṭhānaṃ samāropayitabbaṃ. ‘‘Samathavipassanādvaye padaṭṭhāne samāropayite katamaṃ padaṭṭhānaṃ samāropayitabba’’nti pucchitabbattā ‘‘tattha samathassa phala’’ntiādi vuttaṃ. Idaṃ phaladvayaṃ sāsanassa padaṭṭhānaṃ samāropayitabbaṃ.
саасанасса бад̣̇адтаанаани самааробаяид̇аб̣б̣аанийд̇и аажариязна нид̣̇д̇хаарзд̇ваа вибхад̇д̇аани, амхзхи жа н̃аад̇аани, ‘‘ид̣̇аани гад̇амасса гад̇амам̣ бад̣̇адтаанам̣ самааробаяид̇аб̣б̣а’’нд̇и бужчид̇аб̣б̣ад̇д̇аа ‘‘ванам̣ ванат̇ассаа’’д̇иаад̣̇и вуд̇д̇ам̣. ид̣̇ам̣ гаамаг̇ун̣абан̃жагам̣ ванам̣ д̇ан̣хаабхууд̇асса ванат̇асса бад̣̇адтаанам̣ д̇ан̣хаавад̇т̇убхаавад̇о, ‘‘ид̇т̇ий’’д̇и ваа ‘‘бурисо’’д̇и ваа нимид̇д̇аг̇г̇аахасан̇каад̇ам̣ ид̣̇ам̣ ванам̣ ‘‘ахо жагку, ахо сод̇ам̣, ахо гхаанам̣, ахо ж̇ивхаа, ахо гааяо’’д̇и д̇зсам̣ д̇зсам̣ ан̇г̇абажжан̇г̇аанам̣ ануб̣яан̃ж̇анаг̇г̇аахасан̇каад̇асса ванат̇асса бад̣̇адтаанам̣ самааробаяид̇аб̣б̣ам̣. абарин̃н̃аад̇ам̣ д̣̇ваад̣̇асааяад̇анасан̇каад̇ам̣ ид̣̇ам̣ ванам̣ сам̣яож̇анасан̇каад̇асса ванат̇асса бад̣̇адтаанам̣ самааробаяид̇аб̣б̣ам̣, ааяад̇анам̣ бадижжа сам̣яож̇ануббаж̇ж̇анад̇о анусаяасан̇каад̇ам̣ ид̣̇ам̣ ванам̣ барияудтаанасан̇каад̇асса ванат̇асса бад̣̇адтаанам̣ самааробаяид̇аб̣б̣ам̣. ‘‘бан̃жагаамаг̇ун̣аад̣̇ийнам̣ ванабхааво жа д̇ан̣хаад̣̇ийнам̣ ванат̇абхааво жа гзна амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знааха бхаг̇аваа’’д̇иаад̣̇и вуд̇д̇ам̣. д̇зна бан̃жагаамаг̇ун̣аад̣̇ийнам̣ ванабхаавзна жа д̇ан̣хаад̣̇ийнам̣ ванат̇абхаавзна жа бхаг̇аваа ‘‘чзд̇ваа ванан̃жа ванат̇ан̃жаа’’д̇и яам̣ важанам̣ ааха, д̇зна бхаг̇авад̇о важанзна важанаанусаарзна сад̣̇д̣̇ахид̇аб̣б̣од̇и. аяанд̇и аяам̣ ‘‘згасмим̣ бад̣̇адтаанз’’д̇иаад̣̇исам̣ван̣н̣анаа. бад̣̇адтаанзнаад̇и згзгзна бад̣̇адтаанзна. самааробанаад̇и д̇ад̣̇ан̃н̃абад̣̇адтаанаанам̣ самааробанаа . самааробзнд̇и самааробаяид̇аб̣б̣аани зд̇ааяа сам̣ван̣н̣анааяаад̇и самааробанаад̇и виг̇г̇аход̇и. (1)
Sāsanassa padaṭṭhānāni samāropayitabbānīti ācariyena niddhāretvā vibhattāni, amhehi ca ñātāni, ‘‘idāni katamassa katamaṃ padaṭṭhānaṃ samāropayitabba’’nti pucchitabbattā ‘‘vanaṃ vanathassā’’tiādi vuttaṃ. Idaṃ kāmaguṇapañcakaṃ vanaṃ taṇhābhūtassa vanathassa padaṭṭhānaṃ taṇhāvatthubhāvato, ‘‘itthī’’ti vā ‘‘puriso’’ti vā nimittaggāhasaṅkhātaṃ idaṃ vanaṃ ‘‘aho cakkhu, aho sotaṃ, aho ghānaṃ, aho jivhā, aho kāyo’’ti tesaṃ tesaṃ aṅgapaccaṅgānaṃ anubyañjanaggāhasaṅkhātassa vanathassa padaṭṭhānaṃ samāropayitabbaṃ. Apariññātaṃ dvādasāyatanasaṅkhātaṃ idaṃ vanaṃ saṃyojanasaṅkhātassa vanathassa padaṭṭhānaṃ samāropayitabbaṃ, āyatanaṃ paṭicca saṃyojanuppajjanato anusayasaṅkhātaṃ idaṃ vanaṃ pariyuṭṭhānasaṅkhātassa vanathassa padaṭṭhānaṃ samāropayitabbaṃ. ‘‘Pañcakāmaguṇādīnaṃ vanabhāvo ca taṇhādīnaṃ vanathabhāvo ca kena amhehi saddahitabbo’’ti vattabbattā ‘‘tenāha bhagavā’’tiādi vuttaṃ. Tena pañcakāmaguṇādīnaṃ vanabhāvena ca taṇhādīnaṃ vanathabhāvena ca bhagavā ‘‘chetvā vanañca vanathañcā’’ti yaṃ vacanaṃ āha, tena bhagavato vacanena vacanānusārena saddahitabboti. Ayanti ayaṃ ‘‘ekasmiṃ padaṭṭhāne’’tiādisaṃvaṇṇanā. Padaṭṭhānenāti ekekena padaṭṭhānena. Samāropanāti tadaññapadaṭṭhānānaṃ samāropanā . Samāropenti samāropayitabbāni etāya saṃvaṇṇanāyāti samāropanāti viggahoti. (1)
51. бад̣̇адтаанзна самааробанаа аажариязна нид̣̇д̣̇идтаа, амхзхи жа н̃аад̇аа, ‘‘гад̇амаа взважанзна самааробанаа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амаа взважанзнаа’’д̇иаад̣̇и вуд̇д̇ам̣. д̇ад̇т̇аад̇и д̇аасу жад̇уусу бад̣̇адтаанасамааробанаад̣̇ийсу самааробанаасу взважанзна згзгзна род̇ад̣̇ан̃н̃авзважанаанам̣ самааробанаа гад̇амаад̇и бужчад̇и. ‘‘рааг̇авирааг̇аа’’д̇и жа ‘‘жзд̇овимуд̇д̇ий’’д̇и жа ‘‘сзгкапала’’нд̇и жа ид̣̇ам̣ важанад̇д̇аяам̣ анааг̇аамипалад̇т̇ад̇д̇аа анааг̇аамипаласса взважанам̣. ‘‘авиж̇ж̇аавирааг̇аа’’д̇и жа ‘‘бан̃н̃аавимуд̇д̇ий’’д̇и жа ‘‘асзгкапала’’нд̇и жа ид̣̇ам̣ важанад̇д̇аяам̣ арахад̇д̇апалад̇т̇ад̇д̇аа арахад̇д̇апаласса взважанам̣. иминаа наязна сзсзсу яож̇анаа гаад̇аб̣б̣аа. (2)
51. Padaṭṭhānena samāropanā ācariyena niddiṭṭhā, amhehi ca ñātā, ‘‘katamā vevacanena samāropanā’’ti pucchitabbattā ‘‘tattha katamā vevacanenā’’tiādi vuttaṃ. Tatthāti tāsu catūsu padaṭṭhānasamāropanādīsu samāropanāsu vevacanena ekekena rotadaññavevacanānaṃ samāropanā katamāti pucchati. ‘‘Rāgavirāgā’’ti ca ‘‘cetovimuttī’’ti ca ‘‘sekkhaphala’’nti ca idaṃ vacanattayaṃ anāgāmiphalatthattā anāgāmiphalassa vevacanaṃ. ‘‘Avijjāvirāgā’’ti ca ‘‘paññāvimuttī’’ti ca ‘‘asekkhaphala’’nti ca idaṃ vacanattayaṃ arahattaphalatthattā arahattaphalassa vevacanaṃ. Iminā nayena sesesu yojanā kātabbā. (2)
взважанзна самааробанаа аажариязна нид̣̇д̣̇идтаа, амхзхи жа н̃аад̇аа, ‘‘гад̇амаа бхааванааяа самааробанаа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амаа бхааванааяаа’’д̇иаад̣̇и вуд̇д̇ам̣. д̇ад̇т̇аад̇и д̇аасу жад̇уусу бад̣̇адтаанасамааробанаад̣̇ийсу гад̇амааяа д̣̇зсид̇ааяа бхааванааяа гад̇амзсаанам̣ ад̣̇зсид̇аанам̣ бхааванааробанаа гад̇амаад̇и бужчад̇и. яат̇аа язна багаарзна яам̣ бхааванам̣ бхаг̇аваа ‘‘д̇асмаад̇иха, д̇вам̣ бхигку, гааяз гааяаанубассий вихарад̇и, аад̇аабий самбаж̇аано сад̇имаа винзяяа логз абхиж̇жхаад̣̇оманасса’’нд̇и (сам̣. ни. 5.369, 371, 395, 415) ааха, д̇ат̇аа д̇зна багаарзна д̇ааяа бхааванааяа д̇ад̣̇ан̃н̃абхааванааби самааробаяид̇аб̣б̣аад̇и ад̇т̇о.
Vevacanena samāropanā ācariyena niddiṭṭhā, amhehi ca ñātā, ‘‘katamā bhāvanāya samāropanā’’ti pucchitabbattā ‘‘tattha katamā bhāvanāyā’’tiādi vuttaṃ. Tatthāti tāsu catūsu padaṭṭhānasamāropanādīsu katamāya desitāya bhāvanāya katamesānaṃ adesitānaṃ bhāvanāropanā katamāti pucchati. Yathā yena pakārena yaṃ bhāvanaṃ bhagavā ‘‘tasmātiha, tvaṃ bhikkhu, kāye kāyānupassī viharati, ātāpī sampajāno satimā vineyya loke abhijjhādomanassa’’nti (saṃ. ni. 5.369, 371, 395, 415) āha, tathā tena pakārena tāya bhāvanāya tadaññabhāvanāpi samāropayitabbāti attho.
‘‘д̇асмаад̇ихаа’’д̇иаад̣̇ибаатз ‘‘гим̣ бхааванам̣ бхаг̇аваа аахаа’’д̇и бужчид̇аб̣б̣ад̇д̇аа ‘‘аад̇аабий’’д̇иаад̣̇и вуд̇д̇ам̣. ‘‘аад̇аабий’’д̇и важанзна вийрияинд̣̇рияам̣ бхаг̇аваа ааха. ‘‘самбаж̇аано’’д̇и важанзна бан̃н̃инд̣̇рияам̣ бхаг̇аваа ааха. ‘‘сад̇имаа’’д̇и важанзна сад̇инд̣̇рияам̣ ааха. ‘‘винзяяа логз абхиж̇жхаад̣̇оманасса’’нд̇и важанзна самаад̇хинд̣̇рияам̣ ааха. ‘‘звам̣ вуд̇д̇з гад̇амаа бхааванаа самааробаяид̇аб̣б̣аа’’д̇и бужчид̇аб̣б̣ад̇д̇аа ‘‘звам̣ гааяз гааяаанубассино вихарад̇о жад̇д̇ааро сад̇ибадтаанаа бхааванаабаарибуурим̣ г̇ажчанд̇ий’’д̇и вуд̇д̇ам̣. звам̣ вуд̇д̇ааяа вийрияинд̣̇рияаад̣̇ибхааванааяа жад̇д̇ааро сад̇ибадтаанаа самааробаяид̇аб̣б̣аад̇и ад̇т̇о. гзна гааран̣зна бхааванаабаарибуурим̣ г̇ажчанд̇ийд̇и бужчад̇и. жад̇уннам̣ инд̣̇рияаанам̣ инд̣̇рияабхаавзна, бхаавзд̇аб̣б̣абхаавзна ваа згалагкан̣ад̇д̇аа бхааванаабаарибуурим̣ г̇ажчанд̇ийд̇и виссаж̇ж̇зд̇и. ‘‘д̇зсу самааробид̇зсу гад̇амз самааробаяид̇аб̣б̣аа’’д̇и бужчид̇аб̣б̣ад̇д̇аа ‘‘жад̇уусуу’’д̇иаад̣̇и вуд̇д̇ам̣. жад̇уусу сад̇ибадтаанзсу бхаавияамаанзсу самааробаяид̇аб̣б̣зсу жад̇д̇ааро саммаббад̇хаанаа бхааванаабаарибуурим̣ г̇ажчанд̇ийд̇и самааробаяид̇аб̣б̣аад̇и ад̇т̇о. сзсзсуби звамзва самааробаяид̇аб̣б̣аа.
‘‘Tasmātihā’’tiādipāṭhe ‘‘kiṃ bhāvanaṃ bhagavā āhā’’ti pucchitabbattā ‘‘ātāpī’’tiādi vuttaṃ. ‘‘Ātāpī’’ti vacanena vīriyindriyaṃ bhagavā āha. ‘‘Sampajāno’’ti vacanena paññindriyaṃ bhagavā āha. ‘‘Satimā’’ti vacanena satindriyaṃ āha. ‘‘Vineyya loke abhijjhādomanassa’’nti vacanena samādhindriyaṃ āha. ‘‘Evaṃ vutte katamā bhāvanā samāropayitabbā’’ti pucchitabbattā ‘‘evaṃ kāye kāyānupassino viharato cattāro satipaṭṭhānā bhāvanāpāripūriṃ gacchantī’’ti vuttaṃ. Evaṃ vuttāya vīriyindriyādibhāvanāya cattāro satipaṭṭhānā samāropayitabbāti attho. Kena kāraṇena bhāvanāpāripūriṃ gacchantīti pucchati. Catunnaṃ indriyānaṃ indriyabhāvena, bhāvetabbabhāvena vā ekalakkhaṇattā bhāvanāpāripūriṃ gacchantīti vissajjeti. ‘‘Tesu samāropitesu katame samāropayitabbā’’ti pucchitabbattā ‘‘catūsū’’tiādi vuttaṃ. Catūsu satipaṭṭhānesu bhāviyamānesu samāropayitabbesu cattāro sammappadhānā bhāvanāpāripūriṃ gacchantīti samāropayitabbāti attho. Sesesupi evameva samāropayitabbā.
бхааванааяа самааробанаа аажариязна вибхад̇д̇аа, амхзхи жа н̃аад̇аа, ‘‘гад̇амаа бахаанзна самааробанаа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амаа’’д̇иаад̣̇и вуд̇д̇ам̣. д̇ад̇т̇аад̇и д̇аасу жад̇уусу бад̣̇адтаанасамааробанаад̣̇ийсу гад̇амзна д̣̇зсид̇зна бахаанзна гад̇амзсам̣ ад̣̇зсид̇аанам̣ бахаанаанам̣ гад̇амаа самааробанаад̇и бужчад̇и. ‘‘гааяз гааяаанубассий вихаранд̇о асубхз ‘субха’нд̇и вибаллаасам̣ баж̇ахад̇ий’’д̇и д̣̇зсид̇зна ‘‘субха’’нд̇и вибаллаасаббахаанзна габ̣ал̣ийгаараахаарабарин̃н̃ааяа бариб̣анд̇хагилзсагаамубаад̣̇аанаббахаанаад̣̇аяоби самааробаяид̇аб̣б̣аа.
Bhāvanāya samāropanā ācariyena vibhattā, amhehi ca ñātā, ‘‘katamā pahānena samāropanā’’ti pucchitabbattā ‘‘tattha katamā’’tiādi vuttaṃ. Tatthāti tāsu catūsu padaṭṭhānasamāropanādīsu katamena desitena pahānena katamesaṃ adesitānaṃ pahānānaṃ katamā samāropanāti pucchati. ‘‘Kāye kāyānupassī viharanto asubhe ‘subha’nti vipallāsaṃ pajahatī’’ti desitena ‘‘subha’’nti vipallāsappahānena kabaḷīkārāhārapariññāya paribandhakilesakāmupādānappahānādayopi samāropayitabbā.
‘‘взд̣̇анаасу взд̣̇анаанубассий вихаранд̇о д̣̇угкз ‘сука’нд̇и вибаллаасам̣ баж̇ахад̇ий’’д̇и д̣̇зсид̇зна ‘‘сука’’нд̇и вибаллаасаббахаанзна пассаахаарабарин̃н̃ааяа бариб̣анд̇хагилзсабхавубаад̣̇аанаббахаанаад̣̇аяоби самааробаяид̇аб̣б̣аа.
‘‘Vedanāsu vedanānupassī viharanto dukkhe ‘sukha’nti vipallāsaṃ pajahatī’’ti desitena ‘‘sukha’’nti vipallāsappahānena phassāhārapariññāya paribandhakilesabhavupādānappahānādayopi samāropayitabbā.
‘‘жид̇д̇з жид̇д̇аанубассий вихаранд̇о анижжз ‘нижжа’нд̇и вибаллаасам̣ баж̇ахад̇ий’’д̇и д̣̇зсид̇зна ‘‘нижжа’’нд̇и вибаллаасаббахаанзна вин̃н̃аан̣аахаарабарин̃н̃ааяа бариб̣анд̇хагилзсад̣̇идтубаад̣̇аанаббахаанаад̣̇аяоби самааробаяид̇аб̣б̣аа.
‘‘Citte cittānupassī viharanto anicce ‘nicca’nti vipallāsaṃ pajahatī’’ti desitena ‘‘nicca’’nti vipallāsappahānena viññāṇāhārapariññāya paribandhakilesadiṭṭhupādānappahānādayopi samāropayitabbā.
‘‘д̇хаммзсу д̇хаммаанубассий вихаранд̇о анад̇д̇ани ‘ад̇д̇аа’д̇и вибаллаасам̣ баж̇ахад̇ий’’д̇и д̣̇зсид̇зна ‘‘ад̇д̇аа’’д̇и вибаллаасаббахаанзна маносан̃жзд̇анаахаарабарин̃н̃ааяа? маносан̃жзд̇анаахаарабарин̃н̃ааяа бариб̣анд̇хагилзсаад̇д̇аваад̣̇убаад̣̇аанаббахаанаад̣̇аяоби самааробаяид̇аб̣б̣аад̇и ад̇хиббааяо. (4)
‘‘Dhammesudhammānupassī viharanto anattani ‘attā’ti vipallāsaṃ pajahatī’’ti desitena ‘‘attā’’ti vipallāsappahānena manosañcetanāhārapariññāya? Manosañcetanāhārapariññāya paribandhakilesaattavādupādānappahānādayopi samāropayitabbāti adhippāyo. (4)
бахаанахааро бана лагкан̣ахааравибхан̇г̇аван̣н̣анааяам̣ вуд̇д̇оязваад̇и ид̇ха на вад̣̇аама.
Pahānahāro pana lakkhaṇahāravibhaṅgavaṇṇanāyaṃ vuttoyevāti idha na vadāma.
‘‘суд̇д̇з д̣̇зсид̇зна згзгзна бад̣̇адтаанаад̣̇игзна ад̣̇зсид̇аанам̣ бад̣̇адтаанаад̣̇ийнам̣ самааробанабхааво гзна амхзхи виж̇аанид̇аб̣б̣о сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знааха ааяасмаа’’д̇иаад̣̇имааха. д̇зна д̇ат̇аа самааробанабхаавзна ааяасмаа махаагажжаано –
‘‘Sutte desitena ekekena padaṭṭhānādikena adesitānaṃ padaṭṭhānādīnaṃ samāropanabhāvo kena amhehi vijānitabbo saddahitabbo’’ti vattabbattā ‘‘tenāha āyasmā’’tiādimāha. Tena tathā samāropanabhāvena āyasmā mahākaccāno –
‘‘яз д̇хаммаа яам̣муулаа, яз жзгад̇т̇аа багаасид̇аа мунинаа;
‘‘Ye dhammā yaṃmūlā, ye cekatthā pakāsitā muninā;
д̇з самааробаяид̇аб̣б̣аа, зса самааробано хааро’’д̇и –
Te samāropayitabbā, esa samāropano hāro’’ti –
яам̣ важанам̣ ааха, д̇зна важанзна важанаанусаарзна д̇ат̇аа самааробанабхааво д̇умхзхи виж̇аанид̇аб̣б̣о сад̣̇д̣̇ахид̇аб̣б̣од̇и вуд̇д̇ам̣ ход̇и.
Yaṃ vacanaṃ āha, tena vacanena vacanānusārena tathā samāropanabhāvo tumhehi vijānitabbo saddahitabboti vuttaṃ hoti.
‘‘гим̣ бана зд̇д̇аавад̇аа самааробано хааро барибун̣н̣о, ан̃н̃о нияуд̇д̇о над̇т̇ий’’д̇и вад̇д̇аб̣б̣ад̇д̇аа ‘‘нияуд̇д̇о самааробано хааро’’д̇и вуд̇д̇ам̣. суд̇д̇з д̣̇зсид̇зна наязна бад̣̇адтаанаад̣̇игзна ад̣̇зсид̇аани бад̣̇адтаанаани самааробаяид̇аб̣б̣аани бхаванд̇и, д̇зна д̇зна бад̣̇адтаанаад̣̇игзна ад̣̇зсид̇аанам̣ бад̣̇адтаанаад̣̇ийнам̣ самааробано хааро нияуд̇д̇о нид̣̇д̇хаарзд̇ваа яун̃ж̇ид̇аб̣б̣од̇и ад̇т̇о д̣̇адтаб̣б̣о.
‘‘Kiṃ pana ettāvatā samāropano hāro paripuṇṇo, añño niyutto natthī’’ti vattabbattā ‘‘niyutto samāropano hāro’’ti vuttaṃ. Sutte desitena nayena padaṭṭhānādikena adesitāni padaṭṭhānāni samāropayitabbāni bhavanti, tena tena padaṭṭhānādikena adesitānaṃ padaṭṭhānādīnaṃ samāropano hāro niyutto niddhāretvā yuñjitabboti attho daṭṭhabbo.
ид̇и самааробанахааравибхан̇г̇з сад̇д̇иб̣алаануруубаа ражид̇аа
Iti samāropanahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣о.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabbo.
имз яат̇аавуд̇д̇аа сол̣аса сам̣ван̣н̣анаависзсаа сам̣ван̣н̣зд̇аб̣б̣ад̇т̇зсу ан̃н̃аан̣асам̣саяаанам̣ харан̣ад̇о абанаяанад̇о хаараа наамаад̇и.
Ime yathāvuttā soḷasa saṃvaṇṇanāvisesā saṃvaṇṇetabbatthesu aññāṇasaṃsayānaṃ haraṇato apanayanato hārā nāmāti.
нидтид̇аа хааравибхан̇г̇авааравибхааванаа.
Niṭṭhitā hāravibhaṅgavāravibhāvanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 16. самааробанахааравибхан̇г̇о • 16. Samāropanahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 16. самааробанахааравибхан̇г̇аван̣н̣анаа • 16. Samāropanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 16. самааробанахааравибхан̇г̇аван̣н̣анаа • 16. Samāropanahāravibhaṅgavaṇṇanā
