| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੭. ਸਮਸੀਸਕਥਾ
7. Samasīsakathā
੩੩. ਸਬ੍ਬਧਮ੍ਮਾਨਂ 1 ਸਮ੍ਮਾਸਮੁਚ੍ਛੇਦੇ ਨਿਰੋਧੇ ਚ ਅਨੁਪਟ੍ਠਾਨਤਾ ਪਞ੍ਞਾ ਸਮਸੀਸਟ੍ਠੇ ਞਾਣਂ।
33. Sabbadhammānaṃ 2 sammāsamucchede nirodhe ca anupaṭṭhānatā paññā samasīsaṭṭhe ñāṇaṃ.
ਸਬ੍ਬਧਮ੍ਮਾਨਨ੍ਤਿ ਪਞ੍ਚਕ੍ਖਨ੍ਧਾ, ਦ੍વਾਦਸਾਯਤਨਾਨਿ, ਅਟ੍ਠਾਰਸ ਧਾਤੁਯੋ, ਕੁਸਲਾ ਧਮ੍ਮਾ, ਅਕੁਸਲਾ ਧਮ੍ਮਾ, ਅਬ੍ਯਾਕਤਾ ਧਮ੍ਮਾ, ਕਾਮਾવਚਰਾ ਧਮ੍ਮਾ, ਰੂਪਾવਚਰਾ ਧਮ੍ਮਾ, ਅਰੂਪਾવਚਰਾ ਧਮ੍ਮਾ, ਅਪਰਿਯਾਪਨ੍ਨਾ ਧਮ੍ਮਾ। ਸਮ੍ਮਾ ਸਮੁਚ੍ਛੇਦੇਤਿ ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਅਬ੍ਯਾਪਾਦੇਨ ਬ੍ਯਾਪਾਦਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਆਲੋਕਸਞ੍ਞਾਯ ਥਿਨਮਿਦ੍ਧਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਅવਿਕ੍ਖੇਪੇਨ ਉਦ੍ਧਚ੍ਚਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਞਾਣੇਨ ਅવਿਜ੍ਜਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਪਾਮੋਜ੍ਜੇਨ ਅਰਤਿਂ ਸਮ੍ਮਾ ਸਮੁਚ੍ਛਿਨ੍ਦਤਿ, ਪਠਮੇਨ ਝਾਨੇਨ ਨੀવਰਣੇ ਸਮ੍ਮਾ ਸਮੁਚ੍ਛਿਨ੍ਦਤਿ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਸਮ੍ਮਾ ਸਮੁਚ੍ਛਿਨ੍ਦਤਿ।
Sabbadhammānanti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā. Sammā samucchedeti nekkhammena kāmacchandaṃ sammā samucchindati, abyāpādena byāpādaṃ sammā samucchindati, ālokasaññāya thinamiddhaṃ sammā samucchindati, avikkhepena uddhaccaṃ sammā samucchindati, dhammavavatthānena vicikicchaṃ sammā samucchindati, ñāṇena avijjaṃ sammā samucchindati, pāmojjena aratiṃ sammā samucchindati, paṭhamena jhānena nīvaraṇe sammā samucchindati…pe… arahattamaggena sabbakilese sammā samucchindati.
ਨਿਰੋਧੇਤਿ ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਨਿਰੋਧੇਤਿ, ਅਬ੍ਯਾਪਾਦੇਨ ਬ੍ਯਾਪਾਦਂ ਨਿਰੋਧੇਤਿ, ਆਲੋਕਸਞ੍ਞਾਯ ਥਿਨਮਿਦ੍ਧਂ ਨਿਰੋਧੇਤਿ, ਅવਿਕ੍ਖੇਪੇਨ ਉਦ੍ਧਚ੍ਚਂ ਨਿਰੋਧੇਤਿ, ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ ਨਿਰੋਧੇਤਿ, ਞਾਣੇਨ ਅવਿਜ੍ਜਂ ਨਿਰੋਧੇਤਿ, ਪਾਮੋਜ੍ਜੇਨ ਅਰਤਿਂ ਨਿਰੋਧੇਤਿ, ਪਠਮੇਨ ਝਾਨੇਨ ਨੀવਰਣੇ ਨਿਰੋਧੇਤਿ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਨਿਰੋਧੇਤਿ।
Nirodheti nekkhammena kāmacchandaṃ nirodheti, abyāpādena byāpādaṃ nirodheti, ālokasaññāya thinamiddhaṃ nirodheti, avikkhepena uddhaccaṃ nirodheti, dhammavavatthānena vicikicchaṃ nirodheti, ñāṇena avijjaṃ nirodheti, pāmojjena aratiṃ nirodheti, paṭhamena jhānena nīvaraṇe nirodheti…pe… arahattamaggena sabbakilese nirodheti.
ਅਨੁਪਟ੍ਠਾਨਤਾਤਿ ਨੇਕ੍ਖਮ੍ਮਂ ਪਟਿਲਦ੍ਧਸ੍ਸ ਕਾਮਚ੍ਛਨ੍ਦੋ ਨ ਉਪਟ੍ਠਾਤਿ, ਅਬ੍ਯਾਪਾਦਂ ਪਟਿਲਦ੍ਧਸ੍ਸ ਬ੍ਯਾਪਾਦੋ ਨ ਉਪਟ੍ਠਾਤਿ, ਆਲੋਕਸਞ੍ਞਂ ਪਟਿਲਦ੍ਧਸ੍ਸ ਥਿਨਮਿਦ੍ਧਂ ਨ ਉਪਟ੍ਠਾਤਿ, ਅવਿਕ੍ਖੇਪਂ ਪਟਿਲਦ੍ਧਸ੍ਸ ਉਦ੍ਧਚ੍ਚਂ ਨ ਉਪਟ੍ਠਾਤਿ, ਧਮ੍ਮવવਤ੍ਥਾਨਂ ਪਟਿਲਦ੍ਧਸ੍ਸ વਿਚਿਕਿਚ੍ਛਾ ਨ ਉਪਟ੍ਠਾਤਿ, ਞਾਣਂ ਪਟਿਲਦ੍ਧਸ੍ਸ ਅવਿਜ੍ਜਾ ਨ ਉਪਟ੍ਠਾਤਿ, ਪਾਮੋਜ੍ਜਂ ਪਟਿਲਦ੍ਧਸ੍ਸ ਅਰਤਿ ਨ ਉਪਟ੍ਠਾਤਿ, ਪਠਮਂ ਝਾਨਂ ਪਟਿਲਦ੍ਧਸ੍ਸ ਨੀવਰਣਾ ਨ ਉਪਟ੍ਠਨ੍ਤਿ…ਪੇ॰… ਅਰਹਤ੍ਤਮਗ੍ਗਂ ਪਟਿਲਦ੍ਧਸ੍ਸ ਸਬ੍ਬਕਿਲੇਸਾ ਨ ਉਪਟ੍ਠਨ੍ਤਿ।
Anupaṭṭhānatāti nekkhammaṃ paṭiladdhassa kāmacchando na upaṭṭhāti, abyāpādaṃ paṭiladdhassa byāpādo na upaṭṭhāti, ālokasaññaṃ paṭiladdhassa thinamiddhaṃ na upaṭṭhāti, avikkhepaṃ paṭiladdhassa uddhaccaṃ na upaṭṭhāti, dhammavavatthānaṃ paṭiladdhassa vicikicchā na upaṭṭhāti, ñāṇaṃ paṭiladdhassa avijjā na upaṭṭhāti, pāmojjaṃ paṭiladdhassa arati na upaṭṭhāti, paṭhamaṃ jhānaṃ paṭiladdhassa nīvaraṇā na upaṭṭhanti…pe… arahattamaggaṃ paṭiladdhassa sabbakilesā na upaṭṭhanti.
ਸਮਨ੍ਤਿ ਕਾਮਚ੍ਛਨ੍ਦਸ੍ਸ ਪਹੀਨਤ੍ਤਾ ਨੇਕ੍ਖਮ੍ਮਂ ਸਮਂ, ਬ੍ਯਾਪਾਦਸ੍ਸ ਪਹੀਨਤ੍ਤਾ ਅਬ੍ਯਾਪਾਦੋ ਸਮਂ, ਥਿਨਮਿਦ੍ਧਸ੍ਸ ਪਹੀਨਤ੍ਤਾ ਆਲੋਕਸਞ੍ਞਾ ਸਮਂ, ਉਦ੍ਧਚ੍ਚਸ੍ਸ ਪਹੀਨਤ੍ਤਾ ਅવਿਕ੍ਖੇਪੋ ਸਮਂ, વਿਚਿਕਿਚ੍ਛਾਯ ਪਹੀਨਤ੍ਤਾ ਧਮ੍ਮવવਤ੍ਥਾਨਂ ਸਮਂ, ਅવਿਜ੍ਜਾਯ ਪਹੀਨਤ੍ਤਾ ਞਾਣਂ ਸਮਂ, ਅਰਤਿਯਾ ਪਹੀਨਤ੍ਤਾ ਪਾਮੋਜ੍ਜਂ ਸਮਂ, ਨੀવਰਣਾਨਂ ਪਹੀਨਤ੍ਤਾ ਪਠਮਂ ਝਾਨਂ ਸਮਂ…ਪੇ॰… ਸਬ੍ਬਕਿਲੇਸਾਨਂ ਪਹੀਨਤ੍ਤਾ ਅਰਹਤ੍ਤਮਗ੍ਗੋ ਸਮਂ।
Samanti kāmacchandassa pahīnattā nekkhammaṃ samaṃ, byāpādassa pahīnattā abyāpādo samaṃ, thinamiddhassa pahīnattā ālokasaññā samaṃ, uddhaccassa pahīnattā avikkhepo samaṃ, vicikicchāya pahīnattā dhammavavatthānaṃ samaṃ, avijjāya pahīnattā ñāṇaṃ samaṃ, aratiyā pahīnattā pāmojjaṃ samaṃ, nīvaraṇānaṃ pahīnattā paṭhamaṃ jhānaṃ samaṃ…pe… sabbakilesānaṃ pahīnattā arahattamaggo samaṃ.
ਸੀਸਨ੍ਤਿ ਤੇਰਸ ਸੀਸਾਨਿ – ਪਲਿਬੋਧਸੀਸਞ੍ਚ ਤਣ੍ਹਾ, વਿਨਿਬਨ੍ਧਨਸੀਸਞ੍ਚ ਮਾਨੋ , ਪਰਾਮਾਸਸੀਸਞ੍ਚ ਦਿਟ੍ਠਿ, વਿਕ੍ਖੇਪਸੀਸਞ੍ਚ ਉਦ੍ਧਚ੍ਚਂ, ਸਂਕਿਲੇਸਸੀਸਞ੍ਚ ਅવਿਜ੍ਜਾ, ਅਧਿਮੋਕ੍ਖਸੀਸਞ੍ਚ ਸਦ੍ਧਾ, ਪਗ੍ਗਹਸੀਸਞ੍ਚ વੀਰਿਯਂ, ਉਪਟ੍ਠਾਨਸੀਸਞ੍ਚ ਸਤਿ, ਅવਿਕ੍ਖੇਪਸੀਸਞ੍ਚ ਸਮਾਧਿ, ਦਸ੍ਸਨਸੀਸਞ੍ਚ ਪਞ੍ਞਾ, ਪવਤ੍ਤਸੀਸਞ੍ਚ ਜੀવਿਤਿਨ੍ਦ੍ਰਿਯਂ, ਗੋਚਰਸੀਸਞ੍ਚ વਿਮੋਕ੍ਖੋ, ਸਙ੍ਖਾਰਸੀਸਞ੍ਚ ਨਿਰੋਧੋਤਿ।
Sīsanti terasa sīsāni – palibodhasīsañca taṇhā, vinibandhanasīsañca māno , parāmāsasīsañca diṭṭhi, vikkhepasīsañca uddhaccaṃ, saṃkilesasīsañca avijjā, adhimokkhasīsañca saddhā, paggahasīsañca vīriyaṃ, upaṭṭhānasīsañca sati, avikkhepasīsañca samādhi, dassanasīsañca paññā, pavattasīsañca jīvitindriyaṃ, gocarasīsañca vimokkho, saṅkhārasīsañca nirodhoti.
ਸਮਸੀਸਕਥਾ ਨਿਟ੍ਠਿਤਾ।
Samasīsakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਸਮਸੀਸਕਥਾવਣ੍ਣਨਾ • Samasīsakathāvaṇṇanā
