| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
36. самасийсадтан̃аан̣анид̣̇д̣̇зсаван̣н̣анаа
36. Samasīsaṭṭhañāṇaniddesavaṇṇanā
87. самасийсадтан̃аан̣анид̣̇д̣̇зсз бан̃жагканд̇хаад̇иаад̣̇ийхи д̣̇асахи раасийхи саб̣б̣ад̇хаммасан̇г̇ахо взд̣̇ид̇аб̣б̣о. на хи згзгасса васзна ааяад̇анад̇хаад̇ураасиваж̇ж̇зхи сзсзхи адтахи раасийхи висум̣ висум̣ саб̣б̣ад̇хаммо сан̇г̇аяхад̇ийд̇и. яасмаа бана логуд̇д̇арад̇хаммаа хзд̇усамужчзд̣̇зна самужчинд̣̇ид̇аб̣б̣аа на хонд̇и, д̇асмаа саб̣б̣ад̇хаммасад̣̇д̣̇зна сан̇г̇ахид̇ааби логуд̇д̇арад̇хаммаа самужчзд̣̇авасзна самбхавад̇о ид̇ха на г̇ахзд̇аб̣б̣аа, хзд̇усамужчзд̣̇зна самужчинд̣̇ид̇аб̣б̣аа зва д̇збхуумагад̇хаммаа г̇ахзд̇аб̣б̣аа. саммаа самужчинд̣̇ад̇ийд̇и яат̇ааяог̇ам̣ вигкамбханад̇ад̣̇ан̇г̇асамужчзд̣̇абахаанавасзна барияудтаанам̣ анусаяан̃жа нирод̇хзнд̇о саммаа самужчинд̣̇ад̇и. звам̣ буг̇г̇алаад̇хидтаанааяа д̣̇зсанааяа саммаа самужчзд̣̇о нид̣̇д̣̇идто. нирод̇хзд̇ийд̇и ануббаад̣̇анирод̇хзна нирод̇хзд̇и. иминаа самужчзд̣̇ад̇т̇о вуд̇д̇о. на убадтаад̇ийд̇и звам̣ нирод̇хз гад̇з со со д̇хаммо буна на убад̇идтад̇и, на уббаж̇ж̇ад̇ийд̇и ад̇т̇о. иминаа нирод̇хад̇т̇о вуд̇д̇о. звам̣ анубадтаханад̇хаммавасзна анубадтаанабхааво нид̣̇д̣̇идто. саманд̇и гаамажчанд̣̇аад̣̇ийнам̣ самид̇ад̇д̇аа самам̣. д̇аани бана нзгкаммаад̣̇ийни сад̇д̇а, руубааруубаж̇жхаанаани адта, махаавибассанаа адтаараса, арияамаг̇г̇аа жад̇д̇аарод̇и сад̇д̇ад̇им̣са хонд̇и.
87. Samasīsaṭṭhañāṇaniddese pañcakkhandhātiādīhi dasahi rāsīhi sabbadhammasaṅgaho veditabbo. Na hi ekekassa vasena āyatanadhāturāsivajjehi sesehi aṭṭhahi rāsīhi visuṃ visuṃ sabbadhammo saṅgayhatīti. Yasmā pana lokuttaradhammā hetusamucchedena samucchinditabbā na honti, tasmā sabbadhammasaddena saṅgahitāpi lokuttaradhammā samucchedavasena sambhavato idha na gahetabbā, hetusamucchedena samucchinditabbā eva tebhūmakadhammā gahetabbā. Sammā samucchindatīti yathāyogaṃ vikkhambhanatadaṅgasamucchedapahānavasena pariyuṭṭhānaṃ anusayañca nirodhento sammā samucchindati. Evaṃ puggalādhiṭṭhānāya desanāya sammā samucchedo niddiṭṭho. Nirodhetīti anuppādanirodhena nirodheti. Iminā samucchedattho vutto. Na upaṭṭhātīti evaṃ nirodhe kate so so dhammo puna na upatiṭṭhati, na uppajjatīti attho. Iminā nirodhattho vutto. Evaṃ anupaṭṭhahanadhammavasena anupaṭṭhānabhāvo niddiṭṭho. Samanti kāmacchandādīnaṃ samitattā samaṃ. Tāni pana nekkhammādīni satta, rūpārūpajjhānāni aṭṭha, mahāvipassanā aṭṭhārasa, ariyamaggā cattāroti sattatiṃsa honti.
д̇зраса сийсаани сийсабхууд̇аанам̣ саб̣б̣зсам̣ сан̇г̇ахавасзна вуд̇д̇аани. ид̇ха бана сад̣̇д̇хаад̣̇ийни адтзва сийсаани яуж̇ж̇анд̇и. на хи арахад̇о д̇ан̣хаад̣̇ийни бан̃жа сийсаани санд̇и. балиб̣од̇хасийсанд̇и балиб̣унд̇ханам̣ балиб̣од̇хо, ниб̣б̣аанамаг̇г̇ааваран̣анд̇и ад̇т̇о. сийсанд̇и бад̇хаанам̣, ад̇хиганд̇и ад̇т̇о. балиб̣од̇хоязва сийсам̣, д̇ам̣самбаяуд̇д̇аад̣̇исаб̣б̣абалиб̣од̇хзсу ваа сийсанд̇и балиб̣од̇хасийсам̣. зса наяо сзсзсу. висзсад̇о бана виниб̣анд̇хананд̇и уннад̇ивасзна сам̣саарз б̣анд̇ханам̣. бараамаасод̇и абхинивзсо. вигкзбод̇и виббагин̣н̣ад̇аа. гилзсод̇и гилиссанам̣. ад̇химогкод̇и ад̇химужжанам̣. баг̇г̇аход̇и уссааханам̣. убадтаананд̇и абилаабанам̣. авигкзбод̇и авиббагин̣н̣ад̇аа. д̣̇ассананд̇и яат̇аасабхаавабадивзд̇хо. бавад̇д̇анд̇и убаад̣̇иннагканд̇хабавад̇д̇ам̣. г̇ожарод̇и аарамман̣ам̣. имзсу д̣̇ваад̣̇асасуби ваарзсу бад̇хаанадто сийсадто. вимогкод̇и вигкамбханад̇ад̣̇ан̇г̇асамужчзд̣̇абадиббассад̣̇д̇хиниссаран̣авимуд̇д̇ийсу бан̃жасу ниссаран̣авимуд̇д̇и ниб̣б̣аанам̣. сан̇каарасийсанд̇и саб̣б̣асан̇кад̇асан̇каараанам̣ сийсам̣, годи авасаананд̇и ад̇т̇о. зд̇зна анубаад̣̇исзсабариниб̣б̣аанам̣ вуд̇д̇ам̣. сан̇каараабхаавамад̇д̇авасзна ваа канд̇хабариниб̣б̣аанамзва вуд̇д̇ам̣ ход̇и. нзгкаммаад̣̇игам̣ саман̃жа сад̣̇д̇хаад̣̇игам̣ сийсан̃жа, самасийсам̣ ваа асса ад̇т̇ийд̇и самасийсийд̇и. ат̇а ваа д̇зрасаннам̣ сийсаанам̣ д̇ан̣хаад̣̇ийни бан̃жа сийсаани самуд̣̇аяасажжам̣, сад̣̇д̇хаад̣̇ийни бан̃жа маг̇г̇асажжам̣, бавад̇д̇асийсам̣ ж̇ийвид̇инд̣̇рияам̣ д̣̇угкасажжам̣, г̇ожарасийсан̃жа сан̇каарасийсан̃жа нирод̇хасажжанд̇и имзсам̣ жад̇уннам̣ арияасажжаанам̣ згасмим̣ рог̇з ваа згасмим̣ ирияаабат̇з ваа згасмим̣ сабхааг̇аж̇ийвид̇инд̣̇рияз ваа абхисамаяо жа анубаад̣̇исзсабариниб̣б̣аанан̃жа яасса ход̇и, со буб̣б̣з вуд̇д̇асамаанан̃жа имзсан̃жа сийсаанам̣ ад̇т̇ид̇ааяа самасийсийд̇и вужжад̇и.
Terasa sīsāni sīsabhūtānaṃ sabbesaṃ saṅgahavasena vuttāni. Idha pana saddhādīni aṭṭheva sīsāni yujjanti. Na hi arahato taṇhādīni pañca sīsāni santi. Palibodhasīsanti palibundhanaṃ palibodho, nibbānamaggāvaraṇanti attho. Sīsanti padhānaṃ, adhikanti attho. Palibodhoyeva sīsaṃ, taṃsampayuttādisabbapalibodhesu vā sīsanti palibodhasīsaṃ. Esa nayo sesesu. Visesato pana vinibandhananti unnativasena saṃsāre bandhanaṃ. Parāmāsoti abhiniveso. Vikkhepoti vippakiṇṇatā. Kilesoti kilissanaṃ. Adhimokkhoti adhimuccanaṃ. Paggahoti ussāhanaṃ. Upaṭṭhānanti apilāpanaṃ. Avikkhepoti avippakiṇṇatā. Dassananti yathāsabhāvapaṭivedho. Pavattanti upādinnakkhandhapavattaṃ. Gocaroti ārammaṇaṃ. Imesu dvādasasupi vāresu padhānaṭṭho sīsaṭṭho. Vimokkhoti vikkhambhanatadaṅgasamucchedapaṭippassaddhinissaraṇavimuttīsu pañcasu nissaraṇavimutti nibbānaṃ. Saṅkhārasīsanti sabbasaṅkhatasaṅkhārānaṃ sīsaṃ, koṭi avasānanti attho. Etena anupādisesaparinibbānaṃ vuttaṃ. Saṅkhārābhāvamattavasena vā khandhaparinibbānameva vuttaṃ hoti. Nekkhammādikaṃ samañca saddhādikaṃ sīsañca, samasīsaṃ vā assa atthīti samasīsīti. Atha vā terasannaṃ sīsānaṃ taṇhādīni pañca sīsāni samudayasaccaṃ, saddhādīni pañca maggasaccaṃ, pavattasīsaṃ jīvitindriyaṃ dukkhasaccaṃ, gocarasīsañca saṅkhārasīsañca nirodhasaccanti imesaṃ catunnaṃ ariyasaccānaṃ ekasmiṃ roge vā ekasmiṃ iriyāpathe vā ekasmiṃ sabhāgajīvitindriye vā abhisamayo ca anupādisesaparinibbānañca yassa hoti, so pubbe vuttasamānañca imesañca sīsānaṃ atthitāya samasīsīti vuccati.
самасийсадтан̃аан̣анид̣̇д̣̇зсаван̣н̣анаа нидтид̇аа.
Samasīsaṭṭhañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 36. самасийсадтан̃аан̣анид̣̇д̣̇зсо • 36. Samasīsaṭṭhañāṇaniddeso
