| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ஸமதா²தி⁴கரணவாரகதா²வண்ணனா
Samathādhikaraṇavārakathāvaṇṇanā
309-310. ஸமதா² ஸமதே²ஹி ஸம்மந்தீதிஆதி³ புச்சா². ஸியா ஸமதா² ஸமதே²ஹி ஸம்மந்தீதிஆதி³ விஸ்ஸஜ்ஜனங். தத்த² ஸமதா² ஸமதே²ஹி ஸம்மந்தீதி எத்த² ஸம்மந்தீதி ஸம்பஜ்ஜந்தி, அதி⁴கரணா வா பன ஸம்மந்தி வூபஸமங் க³ச்ச²ந்தி, தஸ்மா யேபு⁴ய்யஸிகா ஸம்முகா²வினயேன ஸம்மதீதி எத்த² ஸம்முகா²வினயேன ஸத்³தி⁴ங் யேபு⁴ய்யஸிகா ஸம்பஜ்ஜதி, ந ஸதிவினயாதீ³ஹி ஸத்³தி⁴ங் தேஸங் தஸ்ஸா அனுபகாரத்தாதி ஏவமத்தோ² த³ட்ட²ப்³போ³.
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
311. ‘‘ஸம்முகா²வினயோ விவாதா³தி⁴கரணேன ஸம்மதீ’’தி பாடோ². ‘‘ஸம்முகா²வினயோ ந கேனசி ஸம்மதீ’’தி ஹி அவஸானே வுத்தத்தா ஸம்முகா²வினயோ ஸயங் ஸமதே²ன வா அதி⁴கரணேன வா ஸமேதப்³போ³ ந ஹோதி.
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
313. விவாதா³தி⁴கரணங்…பே॰… கிச்சாதி⁴கரணேன ஸம்மதீதி எத்த² ‘‘ஸுணாது மே ப⁴ந்தே …பே॰… பட²மங் ஸலாகங் நிக்கி²பாமீ’’தி ஏவங் விவாதா³தி⁴கரணங் கிச்சாதி⁴கரணேன ஸம்மதீதி த³ட்ட²ப்³ப³ங்.
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 19. ஸமதா²தி⁴கரணவாரோ • 19. Samathādhikaraṇavāro
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸங்ஸட்ட²வாராதி³வண்ணனா • Saṃsaṭṭhavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸங்ஸட்ட²வாராதி³வண்ணனா • Saṃsaṭṭhavārādivaṇṇanā
