| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
সমথাধিকরণৰারকথাৰণ্ণনা
Samathādhikaraṇavārakathāvaṇṇanā
৩০৯-৩১০. সমথা সমথেহি সম্মন্তীতিআদি পুচ্ছা। সিযা সমথা সমথেহি সম্মন্তীতিআদি ৰিস্সজ্জনং। তত্থ সমথা সমথেহি সম্মন্তীতি এত্থ সম্মন্তীতি সম্পজ্জন্তি, অধিকরণা ৰা পন সম্মন্তি ৰূপসমং গচ্ছন্তি, তস্মা যেভুয্যসিকা সম্মুখাৰিনযেন সম্মতীতি এত্থ সম্মুখাৰিনযেন সদ্ধিং যেভুয্যসিকা সম্পজ্জতি, ন সতিৰিনযাদীহি সদ্ধিং তেসং তস্সা অনুপকারত্তাতি এৰমত্থো দট্ঠব্বো।
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
৩১১. ‘‘সম্মুখাৰিনযো ৰিৰাদাধিকরণেন সম্মতী’’তি পাঠো। ‘‘সম্মুখাৰিনযো ন কেনচি সম্মতী’’তি হি অৰসানে ৰুত্তত্তা সম্মুখাৰিনযো সযং সমথেন ৰা অধিকরণেন ৰা সমেতব্বো ন হোতি।
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
৩১৩. ৰিৰাদাধিকরণং…পে॰… কিচ্চাধিকরণেন সম্মতীতি এত্থ ‘‘সুণাতু মে ভন্তে …পে॰… পঠমং সলাকং নিক্খিপামী’’তি এৰং ৰিৰাদাধিকরণং কিচ্চাধিকরণেন সম্মতীতি দট্ঠব্বং।
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১৯. সমথাধিকরণৰারো • 19. Samathādhikaraṇavāro
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সংসট্ঠৰারাদিৰণ্ণনা • Saṃsaṭṭhavārādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সংসট্ঠৰারাদিৰণ্ণনা • Saṃsaṭṭhavārādivaṇṇanā
