| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
සමථාධිකරණවාරකථාවණ්‌ණනා
Samathādhikaraṇavārakathāvaṇṇanā
309-310. සමථා සමථෙහි සම්‌මන්‌තීතිආදි පුච්‌ඡා. සියා සමථා සමථෙහි සම්‌මන්‌තීතිආදි විස්‌සජ්‌ජනං. තත්‌ථ සමථා සමථෙහි සම්‌මන්‌තීති එත්‌ථ සම්‌මන්‌තීති සම්‌පජ්‌ජන්‌ති, අධිකරණා වා පන සම්‌මන්‌ති වූපසමං ගච්‌ඡන්‌ති, තස්‌මා යෙභුය්‍යසිකා සම්‌මුඛාවිනයෙන සම්‌මතීති එත්‌ථ සම්‌මුඛාවිනයෙන සද්‌ධිං යෙභුය්‍යසිකා සම්‌පජ්‌ජති, න සතිවිනයාදීහි සද්‌ධිං තෙසං තස්‌සා අනුපකාරත්‌තාති එවමත්‌ථො දට්‌ඨබ්‌බො.
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
311. ‘‘සම්‌මුඛාවිනයො විවාදාධිකරණෙන සම්‌මතී’’ති පාඨො. ‘‘සම්‌මුඛාවිනයො න කෙනචි සම්‌මතී’’ති හි අවසානෙ වුත්‌තත්‌තා සම්‌මුඛාවිනයො සයං සමථෙන වා අධිකරණෙන වා සමෙතබ්‌බො න හොති.
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
313. විවාදාධිකරණං…පෙ.… කිච්‌චාධිකරණෙන සම්‌මතීති එත්‌ථ ‘‘සුණාතු මෙ භන්‌තෙ …පෙ.… පඨමං සලාකං නික්‌ඛිපාමී’’ති එවං විවාදාධිකරණං කිච්‌චාධිකරණෙන සම්‌මතීති දට්‌ඨබ්‌බං.
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 19. සමථාධිකරණවාරො • 19. Samathādhikaraṇavāro
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
