| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
སམཐཱདྷིཀརཎཝཱརཀཐཱཝཎྞནཱ
Samathādhikaraṇavārakathāvaṇṇanā
༣༠༩-༣༡༠. སམཐཱ སམཐེཧི སམྨནྟཱིཏིཨཱདི པུཙྪཱ། སིཡཱ སམཐཱ སམཐེཧི སམྨནྟཱིཏིཨཱདི ཝིསྶཛྫནཾ། ཏཏྠ སམཐཱ སམཐེཧི སམྨནྟཱིཏི ཨེཏྠ སམྨནྟཱིཏི སམྤཛྫནྟི, ཨདྷིཀརཎཱ ཝཱ པན སམྨནྟི ཝཱུཔསམཾ གཙྪནྟི, ཏསྨཱ ཡེབྷུཡྻསིཀཱ སམྨུཁཱཝིནཡེན སམྨཏཱིཏི ཨེཏྠ སམྨུཁཱཝིནཡེན སདྡྷིཾ ཡེབྷུཡྻསིཀཱ སམྤཛྫཏི, ན སཏིཝིནཡཱདཱིཧི སདྡྷིཾ ཏེསཾ ཏསྶཱ ཨནུཔཀཱརཏྟཱཏི ཨེཝམཏྠོ དཊྛབྦོ།
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
༣༡༡. ‘‘སམྨུཁཱཝིནཡོ ཝིཝཱདཱདྷིཀརཎེན སམྨཏཱི’’ཏི པཱཋོ། ‘‘སམྨུཁཱཝིནཡོ ན ཀེནཙི སམྨཏཱི’’ཏི ཧི ཨཝསཱནེ ཝུཏྟཏྟཱ སམྨུཁཱཝིནཡོ སཡཾ སམཐེན ཝཱ ཨདྷིཀརཎེན ཝཱ སམེཏབྦོ ན ཧོཏི།
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
༣༡༣. ཝིཝཱདཱདྷིཀརཎཾ…པེ॰… ཀིཙྩཱདྷིཀརཎེན སམྨཏཱིཏི ཨེཏྠ ‘‘སུཎཱཏུ མེ བྷནྟེ …པེ॰… པཋམཾ སལཱཀཾ ནིཀྑིཔཱམཱི’’ཏི ཨེཝཾ ཝིཝཱདཱདྷིཀརཎཾ ཀིཙྩཱདྷིཀརཎེན སམྨཏཱིཏི དཊྛབྦཾ།
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡༩. སམཐཱདྷིཀརཎཝཱརོ • 19. Samathādhikaraṇavāro
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སཾསཊྛཝཱརཱདིཝཎྞནཱ • Saṃsaṭṭhavārādivaṇṇanā
