| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਸਮਥਾਧਿਕਰਣવਾਰਕਥਾવਣ੍ਣਨਾ
Samathādhikaraṇavārakathāvaṇṇanā
੩੦੯-੩੧੦. ਸਮਥਾ ਸਮਥੇਹਿ ਸਮ੍ਮਨ੍ਤੀਤਿਆਦਿ ਪੁਚ੍ਛਾ। ਸਿਯਾ ਸਮਥਾ ਸਮਥੇਹਿ ਸਮ੍ਮਨ੍ਤੀਤਿਆਦਿ વਿਸ੍ਸਜ੍ਜਨਂ। ਤਤ੍ਥ ਸਮਥਾ ਸਮਥੇਹਿ ਸਮ੍ਮਨ੍ਤੀਤਿ ਏਤ੍ਥ ਸਮ੍ਮਨ੍ਤੀਤਿ ਸਮ੍ਪਜ੍ਜਨ੍ਤਿ, ਅਧਿਕਰਣਾ વਾ ਪਨ ਸਮ੍ਮਨ੍ਤਿ વੂਪਸਮਂ ਗਚ੍ਛਨ੍ਤਿ, ਤਸ੍ਮਾ ਯੇਭੁਯ੍ਯਸਿਕਾ ਸਮ੍ਮੁਖਾવਿਨਯੇਨ ਸਮ੍ਮਤੀਤਿ ਏਤ੍ਥ ਸਮ੍ਮੁਖਾવਿਨਯੇਨ ਸਦ੍ਧਿਂ ਯੇਭੁਯ੍ਯਸਿਕਾ ਸਮ੍ਪਜ੍ਜਤਿ, ਨ ਸਤਿવਿਨਯਾਦੀਹਿ ਸਦ੍ਧਿਂ ਤੇਸਂ ਤਸ੍ਸਾ ਅਨੁਪਕਾਰਤ੍ਤਾਤਿ ਏવਮਤ੍ਥੋ ਦਟ੍ਠਬ੍ਬੋ।
309-310.Samathā samathehi sammantītiādi pucchā. Siyā samathā samathehi sammantītiādi vissajjanaṃ. Tattha samathā samathehi sammantīti ettha sammantīti sampajjanti, adhikaraṇā vā pana sammanti vūpasamaṃ gacchanti, tasmā yebhuyyasikā sammukhāvinayena sammatīti ettha sammukhāvinayena saddhiṃ yebhuyyasikā sampajjati, na sativinayādīhi saddhiṃ tesaṃ tassā anupakārattāti evamattho daṭṭhabbo.
੩੧੧. ‘‘ਸਮ੍ਮੁਖਾવਿਨਯੋ વਿવਾਦਾਧਿਕਰਣੇਨ ਸਮ੍ਮਤੀ’’ਤਿ ਪਾਠੋ। ‘‘ਸਮ੍ਮੁਖਾવਿਨਯੋ ਨ ਕੇਨਚਿ ਸਮ੍ਮਤੀ’’ਤਿ ਹਿ ਅવਸਾਨੇ વੁਤ੍ਤਤ੍ਤਾ ਸਮ੍ਮੁਖਾવਿਨਯੋ ਸਯਂ ਸਮਥੇਨ વਾ ਅਧਿਕਰਣੇਨ વਾ ਸਮੇਤਬ੍ਬੋ ਨ ਹੋਤਿ।
311. ‘‘Sammukhāvinayo vivādādhikaraṇena sammatī’’ti pāṭho. ‘‘Sammukhāvinayo na kenaci sammatī’’ti hi avasāne vuttattā sammukhāvinayo sayaṃ samathena vā adhikaraṇena vā sametabbo na hoti.
੩੧੩. વਿવਾਦਾਧਿਕਰਣਂ…ਪੇ॰… ਕਿਚ੍ਚਾਧਿਕਰਣੇਨ ਸਮ੍ਮਤੀਤਿ ਏਤ੍ਥ ‘‘ਸੁਣਾਤੁ ਮੇ ਭਨ੍ਤੇ …ਪੇ॰… ਪਠਮਂ ਸਲਾਕਂ ਨਿਕ੍ਖਿਪਾਮੀ’’ਤਿ ਏવਂ વਿવਾਦਾਧਿਕਰਣਂ ਕਿਚ੍ਚਾਧਿਕਰਣੇਨ ਸਮ੍ਮਤੀਤਿ ਦਟ੍ਠਬ੍ਬਂ।
313.Vivādādhikaraṇaṃ…pe… kiccādhikaraṇena sammatīti ettha ‘‘suṇātu me bhante …pe… paṭhamaṃ salākaṃ nikkhipāmī’’ti evaṃ vivādādhikaraṇaṃ kiccādhikaraṇena sammatīti daṭṭhabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧੯. ਸਮਥਾਧਿਕਰਣવਾਰੋ • 19. Samathādhikaraṇavāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਂਸਟ੍ਠવਾਰਾਦਿવਣ੍ਣਨਾ • Saṃsaṭṭhavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਂਸਟ੍ਠવਾਰਾਦਿવਣ੍ਣਨਾ • Saṃsaṭṭhavārādivaṇṇanā
