| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
১৯. সমথাধিকরণৰারো
19. Samathādhikaraṇavāro
৩০৯. সমথা সমথেহি সম্মন্তি? সমথা অধিকরণেহি সম্মন্তি? অধিকরণা সমথেহি সম্মন্তি? অধিকরণা অধিকরণেহি সম্মন্তি?
309. Samathā samathehi sammanti? Samathā adhikaraṇehi sammanti? Adhikaraṇā samathehi sammanti? Adhikaraṇā adhikaraṇehi sammanti?
সিযা সমথা সমথেহি সম্মন্তি, সিযা সমথা সমথেহি ন সম্মন্তি। সিযা সমথা অধিকরণেহি সম্মন্তি, সিযা সমথা অধিকরণেহি ন সম্মন্তি। সিযা অধিকরণা সমথেহি সম্মন্তি, সিযা অধিকরণা সমথেহি ন সম্মন্তি। সিযা অধিকরণা অধিকরণেহি সম্মন্তি, সিযা অধিকরণা অধিকরণেহি ন সম্মন্তি।
Siyā samathā samathehi sammanti, siyā samathā samathehi na sammanti. Siyā samathā adhikaraṇehi sammanti, siyā samathā adhikaraṇehi na sammanti. Siyā adhikaraṇā samathehi sammanti, siyā adhikaraṇā samathehi na sammanti. Siyā adhikaraṇā adhikaraṇehi sammanti, siyā adhikaraṇā adhikaraṇehi na sammanti.
৩১০. কথং সিযা সমথা সমথেহি সম্মন্তি, কথং সিযা সমথা সমথেহি ন সম্মন্তি? যেভুয্যসিকা সম্মুখাৰিনযেন সম্মতি; সতিৰিনযেন ন সম্মতি, অমূল়্হৰিনযেন ন সম্মতি, পটিঞ্ঞাতকরণেন ন সম্মতি, তস্সপাপিযসিকায ন সম্মতি, তিণৰত্থারকেন ন সম্মতি।
310. Kathaṃ siyā samathā samathehi sammanti, kathaṃ siyā samathā samathehi na sammanti? Yebhuyyasikā sammukhāvinayena sammati; sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati, tiṇavatthārakena na sammati.
সতিৰিনযো সম্মুখাৰিনযেন সম্মতি; অমূল়্হৰিনযেন ন সম্মতি, পটিঞ্ঞাতকরণেন ন সম্মাতি, তস্সপাপিযসিকায ন সম্মতি, তিণৰত্থারকেন ন সম্মতি, যেভুয্যসিকায ন সম্মতি।
Sativinayo sammukhāvinayena sammati; amūḷhavinayena na sammati, paṭiññātakaraṇena na sammāti, tassapāpiyasikāya na sammati, tiṇavatthārakena na sammati, yebhuyyasikāya na sammati.
অমূল়্হৰিনযো সম্মুখাৰিনযেন সম্মতি; পটিঞ্ঞাতকরণেন ন সম্মতি, তস্সপাপিযসিকায ন সম্মতি, তিণৰত্থারকেন ন সম্মতি, যেভুয্যসিকায ন সম্মতি, সতিৰিনযেন ন সম্মতি।
Amūḷhavinayo sammukhāvinayena sammati; paṭiññātakaraṇena na sammati, tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati.
পটিঞ্ঞাতকরণং সম্মুখাৰিনযেন সম্মতি; তস্সপাপিযসিকায ন সম্মতি, তিণৰত্থারকেন ন সম্মতি, যেভুয্যসিকায ন সম্মতি, সতিৰিনযেন ন সম্মতি, অমূল়্হৰিনযেন ন সম্মতি।
Paṭiññātakaraṇaṃ sammukhāvinayena sammati; tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati.
তস্সপাপিযসিকা সম্মুখাৰিনযেন সম্মতি; তিণৰত্থারকেন ন সম্মতি, যেভুয্যসিকায ন সম্মতি, সতিৰিনযেন ন সম্মতি, অমূল়্হৰিনযেন ন সম্মতি, পটিঞ্ঞাতকরণেন ন সম্মতি।
Tassapāpiyasikā sammukhāvinayena sammati; tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati.
তিণৰত্থারকো সম্মুখাৰিনযেন সম্মতি; যেভুয্যসিকায ন সম্মতি, সতিৰিনযেন ন সম্মতি, অমূল়্হৰিনযেন ন সম্মতি, পটিঞ্ঞাতকরণেন ন সম্মতি, তস্সপাপিযসিকায ন সম্মতি। এৰং সিযা সমথা সমথেহি সম্মন্তি। এৰং সিযা সমথা সমথেহি ন সম্মন্তি।
Tiṇavatthārako sammukhāvinayena sammati; yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati. Evaṃ siyā samathā samathehi sammanti. Evaṃ siyā samathā samathehi na sammanti.
৩১১. কথং সিযা সমথা অধিকরণেহি সম্মন্তি, কথং সিযা সমথা অধিকরণেহি ন সম্মন্তি? সম্মুখাৰিনযো ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
311. Kathaṃ siyā samathā adhikaraṇehi sammanti, kathaṃ siyā samathā adhikaraṇehi na sammanti? Sammukhāvinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
যেভুয্যসিকা ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Yebhuyyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
সতিৰিনযো ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Sativinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
অমূল়্হৰিনযো ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Amūḷhavinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
পটিঞ্ঞাতকরণং ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Paṭiññātakaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
তস্সপাপিযসিকা ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Tassapāpiyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
তিণৰত্থারকো ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি। এৰং সিযা সমথা অধিকরণেহি সম্মন্তি। এৰং সিযা সমথা অধিকরণেহি ন সম্মন্তি।
Tiṇavatthārako vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā samathā adhikaraṇehi sammanti. Evaṃ siyā samathā adhikaraṇehi na sammanti.
৩১২. কথং সিযা অধিকরণা সমথেহি সম্মন্তি, কথং সিযা অধিকরণা সমথেহি ন সম্মন্তি? ৰিৰাদাধিকরণং সম্মুখাৰিনযেন চ যেভুয্যসিকায চ সম্মতি; সতিৰিনযেন চ অমূল়্হৰিনযেন চ পটিঞ্ঞাতকরণেন চ তস্সপাপিযসিকায চ তিণৰত্থারকেন চ ন সম্মতি।
312. Kathaṃ siyā adhikaraṇā samathehi sammanti, kathaṃ siyā adhikaraṇā samathehi na sammanti? Vivādādhikaraṇaṃ sammukhāvinayena ca yebhuyyasikāya ca sammati; sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
অনুৰাদাধিকরণং সম্মুখাৰিনযেন চ সতিৰিনযেন চ অমূল়্হৰিনযেন চ তস্সপাপিযসিকায চ সম্মতি; যেভুয্যসিকায চ পটিঞ্ঞাতকরণেন চ তিণৰত্থারকেন চ ন সম্মতি।
Anuvādādhikaraṇaṃ sammukhāvinayena ca sativinayena ca amūḷhavinayena ca tassapāpiyasikāya ca sammati; yebhuyyasikāya ca paṭiññātakaraṇena ca tiṇavatthārakena ca na sammati.
আপত্তাধিকরণং সম্মুখাৰিনযেন চ পটিঞ্ঞাতকরণেন চ তিণৰত্থারকেন চ সম্মতি; যেভুয্যসিকায চ সতিৰিনযেন চ অমূল়্হৰিনযেন চ তস্সপাপিযসিকায চ ন সম্মতি।
Āpattādhikaraṇaṃ sammukhāvinayena ca paṭiññātakaraṇena ca tiṇavatthārakena ca sammati; yebhuyyasikāya ca sativinayena ca amūḷhavinayena ca tassapāpiyasikāya ca na sammati.
কিচ্চাধিকরণং সম্মুখাৰিনযেন সম্মতি ; যেভুয্যসিকায চ সতিৰিনযেন চ অমূল়্হৰিনযেন চ পটিঞ্ঞাতকরণেন চ তস্সপাপিযসিকায তিণৰত্থারকেন চ ন সম্মতি। এৰং সিযা অধিকরণা সমথেহি সম্মন্তি। এৰং সিযা অধিকরণা সমথেহি ন সম্মন্তি।
Kiccādhikaraṇaṃ sammukhāvinayena sammati ; yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya tiṇavatthārakena ca na sammati. Evaṃ siyā adhikaraṇā samathehi sammanti. Evaṃ siyā adhikaraṇā samathehi na sammanti.
৩১৩. কথং সিযা অধিকরণা অধিকরণেহি সম্মন্তি? কথং সিযা অধিকরণা অধিকরণেহি ন সম্মন্তি? ৰিৰাদাধিকরণং ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
313. Kathaṃ siyā adhikaraṇā adhikaraṇehi sammanti? Kathaṃ siyā adhikaraṇā adhikaraṇehi na sammanti? Vivādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
অনুৰাদাধিকরণং ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Anuvādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
আপত্তাধিকরণং ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি।
Āpattādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
কিচ্চাধিকরণং ৰিৰাদাধিকরণেন ন সম্মতি, অনুৰাদাধিকরণেন ন সম্মতি, আপত্তাধিকরণেন ন সম্মতি; কিচ্চাধিকরণেন সম্মতি। এৰং সিযা অধিকরণা অধিকরণেহি সম্মন্তি। এৰং সিযা অধিকরণা অধিকরণেহি ন সম্মন্তি।
Kiccādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā adhikaraṇā adhikaraṇehi sammanti. Evaṃ siyā adhikaraṇā adhikaraṇehi na sammanti.
ছাপি সমথা চত্তারোপি অধিকরণা সম্মুখাৰিনযেন সম্মন্তি; সম্মুখাৰিনযো ন কেনচি সম্মতি।
Chāpi samathā cattāropi adhikaraṇā sammukhāvinayena sammanti; sammukhāvinayo na kenaci sammati.
সমথাধিকরণৰারো নিট্ঠিতো একূনৰীসতিমো।
Samathādhikaraṇavāro niṭṭhito ekūnavīsatimo.
Related texts:
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সমথাধিকরণৰারকথাৰণ্ণনা • Samathādhikaraṇavārakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সংসট্ঠৰারাদিৰণ্ণনা • Saṃsaṭṭhavārādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সংসট্ঠৰারাদিৰণ্ণনা • Saṃsaṭṭhavārādivaṇṇanā
