| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
១៩. សមថាធិករណវារោ
19. Samathādhikaraṇavāro
៣០៩. សមថា សមថេហិ សម្មន្តិ? សមថា អធិករណេហិ សម្មន្តិ? អធិករណា សមថេហិ សម្មន្តិ? អធិករណា អធិករណេហិ សម្មន្តិ?
309. Samathā samathehi sammanti? Samathā adhikaraṇehi sammanti? Adhikaraṇā samathehi sammanti? Adhikaraṇā adhikaraṇehi sammanti?
សិយា សមថា សមថេហិ សម្មន្តិ, សិយា សមថា សមថេហិ ន សម្មន្តិ។ សិយា សមថា អធិករណេហិ សម្មន្តិ, សិយា សមថា អធិករណេហិ ន សម្មន្តិ។ សិយា អធិករណា សមថេហិ សម្មន្តិ, សិយា អធិករណា សមថេហិ ន សម្មន្តិ។ សិយា អធិករណា អធិករណេហិ សម្មន្តិ, សិយា អធិករណា អធិករណេហិ ន សម្មន្តិ។
Siyā samathā samathehi sammanti, siyā samathā samathehi na sammanti. Siyā samathā adhikaraṇehi sammanti, siyā samathā adhikaraṇehi na sammanti. Siyā adhikaraṇā samathehi sammanti, siyā adhikaraṇā samathehi na sammanti. Siyā adhikaraṇā adhikaraṇehi sammanti, siyā adhikaraṇā adhikaraṇehi na sammanti.
៣១០. កថំ សិយា សមថា សមថេហិ សម្មន្តិ, កថំ សិយា សមថា សមថេហិ ន សម្មន្តិ? យេភុយ្យសិកា សម្មុខាវិនយេន សម្មតិ; សតិវិនយេន ន សម្មតិ, អមូឡ្ហវិនយេន ន សម្មតិ, បដិញ្ញាតករណេន ន សម្មតិ, តស្សបាបិយសិកាយ ន សម្មតិ, តិណវត្ថារកេន ន សម្មតិ។
310. Kathaṃ siyā samathā samathehi sammanti, kathaṃ siyā samathā samathehi na sammanti? Yebhuyyasikā sammukhāvinayena sammati; sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati, tiṇavatthārakena na sammati.
សតិវិនយោ សម្មុខាវិនយេន សម្មតិ; អមូឡ្ហវិនយេន ន សម្មតិ, បដិញ្ញាតករណេន ន សម្មាតិ, តស្សបាបិយសិកាយ ន សម្មតិ, តិណវត្ថារកេន ន សម្មតិ, យេភុយ្យសិកាយ ន សម្មតិ។
Sativinayo sammukhāvinayena sammati; amūḷhavinayena na sammati, paṭiññātakaraṇena na sammāti, tassapāpiyasikāya na sammati, tiṇavatthārakena na sammati, yebhuyyasikāya na sammati.
អមូឡ្ហវិនយោ សម្មុខាវិនយេន សម្មតិ; បដិញ្ញាតករណេន ន សម្មតិ, តស្សបាបិយសិកាយ ន សម្មតិ, តិណវត្ថារកេន ន សម្មតិ, យេភុយ្យសិកាយ ន សម្មតិ, សតិវិនយេន ន សម្មតិ។
Amūḷhavinayo sammukhāvinayena sammati; paṭiññātakaraṇena na sammati, tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati.
បដិញ្ញាតករណំ សម្មុខាវិនយេន សម្មតិ; តស្សបាបិយសិកាយ ន សម្មតិ, តិណវត្ថារកេន ន សម្មតិ, យេភុយ្យសិកាយ ន សម្មតិ, សតិវិនយេន ន សម្មតិ, អមូឡ្ហវិនយេន ន សម្មតិ។
Paṭiññātakaraṇaṃ sammukhāvinayena sammati; tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati.
តស្សបាបិយសិកា សម្មុខាវិនយេន សម្មតិ; តិណវត្ថារកេន ន សម្មតិ, យេភុយ្យសិកាយ ន សម្មតិ, សតិវិនយេន ន សម្មតិ, អមូឡ្ហវិនយេន ន សម្មតិ, បដិញ្ញាតករណេន ន សម្មតិ។
Tassapāpiyasikā sammukhāvinayena sammati; tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati.
តិណវត្ថារកោ សម្មុខាវិនយេន សម្មតិ; យេភុយ្យសិកាយ ន សម្មតិ, សតិវិនយេន ន សម្មតិ, អមូឡ្ហវិនយេន ន សម្មតិ, បដិញ្ញាតករណេន ន សម្មតិ, តស្សបាបិយសិកាយ ន សម្មតិ។ ឯវំ សិយា សមថា សមថេហិ សម្មន្តិ។ ឯវំ សិយា សមថា សមថេហិ ន សម្មន្តិ។
Tiṇavatthārako sammukhāvinayena sammati; yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati. Evaṃ siyā samathā samathehi sammanti. Evaṃ siyā samathā samathehi na sammanti.
៣១១. កថំ សិយា សមថា អធិករណេហិ សម្មន្តិ, កថំ សិយា សមថា អធិករណេហិ ន សម្មន្តិ? សម្មុខាវិនយោ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
311. Kathaṃ siyā samathā adhikaraṇehi sammanti, kathaṃ siyā samathā adhikaraṇehi na sammanti? Sammukhāvinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
យេភុយ្យសិកា វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Yebhuyyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
សតិវិនយោ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Sativinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
អមូឡ្ហវិនយោ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Amūḷhavinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
បដិញ្ញាតករណំ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Paṭiññātakaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
តស្សបាបិយសិកា វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Tassapāpiyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
តិណវត្ថារកោ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។ ឯវំ សិយា សមថា អធិករណេហិ សម្មន្តិ។ ឯវំ សិយា សមថា អធិករណេហិ ន សម្មន្តិ។
Tiṇavatthārako vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā samathā adhikaraṇehi sammanti. Evaṃ siyā samathā adhikaraṇehi na sammanti.
៣១២. កថំ សិយា អធិករណា សមថេហិ សម្មន្តិ, កថំ សិយា អធិករណា សមថេហិ ន សម្មន្តិ? វិវាទាធិករណំ សម្មុខាវិនយេន ច យេភុយ្យសិកាយ ច សម្មតិ; សតិវិនយេន ច អមូឡ្ហវិនយេន ច បដិញ្ញាតករណេន ច តស្សបាបិយសិកាយ ច តិណវត្ថារកេន ច ន សម្មតិ។
312. Kathaṃ siyā adhikaraṇā samathehi sammanti, kathaṃ siyā adhikaraṇā samathehi na sammanti? Vivādādhikaraṇaṃ sammukhāvinayena ca yebhuyyasikāya ca sammati; sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
អនុវាទាធិករណំ សម្មុខាវិនយេន ច សតិវិនយេន ច អមូឡ្ហវិនយេន ច តស្សបាបិយសិកាយ ច សម្មតិ; យេភុយ្យសិកាយ ច បដិញ្ញាតករណេន ច តិណវត្ថារកេន ច ន សម្មតិ។
Anuvādādhikaraṇaṃ sammukhāvinayena ca sativinayena ca amūḷhavinayena ca tassapāpiyasikāya ca sammati; yebhuyyasikāya ca paṭiññātakaraṇena ca tiṇavatthārakena ca na sammati.
អាបត្តាធិករណំ សម្មុខាវិនយេន ច បដិញ្ញាតករណេន ច តិណវត្ថារកេន ច សម្មតិ; យេភុយ្យសិកាយ ច សតិវិនយេន ច អមូឡ្ហវិនយេន ច តស្សបាបិយសិកាយ ច ន សម្មតិ។
Āpattādhikaraṇaṃ sammukhāvinayena ca paṭiññātakaraṇena ca tiṇavatthārakena ca sammati; yebhuyyasikāya ca sativinayena ca amūḷhavinayena ca tassapāpiyasikāya ca na sammati.
កិច្ចាធិករណំ សម្មុខាវិនយេន សម្មតិ ; យេភុយ្យសិកាយ ច សតិវិនយេន ច អមូឡ្ហវិនយេន ច បដិញ្ញាតករណេន ច តស្សបាបិយសិកាយ តិណវត្ថារកេន ច ន សម្មតិ។ ឯវំ សិយា អធិករណា សមថេហិ សម្មន្តិ។ ឯវំ សិយា អធិករណា សមថេហិ ន សម្មន្តិ។
Kiccādhikaraṇaṃ sammukhāvinayena sammati ; yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya tiṇavatthārakena ca na sammati. Evaṃ siyā adhikaraṇā samathehi sammanti. Evaṃ siyā adhikaraṇā samathehi na sammanti.
៣១៣. កថំ សិយា អធិករណា អធិករណេហិ សម្មន្តិ? កថំ សិយា អធិករណា អធិករណេហិ ន សម្មន្តិ? វិវាទាធិករណំ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
313. Kathaṃ siyā adhikaraṇā adhikaraṇehi sammanti? Kathaṃ siyā adhikaraṇā adhikaraṇehi na sammanti? Vivādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
អនុវាទាធិករណំ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Anuvādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
អាបត្តាធិករណំ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។
Āpattādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
កិច្ចាធិករណំ វិវាទាធិករណេន ន សម្មតិ, អនុវាទាធិករណេន ន សម្មតិ, អាបត្តាធិករណេន ន សម្មតិ; កិច្ចាធិករណេន សម្មតិ។ ឯវំ សិយា អធិករណា អធិករណេហិ សម្មន្តិ។ ឯវំ សិយា អធិករណា អធិករណេហិ ន សម្មន្តិ។
Kiccādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā adhikaraṇā adhikaraṇehi sammanti. Evaṃ siyā adhikaraṇā adhikaraṇehi na sammanti.
ឆាបិ សមថា ចត្តារោបិ អធិករណា សម្មុខាវិនយេន សម្មន្តិ; សម្មុខាវិនយោ ន កេនចិ សម្មតិ។
Chāpi samathā cattāropi adhikaraṇā sammukhāvinayena sammanti; sammukhāvinayo na kenaci sammati.
សមថាធិករណវារោ និដ្ឋិតោ ឯកូនវីសតិមោ។
Samathādhikaraṇavāro niṭṭhito ekūnavīsatimo.
Related texts:
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សមថាធិករណវារកថាវណ្ណនា • Samathādhikaraṇavārakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សំសដ្ឋវារាទិវណ្ណនា • Saṃsaṭṭhavārādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / សំសដ្ឋវារាទិវណ្ណនា • Saṃsaṭṭhavārādivaṇṇanā
