| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၁၉. သမထာဓိကရဏဝာရော
19. Samathādhikaraṇavāro
၃၀၉. သမထာ သမထေဟိ သမ္မန္တိ? သမထာ အဓိကရဏေဟိ သမ္မန္တိ? အဓိကရဏာ သမထေဟိ သမ္မန္တိ? အဓိကရဏာ အဓိကရဏေဟိ သမ္မန္တိ?
309. Samathā samathehi sammanti? Samathā adhikaraṇehi sammanti? Adhikaraṇā samathehi sammanti? Adhikaraṇā adhikaraṇehi sammanti?
သိယာ သမထာ သမထေဟိ သမ္မန္တိ, သိယာ သမထာ သမထေဟိ န သမ္မန္တိ။ သိယာ သမထာ အဓိကရဏေဟိ သမ္မန္တိ, သိယာ သမထာ အဓိကရဏေဟိ န သမ္မန္တိ။ သိယာ အဓိကရဏာ သမထေဟိ သမ္မန္တိ, သိယာ အဓိကရဏာ သမထေဟိ န သမ္မန္တိ။ သိယာ အဓိကရဏာ အဓိကရဏေဟိ သမ္မန္တိ, သိယာ အဓိကရဏာ အဓိကရဏေဟိ န သမ္မန္တိ။
Siyā samathā samathehi sammanti, siyā samathā samathehi na sammanti. Siyā samathā adhikaraṇehi sammanti, siyā samathā adhikaraṇehi na sammanti. Siyā adhikaraṇā samathehi sammanti, siyā adhikaraṇā samathehi na sammanti. Siyā adhikaraṇā adhikaraṇehi sammanti, siyā adhikaraṇā adhikaraṇehi na sammanti.
၃၁၀. ကထံ သိယာ သမထာ သမထေဟိ သမ္မန္တိ, ကထံ သိယာ သမထာ သမထေဟိ န သမ္မန္တိ? ယေဘုယ္ယသိကာ သမ္မုခာဝိနယေန သမ္မတိ; သတိဝိနယေန န သမ္မတိ, အမူဠ္ဟဝိနယေန န သမ္မတိ, ပဋိညာတကရဏေန န သမ္မတိ, တသ္သပာပိယသိကာယ န သမ္မတိ, တိဏဝတ္ထာရကေန န သမ္မတိ။
310. Kathaṃ siyā samathā samathehi sammanti, kathaṃ siyā samathā samathehi na sammanti? Yebhuyyasikā sammukhāvinayena sammati; sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati, tiṇavatthārakena na sammati.
သတိဝိနယော သမ္မုခာဝိနယေန သမ္မတိ; အမူဠ္ဟဝိနယေန န သမ္မတိ, ပဋိညာတကရဏေန န သမ္မာတိ, တသ္သပာပိယသိကာယ န သမ္မတိ, တိဏဝတ္ထာရကေန န သမ္မတိ, ယေဘုယ္ယသိကာယ န သမ္မတိ။
Sativinayo sammukhāvinayena sammati; amūḷhavinayena na sammati, paṭiññātakaraṇena na sammāti, tassapāpiyasikāya na sammati, tiṇavatthārakena na sammati, yebhuyyasikāya na sammati.
အမူဠ္ဟဝိနယော သမ္မုခာဝိနယေန သမ္မတိ; ပဋိညာတကရဏေန န သမ္မတိ, တသ္သပာပိယသိကာယ န သမ္မတိ, တိဏဝတ္ထာရကေန န သမ္မတိ, ယေဘုယ္ယသိကာယ န သမ္မတိ, သတိဝိနယေန န သမ္မတိ။
Amūḷhavinayo sammukhāvinayena sammati; paṭiññātakaraṇena na sammati, tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati.
ပဋိညာတကရဏံ သမ္မုခာဝိနယေန သမ္မတိ; တသ္သပာပိယသိကာယ န သမ္မတိ, တိဏဝတ္ထာရကေန န သမ္မတိ, ယေဘုယ္ယသိကာယ န သမ္မတိ, သတိဝိနယေန န သမ္မတိ, အမူဠ္ဟဝိနယေန န သမ္မတိ။
Paṭiññātakaraṇaṃ sammukhāvinayena sammati; tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati.
တသ္သပာပိယသိကာ သမ္မုခာဝိနယေန သမ္မတိ; တိဏဝတ္ထာရကေန န သမ္မတိ, ယေဘုယ္ယသိကာယ န သမ္မတိ, သတိဝိနယေန န သမ္မတိ, အမူဠ္ဟဝိနယေန န သမ္မတိ, ပဋိညာတကရဏေန န သမ္မတိ။
Tassapāpiyasikā sammukhāvinayena sammati; tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati.
တိဏဝတ္ထာရကော သမ္မုခာဝိနယေန သမ္မတိ; ယေဘုယ္ယသိကာယ န သမ္မတိ, သတိဝိနယေန န သမ္မတိ, အမူဠ္ဟဝိနယေန န သမ္မတိ, ပဋိညာတကရဏေန န သမ္မတိ, တသ္သပာပိယသိကာယ န သမ္မတိ။ ဧဝံ သိယာ သမထာ သမထေဟိ သမ္မန္တိ။ ဧဝံ သိယာ သမထာ သမထေဟိ န သမ္မန္တိ။
Tiṇavatthārako sammukhāvinayena sammati; yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati. Evaṃ siyā samathā samathehi sammanti. Evaṃ siyā samathā samathehi na sammanti.
၃၁၁. ကထံ သိယာ သမထာ အဓိကရဏေဟိ သမ္မန္တိ, ကထံ သိယာ သမထာ အဓိကရဏေဟိ န သမ္မန္တိ? သမ္မုခာဝိနယော ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
311. Kathaṃ siyā samathā adhikaraṇehi sammanti, kathaṃ siyā samathā adhikaraṇehi na sammanti? Sammukhāvinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ယေဘုယ္ယသိကာ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Yebhuyyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
သတိဝိနယော ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Sativinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
အမူဠ္ဟဝိနယော ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Amūḷhavinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ပဋိညာတကရဏံ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Paṭiññātakaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
တသ္သပာပိယသိကာ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Tassapāpiyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
တိဏဝတ္ထာရကော ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။ ဧဝံ သိယာ သမထာ အဓိကရဏေဟိ သမ္မန္တိ။ ဧဝံ သိယာ သမထာ အဓိကရဏေဟိ န သမ္မန္တိ။
Tiṇavatthārako vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā samathā adhikaraṇehi sammanti. Evaṃ siyā samathā adhikaraṇehi na sammanti.
၃၁၂. ကထံ သိယာ အဓိကရဏာ သမထေဟိ သမ္မန္တိ, ကထံ သိယာ အဓိကရဏာ သမထေဟိ န သမ္မန္တိ? ဝိဝာဒာဓိကရဏံ သမ္မုခာဝိနယေန စ ယေဘုယ္ယသိကာယ စ သမ္မတိ; သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ စ တိဏဝတ္ထာရကေန စ န သမ္မတိ။
312. Kathaṃ siyā adhikaraṇā samathehi sammanti, kathaṃ siyā adhikaraṇā samathehi na sammanti? Vivādādhikaraṇaṃ sammukhāvinayena ca yebhuyyasikāya ca sammati; sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
အနုဝာဒာဓိကရဏံ သမ္မုခာဝိနယေန စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ သမ္မတိ; ယေဘုယ္ယသိကာယ စ ပဋိညာတကရဏေန စ တိဏဝတ္ထာရကေန စ န သမ္မတိ။
Anuvādādhikaraṇaṃ sammukhāvinayena ca sativinayena ca amūḷhavinayena ca tassapāpiyasikāya ca sammati; yebhuyyasikāya ca paṭiññātakaraṇena ca tiṇavatthārakena ca na sammati.
အာပတ္တာဓိကရဏံ သမ္မုခာဝိနယေန စ ပဋိညာတကရဏေန စ တိဏဝတ္ထာရကေန စ သမ္မတိ; ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ တသ္သပာပိယသိကာယ စ န သမ္မတိ။
Āpattādhikaraṇaṃ sammukhāvinayena ca paṭiññātakaraṇena ca tiṇavatthārakena ca sammati; yebhuyyasikāya ca sativinayena ca amūḷhavinayena ca tassapāpiyasikāya ca na sammati.
ကိစ္စာဓိကရဏံ သမ္မုခာဝိနယေန သမ္မတိ ; ယေဘုယ္ယသိကာယ စ သတိဝိနယေန စ အမူဠ္ဟဝိနယေန စ ပဋိညာတကရဏေန စ တသ္သပာပိယသိကာယ တိဏဝတ္ထာရကေန စ န သမ္မတိ။ ဧဝံ သိယာ အဓိကရဏာ သမထေဟိ သမ္မန္တိ။ ဧဝံ သိယာ အဓိကရဏာ သမထေဟိ န သမ္မန္တိ။
Kiccādhikaraṇaṃ sammukhāvinayena sammati ; yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya tiṇavatthārakena ca na sammati. Evaṃ siyā adhikaraṇā samathehi sammanti. Evaṃ siyā adhikaraṇā samathehi na sammanti.
၃၁၃. ကထံ သိယာ အဓိကရဏာ အဓိကရဏေဟိ သမ္မန္တိ? ကထံ သိယာ အဓိကရဏာ အဓိကရဏေဟိ န သမ္မန္တိ? ဝိဝာဒာဓိကရဏံ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
313. Kathaṃ siyā adhikaraṇā adhikaraṇehi sammanti? Kathaṃ siyā adhikaraṇā adhikaraṇehi na sammanti? Vivādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
အနုဝာဒာဓိကရဏံ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Anuvādādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
အာပတ္တာဓိကရဏံ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။
Āpattādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati.
ကိစ္စာဓိကရဏံ ဝိဝာဒာဓိကရဏေန န သမ္မတိ, အနုဝာဒာဓိကရဏေန န သမ္မတိ, အာပတ္တာဓိကရဏေန န သမ္မတိ; ကိစ္စာဓိကရဏေန သမ္မတိ။ ဧဝံ သိယာ အဓိကရဏာ အဓိကရဏေဟိ သမ္မန္တိ။ ဧဝံ သိယာ အဓိကရဏာ အဓိကရဏေဟိ န သမ္မန္တိ။
Kiccādhikaraṇaṃ vivādādhikaraṇena na sammati, anuvādādhikaraṇena na sammati, āpattādhikaraṇena na sammati; kiccādhikaraṇena sammati. Evaṃ siyā adhikaraṇā adhikaraṇehi sammanti. Evaṃ siyā adhikaraṇā adhikaraṇehi na sammanti.
ဆာပိ သမထာ စတ္တာရောပိ အဓိကရဏာ သမ္မုခာဝိနယေန သမ္မန္တိ; သမ္မုခာဝိနယော န ကေနစိ သမ္မတိ။
Chāpi samathā cattāropi adhikaraṇā sammukhāvinayena sammanti; sammukhāvinayo na kenaci sammati.
သမထာဓိကရဏဝာရော နိဋ္ဌိတော ဧကူနဝီသတိမော။
Samathādhikaraṇavāro niṭṭhito ekūnavīsatimo.
Related texts:
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သမထာဓိကရဏဝာရကထာဝဏ္ဏနာ • Samathādhikaraṇavārakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သံသဋ္ဌဝာရာဒိဝဏ္ဏနာ • Saṃsaṭṭhavārādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သံသဋ္ဌဝာရာဒိဝဏ္ဏနာ • Saṃsaṭṭhavārādivaṇṇanā
